Термизда чанг бўрони кучсизланган

Термиз шаҳрида кузатилган қисқа муддатли чанг-бўрони 17:00 ҳолатига кўра кучсизланган.

Ҳозирда Термиз шаҳри атмосферасида PM2.5 миқдори 49.7 мкг/м3 (миллий меъёрдан 60 мкг/м3), PM10 эса 213.7 мкг/м3 (меъёр 300 мкг/м3) ни ташкил қилади.

Одатда, ёғингарчилик олдидан бу каби қисқа муддатли чанг кириб келиши кузатилади.

Telegram I Facebook I YouTube I Instagram

Термизда 23 ёшли талаба қиз янги туғилган чақалоғини 1500 долларга сотмоқчи бўлди

Сурхондарё вилоятининг Термиз туманида янги туғилган чақалоқни сотишга уриниш ҳолати аниқланди.

Маълум қилинишича, 23 ёшли талаба қиз ўзининг янги туғилган ўғлини 1,5 минг доллар эвазига сотмоқчи бўлган. Қайд этилишича, у бу маблағни контрактини тўлаш ишлатмоқчи бўлган.

Ҳуқуқни муҳофаза қилувчи органлар томонидан мазкур ҳолат ўз вақтида бартараф этилган.

Telegram I Facebook I YouTube I Instagram

Эрон АҚШнинг Дубайдаги ҳарбий омборига зарба берди

Эрон ҳарбий қўмондонлиги Дубайда жойлашган ҳарбий омборга зарба берилганини маълум қилди.

Марказий қўмондонлик штаби “Хотам ал-Анбиё” расмий вакили Иброҳим Золфағорийнинг айтишича, мазкур объект АҚШ армиясига кўмак бериш мақсадида фаолият юритган ва у ерда дронларга қарши кураш тизимлари сақланган.

“Дубайда жойлашган, АҚШ армиясига ёрдам кўрсатиш мақсадида фаолият юритган ва Украина билан боғлиқ бўлган дронларга қарши кураш тизимлари омбори ҳаво-коcмик ҳамда денгиз кучлари томонидан амалга оширилган қўшма операция натижасида йўқ қилинди”, — дейилади баёнотда.

Telegram I Facebook I YouTube I Instagram

Японияда чақалоқ нега йиғлаётганини аниқлайдиган AI илова яратилди

Японияда сунъий интеллект асосида ишловчи Awababy иловаси ишлаб чиқилди. У ота-оналарга чақалоқ нега йиғлаётганини тушунишга ёрдам беради.

Маълум қилинишича, илова тахминан 150 мингта аудиоёзувлар асосида ўқитилган. Алгоритм товушнинг баландлиги, тембри ва давомийлигини таҳлил қилиб, йиғининг сабабини аниқлайди.

Илова 11 хил ҳолат ва эҳтиёжни таниб олади. Улар қаторида очлик, уйқучанлик, ноқулайлик, ёлғизлик, ҳарорат ўзгариши, қорин оғриғи ва эътиборга эҳтиёж кабилар бор.

Шунингдек, фойдаланувчилар турли ҳолатларда болани қандай тинчлантиргани ҳақида тажриба алмашиши мумкин. Бу эса умумий тавсиялар базасини шакллантиришга хизмат қилади.

Маълум қилинишича, 20 апрелдан бошлаб Япониянинг Мисима шаҳрида икки ёшгача боласи бор оилалар учун илованинг премиум версияси бепул тақдим этилади.

Telegram I Facebook I YouTube I Instagram

Бен Кингсли иштирок этган фильм New York Festivals 2026 финалига чиқди

Ўзбекистондаги Ислом цивилизацияси маркази томонидан амалга оширилган «Маърифат акс-садоси» ҳужжатли фильмлар серияси жаҳон кино саноатидаги нуфузли мукофотлардан бири — New York Festivals TV & Film Awards 2026 танловининг финал босқичига чиқди.

👉 https://effect.uz/n/105

Telegram I Facebook I YouTube I Instagram

Сўх тажрибаси: халқ ва давлат бирлашса натижа бўлади

Сўнгги йилларда Ўзбекистонда амалга оширилаётган ислоҳотлар нафақат марказда, балки чекка ҳудудларда ҳам ўз самарасини бермоқда. Фарғона вилоятининг анклав ҳудуди — Сўх туманидаги ўзгаришлар бунинг яққол мисоли бўлди.

Фарғона вилояти кенгаши депутати Субхонали Нишонов бошчилигида амалга оширилган ташаббус доирасида аҳолини тоза ичимлик суви билан таъминлаш бўйича изчил ишлар олиб борилди.

Натижада, қисқа муддат — беш ой давомида 7 минг нафарга яқин аҳоли тоза ичимлик суви билан таъминланди. Бу фақат рақам эмас, балки ҳаёт сифати ошгани ва инсон қадрига амалий эътибор қаратилганини англатади.

Мутахассислар таъкидлашича, Сўх тажрибаси муҳим бир ҳақиқатни кўрсатди:
давлат тизими халқ иштирок этганда самарали ишлайди.

👉 https://effect.uz/n/106

Telegram I Facebook I YouTube I Instagram

Журналист Карим Баҳриев вафот этди

Таниқли журналист, публицист ва таржимон Карим Баҳриев оғир инсультдан сўнг ҳаётдан кўз юмди.

Маълум қилинишича, у ўтган ҳафтада ўткир геморрагик инсульт (мияга қон қуйилиши) билан Тошкент шаҳар 1-сонли клиник шифохонасига ётқизилган. Шифокорлар томонидан барча зарур муолажалар кўрсатилганига қарамай, у жонлантириш бўлимида ҳаётдан кўз юмди.

Карим Баҳриев ўз фаолияти давомида журналистика, публицистика ва таржимонлик соҳаларида самарали меҳнат қилди. Унинг чиқишлари ва фикрлари жамоатчилик орасида кенг муҳокама қилинган. У ўзининг қуйидаги фикри билан ҳам кўпчиликка яхши таниш эди:

«Мансабдор сарфлаган ҳар бир тийин — халқ пули. Давлатнинг вазифаси уни шаффоф ва адолатли тақсимлашдир».

Марҳумнинг вафоти муносабати билан унинг яқинларига ва ҳамкасбларига таъзия билдирилади.

Telegram I Facebook I YouTube I Instagram

Қўшкўпирдаги ер можароси: судда саволлар очиқ қолмоқда!

Урганч шаҳар туманлараро иқтисодий судида “Ибрагим балиқчи” фермер хўжалигига оид иш кўриб чиқилди. Суд жараёнида даъво аризасида келтирилган айрим асослар баҳсли экани аниқланди.

Фермер ва ҳокимлик вакили билан бўлиб ўтган суҳбатда қатор саволлар ҳали ҳам очиқ қолди: пахта режасининг 64,8% бажарилиши ерни бекор қилиш учун етарли асосми? “Қўпол бузилиш” тушунчаси аниқ нимани англатади?

Шунингдек, 102 кв.м қурилма учун 126 гектар ерни тортиб олиш қанчалик мутаносиблиги ҳам муҳокама марказида бўлди. Айрим ҳолатларда даъво аризасида келтирилган асослар тўлиқ исботланмагани таъкидланди.

📌 Кейинги суд мажлиси 31 март куни соат 15:00 га тайинланди. Саволлар ҳали ҳам очиқ.

👉ТЎЛИҚ ВИДЕО

Telegram I Facebook I YouTube I Instagram

Трамп Эрон нефтини назоратга олиш режаси борлигини маълум қилди

АҚШ президенти Дональд Трамп Эрон нефтини Венесуэладаги сценарий асосида назоратга олишни исташини билдирди.

“Ростини айтсам, мен Эрон нефтини назоратга олишни истардим. Лекин айримлар “бу нима учун керак?” дейишмоқда. Улар нотўғри фикрда”, — деди Трамп Financial Times нашрига берган интервьюсида.

Нашр маълумотларига кўра, Трамп бу режани АҚШ Венесуэлада амалга оширган ҳаракатлар билан таққослаган. У ерда Вашингтон муайян муддат нефть соҳасини назорат қилишни кўзлагани айтилган.

Шунингдек, Трамп АҚШ Эроннинг асосий нефть экспорт маркази ҳисобланган Харк оролини эгаллаб олиш имкониятини ҳам истисно қилмаган.

Маълумот учун, АҚШ ва Исроилнинг Эронга қарши ҳарбий операцияси бир ойдан бери давом этмоқда. Бу вақт давомида томонлар ўзаро зарбалар алмашмоқда.

Можаронинг кескинлашуви натижасида Ормуз бўғози орқали денгиз ташувлари деярли тўхтаб қолган.

Telegram I Facebook I YouTube I Instagram

Тиббиёт ходимлари учун имтиёзли ипотека жорий этилиши таклиф қилинди

Ўзбекистонда тиббиёт ва фармацевтика соҳаси ходимларини қўллаб-қувватлаш мақсадида янги ипотека механизми таклиф этилди.

Ҳужжат лойиҳасига кўра, 15 йиллик иш стажига эга бўлган ходимларга уй-жой хариди учун ипотека расмийлаштиришда 25 фоизлик дастлабки бадал давлат томонидан қоплаб берилади.

Шунингдек, квота доирасида 125 нафар фуқаро рандом танлов асосида саралаб олиниши назарда тутилган.

Мазкур тартиб Соғлиқни сақлаш вазирлиги томонидан эълон қилинган ҳужжат лойиҳасида акс этган.

Telegram I Facebook I YouTube I Instagram

Эрон АҚШнинг 500 миллион турадиган самолётини йўқ қилди

Эрон томони Саудия Арабистонида жойлашган “Шаҳзода Султон” авиабазасига берилган зарба натижасида АҚШга тегишли E-3 Sentry AWACS самолёти йўқ қилинганини маълум қилди.

Ислом инқилоби қўриқчилари корпуси (ИИҚК) баёнотига кўра, ҳаво-космик кучлар томонидан амалга оширилган ҳужумда узоқ масофали радиолокацион кузатув ва бошқарув тизимига эга бўлган ушбу самолёт нишонга олинган.

Маълумотларга кўра, Boeing E-3 Sentry AWACS самолёти “учувчи радар” сифатида танилган бўлиб, у ҳаво маконидаги нишонларни аниқлаш ва назорат қилиш вазифасини бажаради.

Military Watch Magazine нашри таъкидлашича, бундай самолётнинг қиймати 500 миллион доллардан ортиқ бўлиб, унинг ўрнини босиш анча мураккаб жараён ҳисобланади.

Telegram I Facebook I YouTube I Instagram

Туркия курдларни огоҳлантирди

Туркия АҚШ, Ироқ ва курд тузилмаларини огоҳлантириб, агар улар Эронга қарши операцияларда иштирок этса, ҳарбий чоралар кўришини маълум қилди. Бу ҳақда “Türkiye” газетаси ёзди.

Маълум қилинишича, Исроил Курдистон ишчилар партияси (PKK) ва унинг Эрон бўлинмаларини жанговар ҳаракатларга жалб этмоқчи бўлган. Алоқалар “Моссад” орқали олиб борилган.

Эрдўған бу масалани Трамп билан суҳбатда ҳам муҳокама қилиб, курд кучларини урушда қўллашга кескин қарши чиққан. Курд томонига эса, иштирок этса, зарба берилиши очиқ айтилган.

Жараёнга Туркия Ташқи ишлар вазирлиги (TIV) ва разведка ҳам жалб этилган. Ҳатто Абдулла Ўжалон ҳам курдларни можарога аралашмасликка чақирган.

Telegram I Facebook I YouTube I Instagram

Наманганда мактаб ўқувчиси зўрлангани айтилмоқда

Ижтимоий тармоқларда Наманган вилоятининг Янгиқўрғон туманида 6-синф ўқувчисига нисбатан оғир жиноят содир этилгани ҳақида хабарлар тарқалди.

Мазкур ҳолат юзасидан Жиноят кодексининг 119-моддаси билан жиноят иши қўзғатилган.

Ҳозирда тергов ҳаракатлари олиб борилмоқда.

Telegram I Facebook I YouTube I Instagram

Пропан нархини асоссиз равишда оширган 31 та корхона жаримага тортилди

Рақобат қўмитаси томонидан кўрилган тезкор чоралар натижасида пропан нархи 21 фоизгача арзонлашган.

👉 https://effect.uz/n/107

Telegram I Facebook I YouTube I Instagram

Наманганда 6-синф ўқувчисини зўрлаган 53 ёшли ўқитувчи ҳибсга олинди

Ушбу ҳолат Болалар омбудсмани томонидан назоратга олинди.

👉 https://effect.uz/n/108

Telegram I Facebook I YouTube I Instagram

Тошкентда 8 та автомобил иштирокида йўл транспорт ҳодисаси

28-март куни Чилонзор туманидаги “Эшонгузар” бозори яқинида автотуристик стоянкага кирayotgan 8 та автомобил тўқнашди: 2 та Spark, 3 та Cobalt, 1 та BYD, 1 та Matiz ва 1 та Lacetti.

Тўқнашув натижасида фақат “Cobalt” автомобили йўловчиси тиббий ёрдам олди. Ҳозирда тергов-суриштирув ишлари олиб борилмоқда.

Дастлабки маълумотларга кўра, аварияга ҳайдовчиларнинг хавфсиз масофани сақламаслиги сабаб бўлган.

Telegram I Facebook I YouTube I Instagram

⚡️“Судьяларга босим йўқ, лекин тизимда камчиликлар бор” — Олий суд раиси ўринбосари Алишер Усмонов Бухородаги қабулда муҳим баёнот берди

Бухоро вилоятида Олий суд раисининг биринчи ўринбосари Алишер Усманов бошчилигида суд-ҳуқуқ масалалари юзасидан сайёр қабул бўлиб ўтди.

Қабул давомида фуқароларнинг суд қарорлари, мурожаатлари ҳамда ҳуқуқий масалалари тингланиб, уларга тегишли ҳуқуқий тушунтиришлар берилди. Шунингдек, келиб тушган мурожаатлар асосида муаммоларни жойида ҳал этиш, қонун устуворлигини таъминлаш ва суд тизимига бўлган ишончни мустаҳкамлашга қаратилган чоралар кўрилди.

Маълум қилинишича, бундай сайёр қабуллар фуқаролар билан очиқ мулоқотни таъминлаш ва тизимдаги камчиликларни аниқлашда муҳим аҳамият касб этади.

Қабул доирасида суд тизимидаги долзарб масалалар ҳам кўтарилди. Хусусан, судьяларга босим масаласига ҳам тўхталиб ўтилди. Алишер Усмановнинг таъкидлашича, айни пайтда судьяларга иш кўриш жараёнида турли босимлар деярли мавжуд эмас, бироқ тизимда айрим камчиликлар ҳали ҳам сақланиб қолмоқда.

Telegram I Facebook I YouTube I Instagram

АҚШ ва Исроил Эронга гуманитар ёрдам олиб кетаётган самолётга ҳужум қилди

АҚШ ва Исроил томонидан гуманитар ёрдам олиб келаётган фуқаро самолётига ҳужум уюштирилди. Бу ҳақда Эрон фуқаро авиацияси ташкилоти маълум қилди.

Ташкилот баёнотида айтилишича, мазкур самолёт Эроннинг Машҳад шаҳри аэропортига қўнган бўлиб, унинг бортида бир нечта давлатлар томонидан юборилган дори-дармонлар ва тиббий жиҳозлар бўлган.

“АҚШ ва Исроилнинг эронлик фуқаро самолётига қилган ҳужумини кескин қоралаймиз”, — дейилади баёнотда.

Эрон авиақатнов идоралари халқаро ташкилотларни ушбу ҳолат юзасидан текширув ўтказишга чақирди.

Telegram I Facebook I YouTube I Instagram