Фарғонада “Энергосавдо” муҳандиси ҳибсга олинди

“Ҳудудий электр тармоқлари” АЖнинг “Энергосавдо” филиали Фарғона бўлинмаси муҳандиси ўз хизмат мавқеидан фойдаланиб жиноятга қўл урди.

Маълум бўлишича, у Ўзбекистон туманида яшовчи, 1962 й.т. фуқарога тегишли хонадон ва хусусий боғчада электр энергиясидан ноқонуний фойдаланганлик ҳолати бўйича расмийлаштирилган далолатнома юзасидан ҳисобланган жами 1,8 млрд сўм жарима суммасини 210 млн сўмга тушириб бериш эвазига 10 минг доллар сўраган.

Давлат хавфсизлик хизматининг Фарғона вилояти бўйича бошқармаси ва Иқтисодий жиноятларга қарши курашиш департаменти ходимлари ҳамкорлигида тезкор тадбирда муҳандис сўралган пул маблағидан 9 минг долларини учинчи шахс орқали олган вақтида қўлга олинган.

Ҳозирда унга нисбатан жиноят иши қўзғатилиб, “қамоқ” эҳтиёт чораси қўлланилди. Тергов ҳаракатлари олиб борилмоқда.

Telegram I Facebook I YouTube I Instagram

Жиззахда ЙПХ ходими 700 доллар билан ушланди

Жиззах вилояти ЙҲХБ ходими, катта лейтенант Ф.М. пора билан қўлга тушди.

Маълум қилинишича, у фуқарога унинг танишига нисбатан маст ҳолда машина бошқарганлик учун расмийлаштирилган маъмурий баённомани суд орқали ижобий ҳал этиб беришни айтиб, бунинг эвазига 700 доллар талаб қилган.

Шундан сўнг, ЙҲХБ ходими ваъда қилинган пулларни олаётган вақтида тезкор тадбирда қўлга олинган.

Мазкур ҳолат юзасидан вилоят прокуратураси томонидан катта лейтенант Ф.М.га нисбатан Жиноят кодексининг 168-моддаси (фирибгарлик) ва 25,211-моддаси (пора беришда қасд қилиш) билан жиноят иши қўзғатилган.

Telegram I Facebook I YouTube I Instagram

Президент янги “Hyundai Rotem” поездида Нарпайга борди

Президент Шавкат Мирзиёев янги “Hyundai Rotem” юқори тезликда ҳаракатланувчи поездида Самарқанд шаҳридан Нарпай туманига борди.

Буюк саркарда Жалолиддин Мангуберди номи билан аталган ушбу поезд Ўзбекистонга етказиб берилиши режалаштирилган олтита “Hyundai Rotem” поездларидан биринчиси.

Поезд етти вагондан иборат, соатига 260 километргача тезликда ҳаракатлана олади.

Поезднинг узунлиги 175 метрни, сиғими эса учта – VIP, бизнес ва эконом тоифаларида 390 нафарга яқин йўловчини ташкил этади.

Яқин орада “Жалолиддин Мангуберди” поезди Тошкент – Урганч – Хива йўналиши бўйлаб қатнай бошлайди. Қатнов вақти 7 соатни ташкил этиши кутилмоқда.

Telegram I Facebook I YouTube I Instagram

Самарқандда хориждан олиб келинган 38 кг наркотик моддалар мусодара қилинди — ДХХ

Гиёҳвандлик воситаларининг ноқонуний айланмасига қарши курашиш йўналишида Давлат хавфсизлик хизматининг Чегара қўшинлари ва Самарқанд вилояти бўйича бошқармаси ходимлари ҳамкорлигида ўтказилган тезкор тадбирда қўшни давлатдан контрабанда қилинган катта миқдордаги наркотик моддалар тўхтатиб қолинди.

👉 https://effect.uz/n/96

Telegram I Facebook I YouTube I Instagram

Андижонда ЙПХ катта инспекторига нисбатан жиноят иши очилди

Андижонда йўл-транспорт ҳодисаси ортидан коррупциявий ҳолат фош этилди.

Маълум қилинишича, жорий йилнинг 2 март куни Андижон вилояти Бўстон тумани ҳудудида 21 ёшли А.Н. “Gentra” машинасида 5 ёшли болани туртиб юборган. Оқибатда бола тан жароҳати олган.

16 март куни ҳайдовчи А.Н.нинг отаси ДХХ Андижон вилоят бўйича бошқармасига ариза билан мурожаат қилиб, ЙПХ катта инспектори, майор И.Ў. суд-тиббий экспертизаси хулосасини ўзгартириб, ишни ижобий ҳал этиб бериш эвазига 500 доллар талаб қилганини билдирган ҳамда унга қонуний чора кўришни сўраган.

Ариза асосида 16 март куни тезкор тадбир ўтказилган. Унда И.Ў. талаб қилган 500 доллар пулни олгани, пуллар унинг хизмат хонасида экани аниқланган.

Ҳолат юзасидан Жиноят кодексининг 210-моддаси (пора олиш) 2-қисми “в” банди билан жиноят иши қўзғатилган.

Telegram I Facebook I YouTube I Instagram

Президент Шавкат Мирзиёев Самарқанд вилоятидаги лойиҳаларни ишга туширди ва янгиларининг қурилишини бошлаб берди.

Telegram I Facebook I YouTube I Instagram

Рамазон ҳайити 20 март куни нишонланади

Ўзбекистон Республикаси Президенти Шавкат Мирзиёев “Муборак Рамазон ҳайитини нишонлаш тўғрисида”ги қарорни имзолади.

Мазкур қарорга кўра, Ўзбекистон мусулмонлари идорасининг бу йилги Рамазон ҳайити 20 март – жума кунига тўғри келиши ҳақидаги ахбороти маълумот учун қабул қилиниб, Ўзбекистонда 2026 йил 20 март куни Рамазон ҳайити байрами сифатида кенг нишонланиши белгиланган.

Рамазон ҳайити муносабати билан 20, 21 ва 22 март кунлари барча учун дам олиш куни бўлади.

23 март, душанба куни эса – ҳафтада 5 кун ишлайдиганлар учун дам, 6 кун ишлайдиганлар учун иш куни.

Telegram I Facebook I YouTube I Instagram

“Хизбуллоҳ” бир ҳафтада Исроилга қарши 222 та ҳужум амалга оширганини маълум қилди

Ливандаги “Хизбуллоҳ” ҳаракати 10–16 март кунлари давомида Исроилга қарши жами 222 та ҳарбий операция ўтказганини маълум қилди. Бу ҳақда ҳаракатнинг ҳафталик ҳисоботида айтилган.

Маълум қилинишича, ҳужумлар орасида жонли куч тўпланган ҳудудларга зарбалар, ҳарбий инфратузилмалар ва аҳоли пунктларига қилинган ҳужумлар мавжуд.

Ҳисоботга кўра, амалга оширилган операцияларнинг 90 таси Фаластин ҳудудларида, 132 таси эса Ливан ҳудудида ўтказилган.

Ҳужумлар чуқурлиги эса Ливан–Исроил чегарасидан 140 километргача етган.

Шунингдек, ҳафта давомида 38 марта Исроил ҳарбий базалари, 59 марта аҳоли пунктлари нишонга олингани, Ливан ҳудудига киришга бўлган 71 уриниш бартараф этилгани айтилган.

Ҳаракат маълумотига кўра, 10 та “Merkava” танки йўқ қилинган.

Telegram I Facebook I YouTube I Instagram

Ўзбекистонда Рамазон ҳайити 20 март куни нишонланади

Президент Шавкат Мирзиёев томонидан Рамазон ҳайитини муносиб нишонлашга қаратилган қарор қабул қилинди.
Ҳужжатга кўра, 2026 йил 20 март — Рамазон ҳайитининг биринчи куни сифатида белгиланиб, мамлакат бўйлаб кенг нишонланади.

👉 https://effect.uz/n/97

Telegram I Facebook I YouTube I Instagram

Маҳкумларга масофали видео-учрашувдан фойдаланиш ҳуқуқи берилади

Қонун билан Жиноят-ижроия кодексига озодликдан маҳрум этишга ҳукм қилинган маҳкумларнинг масофали видео-учрашувдан фойдаланиш ҳуқуқини белгилашни назарда тутувчи ўзгартириш ва қўшимчалар киритилди.

Киритилган ўзгартиришларга кўра, маҳкумнинг ўз шахсий маблағлари ҳисобидан тўланадиган, 15 дақиқа давом этадиган 1 марта масофали видео-учрашув ёки телефон орқали сўзлашиш ҳуқуқига эгалиги белгиланди.

Илгари маҳкумнинг фақатгина 15 дақиқа давом этадиган 1 марта телефон орқали сўзлашиш ҳуқуқига эгалиги белгиланган эди.

Қонун расмий эълон қилинган кундан эътиборан кучга киради.

Telegram I Facebook I YouTube I Instagram

Эҳсон ниқоби ортидаги хатар: терроризмни молиялаштиришдан огоҳ бўлинг

Диний эҳсон шиори ортида йиғилаётган пуллар қаерга кетяпти? Айрим ҳолларда бундай маблағлар ноқонуний ва хавфли мақсадларга йўналтирилаётгани айтилмоқда.

ИИВ фуқароларни диний эътиқод ва инсонлар ишончидан фойдаланиб, эҳсон йиғиш ниқоби остида пул тўплаётган шахслар фаолиятига нисбатан огоҳ бўлишга чақирди.

Вазирлик матбуот котиби Шоҳрух Ғиёсовга кўра, айрим ҳолларда бундай усуллар орқали жамғарилган маблағлар ноқонуний мақсадларда, жумладан, халқаро террористик ташкилотлар фаолиятини молиялаштиришга йўналтирилиши мумкин.

Мутахассислар фуқароларни эҳсон қилишда манбаларни синчиклаб текшириш, расмий ва ишончли ташкилотлар орқали хайрия қилиш муҳимлигини таъкидламоқда.

Шунингдек, эслатиб ўтилишича, терроризмни молиялаштириш ёки қўллаб-қувватлаш қонунчиликка кўра жиноий жавобгарликка сабаб бўлади.

Telegram I Facebook I YouTube I Instagram

Мактабларда баҳорги таътил 20 март кунидан бошланади — Мактабгача ва мактаб таълими вазирлиги

Рамазон ҳайити 20 март санасида нишонланиши муносабати билан ўқувчиларнинг баҳорги таътили 20 мартдан бошланиб 28 мартга қадар давом этади. Бу ҳақда Мактабгача ва мактаб таълими вазирлиги хабар бермоқда.

Маълум қилинишича, жорий ўқув йилининг 20 март (жума) кунидаги ва 28 март (шанба) кунидаги ўқув машғулотлари 4-чоракда ўқув дастурларига тиғизлаштирилган ҳолда ўқитилади. Ўқув йилининг 4-чораги 30 март (душанба) кунидан бошланади.

Telegram I Facebook I YouTube I Instagram

⚡️Тошкентда 3 ёшга тўлмаган бола зўравонлик қурбони бўлди

Олмазор туманида 2023 йилда туғилган Аброр Зуҳратуллаев калтакланиш оқибатида вафот этди. Effect.uz’га маълум қилинишича, бола Қизил тут тор кўчасида жойлашган хонадонда кўкрак қисмидаги жароҳат аломатлари билан топилган.

У 2025 йил 27 ноябрдан буён энага қарамоғида бўлган. Боланинг аҳволи ёмонлашиб, ҳарорати кўтарилгани сабабли тез тиббий ёрдам чақирилган ва унга “стоматит” ташхиси қўйилган.

Олиб борилган суриштирувлар давомида энаганинг турмуш ўртоғи — 26 ёшли А. Ҳусанов бола тўхтамай йиғлагани учун уни жаҳл устида кўкрак қисмига бир неча марта урганини билдирган. Ҳозирда гумонланувчи қўлга олинган.

Ҳолат юзасидан Жиноят кодексининг 104-моддаси (қасддан баданга оғир шикаст етказиш) билан жиноят иши қўзғатилган. Воқеа жойида тезкор-тергов гуруҳи иш олиб борган, тергов ҳаракатлари давом этмоқда. Effect.uz ушбу фожиа тафсилотларини қўшимча равишда ёритиб боради.

Telegram I Facebook I YouTube I Instagram

Рамазон ҳайитининг биринчи куни 20 март — жума кунига тўғри келади ва байрам сифатида кенг нишонланади

Президент Шавкат Мирзиёев томонидан Рамазон ҳайитини муносиб нишонлашга қаратилган қарор қабул қилинди. Қарор ижроси устидан назорат Бош вазир Абдулла Арипов ва Президент маслаҳатчиси Сардор Умурзаков зиммасига юклатилди.

Telegram I Facebook I YouTube I Instagram