Эрон урушни тугатиш учун АҚШ ва Исроилга қатъий шартлар қўйди

Яқин Шарқдаги вазият кескинлигича қолмоқда. “The Wall Street Journal”га кўра, Эрон Ҳормуз бўғозини очиш, АҚШ базаларини ёпиш, “Ҳизбуллоҳ”га қарши ҳужумларни тўхтатиш ва зарар учун компенсация талаб қилмоқда.

АҚШ эса бунга жавобан Эрондан ракета дастурини тўхтатиш, уранни бойитишдан воз кечиш ва бўғозни шартсиз очишни талаб қилмоқда.

Telegram I Facebook I YouTube I Instagram

Трамп Эронни биргаликда бошқаришни таклиф қилди

АҚШ Президенти Дональд Трамп урушдан кейин Эрон бошқарувида АҚШ ҳам иштирок этиши мумкинлигини айтди. “The Telegraph”га кўра, у тинчлик музокаралари фонунда Эронда жиддий режим ўзгариши эҳтимоли борлигини ва қўшма бошқарув яратилиши мумкинлигини билдирган. Ҳатто у ҳазил аралаш тарзда Ҳормуз бўғози назорати “мен ва Олий раҳбар қўлида бўлади” деб таъкидлаган.

Telegram I Facebook I YouTube I Instagram

Хоразмда фермернинг еридан маҳрум этишмоқчими? Фермерлар кенгаши ҳолатни ўрганмоқда

102 кв.м қурилма баҳонасида 100 гектардан ортиқ ерни бекор қилиш даъвоси — фермер норози. Бундан аввал Effect.uz томонидан ёритилган Қўшкўпир туманидаги фермер билан боғлиқ ҳолат юзасидан Ўзбекистон фермерлари кенгаши томонидан расмий ўрганиш ишлари бошланди.

Effect.uz орқали ёритилган видеолавҳада Хоразм вилояти Қўшкўпир туманидаги “Ибрагим балиқчи” фермер хўжалиги раҳбари туман ҳокимлиги томонидан у билан тузилган ер ижара шартномаси бекор қилинишига норозилик билдирган.

Маълум қилинишича, ҳокимлик томонидан Урганч туманлараро судига даъво аризаси киритилган бўлиб, унда фермернинг пахта режасини 64,8 фоизга бажаргани асос қилиб кўрсатилган.

Шунингдек, даъвода фермерга тегишли 102 кв.м қурилма мавжудлиги сабаб қилиб, 126 гектардан ортиқ ер ижара шартномасини бекор қилиш сўралаётгани айтилмоқда. Фермер мазкур қарордан норози эканини билдирган.

Мазкур мурожаат юзасидан Ўзбекистон фермерлари кенгаши томонидан ўрганиш бошланган. Қайд этилишича, кенгаш фермер манфаатларини ҳимоя қилиш мақсадида суд муҳокамаларида иштирок этиб, унинг ҳуқуқларини тиклаш бўйича чоралар кўради.

Telegram I Facebook I YouTube I Instagram

Путин Россия иқтисодиётида пасайиш бошланганини тан олди

Россия президенти Владимир Путин 2026 йил бошида мамлакат иқтисодий кўрсаткичлари пасайганини маълум қилди. Январ ойида ЯИМ 2,1%га камайди, саноат ишлаб чиқариши эса 0,8%га тушди. Сўнгги уч йил ичида илк бор иқтисодий қисқариш қайд этилди.

Telegram I Facebook I YouTube I Instagram

Россияда Max мессенжеридан фойдаланиш мажбурий бўлмоқда

Россия ҳукумати аҳоли ва ташкилотларни кундалик ишда Max мессенжерини ишлатишга мажбурламоқда, шу билан бирга муқобил сервислар, хусусан Telegram ва WhatsApp, блокланмоқда. Max “оқ рўйхат”га киритилган бўлиб, баъзи ҳудудларда мобил интернет чекланганида у деярли ягона алоқа воситасига айланган.

Telegram I Facebook I YouTube I Instagram

Картошка ниқоби остидаги 72 кг гашиш: Термизда йирик партия фош этилди

Афғонистондан кириб келган юк орасида оддий картошка эмас, балки наркотиклар аниқланган. 200 дан ортиқ “картошка” ичида гашиш яширилган.

Telegram I Facebook I YouTube I Instagram

Электр зарядлаш станциялари нега ўчирилмоқда?

Электромобиль эгалари ва тадбиркорлар савол бермоқда: нега зарядлаш станциялари ёпиляпти? Бу вақтинчалик ҳолатми ёки янги сиёсат бошланяптими?

Сўнгги вақтларда электромобилларни қувватлантириш станциялари фаолиятининг тўхтатилиши ҳамда уларда ўтказилаётган оммавий текширувлар тадбиркорлар ўртасида кенг муҳокамаларга сабаб бўлмоқда.

Мазкур вазият фонида соҳа вакиллари станциялар фаолиятининг чекланиши сабаблари, тартибга солиш жараёнлари ҳамда келгусидаги истиқболлар юзасидан турли фикрларни билдирмоқда.

«Бизнес-ракурс» подкастининг навбатдаги сонида ушбу масала атрофлича муҳокама қилинди. Унда соҳа мутахассислари ва масъуллар иштирок этиб, мавжуд ҳолат, муаммолар ва эҳтимолий ечимлар юзасидан фикр билдиришди.

Томошабинлар учун мавзуга оид батафсил таҳлил ва таклифлар YouTube каналда эълон қилинди.

Тошкент вилоятида уч киши ис газидан заҳарланиб вафот этди

Тошкент вилоятининг Ўрта Чирчиқ туманида 3 киши ис газидан заҳарланиб вафот этди. Уларнинг бири 14 ёшли бола бўлган.

Маълумотларга кўра, марҳумлар ушбу уйга атиги 3 кун олдин кўчиб келган. Қўшнилар дод-войни эшитиб кирган ва зудлик билан тез ёрдам чақирилган.

Ҳозирда ҳолат юзасидан текширув ишлари олиб борилмоқда.

❗️Ис газидан эҳтиёт бўлинг — бу жим, лекин ўта хавфли хавф.

Telegram I Facebook I YouTube I Instagram

Трамп: “Эрон ядровий қуролдан воз кечди”

АҚШ президенти Дональд Трамп Эрон ядровий қуролдан воз кечишга рози бўлганини маълум қилди. Унинг айтишича, ҳозир томонлар ўртасида музокаралар давом этмоқда.

Трамп Эрон ҳарбий инфратузилмаси жиддий зарба олганини айтиб, мамлакат келишувга қизиқаётганини таъкидлади. Музокараларда АҚШ томонидан Марко Рубио ва Ҷей Ди Венз иштирок этаётгани ҳам билдирилди.

Бироқ Эрон томони АҚШ билан ҳеч қандай музокара олиб борилмаётганини маълум қилган.

Айрим манбалар эса Муҷтаба Хоманаий музокараларга розилик билдирганини ёзмоқда.

❗️Ҳозирча вазият чанқаш: АҚШ музокара бор дейди, Эрон эса буни инкор қилмоқда.

Telegram I Facebook I YouTube I Instagram

Масжид карнайлари орқали фавқулодда огоҳлантиришлар жорий этилади

Ўзбекистонда фавқулодда вазиятлар ҳақида тезкор огоҳлантириш тизими кенгайтирилмоқда. Эндиликда бундай хабарлар масжидларнинг ташқи карнайлари орқали ҳам узатилади.Мазкур карнайлар одатда азон янграйдиган тизим бўлиб, улар орқали аҳолини тезкор хабардор қилиш имконияти яратилади.

Янги тизим ҳозирча 272 та масжидда синовдан ўтказилди. У 6,5 миллион нафаргача аҳолини қамраб олиши мумкин.Таъкидланишича, ушбу огоҳлантириш тизими алоқа ва электр таъминотида узилишлар юзага келган ҳолатларда ҳам ишлаш имкониятига эга.

Telegram I Facebook I YouTube I Instagram

Ўзбекистон дорилар айланмасида назоратни кучайтирди

Ўзбекистонда сифати кафолатланмаган ва ноқонуний дори воситалари айланмасига қарши кураш доирасида бир нечта ҳолатлар фош этилди.Паркент туманидаги эркин иқтисодий зонада жойлашган фармацевтика корхонасида ўтказилган текширувда омборхонада катта миқдорда муддати отган маҳсулотлар аниқланган. Жумладан, 55 840 дона Меновазин, 25 000 дона Водород пероксиди ва 50 800 дона Этил спирти сақлангани маълум бўлди.

Шунингдек, 28 миллион 270 минг донадан ортиқ ёрлиқ ва этикеткалар топилган. Дастлабки маълумотларга кўра, муддати отган дориларни 20252026 йилларда ишлаб чиқарилгандек қилиб қайта қадоқлаб, сотувга чиқариш режалаштирилган.

Telegram I Facebook I YouTube I Instagram

Бухородаги заправкалардан бирида бензин кам қуйилгани аниқланди

Пешку туманидаги ёқилғи қуйиш шохобчасида бензин кам қуйилгани бўйича мурожаат ўз тасдиғини топди.

👉 https://effect.uz/n/102

Telegram I Facebook I YouTube I Instagram

Хоразмда 14 ёшли зўрланган қиз иши: Жумбоққа жавоб керак...

2024 йил 1 январь куни Хоразм вилояти Хазорасп туманида 14 ёшли қиз «Tracker» русумли автомашинада икки нотаниш йигит томонидан мажбурлаб олиб кетилган. Кейинчалик унинг йиғлаган ҳолати видеога олингач, Мухомон маҳалласи ҳудудидаги темир йўл яқинига ташлаб кетган. Қизга уйига қайтаётган Жуманазар Қурбонбоев ёрдам бериб, вақтинча бошпана тақдим этган.

Орадан бир кун ўтиб, қизнинг онаси унинг йўқолгани ҳақида ички ишлар органларига мурожаат қилган. Дастлабки кўрсатмаларда қиз уни олиб кетган икки йигитга қарши кўрсатма берган. Кейинчалик эса тергов жараёнида онаси томонидан қизи ўзини-ўзи жароҳатлагани ҳақида баёнот берилган.

Иш доирасида аввал қамоққа олинган икки йигит озод этилган, уларнинг ўрнига Жуманазар Қурбонбоев жавобгарликка жалб қилинган. Суд ҳукми билан у 3 йил озодликдан маҳрум этилган. Прокурор протести асосида иш апелляция тартибида қайта кўриб чиқилиб, жазо 5 йилга оширилган.

Олий суд раиси ўринбосари Алишер Усмонов Хоразмдаги жумбоқли иш бўйича судланувчи йигит Жуманазар Қурбонбоев адвокати киритган илтимосномани рад этган. Адвокат О.Машарипов ишнинг Олий суд томонидан кўриб чиқилмасдан қайтарилганига қатъий эътирозини билдирган.

👉 ТЎЛИҚ ВИДЕО

Telegram I Facebook I YouTube I Instagram

Ҳанде Эрчел иши: актриса илк баёнот берди

Ҳанде Эрчел атрофида катта шов-шувга сабаб бўлган ҳолат юзасидан янги маълумотлар пайдо бўлди.

Истанбулда машҳур шахсларга оид гийоҳвандлик иши доирасида 16 нафар гумонланувчига нисбатан қўлга олиш қарори чиқарилди. Улардан 14 нафари қўлга олинган, яна 2 нафар шахсга қидирув эълон қилинган. Қидирувдагилар орасида Ҳанде Эрчел номи ҳам тилга олинган.

Telegram I Facebook I YouTube I Instagram

Путин нақд пул ва олтин олиб чиқишга чеклов қўйди

Владимир Путин янги фармон билан Россиядан пул олиб чиқиш қоидаларини кескин ўзгартирди.

1-апрелдан:
— Жисмоний шахслар Евроосиё иттифоқи давлатларига 100 минг доллардан ортиқ нақд рубль олиб чиқа олмайди
— Тадбиркорлар ва компаниялар учун эса бу чеклов суммадан қатъи назар амал қилади
— Нақд пул банкдан олинганини тасдиқловчи ҳужжат талаб қилинади

Айрим ҳолатларда фақат халқаро аэропортлар орқали истисно бўлиши мумкин

1-майдан:
— 100 граммдан оғир олтин олиб чиқиш ҳам чекланади
— Фақат махсус рухсат ва аэропорт орқали олиб чиқиш мумкин бўлади

Эслатма: Россия аввал ҳам 10 минг доллардан ортиқ валютани олиб чиқишни тақиқлаган эди.

Telegram I Facebook I YouTube I Instagram

Тошкентда шилқимликка қаршилик кўрсатган қиз жаримага тортилди

Тошкент шаҳрида қизга нисбатан содир этилган ҳолат ижтимоий тармоқларда муҳокамаларга сабаб бўлмоқда.

Қайд этилишича, воқеа 6 март куни Янгиҳаёт туманида содир бўлган. Суд маълумотларига кўра, 35 ёшли «Matiz» ҳайдовчиси 20 ёшли қизга нисбатан ҳақоратли тарзда мурожаат қилиб, унинг қўлидан ушлаган ҳамда шаҳвоний хусусиятга эга ҳаракатларни содир этган.

Қиз эса бунга жавобан баланд овозда бақириб, ҳақоратли сўзлар ишлатган.

Суд қарорига кўра: — Эркакка шилқимлик қилгани учун 5 сутка маъмурий қамоқ жазоси тайинланган

— Қиз эса «жамоат тартибини бузганлик» учун 1,2 миллион сўм жаримага тортилган

Telegram I Facebook I YouTube I Instagram

Эрон Ҳормуз бўғозини айрим давлатлар учун очди

Эрон расмийлари “душман бўлмаган” давлатлар кемаларига Ҳормуз бўғози орқали ўтишга рухсат берилганини маълум қилди.

Қайд этилишича, кемалар Эронга қарши ҳаракатларда иштирок этмаса ва хавфсизлик талабларига риоя қилса, Теҳрон билан келишилган ҳолда бўғоздан ўтиши мумкин.

Аббос Ароқчига кўра, ушбу имтиёз чекланган давлатларга берилади. Жумладан: — Хитой
— Россия
— Ҳиндистон
— Ироқ
— Покистон

Ҳормуз бўғози — жаҳон нефтининг қарийб 35 фоизи ташиладиган стратегик йўл ҳисобланади.

Telegram I Facebook I YouTube I Instagram