Фарғонада оғуфуруш эр-хотин қўлга олинди

“Хавфсиз ва соғлом юрт” тезкор-профилактик тадбирлари давомида трансмиллий жиноий уюшма аъзолари томонидан Республика ҳудудида тарқатилаётган гиёҳвандлик моддалари тўхтатиб қолинди.

Telegram I Facebook I YouTube I Instagram

АҚШ вице-президенти ва Нетаньяху ўртасида Эрон масаласида зиддият юзага келди

Вэнс можарони музокаралар орқали якунлаш тарафдори бўлса, Нетаньяху Эрондаги амалдаги режимни тўлиқ йўқ қилиш ғоясини илгари сурмоқда.

https://effect.uz/n/104

Telegram I Facebook I YouTube I Instagram

Фаластинлик аёл оёқ ости қилинди

Туркиянинг “Yeni Şafak” нашри Исроил армияси вакили кўзи боғлиқ ҳолдаги фаластинлик аёлни таҳқирлаб, қийноққа солаётган видеолавҳани эълон қилди.

Видеолавҳада Исроил харбий кийимини кийган аёл кўз боғлиқ ҳолда ётган аёлни оёқ ости қилиб, тепиб қийноққа солаётганини кўриш мумкин.

“Дунё эса ҳар доимгидек бунга ҳам сукут сақлайди”, дейилади видео изоҳида.

Дарҳақиқат, халқаро ташкилотлар ва жамоатчилик бундай ҳолатларни текшириб, қийноқ қилаётганларга кескин чоралар кўриши керак.

Видео қачон ва қаерда олингани ҳозирча номаълум.

Telegram I Facebook I YouTube I Instagram

Эронга алоқадор хакерлар АҚШ ФҚБ раҳбарининг электрон почтасини бузиб кирди — Reuters

Эрон билан боғлиқ “Handala” хакерлик гуруҳи ФҚБ раҳбари Кэш Пателга тегишли электрон почтани бузиб кирди ҳамда унинг бир қатор шахсий суратларини эълон қилди. Бу ҳақда Reuters агентлиги хабар бермоқда.

АҚШ Адлия вазирлиги Пателнинг электрон почтаси бузиб кирилганини тасдиқлади.

Шундан сўнг, АҚШ ФҚБ раҳбарининг электрон почтасини бузиб кирган хакерлар ҳақида маълумот учун 10 млн доллар мукофот эълон қилди.

“Эронга алоқадор зарарли кибержиноятчилар ҳақида маълумотга эга бўлсангиз, биз билан боғланинг ва ҳар қандай маълумотни – исмлар, шахсга оид маълумотлар ҳамда уларнинг жойлашуви ҳақида хабар беринг”, - дейилади АҚШ Давлат департаменти эълонида.

Экспертларнинг фикрича, “Handala” номи остида Эрон ҳукуматининг киберразведка бўлинмалари фаолият юритади.

Telegram I Facebook I YouTube I Instagram

Яман урушга қўшилишга тайёр эканлигини маълум қилди

Ямандаги “Ансор Аллоҳ” ҳаракати етакчиси Абдулмалик ал-Ҳусий минтақадаги вазият кескинлашган тақдирда ҳарбий ҳаракатларга зудлик билан қўшилишга тайёр эканини маълум қилди.

Унинг таъкидлашича, ҳаракат кучлари тўлиқ жанговар ҳолатга келтирилган ва вазият талаб қилса, ҳеч қандай қўшимча чақириқсиз аралашув амалга оширилади.

“Можаро ривожланиб, ҳарбий жавобни талаб этса, биз дарҳол аралашамиз”, — дея баёнот берди ал-Ҳусий.

Мутахассислар фикрича, ҳусийларнинг эҳтимолий аралашуви Яқин Шарқдаги кучлар мувозанатига жиддий таъсир кўрсатиши мумкин. Айниқса, Боб-ул-Мандаб бўғози орқали ўтувчи халқаро савдо йўллари хавф остида қолиши мумкин.

Таҳлилчилар бу ҳолат Саудия Арабистони ва Миср каби давлатларни ҳам можарога тортиб кетиши эҳтимолини истисно этмайди.

Telegram I Facebook I YouTube I Instagram

Доллар купюраларига Трамп имзоси туширилади

АҚШда кутилмаган қарор эълон қилинди — энди доллар купюраларида нафақат молия вазири, балки амалдаги президент — Доналд Трамп имзоси ҳам бўлади.

Бу нимага ишора қилади?
— Тарихда илк бор президент имзоси валютада пайдо бўлади
— 165 йиллик анъана бузилмоқда
— Ғазначи имзоси эса олиб ташланади

Reuters маълумотига кўра, янги дизайндаги илк 100 долларлик купюралар июн ойидан бошлаб чоп этилмоқда.

Кейинчалик бу ўзгариш бошқа доллар банкнотларига ҳам жорий этилади.

Telegram I Facebook I YouTube I Instagram

Ҳусийлар Исроилга ҳужум қилди

Яманнинг шимолида ҳукмронлик қилаётган шиит ҳарбий-сиёсий ҳаракати “Ансор Аллоҳ” (ҳусийлар) Эронни қўллаб-қувватлаш мақсадида Исроил ҳудудига ракета зарбаси берганини маълум қилди.

Ҳаракат баёнотида айтилишича, Яман қуролли кучлари Исроилнинг муҳим ҳарбий объектларга баллистик ракеталар йўллаган.

“Яман қуролли кучлари муҳим ҳарбий нишонларга баллистик ракеталар учирди”, — дейилади ҳусийлар баёнотида.

Қайд этилишича, бу ҳозирги Форс кўрфази атрофидаги кескинлик бошланганидан буён ҳусийлар томонидан амалга оширилган илк зарба ҳисобланади.

Telegram I Facebook I YouTube I Instagram

Амударёдан Ўзбекистонга гашиш ўтказган Афғонистон фуқароси 15 йилга қамалди

Афғонистон фуқароси Амударё орқали чегара тартибини қасддан бузган ҳолда, Ўзбекистон ҳудудига ўтаётган вақтида қўлга олинди.

Маълум қилинишича, 52 ёшли эркак қўлбола ясалган қайиқдан фойдаланиб, Ўзбекистон ҳудудига 10 кгдан ортиқ гиёҳвандлик моддаларини ўтказишга урунган.

Мазкур ҳолат жиноят ишлари бўйича Термиз туман судида кўриб чиқилиб, унга нисбатан 15 йил озодликдан маҳрум қилиш жазоси тайинланди.

Telegram I Facebook I YouTube I Instagram

Трамп Ҳормуз бўғозини “Трамп бўғози” деб атади

У “Келажак инвестициялари ташаббуси” тадбирида сўзлар экан, Ҳормуз Strait ни адашиб “Трамп бўғози” деб айтди.

Трампнинг ўзи бу вазиятга шундай изоҳ берди:
— “Биз музокаралар олиб бораяпмиз ва натижага етиш яхши бўларди, лекин бунг учун улар ‘Трамп бўғози’ни очиши керак. Демоқчи бўлганим — Ҳормуз эди. Мени кечиринг, жуда афсусдман, қандай даҳшатли хато.”

Шундан кейин у ҳазиломўз тарзда қўшимча қилди:
— “Сохта янгиликлар буни тасодиф дейди. Аммо менда деярли тасодифлар бўлмайди.”

Telegram I Facebook I YouTube I Instagram

APK фирибгари 2 миллиард сўмни “шилган” йигит ушланди

Ўзбекистон Ички ишлар вазирлиги маълум қилишича, Навоийда йирик киберфирибгарлик фош этилди.

2004 йилда туғилган йигит Telegram орқали вирусли APK файллар тарқатиб:
— 201 нафар фуқарони алдаган
— 121 та кибержиноят содир этган
— жами 2 млрд сўмдан ортиқ пулни ўғирлаган

У Paynet орқали “даромад топиш” ваъдаси билан одамларни жалб қилган, сўнг вирус орқали уларнинг банк карталаридан пул ечиб олган.

Ҳозирда унга нисбатан Жиноят кодексининг ўғирлик моддаси билан иш қўзғатилган ва қамоққа олинган.

Telegram I Facebook I YouTube I Instagram

Қирғизистон тарихида илк бор: миллий валюта ўзида чоп этилмоқда

Садир Жапаров маълум қилишича, Қирғизистон энди миллий валютаси — сўмни ўз ҳудудида мустақил чоп этишни бошлади.
Авваллари:
— валюта хорижда чоп этиларди
— бунинг учун катта маблағ сарфланарди

Telegram I Facebook I YouTube I Instagram

Россия нефт экспорти фалаж ҳолатга тушди

Россия Украина уруши фондида Украинадан кучли зарба олди.

Дрон ҳужумлари натижасида Приморск Порт ва Уст-Луга Порт фаолияти издан чиқди.

Натижада Россия нефть экспортининг қарийб 40–50% тўхтади
— Кунига миллионлаб баррел нефть етказиб бериш хавф остида
— Портларда ёнғин ва техник носозликлар давом этмоқда

Экспертларга кўра, бу Россия нефть секторига уруш бошидан бери берилган энг кучли зарба бўлиши мумкин.

Telegram I Facebook I YouTube I Instagram

Эрон АҚШнинг “Шаҳзода Султон” авиабазасига зарба берди

Эрон Саудия Арабистонида жойлашган АҚШнинг “Шаҳзода Султон” авиабазасига зарба берганини маълум қилди.

Марказий қўмондонлик штаби “Хотам ал-Анбиё” расмий вакили Иброҳим Золфағорийнинг айтишича, ҳужум натижасида бир ёнилғи қуйиш самолёти портлатилган, яна учта самолёт ишдан чиқарилган.

“Ушбу муваффақиятли операция давомида бир ёнилғи қуйиш самолёти бутунлай йўқ қилинди, яна учта самолёт шикастланди”, — дейилади баёнотда.

Қайд этилишича, “Шаҳзода Султон” авиабазаси Яқин Шарқдаги АҚШ ҳарбий объектлари учун муҳим логистика ва операциялар маркази ҳисобланади.

Telegram I Facebook I YouTube I Instagram

Термизда чанг бўрони бошланди

Сурхондарё вилоятининг Термиз шаҳрида кучли чанғ бўрони кузатилмоқда. “Афғон шамоли” деб аталувчи табиий ҳодиса оқибатида шаҳарни зич чанғ қоплаган.

Маълум қилинишича, бугун, 28 март куни 13:00 дан бошлаб Термиз шаҳрида тўсатдан чанг-бўрони бошланган.

Ҳозирда Термиз шаҳри атмосферасида PM2.5 миқдори 1200 мкг/м3 (миллий нормадан 20 марта кўп), PM10 эса 5614 мкг/м3 (18.7 марта кўп) ни ташкил қилади.

Ушбу чанғ бўрони бошқа ҳудудларга ҳам тарқалиши мумкин, ҳатто Тошкентгача етиб бориш эҳтимоли истисно этилмаяпти.

Мутахассислар аҳолини эҳтиёт чораларини кўришга чақирмоқда:

— уйлардаги ойна ва эшикларни маҳкам ёпиш;
— зарурат бўлмаса, кўчага чиқмаслик;
— ташқарида тиббий ниқоблардан фойдаланиш.

Telegram I Facebook I YouTube I Instagram

Телекоммуникацияларни тартибга солиш агентлигига директор тайинланди

Президент қарори билан Дилшод Қурёзов Телекоммуникацияларни тартибга солиш агентлиги директори этиб тайинланди.

Дилшод Қурёзов мазкур тайинловга қадар Вазирлар Маҳкамасининг Сунъий интеллект ва рақамли технологияларни ривожлантириш масалалари департаменти раҳбари ўринбосари — сунъий интеллект технологияларини ривожлантириш бўлими бошлиғи лавозимида фаолият юритган.

Telegram I Facebook I YouTube I Instagram

Исломий банклар тўғрисидаги қонун имзоланди

Президент Шавкат Мирзиёев исломий банклар тўғрисидаги қонунни имзолади.

27 март куни имзоланган ушбу қонун асосида Солиқ ва Фуқаролик кодекслари ҳамда 7 та қонунга ўзгартириш ва қўшимчалар киритилди.

Хусусан:

⁃ қонунчиликка исломий банк фаолияти, исломий молия операциялари, исломий молия стандартлари ҳамда инвестициявий омонат (депозит) тушунчалари киритилди;

⁃ исломий банк фаолиятини амалга ошириш ҳуқуқини берувчи лицензия жорий қилиниб, мазкур лицензияни олиш бўйича аниқ талаблар ўрнатилди;

⁃ исломий банк фаолиятини амалга ошириш ҳуқуқини берувчи лицензияга эга банклар томонидан амалга ошириладиган исломий молия операциялари рўйхати тасдиқланди;

⁃ исломий банк фаолиятини амалга оширувчи банкларга бевосита савдо фаолиятини амалга оширишга ҳамда юридик шахсларни ташкил этиш ва юридик шахсларнинг устав фондларидаги улушларни ёки акцияларни чекловларсиз олишга рухсат берилди;

⁃ исломий молия фаолияти билан боғлиқ масалаларни мувофиқлаштириш мақсадида Марказий банк ва банкларда исломий молия кенгашини ташкил этиш ҳамда унинг фаолиятига доир талаблар белгиланди.

Қонунда исломий молия операцияларига солиқ солишнинг ўзига хос хусусиятлари ҳам белгиланган.

Қонун расмий эълон қилинган кундан эътиборан 3 ойдан сўнг кучга киради.

Telegram I Facebook I YouTube I Instagram