Президент Олмалиқ кон-металлургия комбинатида 3-мис бойитиш фабрикасини ишга тушириш маросимида қатнашди

Президент Шавкат Мирзиёев иштирокида Олмалиқ кон-металлургия комбинатида 3-мис бойитиш фабрикасини ишга тушириш маросими бошланди.

“Бу ишларимизнинг барчаси бир мақсадга – иқтисодиётимизни янада ривожлантириш, янги иш ўринлари яратиш, маҳаллаларга Янги Ўзбекистон қиёфасини олиб кириш ва албатта халқимизнинг турмуш фаровонлигини янада оширишга қаратилган.

Бугун ишга тушаётган 3-мис бойитиш фабрикаси ҳам ана шу кенг кўламли ишларимиз ва бунёдкор халқимизнинг фидокорона меҳнати намунаси, десак айни ҳақиқатни айтган бўламиз”, – деди Президент.

Қиймати 2 миллиард 700 миллион долларлик ушбу лойиҳа шунчаки корхона эмас, балки мамлакатимиз саноат қудратини янада мустаҳкамлайдиган, табиий бойликларимизни чуқур қайта ишлашга хизмат қиладиган замонавий индустриал мажмуа экани таъкидланди.

Telegram I Facebook I YouTube I Instagram

“Ракеталар овозини эшитиб, жуда қаттиқ қўрқдим” — қорақалпоғистонлик қиз

Яқин Шарқдаги вазият туфайли Қувайтдан Ўзбекистонга эвакуация қилинган қорақалпоғистонлик қиз ўз кечинмалари ҳақида сўзлаб берди:

“Ракеталар овозини эшитиб, жуда қаттиқ қўрқдим. Сабаби бундай воқеаларни олдин кўзим билан кўрган эмасман. Ушбу воқеалардан кейин консул ходимлари билан боғландим, улар ёрдам беришди.

Саудия Арабистонида сайёҳлар кўп, чунки у ерга Умра зиёрати учун кўп одамлар ташриф буюришади, Қувайтда эса туристлар камчиликни ташкил қилади.

Шу сабаб “бу ерда қолиб кетаманми” деган ўйлар мени тинч қўймади. Бироқ Худога шукур ундай бўлмади, ватанимга қайтдим бу учун барчага ташаккур билдираман”, - деди эвакуация қилинган қиз.

Telegram I Facebook I YouTube I Instagram

Андижонда “судсиз жазо” қўллаб аёл сочини мажбуран олиш ҳолати муҳокамаларга сабаб бўлди

Ижтимоий тармоқларда тарқалган видеоларда Андижон вилоятида бир аёлнинг сочи мажбуран олиб ташланаётгани акс этгани жамоатчилик орасида кенг муҳокамаларга сабаб бўлмоқда.

Маълумотларга кўра, видеодаги шахс бу биринчи ҳолат эмаслигини, аввал ҳам шунга ўхшаш воқеа бўлганини айтган. Мутахассислар ҳар қандай шахсни суд қарорисиз жазолаш, уни таҳқирлаш ёки камситиш қонунга зид эканини таъкидламоқда.

Жамоатчилик воқеа юзасидан ваколатли идоралар томонидан тезкор текширув ўтказилиб, ҳолатга ҳуқуқий баҳо берилишини кутмоқда.

Telegram I Facebook I YouTube I Instagram

Мартнинг иккинчи ярмида 50 куб метр газ 1000 сўмдан ҳисобланади

Ўзбекистонда газ истеъмоли бўйича қишки базавий меъёр муддати тугади. Бу ҳақда Энергетика вазирлиги хабар бермоқда.

Вазирликнинг эслатишича, март ойи бошида ҳаво ҳарорати кескин совигани сабабли иситиш мавсуми учун белгиланган 500 куб метрлик базавий меъёр 15 мартга қадар амал қилган.

“Ўзгидромет” маълумотига кўра, 16–20 март кунлари республика ҳудудларида ҳаво ҳарорати кундузи +22°С, кечаси эса +10°С гача кўтарилиши кутилмоқда.

Шу муносабат билан 16 мартдан 1 ноябргача аҳоли учун ойлик 100 куб метрлик базавий меъёр амал қилади (Қорақалпоғистон Республикаси ва Хоразм вилоятида 1 октябргача).

Март ойи ҳисоб-китобига кўра:

• 1–15 март кунлари учун базавий меъёр — 250 куб метр,

• 16–31 март кунлари учун — 50 куб метрни ташкил этади.

Шу сабабли ойнинг иккинчи ярмида истеъмол қилинган 50 куб метр газ ҳам базавий тариф — 1000 сўмдан ҳисобланади (1800 сўм эмас).

Барча ҳисоб-китоблар бўйича тушунтиришлар “Ҳудудгазтаъминот” АЖ ва унинг ҳудудий филиаллари томонидан берилади.

Telegram I Facebook I YouTube I Instagram

Ёнғиндан сўнг Park in Mall фаолияти вақтинча тўхтатилди

15 март куни Тошкентнинг Шайхонтоҳур туманида жойлашган Park in Mall савдо-кўнгилочар марказида ёнғин содир бўлди. Фавқулодда вазиятлар вазирлиги маълумотига кўра, марказ фаолияти ёнғин хавфсизлиги бўйича аниқланган камчиликлар бартараф этилгунча вақтинча тўхтатилди.

Ёнғин ҳақида хабар соат 13:18 да келиб тушган. Қутқарувчилар воқеа жойига бир дақиқада етиб бориб, соат 13:28 да ёнғинни ўчиришга муваффақ бўлган.

Ҳодиса оқибатида марказнинг 3-қаватида 25 квадрат метр майдон зарар кўрган. Жароҳатланганлар йўқ. Маълум қилинишича, ёнғин болалар ўйингоҳида эмас, бошқа ҳудудда юз берган.

Telegram I Facebook I YouTube I Instagram

“Ўзйўлкўприк” мансабдор шахси пора билан қўлга тушди

“Ўзйўлкўприк” кластери давлат муассаси Қорақалпоғистон Республикаси филиали мансабдор шахси хизмат мавқеидан фойдаланиб, қинғир ишга қўл урди.

Маълум бўлишича, у қурилиш фаолияти билан шуғулланувчи МЧЖга ўзининг юқори лавозимда ишловчи танишлари орқали “Беруний-Тўрткўл” А380-сонли магистрал йўл қурилиши лойиҳасининг 5 километрлик иш ҳажмини олиб бериш эвазига 10 минг доллар талаб қилган.

Давлат хавфсизлик хизматининг Қорақалпоғистон Республикаси бўйича бошқармаси ходимлари томонидан ўтказилган тезкор тадбирда ушбу мансабдор шахс сўралган пул маблағини МЧЖ раҳбаридан олган вақтида ушланган.

Ҳозирда унга нисбатан Жиноят Кодексининг 168-моддаси 3-қисми “в” банди ва 28,211-моддаси 1-қисми билан жиноят иши қўзғатилиб, тергов ҳаракатлари олиб борилмоқда.

Telegram I Facebook I YouTube I Instagram

АҚШ Яқин Шарққа элита денгиз пиёдалари бўлинмасини юбормоқда

Америка бу миссиянинг аниқ мақсадини ошкор қилмаган. Бироқ бўлинмага Ормуз бўғози устидан назоратни қайта тиклаш вазифаси юкланиши мумкин.

👉 https://effect.uz/n/87

Telegram I Facebook I YouTube I Instagram

Шофирконда 13,5 грамм марихуана билан савдо қилмоқчи бўлган шахс ушланди

“Хавфсиз ва соғлом юрт” тезкор профилактик тадбири доирасида Бухоро вилоятининг Шофиркон туманида навбатдаги тезкор тадбир ўтказилди.

12 март куни соат 18:00 лар атрофида туман Ички ишлар бўлими тезкор-қидирув хизмати ходимлари томонидан ўтказилган назорат тадбирида гиёҳвандлик моддаларини сотмоқчи бўлган шахс қўлга олинди.

Гумонланувчидан 4 дона чироқ қутисида қадақланган, соф вазни қарийб 13,5 грамм марихуана ашёвий далил сифатида олинди. Маълум бўлишича, 2002 йилда туғилган фуқаро ушбу моддани 3 миллион 400 минг сўм эвазига сотмоқчи бўлган.

Telegram I Facebook I YouTube I Instagram

Аҳрор Бурхонов Ўзбекистоннинг Вашингтондаги илк бош консули бўлди

Ўзбекистон Республикаси Ташқи ишлар вазирлигининг собиқ матбуот котиби Аҳрор Бурхонов АҚШнинг Вашингтон шаҳрида Ўзбекистоннинг илк бош консули этиб тайинланди. Бу ҳақда у ўзининг саҳифасида маълум қилган.

Бурхонов уч йил давомида Ўзбекистон Республикаси Ташқи ишлар вазирлиги матбуот котиби сифатида фаолият юритгани ва бу даврда қўллаб-қувватлаган ҳамкорларига миннатдорлик билдирган.

Telegram I Facebook I YouTube I Instagram

Вазирдан янгича юриш...

14 март куни Фавқулодда вазиятлар вазири генерал-майор Азизбек Икрамовнинг ҳарбий хизматчилар, уларнинг оила аъзолари, тадбиркорлар ва фуқаролар учун қабули бўлиб ўтди.

Учрашувга келган мурожаатчиларнинг мурожаатлари жойида хал килинди муддат талаб киладиганларини эса мутасаддиларга топширик килиб берилди мурожаатларининг назоратини вазир зиммасига олди.

👉 https://youtu.be/b6xyIcoyI0I

Telegram I Facebook I YouTube I Instagram

Исроил армияси Ливан жанубида чекланган қуруқлик операциясини бошлади

Операция доирасида бу ҳудудда фаолият юритаётган жангчиларни йўқ қилиш режалаштирилган.

👉 https://effect.uz/n/90

Telegram I Facebook I YouTube I Instagram

Сунъий интеллектни яратиш, жорий қилиш ва фойдаланиш бўйича этика қоидалари тасдиқланди

Адлия вазирлиги Сунъий интеллектга асосланган ечимларни яратиш, жорий қилиш ва улардан фойдаланиш бўйича этика қоидаларини давлат рўйхатидан ўтказди.

👉 https://effect.uz/n/89

Telegram I Facebook I YouTube I Instagram

Австралия Трампнинг илтимосини рад этди

Австралия АҚШ президенти Дональд Трампнинг Форс кўрфази ҳудудига ҳарбий кема юбориш ҳақидаги илтимосини рад этди. Бу ҳақда Sky News Arabia телеканали хабар берди.

Маълум қилинишича, Канберра Вашингтоннинг мурожаатига қарамай, Ормуз бўғозига ҳарбий-денгиз кучларини юбориш ниятида эмаслигини билдирган.

Бундан олдин Япония ҳам Токио Форс кўрфазига ҳарбий-денгиз кучларини жўнатмаслигини маълум қилган эди.

Аввалроқ Дональд Трамп Ормуз бўғози масаласи бўйича етти давлат билан музокаралар олиб борилаётгани, шунингдек бошқа мамлакатлар билан ҳам маслаҳатлашувлар давом этаётганини айтган.

Telegram I Facebook I YouTube I Instagram

Жиззахда ИЖҚКД катта тезкор вакили пора билан қўлга тушди

ИЖҚКД катта тезкор вакилига нисбатан жиноят иши қўзғатилди. Бу ҳақда ДХХ ахборот хизмати хабар бермоқда.

Иқтисодий жиноятларга қарши курашиш департаментининг Жиззах вилояти бошқармаси Пахтакор туман бўлими катта тезкор вакили шахсий бойлик орттириш мақсадида ўзининг 37 ёшли муқаддам судланган таниши билан тил бириктириб, техника таъминоти билан шуғулланувчи МЧЖ иш бошқарувчисининг ишончига киришган.

Яъни, мазкур МЧЖ билан Жиззах шаҳар Мактабгача ва мактаб таълими бўлими ўртасида 20 дона интерактив доскаларнинг олди-сотти шартномасини электрон дўкон орқали тузилишида ғолибликни қўлга киритиб, доскаларни қиммат нархда ўтказиб беришни ваъда қилишган.

Улар ўзларининг қўштирноқ ичидаги холис хизматлари эвазига МЧЖ иш бошқарувчисидан 85 млн. сўм талаб қилишади.

Аниқланишича, Департаментнинг катта тезкор вакили хизмат мавқеидан фойдаланган ҳолда, Жиззах шаҳар Мактабгача ва мактаб таълими бўлимига асл нархи 15,2 млн сўм бўлган интерактив доскаларни 25 млн сўмдан ўтказиб бермоқчи бўлган.

Давлат хавфсизлик хизмати ходимлари томонидан прокуратура органлари билан ҳамкорликда ўтказилган тезкор тадбирда дастлаб 1989 й.т. фуқаро 85 млн сўмни олган вақтида ушланди.

Сўнгра тезкор тадбир давом эттирилиб, ундан 30 млн сўмни Департамент ходими ўзининг яна бир ҳамтавоғи бўлган – мактаб директори билан биргаликда, ўз яшаш хонадони олдида олган вақтида ашёвий далиллар билан ушланди.

Ҳолат юзасидан Жиззах вилояти прокуратураси томонидан қонунбузарларга нисбатан Жиноят Кодексининг 168-моддаси билан жиноят иши қўзғатилиб, ИЖҚКД Пахтакор туман бўлими катта тезкор вакили ва мактаб директорига нисбатан “қамоқ” эҳтиёт чораси қўлланилди.

Ҳозирда тергов ҳаракатлари олиб борилмоқда.

Telegram I Facebook I YouTube I Instagram