Қозоғистонда қоровул тасодифан бошлиғини отиб ўлдирди

Жорий йилнинг 15 март куни Қозоғистоннинг Жамбил вилоятидаги 21742-сонли ҳарбий қисмида бахтсиз ҳодиса юз берди.

“Хроника” хабарига кўра, соат 19:35 атрофида қоровулнинг учинчи постида хизмат қилаётган ходим тасодифан 7,62 мм калибрли SKS карабиндан ўқ узган.

Оқибатда ўқ қоровул бошлиғига теккан.
Жабрланувчи оғир аҳволда Гвардейский посёлкасидаги ҳарбий госпиталга олиб борилган, бироқ шифокорлар уни сақлаб қола олмаган — у соат 20:18 да вафот этган.

Маълум қилинишича, ҳодиса иштирокчилари ҳарбийлар эмас, балки Мудофаа вазирлиги ҳузуридаги идоравий қўриқлаш хизмати ходимлари бўлган. Ҳозирда воқеа юзасидан текширув олиб борилмоқда.

Telegram I Facebook I YouTube I Instagram

Cенегал терма жамоаси Африка миллатлар кубогидан маҳрум этилди

Африка миллатлар кубоги финалида Сенегал терма жамоасига техник мағлубият (0:3) ёзилди ва Марокаш расман чемпион деб топилди.

19 январь куни бўлиб ўтган финалда Сенегал қўшимча вақтда киритилган гол эвазига ғалаба қозонган эди. Бироқ учрашув давомида Сенегал бош мураббийи Пап Тиау ҳакам томонидан тайинланган пенальтига норозилик сифатида жамоани майдондан олиб чиққан.

Орадан бироз вақт ўтиб, футболчилар майдонга қайтган ва пенальти амалга оширилмаган — марокашлик Браим Диас гол ура олмаган. Кейин қўшимча вақтда Сенегал ғалаба голини киритиб, кубокни қўлга киритган.

Бироқ кейинчалик Марокаш томонидан берилган шикоят Апелляция кенгаши томонидан қаноатлантирилди. Қарорга кўра, Сенегалнинг ўйинни вақтинча тарк этгани қоидаларга зид деб топилиб, уларнинг ғалабаси бекор қилинди.

Шу тариқа, Марокаш Африка миллатлар кубогининг амалдаги ғолиби сифатида эълон қилинди.

Бунга жавобан Сенегал футбол федерацияси АФКнинг қарори устидан Лозаннадаги Спорт Арбитраж Судига шикоят қилмоқчи.

Telegram I Facebook I YouTube I Instagram

АҚШ бошлаган уруш глобал очарчилик хавфини кучайтирди

БМТ маълумотига кўра, агар Эрон билан уруш июнгача давом этса, ўта оғир очликдан азият чекишувчилар сони 45 миллионга ошиб, жами 319 миллиондан ошиши мумкин.

Бутунжаҳон озиқ-овқат дастури вакили Карл Скау уруш гуманитар йўлакларни тўсиб қўйгани, юк ташиш харажатлари 18 фоизга ошгани ва ёрдам етказиш кечикиши ҳақида таъкидлади.

Telegram I Facebook I YouTube I Instagram

Эрон АҚШ ва Исроилга қарши янги турдаги қуроллардан фойдаланмоқчи

Эрон армияси АҚШ ва Исроилга қарши амалга оширилаётган операцияларда илгари қўлланилмаган янги турдаги қуроллардан фойдаланишни режалаштираётганини маълум қилди.

Эрон армияси вакили Муҳаммад Акраминиянинг таъкидлашича, яқин кунларда ҳарбий ҳаракатларда янги қуроллар ишга солинади.

“Келгуси кунларда илгари қўлланилмаган қуроллардан фойдаланамиз”, — деди Акрамия маҳаллий SNN телеканалига берган интервьюсида.

Эслатиб ўтамиз, 28 февралдан бошлаб АҚШ ва Исроил Эрон ҳудудидаги объектларга зарбалар беришни бошлаган. Теҳрон эса бунга жавобан Исроил ҳудудига ҳамда Яқин Шарқдаги АҚШ ҳарбий объектларига зарбалар бермоқда.

Шу тариқа, томонлар ўртасидаги ҳарбий қарама-қаршилик янги босқичга ўтиб, вазият янада кескинлашмоқда.

Telegram I Facebook I YouTube I Instagram

Эрон Али Ларижоний ўлими учун қонли қасос олишини ваъда қилди

Эрон Ислом инқилоби қўриқчилари корпуси тасдиқлашича, Исроил ҳаво зарбалари оқибатида Миллий хавфсизлик кенгаши котиби Али Ларижоний, унинг ўғли Муртазо ва қўриқлаш хизмати раҳбари Алиризо Баят ҳалок бўлган.

Telegram I Facebook I YouTube I Instagram

Президент Самарқанд шаҳри учун олиб келинган янги электробусларни кўздан кечирди

Telegram I Facebook I YouTube I Instagram

Фарғонада “Энергосавдо” муҳандиси ҳибсга олинди

“Ҳудудий электр тармоқлари” АЖнинг “Энергосавдо” филиали Фарғона бўлинмаси муҳандиси ўз хизмат мавқеидан фойдаланиб жиноятга қўл урди.

Маълум бўлишича, у Ўзбекистон туманида яшовчи, 1962 й.т. фуқарога тегишли хонадон ва хусусий боғчада электр энергиясидан ноқонуний фойдаланганлик ҳолати бўйича расмийлаштирилган далолатнома юзасидан ҳисобланган жами 1,8 млрд сўм жарима суммасини 210 млн сўмга тушириб бериш эвазига 10 минг доллар сўраган.

Давлат хавфсизлик хизматининг Фарғона вилояти бўйича бошқармаси ва Иқтисодий жиноятларга қарши курашиш департаменти ходимлари ҳамкорлигида тезкор тадбирда муҳандис сўралган пул маблағидан 9 минг долларини учинчи шахс орқали олган вақтида қўлга олинган.

Ҳозирда унга нисбатан жиноят иши қўзғатилиб, “қамоқ” эҳтиёт чораси қўлланилди. Тергов ҳаракатлари олиб борилмоқда.

Telegram I Facebook I YouTube I Instagram

Жиззахда ЙПХ ходими 700 доллар билан ушланди

Жиззах вилояти ЙҲХБ ходими, катта лейтенант Ф.М. пора билан қўлга тушди.

Маълум қилинишича, у фуқарога унинг танишига нисбатан маст ҳолда машина бошқарганлик учун расмийлаштирилган маъмурий баённомани суд орқали ижобий ҳал этиб беришни айтиб, бунинг эвазига 700 доллар талаб қилган.

Шундан сўнг, ЙҲХБ ходими ваъда қилинган пулларни олаётган вақтида тезкор тадбирда қўлга олинган.

Мазкур ҳолат юзасидан вилоят прокуратураси томонидан катта лейтенант Ф.М.га нисбатан Жиноят кодексининг 168-моддаси (фирибгарлик) ва 25,211-моддаси (пора беришда қасд қилиш) билан жиноят иши қўзғатилган.

Telegram I Facebook I YouTube I Instagram

Президент янги “Hyundai Rotem” поездида Нарпайга борди

Президент Шавкат Мирзиёев янги “Hyundai Rotem” юқори тезликда ҳаракатланувчи поездида Самарқанд шаҳридан Нарпай туманига борди.

Буюк саркарда Жалолиддин Мангуберди номи билан аталган ушбу поезд Ўзбекистонга етказиб берилиши режалаштирилган олтита “Hyundai Rotem” поездларидан биринчиси.

Поезд етти вагондан иборат, соатига 260 километргача тезликда ҳаракатлана олади.

Поезднинг узунлиги 175 метрни, сиғими эса учта – VIP, бизнес ва эконом тоифаларида 390 нафарга яқин йўловчини ташкил этади.

Яқин орада “Жалолиддин Мангуберди” поезди Тошкент – Урганч – Хива йўналиши бўйлаб қатнай бошлайди. Қатнов вақти 7 соатни ташкил этиши кутилмоқда.

Telegram I Facebook I YouTube I Instagram

Самарқандда хориждан олиб келинган 38 кг наркотик моддалар мусодара қилинди — ДХХ

Гиёҳвандлик воситаларининг ноқонуний айланмасига қарши курашиш йўналишида Давлат хавфсизлик хизматининг Чегара қўшинлари ва Самарқанд вилояти бўйича бошқармаси ходимлари ҳамкорлигида ўтказилган тезкор тадбирда қўшни давлатдан контрабанда қилинган катта миқдордаги наркотик моддалар тўхтатиб қолинди.

👉 https://effect.uz/n/96

Telegram I Facebook I YouTube I Instagram

Андижонда ЙПХ катта инспекторига нисбатан жиноят иши очилди

Андижонда йўл-транспорт ҳодисаси ортидан коррупциявий ҳолат фош этилди.

Маълум қилинишича, жорий йилнинг 2 март куни Андижон вилояти Бўстон тумани ҳудудида 21 ёшли А.Н. “Gentra” машинасида 5 ёшли болани туртиб юборган. Оқибатда бола тан жароҳати олган.

16 март куни ҳайдовчи А.Н.нинг отаси ДХХ Андижон вилоят бўйича бошқармасига ариза билан мурожаат қилиб, ЙПХ катта инспектори, майор И.Ў. суд-тиббий экспертизаси хулосасини ўзгартириб, ишни ижобий ҳал этиб бериш эвазига 500 доллар талаб қилганини билдирган ҳамда унга қонуний чора кўришни сўраган.

Ариза асосида 16 март куни тезкор тадбир ўтказилган. Унда И.Ў. талаб қилган 500 доллар пулни олгани, пуллар унинг хизмат хонасида экани аниқланган.

Ҳолат юзасидан Жиноят кодексининг 210-моддаси (пора олиш) 2-қисми “в” банди билан жиноят иши қўзғатилган.

Telegram I Facebook I YouTube I Instagram

Президент Шавкат Мирзиёев Самарқанд вилоятидаги лойиҳаларни ишга туширди ва янгиларининг қурилишини бошлаб берди.

Telegram I Facebook I YouTube I Instagram

Рамазон ҳайити 20 март куни нишонланади

Ўзбекистон Республикаси Президенти Шавкат Мирзиёев “Муборак Рамазон ҳайитини нишонлаш тўғрисида”ги қарорни имзолади.

Мазкур қарорга кўра, Ўзбекистон мусулмонлари идорасининг бу йилги Рамазон ҳайити 20 март – жума кунига тўғри келиши ҳақидаги ахбороти маълумот учун қабул қилиниб, Ўзбекистонда 2026 йил 20 март куни Рамазон ҳайити байрами сифатида кенг нишонланиши белгиланган.

Рамазон ҳайити муносабати билан 20, 21 ва 22 март кунлари барча учун дам олиш куни бўлади.

23 март, душанба куни эса – ҳафтада 5 кун ишлайдиганлар учун дам, 6 кун ишлайдиганлар учун иш куни.

Telegram I Facebook I YouTube I Instagram