Афғонистон дронлари Покистондаги ҳарбий базага зарба берди

Афғонистонга тегишли дронлар эрталаб Покистон армиясининг Кохат шаҳридаги ҳарбий базасига зарба берди. Бу ҳақда Ariana News телеграм канали хабар қилди.

Маълум қилинишича, ҳужум Афғонистон томонидан олиб борилаётган “Рад ал-Зулм” (“Адолатсизлик учун интиқом”) операцияси доирасида амалга оширилган.

Хабарда айтилишича, Покистоннинг Хайбер-Пахтунхва вилоятида жойлашган Кохат ҳарбий база зарбага учраган.

У орқали Парачинар, Седи, Хайбер ва Карим ҳудудларига ҳарбий таъминот етказиб берилган, шунингдек Дюранд чизиғи бўйлаб жойлашган позициялар ҳам шу ердан таъминланган.

Манбага кўра, ушбу объектда Покистон ҳарбийлари, шунингдек қурол-яроғ ва ўқ-дорилар омборлари жойлашган бўлган.

Дронлар томонидан берилган аниқ зарба натижасида барча асосий нишонлар йўқ қилингани айтилмоқда.

Шунингдек, базадан тахминан 2 километр узоқликда жойлашган Покистон қўшинлари қўмондонлик штаби ва база қўмондонининг уйи ҳам зарба натижасида вайрон бўлгани маълум қилинди.

Telegram I Facebook I YouTube I Instagram

Нетаньяху Мужтабони ўлдириш билан таҳдид қилди

Исроил бош вазири Бинямин Нетаньяху Эроннинг янги олий раҳнамоси Мужтабо Хоманаийни ўлдириш билан таҳдид қилди. Бу ҳақда Reuters хабар берди.

Нетаньяху Эрон билан уруш бошланганидан бери илк бор матбуот анжумани ўтказиб, Эрон “энди аввалгидек эмаслиги”, Ислом инқилоби қўриқчилари корпуси ва Басиж кучларига зарбалар берилганини айтди. Шунингдек, у Ливандаги “Ҳизбуллоҳ” гуруҳига қарши ҳужумлар давом этишини маълум қилди.

Telegram I Facebook I YouTube I Instagram

Зеленский Парижга ташриф буюрди

Украина президенти Владимир Зеленский Франция пойтахти Парижга ташриф буюрди. У ерда у Франция президенти Эммануэл Макрон билан учрашув ўтказиши кутилмоқда.

Бу ҳақда France Press агентлиги Зеленский матбуот котиби Сергей Никифоровга таяниб хабар берди.

“Зеленский аллақачон Парижда”, — дея Никифоровнинг сўзларини келтиради агентлик.

Telegram I Facebook I YouTube I Instagram

Исроил Эроннинг бир нечта шаҳрига бир вақтда зарба берди

Исроил армияси Эроннинг Теҳрон, Шероз ва Аҳвоз шаҳарларига бир вақтнинг ўзида зарбалар берилганини маълум қилди.

Маълум қилинишича, зарбалар разведка маълумотлари асосида амалга оширилган.

Исроил ҳарбий-ҳаво кучлари Эрон ҳудудидаги бир қатор ҳарбий инфратузилма объектларига бир неча тўлқинда ҳужум қилган.

Баёнотга кўра, Эрон жанубидаги Шероз шаҳрида жойлашган баллистик ракеталарни ишлаб чиқариш ва сақлаш учун мўлжалланган ерости объекти ҳам нишонга олинган.

Исроил томонининг таъкидлашича, мазкур объектдан Исроил ҳудудига қарши ракеталар учириш режалаштирилган.

Telegram I Facebook I YouTube I Instagram

“Халқ қабулхоналарини ўзгартирадиган вақт келди” — Президент

Президент Шавкат Мирзиёев раислигида аҳоли мурожаатлари билан ишлаш тизимини такомиллаштириш юзасидан видеоселектор йиғилиши бошланди.

Президент матбуот хизматининг маълум қилишича, Ўзбекистон аҳолиси 38 миллиондан, меҳнатга лаёқатли аҳоли 20 миллиондан ошди, сўнгги тўққиз йилда аҳоли даромади 2 карра кўпайди. Бу йил ҳам маҳаллаларда аҳоли турмушини яхшилашга 56 триллион сўм ажратилмоқда.

“Энди вазирлар, ҳокимлар ўзига савол берсин: шунча имконият бўла туриб, аҳоли кўтарган масалаларга вақтида ечим топиб беряптими?
Бундан тўққиз йил олдин Халқ қабулхоналари ташкил қилинганда битта мақсад қўйилган эди: давлат идораларини халққа яқинлаштириш.

Тўғри, Халқ қабулхоналари вақтида самарали ишлади. Лекин бу идорани ҳам одамларнинг бугунги талабига мос ҳолда ўзгартирадиган вақт келди”, - – деди Президент.

Telegram I Facebook I YouTube I Instagram

Нью-Йоркда ЙТҲ оқибатида ўзбекистонлик аёл ҳалок бўлди

Нью-Йорк шаҳрида юз берган йўл-транспорт ҳодисаси оқибатида Ўзбекистон фуқароси Нилуфар Комилова ҳалок бўлди.

Маълум қилинишича, ҳодиса 10 март куни содир бўлган бўлиб, унда шаҳар транспорт департаментига қарашли юк машинаси иштирок этган.

Ўзбекистоннинг Нью-Йоркдаги Бош консулхонаси ушбу оғир йўқотиш муносабати билан марҳуманинг оила аъзоларига ҳамдардлик билдириб, улар билан доимий алоқада экани ҳамда зарур консуллик-ҳуқуқий ёрдам кўрсатишга тайёрлигини маълум қилди.

Telegram I Facebook I YouTube I Instagram

Россия Эронга ёрдам юборишни бошлади

Россия Эронга гуманитар ёрдам юборишни бошлади. Бу ҳақда Россия Ташқи ишлар вазирлиги матбуот котиби Мария Захарова маълум қилди.

Унинг айтишича, Эронда кўплаб шифохоналар ва тез ёрдам станциялари вайрон бўлгани ҳамда яраланганлар, жумладан аёллар ва болалар сони кўплиги сабаб, мамлакат дўст давлатлардан дори-дармон сўраган.

Владимир Путин топшириғига биноан Россиядан Эрон аҳолиси учун зарур гуманитар ёрдам юборилмоқда. 12 март куни Россия Фавқулодда вазиятлар вазирлиги 13 тоннанан ортиқ дори-дармон юборилишини эълон қилди. Юк Ильюшин-76 самолёти орқали Озарбайжонга етказилиб, у ердан Эрон вакillariga топширилади.

Эслатиб ўтамиз, 28 февраль куни АҚШ ва Исроил Эронга қарши ҳарбий операция бошлаган. Бунга жавобан Эрон Яқин Шарқдаги АҚШ ҳарбий базалари ва нефть танкерларига зарбалар бермоқда.

Telegram I Facebook I YouTube I Instagram

Президент 8 та туман ҳокимини танқид қилди

Президент Шавкат Мирзиёев раислигида аҳоли мурожаатлари билан ишлаш тизимини такомиллаштириш юзасидан видеоселектор йиғилиши бошланди.

Йиғилишда мамлакатда ҳар ўн минг кишига ўртача 319 та ариза ва шикоят тўғри келаётгани айтилди.

Мурожаатлар Тошкент шаҳрида 535 та, Навоий вилоятида 462 та, Сирдарё ва Сурхондарёда 452 тадан, Жиззахда 430 та, Қашқадарёда 368 та, Тошкент вилоятида 350 тани ташкил қилмоқда.

Деҳқонобод, Миробод туманлари, Навоий, Оҳангарон ва Янгиер шаҳарларида ҳар ўн минг аҳолига тўғри келадиган аризалар сони бошқа туманлардан 2 баробар юқори экани кўрсатиб ўтилди.

Ёки мурожаатлар сони республикада 16 фоизга камайгани билан Қоровулбозор, Нурота, Конимех, Тупроққалъа туманлари, Наманган шаҳрида олдинги йилдан 50 фоизгача ошган.

Бухоро, Кармана, Учқудуқ, Сардоба, Ховос, Бўстонлиқ туманлари, Ангрен, Ғозғон шаҳар ҳокимлари маҳалладаги 4-5 нафар одам билан “номига” гаплашиб, сайёр қабул ўтказдим деб юргани танқид қилинди.

Telegram I Facebook I YouTube I Instagram

Президент Сергелидаги “ўлим кўприги”ни вақтида тикланмаганини танқид қилди

Президент Шавкат Мирзиёев раислигида аҳоли мурожаатлари билан ишлаш тизимини такомиллаштириш юзасидан видеоселектор йиғилиши бошланди.

Йиғилишда ўтган йили Халқ қабулхоналарига ҳокимларнинг ўзи раҳбар қилиб тайинланган айтиди.

Мажлисда Қорақалпоғистон, Андижон, Қашқадарё, Хоразм, Сирдарёда раҳбарларнинг ўзи шуғуллангани учун ҳудудидаги мурожаатлар 25-30 фоизга камайгани, аҳоли кўтарган масалаларнинг 60-70 фоизи ижобий ҳал бўлаётгани таъкидланди. Лекин қолган ҳокимлар ва айрим вазирлар ҳали бу борада кескин ўзгариш қилмагани кўрсатиб ўтилди.

Масалан, Тошкент шаҳрида 170 минг ва Тошкент вилоятида 110 минг мурожаатнинг ярмидан кўпи ечимини топмаган. Сурхондарё, Самарқанд, Тошкент шаҳрида такрорий мурожаатлар кўпайган.

Мисол учун, фуқаро январь ойида мактаб ўқувчиси Сергелидан оқиб ўтадиган “Жунариқ” каналига тушиб кетганини айтиб, бузилган кўприкни қайта тиклашни сўраган.

Бу масалага икки ой давомида бирорта масъул эътибор қаратмаган, мурожаатга юзаки жавоб берилган.

Ҳолат ижтимоий тармоқда тарқалганидан кейингина маблағ ҳам топилган, кўприк ҳам қурилган.

Мурожаатлар билан ишлашдаги бундай камчиликлар одамларнинг давлатга бўлган ишончига путур етказаётгани кўрсатиб ўтилди.

Халқ қабулхоналарига келаётган мурожаатларнинг катта қисми Ички ишлар (148 минг), Мажбурий ижро бюроси (134 минг), Энергетика (88 минг), Бандлик (60 минг) ва Соғлиқни сақлаш вазирлигига (56 минг) тегишли экани қайд этилди.

Telegram I Facebook I YouTube I Instagram

Франция Ормуз бўғозига ҳарбий кемалар юборишни режалаштирмаяпти

Франция ҳукумати ҳозирча минтақадаги кескин вазиятга қарамай, Ормуз бўғозига ҳарбий кемалар юборишни режалаштирмаётганини билдирди. Бу ҳақда мамлакат мудофаа вазири Катрин Вотрен маълум қилди.

Унинг айтишича, ҳозирги пайтда Франция ҳарбий кемаларини мазкур ҳудудга йўллаш масаласи муҳокама қилинмаяпти.

“Ҳозирча Ормуз бўғозига бирор кема юбориш ҳақида гап ҳам бўлиши мумкин эмас”, — деди вазир France 24 телеканалига берган интервьюсида.

Аввалроқ Вотрен Франциянинг ягона авиаташувчиси “Шарль де Голль”ни Шарқий Ўрта ер денгизидан Ормуз бўғозига кўчириш бўйича аниқ режалар мавжуд эмаслигини ҳам айтган эди.

Telegram I Facebook I YouTube I Instagram

“Алиментчи оталар”га чет элга чиқиш рухсат берилиши мумкин

Президент Шавкат Мирзиёев раислигида аҳоли мурожаатлари билан ишлаш тизимини такомиллаштириш юзасидан видеоселектор йиғилиши бошланди.

Йиғилишда ўтган йили алимент билан боғлиқ 70 минг мурожаат келиб тушгани айтилди.

Мажбурий ижро бюроси алимент бўйича ариза тушса, ундириб бераётгани, лекин алимент тўловчининг расмий даромади бўлмагани учун мурожаатларнинг 30 фоизи ҳал қилинмасдан қолаётгани кўрсатиб ўтилди.

Бу борада ҳокимлар алимент тўловчиларнинг қанчасининг касби бор, лекин ишсиз, қанчасини ўқитиш кераклигини таҳлил қилмаётгани, шундан келиб чиқиб, бандлик бўлими ва “маҳалла еттилиги” олдига аниқ масала қўймаётгани танқид қилинди.

Ҳудудларда ишларни шу тартибда ташкил қилса, алимент бўйича мурожаатлар 2 карра камайиши мумкинлиги қайд этилди.

Ташкилий миграция асосида одамларни ўқитиб, чет элдаги юқори даромадли ишларга юбориш бўйича тизим яратилди.

Лекин алимент мажбурияти бўлган одамлар бу имкониятдан фойдалана олмаяпти, чунки фуқаро четга чиқиши учун 5 йиллик алимент пулини олдиндан тўлаши ёки алимент олувчидан ёзма розилик олиши керак.

Мутасаддиларга бу масалани чуқур ўрганиб, тегишли таклиф киритиш топширилди.

Telegram I Facebook I YouTube I Instagram

Озарбайжонда қўлга олинган қўқонлик табиб қўйиб юборилди

Иқбол Солиев Баку­даги BI ES VIP клиникасида ноқонуний даволаш билан шуғуллангани учун қўлга олинганди.

Маълум қилинишича, полиция бўлимида унга нисбатан қонунчиликка мувофиқ чоралар кўрилган ва кейинчалик у Азарбайжондан чиқариб юборилган.

Табиб клиникада биоэнергия ёки “энергия терапияси” билан беморларни даволаяптиганини айтган ва ҳар бир бемордан 60 манат (тахминан 400 минг сўм) олган. Шу сабаб клиникада катта навбат ва тартибсизликлар юзага келган.

Клиника маълумотига кўра, Иқбол Солиев ушбу муассаса ходими бўлмаган. У атиги икки кун бемор қабул қилиб, кейин клиникани тарк этган.

Telegram I Facebook I YouTube I Instagram

Учтепадаги қурилиш можароси: 5 қаватли уй ўрнига 16 қават ваъда қилинган, одамлар яна алданди

Effect.uz таҳририятига Тошкент шаҳри Учтепа тумани Боғобод маҳалласидаги қурилиш объектидан норози фуқаролар мурожаат қилди. Фуқароларнинг айтишича, маҳаллада “Great Vertex” МЧЖ томонидан амалга оширилаётган қурилиш дастлаб 5 қаватли турар жой сифатида режалаштирилган. Бироқ кейинчалик жамият вакиллари мижозларга 16 қаватли уй қурилиши ҳақида маълумот берган.

Ҳолат юзасидан Тошкент шаҳар ИИББ ҳузуридаги Тергов бошқармаси томонидан ЖКнинг 168-моддаси 4-қисми (фирибгарлик) билан жиноят иши қўзғатилган. Effect.uz манбасига кўра иш доирасида компания раҳбари Зафар Асадов қамоққа олинган. Дастлабки ҳисоб-китобларга кўра, етказилган зарар 20–30 млрд сўм атрофида бўлиши мумкин.

Маълумотларга кўра, мазкур бренд тадбиркор Суннаттила Тўраевга тегишли экани айтилмоқда. У ижтимоий тармоқларда ўзини Uchtepa City лойиҳасининг асосчиси сифатида таништиради. Таҳририятда мавжуд маълумотларга кўра, Тўраевнинг Uchtepa Cityдан ташқари ҳам бир қатор бизнес лойиҳалари мавжуд.

👉 Мақола

👉 Видеорепортаж

Президент Адлия вазирлигига бюрократияни йўқотиш бўйича топшириқ берди

Президент Шавкат Мирзиёев раислигида аҳоли мурожаатлари билан ишлаш тизимини такомиллаштириш юзасидан видеоселектор йиғилиши бошланди.

Йиғилишда қайд этилганидек, турли сабаблар билан туғилганлик тўғрисидаги гувоҳномани олмаган болаларга бундай ҳужжатни расмийлаштиришдаги бюрократия ҳақида 448 нафар одам мурожаат қилган.

“Бу боласини боғча ва мактабга жойлаштиришда гувоҳнома сўралгани учун мажбур бўлиб мурожаат қилганлар, ҳали ариза бермаганлари қанча?” – дея савол қўйди давлат раҳбари.

Адлия вазирлигига ушбу масалага содда ечим ишлаб чиқиш топширилди. Ўтган йили ички ишлар ваколатидаги масалалар бўйича 148 мингдан ортиқ мурожаат келиб тушган.

Айниқса, ички ишлар ходимларининг қўпол муомаласи ва тергов сифатидан норозилик кўплиги қайд этилди.

Тизим масъуллари ҳар 1 минг кишига нисбатан энг кўп ариза тушаётган Денов, Ургут туманлари, Самарқанд, Қарши, Наманган, Жиззах, Фарғона, Чирчиқ шаҳарларига бориб, аҳолининг муаммоларини эшитиши, профилактика инспектори ва терговчиларнинг касбий ва муомала маданиятини ошириш бўйича ўқитиши шартлиги кўрсатиб ўтилди.

Telegram I Facebook I YouTube I Instagram

Ҳокимларга 20 триллион сўмни муаммоли маҳаллаларга йўналтириш белгиланди

Президент Шавкат Мирзиёев раислигида аҳоли мурожаатлари билан ишлаш тизимини такомиллаштириш юзасидан видеоселектор йиғилиши бошланди.

Йиғилишда энергетика, йўл, сув инфратузилмаси бўйича 2025 йилда йўлланган мурожаатлар 109 мингдан ошганлиги айтилган.

Айниқса, Асака, Шаҳрихон, Избоскан, Пастдарғом, Шўрчи, Денов, Ғузор, Қамаши, Деҳқонобод, Шароф Рашидов туманлари, Самарқанд, Наманган, Термиз, Қарши ва Андижон шаҳарларида инфратузилма бўйича мурожаатлар кўпайган.

Жорий йил ушбу масалаларни ҳал қилиш бўйича 20 триллион сўм берилган. Ҳокимлар мазкур маблағларни, биринчи навбатда, энг кўп шикоят тушаётган маҳаллаларга йўналтирса, одамлар ҳам рози бўлиши, мурожаат ҳам қисқариши қайд этилди.

Маҳалла аҳолисининг оғирини енгил қилишда “Ташаббусли бюджет” дастури катта самара бераётгани таъкидланди. Лекин инфратузилма масаласида 25 мингта ариза келиб тушган 2 мингта маҳалла бирор марта “Ташаббусли бюджет”да лойиҳа жойлаштирмаган.

Мутасаддиларга Халқ қабулхонасига келган мурожаатларни таҳлил қилиб, мазкур маҳаллаларга лойиҳа қилишга кўмаклашганида эди, бу орқали кўплаб масалалар жойида ҳал қилиш мумкин бўлгани кўрсатиб ўтилди.

Telegram I Facebook I YouTube I Instagram

“Энди бу тизим ўзгаради” — Президент

Президент Шавкат Мирзиёев раислигида аҳоли мурожаатлари билан ишлаш тизимини такомиллаштириш юзасидан видеоселектор йиғилиши бошланди.

Йиғилишда Олий таълим, фан ва инновациялар вазирлиги мурожаатларнинг 64 фоизига, Қурилиш ва уй-жой коммунал хўжалиги соҳасида назорат қилиш инспекцияси 61 фоизига,
Транспорт вазирлиги 58 фоизига ечим бериш ўрнига юзаки жавоб бериш билан чеклангани, умуман, бундай мисоллар барча вазирликларда борлиги қайд этилди.

Халқ қабулхоналари янги очилганида мурожаатларнинг 90-95 фоизи шикоят шаклида бўлган бўлса, ҳозирга келиб, 60-65 фоизга тушди.

“Бугун одамларнинг дунёқараши ўзгариб, шахсий масалада эмас, маҳалласидаги шароитни яхшилаш юзасидан таклиф беришни афзал кўряпти. Лекин муаммоси ҳал бўлмаган одамлар раҳбарлар қабулини ташкил қилиб беришни Президентдан сўраяпти.

Энди бу тизим ўзгаради. Ҳокимлар аризада кўтарилган масалани ҳал қилишнинг ўзи билан чекланмайди. Аксинча, муаммонинг келиб чиқиш сабаби билан ишлаши керак”,
– деди давлат раҳбари.

Шу боис, соҳада янги тизим жорий қилиниб, Халқ қабулхоналари фақатгина ариза қабул қилувчи орган эмас, балки ҳудуддаги муаммоларни диагностика қиладиган марказ бўлиши белгиланди.

Telegram I Facebook I YouTube I Instagram

Икки вилоятда “свет” ва газ ходимлари пора билан ушланди

Давлат хавфсизлик хизмати маълумотига кўра, Наманган ва Сурхондарё вилоятларида электр ва газ таъминоти ходимларининг ноқонуний ҳаракатлари фош этилди.

Наманганнинг Косонсой туманида электр тармоқлари корхонасининг икки нафар муҳандиси тадбиркорга тегишли бинога ўрнатилган 50 кВт қувватли қуёш панели учун техник ҳужжатларни расмийлаштириб бериш эвазига 17 млн сўм олган вақтида ашёвий далиллар билан қўлга тушган.

Сурхондарёда эса Узунтумангаз ходими фуқарога тегишли газ ҳисоблагичдаги носозлик сабаб юзага келган 23 млн сўм қарздорликни “ҳал қилиб бериш” ва далолатнома расмийлаштирмаслик эвазига 5 млн сўмни учинчи шахс орқали олган вақтида ушланган. Бу ишга унинг ҳамкасби ҳам алоқадор экани аниқланган.

Ҳар икки ҳолат юзасидан жиноят иши қўзғатилиб, тергов ҳаракатлари олиб борилмоқда.

Telegram I Facebook I YouTube I Instagram

Президент Халқ қабулхоналари фаолиятини янада кучайтириш чора-тадбирларини белгилаб берди

Президент Администрациясига ҳокимлар билан биргаликда Халқ қабулхоналарига муаммоларнинг моҳиятини тушунадиган замонавий кадрларни жамлаш, мурожаатларни тизимли таҳлил қилиш бўйича алоҳида назорат гуруҳи фаолиятини йўлга қўйиш топширилди.

Президент Администрацияси Коммуникациялар департаменти ҳар ойда Халқ қабулхоналарига келиб тушган мурожаатларни таҳлил қилиб, умумлаштиради, вазирлар ва ҳокимларга етказиб, ижросини назорат қилади.
Одамлар кайфиятига таъсир қилаётган масалалар бўйича раҳбарлар ҳисоботини эшитиб боради, энг муаммоли масалалар бўйича таклифларни Ҳукуматга киритади.

Ҳукуматда вазирлик ва идораларнинг раҳбар ходимларидан иборат Тезкор штаб тузилади. Кўтарилган масалалар ҳудуд ва тармоқлар кесимида жойига чиққан ҳолда ҳал қилинади.

Халқ қабулхоналарига мурожаатларни кўриб чиқиш тартибини бузган идораларга мажбурий бўлган кўрсатмалар бериш ваколати берилади.

Коммуникациялар департаментига мурожаатлар билан ишлаш бўйича давлат идоралари рейтингини йўлга қўйиш ва ҳар олти ойда эълон қилиб бориш топширилди.

Бош прокурорнинг комплаенс бўйича ўринбосари олдига бу борадаги барча топшириқлар ижросини қатъий назоратга олиш вазифаси қўйилди.

Telegram I Facebook I YouTube I Instagram

Тошкент вилоятидаги болалар заҳарланишига оид иш очиқ судда кўрилмоқда

Жиноят ишлари бўйича Бўка туман судида 2025 йил сентябрь ойида Бекобод, Бўка, Оққўрғон, Пискент ва Қуйичирчиқ туманларида мактабгача таълим муассасалари тарбияланувчиларининг заҳарланиши билан боғлиқ жиноят ишини кўриб чиқиш бўйича очиқ суд жараёни бошланди. Бу ҳақда Олий суд матбуот хизмати хабар қилди.

👉 https://effect.uz/n/67

Telegram I Facebook I YouTube I Instagram

Мулкни суд қарорисиз бузиш — қонунга зид. ЎзЛидеп Тошкентдаги демонтаж ишларига муносабат билдирди

Ўзбекистон Либерал-демократик партияси тадбиркорларга тегишли ташқи реклама воситалари ва бошқа енгил конструкцияли объектларни мажбурий демонтаж қилиш ҳолатлари юзасидан электорат манфаатини ифода этган ҳолда тегишли давлат ташкилотларига ўз ҳаракатларини қонунийлиги нуқтаи назарларини баён этиш бўйича Қонунчилик палатасидаги фракция аъзолари томонидан депутатлик сўровлари юборилади.

👉 https://effect.uz/n/68

Telegram I Facebook I YouTube I Instagram

Тошкентда ФВБ ходими 1500 “кўкат” билан қўлга тушди

Коррупцияга қарши курашиш йўналишида Давлат хавфсизлик хизматининг Тошкент шаҳар бўйича бошқармаси ходимлари томонидан Иқтисодий жиноятларга қарши курашиш департаменти билан ҳамкорликда тезкор тадбир ўтказилди.

Унда, Янгиҳаёт тумани Фавқулодда вазиятлар бўлими кичик инспектори ўз хизмат мавқеини суиистеъмол қилиб, маҳаллий МЧЖ раҳбаридан 1500 доллар олган вақтида ашёвий далиллар билан ушланди.

Аниқланишича, ФВБ ходими ҳамкасблари орқали, МЧЖ томонидан мазкур туманда фаолият юритувчи корхона ҳудудига ўрнатилган ёнғин хавфсизлиги жиҳозларини қабул қилиш бўйича баённома расмийлаштириб бериш эвазига пул талаб қилган.

Ҳолат юзасидан унга нисбатан Жиноят Кодексининг 168-моддаси 3-қисми “в” банди ва 28,211-моддаси 1-қисми билан жиноят иши қўзғатилиб, “қамоқ” эҳтиёт чораси қўлланилди. Ҳозирда тергов ҳаракатлари олиб борилмоқда.

Telegram I Facebook I YouTube I Instagram