Ўзбекистонда 392 нафар шахс афв этилди

Президент фармонига кўра, 392 нафар маҳкум афв этилди. Улардан:
223 нафар — тўлиқ озод қилинди
82 нафар — муддатидан олдин шартли озод этилди
34 нафар — енгилроқ жазога ўтказилди
53 нафар — жазо муддати қисқартирилди

Афв этилганларнинг 3 нафарини чет эл фуқаролари, 26 нафарини аёл, 14 нафарини 60 ёшдан ошган эркаклар, 166 нафарини ёшлар ҳамда 24 нафарини тақиқланган ташкилотлар фаолиятида қатнашган шахслар ташкил этади.

Telegram I Facebook I YouTube I Instagram

Эрон ТИВ раҳбари Макронни танқид қилди

Эрон ташқи ишлар вазири Аббос Арақчи Франция президенти Эммануэль Макронни Эронга қарши зарбалар масаласидаги позицияси учун танқид қилди.

“Макрон АҚШ ва Исроилнинг Эронга қарши уруши юзасидан бирор оғиз ҳам танқид билдирмади.

Исроил ёнилғи омборларини портлатиб, миллионлаб одамларни заҳарли моддалар таъсири остида қолдирганида ҳам у муносабат билдирмади.

Унинг бугунги “ташвиши” Исроилнинг газ объектларимизга қилган ҳужумларидан кейин эмас, балки бизнинг жавоб ҳаракатларимиздан сўнг пайдо бўлди. Бу эса ачинарли”, — деб ёзди Арақчи X ижтимоий тармоғида.

Аввалроқ Макрон Эрон томонидан Қатар газ инфратузилмасига берилган зарбалардан сўнг АҚШ президенти Дональд Трамп ҳамда Қатар амири Тамим бин Ҳамад Олий Соний билан мулоқот қилиб, Эрон ҳужумини қоралаган.

Мулоқот чоғида у фуқаролик инфратузилмаларига зарба беришга мораторий жорий этиш зарурлигини таъкидлаган.

Telegram I Facebook I YouTube I Instagram

Эрон Исроилдаги 80 та ҳарбий объектга зарба берганини маълум қилди

Эрон Ислом инқилоби муҳофизлари корпуси (КСИР) Исроил ҳудудидаги 80 та ҳарбий нишонга ракеталар ва дронлар орқали зарба берилганини маълум қилди.

IRNA агентлиги келтирган баёнотга кўра, “Ҳақиқий ваъда — 4” операциясининг 63-тўлқини доирасида Исроилнинг жануби ва марказий қисмидаги турли ҳарбий объектлар, жумладан Ришон-ле-Цион шаҳри яқинидаги ҳудудлар, шунингдек Тель-Авивнинг шарқий ва жанубий қисмларидаги нишонлар аниқ зарбага учраган.

КСИР шунингдек тун давомида Кувайт, БАА ва Баҳрайндаги АҚШ ҳарбий базаларига ҳам ҳужумлар уюштирилганини эълон қилди.

Аввалроқ Эрон президенти Масъуд Пезешкиён Миллий хавфсизлик олий кенгаши котиби Али Ларижоний ўлдирилгани учун қаттиқ интиқом бўлишини ваъда қилган эди.

Ларижоний мамлакатнинг асосий масалалари, жумладан ядровий дастур бўйича музокаралар учун масъул шахслардан бири бўлган.

Шунингдек, Теҳрон яқин вақтларда АҚШ ва Исроилга қарши янги турдаги қуроллар қўлланилишини ҳам маълум қилган.

Telegram I Facebook I YouTube I Instagram

1 апрелдан эскроу битимлари учун комиссия қандай бўлади?

1 апрелдан эскроу тизими орқали амалга ошириладиган битимлар учун комиссиялар белгиланди:

Кўчмас мулк бўйича — базавий ҳисоблаш миқдорининг 50 фоизигача (206 000 сўмгача)

Автотранспорт воситалари бўйича — базавий ҳисоблаш миқдорининг 25 фоизигача (103 000 сўмгача)

Агар харидор ва сотувчига битта банк хизмат кўрсатса — комиссия бир марта олинади. Турли банкларда бўлса — ҳар бири комиссиянинг ярмидан ошмаган қисмини олади.

Битим бекор қилинса — пул харидорга қайтарилади.

Ушбу максимал тарифлар фақат давлат улуши мавжуд тижорат банкларида амал қилади, бошқа банкларда эса комиссия банкнинг ички тариф сиёсатига кўра белгиланади.

Telegram I Facebook I YouTube I Instagram

Бухорода одамларни Умрага жўнатмоқчи бўлган фирибгар эр-хотин ушланди

Бухоро вилоятининг Жондор туманида фуқароларни Умра сафарига юборишни ваъда қилган фирибгар эр-хотин қўлга олинди. Бу ҳақда Ички ишлар вазирлиги хабар берди.

Маълум бўлишича, ушбу шахслар узоқ вақт давомида фирибгарлик билан шуғулланиб келган. Улар тегишли лицензияга эга бўлмаган ҳолда фуқароларни Саудия Арабистонига Умра зиёратига юборишни ваъда қилишган.

Шу йўл билан 4 нафар фуқаронинг ишончига кириб, уларнинг ҳар биридан 1025 АҚШ долларидан пул талаб қилган ва жами 4000 АҚШ долларини олаётган вақтда ашёвий далиллар билан қўлга олинган.

Ҳозирда уларга нисбатан фирибгарлик моддаси билан жиноят иши қўзғатилган.

Telegram I Facebook I YouTube I Instagram

Навоий маҳсулотлари Хитойдаги йирик тош бозорида намойиш этилмоқда

Навоий вилояти ҳокими Нормат Турсунов Хитойга амалий ташриф доирасида Шуйтоу шаҳрида жойлашган йирик тош кўргазма-савдо майдонида Навоий вилояти учун махсус павильон очилишида иштирок этди.

Маълум қилинишича, мазкур майдон халқаро тош саноатида муҳим савдо нуқталаридан бири бўлиб, турли давлатлар маҳсулотлари намойиш этилади ва экспортга йўналтирилади.

Янги очилган павильонда Ўзбекистон, хусусан Навоий вилоятида ишлаб чиқарилаётган тош маҳсулотлари тақдим этилмоқда.

Қайд этилишича, мазкур ташаббус маҳаллий маҳсулотларни халқаро бозорларда илгари суриш ва экспорт имкониятларини кенгайтиришга хизмат қилиши кутилмоқда.

Telegram I Facebook I YouTube I Instagram

Эронда намойишларда иштирок этган 3 нафар шахс қатл этилди

Эронда январь ойида бўлиб ўтган норозилик намойишларида иштирок этган уч нафар шахс ҳуқуқ-тартибот органлари ходимларини ўлдирганликда айбланиб, қатл этилди. Бу ҳақда Tasnim агентлиги хабар берди.

Хабарда айтилишича, судланган шахслар намойишлар давомида икки нафар куч тузилмалари ходимини ўлдирганликда айбдор деб топилган ва осиш йўли билан жазо ижро этилган.

Маълум қилинишича, айбланувчилар судда ўз айбини тан олган. Шунингдек, улар АҚШ ва Исроил манфаатлари йўлида фаолият юритганликда ҳам айбланган.

Эслатиб ўтамиз, Эронда оммавий норозиликлар 2025 йил декабрь ойи охирида миллий валютанинг қадрсизланиши ортидан бошланган эди.

Кейинчалик намойишлар тартибсизликлар ва ҳукуматга қарши чиқишларга айланди.
Шу даврда мамлакатда интернет фаолияти чеклангани, шунингдек, ҳам ҳуқуқ-тартибот органлари, ҳам намойишчилар орасида қурбонлар бўлгани ҳақида хабарлар тарқалган.

Эрон ҳукумати ушбу воқеаларда АҚШ ва Исроилни айблаб, 12 январь куни вазият назорат остига олинганини маълум қилган эди.

Telegram I Facebook I YouTube I Instagram

Европада газ нархи 850 доллардан ошди

Лондоннинг ICE биржаси маълумотларига кўра, пайшанба куни савдо очилишидаёқ газ қиймати 30 фоиздан зиёдга ошиб, 1000 кубометр учун 850 доллардан юқори кўрсаткичга етди. Бу 2023 йил 10 январдан бери илк бор кузатилмоқда.

TTF индекси (Европадаги энг йирик газ хаби, Нидерландияда жойлашган) бўйича апрель ойи фьючерслари Тошкент вақти билан соат 12:00 да 853,7 доллар (+31%) даражасида очилди.

Соат 12:13 ҳолатига кўра эса нарх 816,7 доллар (+25,4%) атрофида шаклланди. Солиштириш учун, олдинги савдо кунида ҳисобий нарх 651,5 доллар бўлган.

Бозордаги бу кескин ўсиш Яқин Шарқдаги вазият билан боғлиқ. Хусусан, Қатарнинг давлат энергетика компанияси “QatarEnergy” ўзининг бир нечта суюлтирилган табиий газ ишлаб чиқариш объектлари ракета зарбаларига учраганини маълум қилди.

Шунингдек, бир кун аввал Қатар шимолидаги Рас-Лаффан саноат шаҳрида жойлашган, мамлакатдаги энг йирик суюлтирилган табиий газ ишлаб чиқариш мажмуасига етказилган жиддий зарар ҳақида хабар берилган эди.

Маълумот ўрнида, март ойи бошидан буён Европа бозорида газ нархи кескин ўсмоқда. Умуман олганда, ой бошидан бери нархлар 109 фоизга ошган. Февраль ойи охиридаги ҳисобий нарх 390,1 доллар бўлган.

Telegram I Facebook I YouTube I Instagram

Шавкат Мирзиёев Самарқанд шаҳридаги Ҳазрати Ҳизр мажмуасида бўлиб, мамлакатимизнинг Биринчи Президенти Ислом Каримов мақбарасини зиёрат қилди

Telegram I Facebook I YouTube I Instagram

Таиландга янги бош вазир сайланди

Таиланд парламенти амалдаги бош вазир Анутхин Чанвиракунни мамлакатнинг 33-бош вазири этиб сайлади. Бу ҳақда парламент спикери Сопхон Сарам маълум қилди.

Овоз бериш натижаларига кўра, Анутхин Чанвиракунни 293 нафар депутат қўллаб-қувватлаган.

Унинг рақиби Наттхапхонг Рыангпаньявут учун 119 нафар депутат овоз берган, яна 86 нафар депутат бетараф қолган.

Спикернинг таъкидлашича, Чанвиракун депутатларнинг ярмидан кўп овозини тўплаб, мамлакат конституциясида белгиланган талабларни бажарган ва расман бош вазир этиб сайланган.

Telegram I Facebook I YouTube I Instagram

Эрон Исроил миллий хавфсизлик вазирлиги биносига ҳужум қилди

Эрон армияси Исроил ҳудудидаги бир қатор объектларга дронлар орқали зарба берилганини маълум қилди.

Баёнотга кўра, бу ҳужумлар Эрон разведка вазири Исмоил Хатиб ҳалок бўлгани учун жавоб сифатида амалга оширилган.

Давлат телерадиокомпанияси тарқатган хабарда айтилишича, зарбалар Қуддусда жойлашган миллий хавфсизлик вазирлиги биноси ҳамда Тель-Авивдаги 13-канал офисига йўналтирилган.

Telegram I Facebook I YouTube I Instagram

Исроил самолёти Ливанда жонли эфир олиб бораётган журналистга ҳужум қилди

RT телеканали мухбири Стив Суини ва унинг оператори Ливан жанубида Исроил зарбаси оқибатида яраланди.

Маълумотларга кўра, Стив Суини бошчилигидаги ижодий гуруҳ жонли эфир вақтида Исроилга тегишли самолёт томонидан ҳужумга учраган. Ҳужум оқибатида снаряд парчалари уларнинг қўл-оёқларига шикаст етказган.

Ҳозирда ҳар иккиси ҳам ҳушида бўлиб, шифохонада тиббий ёрдам олмоқда.

Россия Ташқи ишлар вазирлиги расмий вакили Мария Захарова ушбу ҳолатга муносабат билдириб, буни тасодиф деб баҳолаш қийинлигини таъкидлади.

“Ғазода юзлаб журналистлар ҳалок бўлган бир пайтда бугунги ҳодисани тасодиф деб аташ мушкул.

Қолаверса, ракета “стратегик ҳарбий объект”га эмас, айнан репортаж олинаётган жойга тушган”, — деди у.

Telegram I Facebook I YouTube I Instagram

Тошкентдаги Ислом цивилизацияси маркази — Евроосиёдаги янги куч нуқтаси – Forbes

Нуфузли Forbes нашри Тошкентда очилган Ислом цивилизацияси марказини Евроосиёдаги янги маданий ва геосиёсий марказ сифатида баҳолади.

👉 https://effect.uz/n/98

Telegram I Facebook I YouTube I Instagram

Қирғизистонда содир бўлган зилзила кучи Ўзбекистонда сезилди

Бугун, 19 март куни соат 17:03 да Қирғизистоннинг Боткен вилоятида 3,9 баллик зилзила қайд этилди.

Сейсмопрогностик мониторинг марказининг маълум қилишича, қўшни давлатда содир бўлган зилзила кучи Фарғона вилоятининг Сўх туманида сезилган (2 балл, 48 км). Зилзила эпицентри Тошкентдан 262 км жанубий-шарқда.

Telegram I Facebook I YouTube I Instagram

Хоразмда оғуфурушларга қарши рейд ўтказилди

Хоразм вилояти Ҳазорасп тумани ИИБ ва ДХХ туман бўлими тезкор ходимлари томонидан ўзаро ҳамкорликда ўтказилган тадбирлар натижасида гиёҳвандлик воситаларининг ноқонуний муомаласи билан боғлиқ 2 та жиноят фош этилди.

Telegram I Facebook I YouTube I Instagram