Ўзбекистонда АИ-92 бензини нархи кескин ошди

Бензиннинг бир тоннаси нархи 878,9 минг сўмга ошиб, 12 миллион 723 минг сўмга етган. Бу эса ҳисоб-китобларга кўра бир литр ёқилғига ўртача 9,5 минг сўм атрофида тўғри келади.

👉 https://effect.uz/n/60

Telegram I Facebook I YouTube I Instagram

Сирдарёда кадастр ходими пора билан қўлга тушди

Давлат хавфсизлик хизмати яна бир давлат ходимининг коррупцион ишини фош қилди.

Маълум қилинишича, Кадастр агентлигининг Сирдарё вилояти Мирзаобод тумани бўлими бош инспектори ўз хизмат мавқеидан фойдаланган ҳолда 50 ёшли фуқаронинг ишончига кириб, ўзининг мансабдор танишлари орқали унинг яшаш хонадони кадастр ҳужжатларини расмийлаштириш ва ушбу ҳужжатларни муддатидан олдин тайёрлаб бериш эвазига 1500 доллар талаб қилган.

Давлат хавфсизлик хизмати ва Иқтисодий жиноятларга қарши курашиш департаменти ходимлари ҳамкорлигида ўтказилган тезкор тадбирда, бош инспектор 1000 доллар ва 6 млн 50 минг сўм олган вақтида ашёвий далиллар билан ушланди.

Ҳозирда унга нисбатан Жиноят Кодексининг 168-моддаси 3-қисми “в” банди ва 28,211-моддаси 1-қисми билан жиноят иши қўзғатилиб, “қамоқ” эҳтиёт чораси қўлланилди. Тергов ҳаракатлари олиб борилмоқда.

Telegram I Facebook I YouTube I Instagram

Исроилда ракета ҳужуми оқибатида ҳалок бўлган шахс Ўзбекистон фуқароси эмас — Элчихона

Исроилнинг Йеҳуд шаҳрида содир бўлган ракета ҳужуми оқибатида ҳалок бўлган шахс ҳақида ижтимоий тармоқларда тарқалган хабарлар юзасидан Ўзбекистоннинг Исроилдаги элчихонаси расмий маълумот берди.

👉 https://effect.uz/n/61

Telegram I Facebook I YouTube I Instagram

⚡️Яқин Шарқда янги эскалация: АҚШ–Эрон қарама-қаршилиги дунё сиёсатини ўзгартиряптими?

“Мен президент бўлсам, дунёда урушлар тўхтайди”.

Бу иборани АҚШ президенти Доналд Трамп сайлов кампанияси даврида бир неча бор такрорлаган эди. Унинг асосий сиёсий шиорларидан бири — “Америка биринчи ўринда” бўлиб, у Вашингтоннинг чет давлатлар можароларига камроқ аралашиши кераклигини таъкидлаб келган.

Бироқ бугунги кунда Яқин Шарқ минтақасидаги вазият яна кескинлашиб, халқаро сиёсатнинг энг хавфли нуқталаридан бирига айланмоқда. Халқаро нашрлар маълумотларига кўра, минтақадаги ҳарбий ҳаракатлар сўнгги йиллардаги энг хавфли босқичлардан бирига кирган.

Бу ҳолат халқаро кузатувчилар орасида бир саволни кун тартибига чиқармоқда: минтақадаги бу эскалация қандай оқибатларга олиб келиши мумкин?

👉 https://youtu.be/kNy-iOoovH4

«Кўзга уйқу келмади, фақат йиғладик» – Қувайтдан эвакуация қилинган ўзбекистонлик аёл

Яқин Шарқдаги вазиятнинг кескинлашуви муносабати билан Кувайтда бўлиб турган бир қатор Ўзбекистон фуқаролари эвакуация қилинди. Ватанга қайтган фуқаролардан бири бошидан кечирган ҳолатлари ҳақида сўзлаб берди. Унинг айтишича, ҳудудда янграган огоҳлантириш сиреналари одамларни жиддий хавотирга солган.

«Сирена овозларидан қўрқиб, ухлай олмадик. Биринчи марта бундай вазиятга тушдик, жуда қўрқиб кетдик. Президент топшириғидан кейин биз ўзимизни эътиборда эканимизни ҳис қилдик», — дейди у.

Маълумот ўрнида, Миграция агентлиги ҳамда Ўзбекистоннинг Кувайтдаги элчихонаси ҳамкорлигида фуқароларни Саудия Арабистони орқали Ўзбекистонга қайтариш чоралари кўрилган. Хусусан, улар Ал-Кувайт шаҳридан Ар-Риёд халқаро аэропортига етказилиб, у ердан Жидда орқали Тошкентга учирилган.
10 март ҳолатига кўра, Ватанга қайтиш истагини билдирган фуқаролар сони 42 нафарни ташкил этган. Уларнинг 16 нафари катталар, 26 нафари эса вояга етмаган болалар.

Кўрилган ташкилий чоралар натижасида 11 март куни ушбу фуқаролар Ар-Риёд – Жидда – Тошкент йўналиши орқали Ватанга қайтарилди. Эвакуация жараёнлари Миграция агентлиги, Ташқи ишлар вазирлиги, Транспорт вазирлиги ҳамда Ўзбекистоннинг Кувайтдаги элчихонаси ҳамкорлигида амалга оширилди.

Telegram I Facebook I YouTube I Instagram

Исроилда Ўзбекистон фуқароси ҳалок бўлдими?

Ўзбекистоннинг Исроилдаги элчихонаси 9 март куни Йехуд шаҳридаги ракета ҳужумида ҳалок бўлган Рустам Ғуломов ҳақидаги хабарларга аниқлик киритди. Маълум қилинишича, 62 ёшли марҳум 2017 йилда Ўзбекистон фуқаролигидан чиққан ва Исроил фуқаролигини олган.

11 март ҳолатига кўра, жабрланганлар орасида Ўзбекистон фуқаролари мавжуд эмас. Элчихона ватандошларни хавфсизлик қоидаларига қатъий риоя қилишга чақириб, марҳумнинг яқинларига ҳамдардлик билдирди.

Telegram I Facebook I YouTube I Instagram

Туркия ўрмонидан топилган жасад Ўзбекистонга қайтарилди

Туркияда ўлдирилган ва маълум вақт қидирувда бўлган, асли самарқандлик 46 ёшли Дилафруз Чуллиеванинг жасади Ўзбекистонга олиб келинди.

Telegram I Facebook I YouTube I Instagram

Эрон президенти урушни тугатиш шартларини айтди

Эрон президенти Масъуд Пезешкиён урушни тугатиш учун бир нечта асосий шартларни илгари сурди. Унга кўра, Эроннинг қонуний ҳуқуқлари тан олиниши, етказилган зарар учун компенсация тўланиши ва келажакдаги ҳужумларга қарши халқаро хавфсизлик кафолатлари берилиши керак.

Пезешкиённинг айтишича, урушни тугатишнинг ягона йўли — айнан шу талабларнинг бажарилишидир.

Айни пайтда АҚШ президенти Доналд Трамп ҳарбий операция тез орада якунланиши мумкинлигини айтган. Эрон томони эса уруш қачон тугашини АҚШ эмас, Эрон ҳал қилишини таъкидламоқда.

Telegram I Facebook I YouTube I Instagram

“Борми оғриқ?” — Иқбол Салиев Озарбайжонда қўлга олинди

Ўзбекистонлик табиб Иқбол Салиев ёки халқ тили билан айтганда “бионур соҳиби” Озарбайжон пойтахти Боку шаҳрида ноанъанавий тиббиёт билан шуғуллангани учун ҳибсга олинди.

Маълум қилинишича, у пойтахтдаги “BI-ES VIP” клиникасида беморларни қабул қилиб, ўзининг шахсий усули асосида даволаш амалиётини олиб борган.

Бир сеанс учун тўлов 60 манат (тахминан 430 минг сўм)ни ташкил этган.

Унинг даволаш усуллари баҳсли бўлишига қарамай, “табиб” олдига беморлардан катта навбатлар юзага келган.

Айнан шу ҳолат унинг фаолияти қонунийлигига оид масалалар юзага келишига ва ҳуқуқни муҳофаза қилувчи органлар эътиборини тортишига сабаб бўлган.

Telegram I Facebook I YouTube I Instagram

Қўқонлик табиб Озарбойжонда қўлга олинди

Иқбол Солиев Озарбойжон пойтахти Боку шаҳрида маҳаллий полиция томонидан қўлга олинди.

У Бокудаги «Bİ-ES VİP» эстетик клиникасида беморларни “қўл энергияси” орқали даволашини айтиб қабул қилган. Хабарларга кўра, ҳар бир қабул учун тахминан 60 манат (430 минг сўм) олган.
Клиника олдида кўплаб одамлар йиғилиб, навбат ва тартибсизликлар юзага келганидан сўнг полиция аралашган.

Маълум қилинишича, Иқбол Солиев клиника ходими бўлмаган. У ўзини “Bionur” маркази асосчиси ва биоэнергия терапевти сифатида таништирган.

Аввалроқ у Ўзбекистонда ҳам ноқонуний халқ табобати фаолияти сабаб 15 сутка қамоқ жазоси олган эди. Ҳозир воқеа юзасидан текширув давом этмоқда.

Telegram I Facebook I YouTube I Instagram

“Крокус Сити Холл”даги теракт ижрочиларига умрбод қамоқ жазоси берилди

Москва шаҳридаги “Крокус Сити Холл” концерт залида содир этилган теракт бўйича ишни кўриб чиққан ҳарбий суд тўрт нафар айбланувчиларга нисбатан ҳукм ўқиди.

Иккинчи Ғарбий округ ҳарбий суди судлов ҳайъати Москва шаҳар судида ўтказилган сайёр судда терактнинг бевосита ижрочилари деб топилган Шамсидин Фаридуний, Далержон Мирзоев, Маҳаммадсобир Файзов ва Саидакрамий Рачаболизодага умрбод қамоқ жазоси тайинлади.

Суд қарорига кўра, маҳкумлар жазонинг бир қисмини қамоқхонада, қолган қисмини эса алоҳида режимдаги колонияда ўтайди.

Шунингдек, уларнинг ҳар бирига 990 минг рубль миқдорида жарима белгиланди.

Ҳукмга биноан:

Шамсидин Фаридуний дастлабки 18 йил;

Далержон Мирзоев ва Маҳаммадсобир Файзов — 17 йилдан;

Саидакрамий Рачаболизода — 16 йилни қамоқхонада ўтайди.

Шунингдек, теракт ижрочилари ижарага олган квартира эгаси Алишер Қосимов 22,5 йил муддатга озодликдан маҳрум этилди.

Террористларга автомобил сотган Диловар Исломов, унинг отаси Исроил Исломов ва акаси Аминжон Исломов 19 йил 11 ой муддатга қамоқ жазосига ҳукм қилинди.

Теракт бўйича жиноят ишини кўриб чиқиш етти ой давом этди. Суд жараёнида прокурор айбланувчиларга умрбод қамоқ жазоси тайинлашни сўраган эди.

Telegram I Facebook I YouTube I Instagram

Эроннинг янги Олий раҳбари яралангани тасдиқланди

Эроннинг янги Олий раҳбари Мужтабо Хоманаий яраланган, бироқ унинг аҳволи ҳозир барқарор.

Бу ҳақда республика Ташқи ишлар вазирлиги матбуот котиби Исмоил Бақоий Corriere della Sera нашрига берган интервьюсида маълум қилди.

“У яраланган, аммо аҳволи яхши. У қачон биринчи нутқини сўзлашини билмайман”, — деди Бақоий.

The Guardian нашри Эроннинг Кипрдаги элчиси Алирезо Солариёнга таяниб хабар беришича, Мужтабо Хоманаий 28 февраль куни АҚШ ва Исроил томонидан Эрон Олий раҳбари қароргоҳига берилган зарба вақтида яраланган.

Мазкур ҳужум оқибатида унинг отаси — Эроннинг собиқ Олий раҳбари Али Хоманаий ҳамда оиласининг яна олти нафар аъзоси ҳалок бўлган.

Шунингдек, қароргоҳ ҳам тўлиқ вайрон бўлган.

Дипломатнинг айтишича, Мужтабо Хоманаийнинг ҳозиргача омма олдида чиқиш қилмагани унинг саломатлиги билан боғлиқ.

“Бундай ҳолатда у нутқ сўзлашни маъқул кўрмаяпти, деб ўйлайман”, — деди элчи.

Telegram I Facebook I YouTube I Instagram

Бекободда 11-синф ўқувчиси пичоқлаб ўлдирилди

Бекобод шаҳрида вояга етмаганлар орасида юз берган жанжал фожиа билан якунланди.

5-март куни бир гуруҳ ўсмирлар орасида оғзаки тортишув чиқиб, можаро вақтида улардан бири ошхона пичоғи билан 11-синф ўқувчисининг кўкрак қисмига жароҳат етказган.

Жабрланувчи шифохонага олиб борилган, аммо кўрсатилган тиббий ёрдамга қарамай вафот этган.

Ҳолат юзасидан Ўзбекистон Бош прокуратураси томонидан Жиноят кодексининг 97-моддаси (қасддан одам ўлдириш) билан жиноят иши қўзғатилди. Гумонланувчи вояга етмаган шахс процессуал тартибда ушланган.

Telegram I Facebook I YouTube I Instagram

Роналду Саудия Арабистонига қачон қайтиши маълум бўлди

“Ал Наср” ҳужумчиси Криштиану Роналду терма жамоалар ўйинларидан кейин Саудия Арабистонига қайтиши кутилмоқда. Бу ҳақда “Asharq Al-Awsat “нашри хабар берди.

Маълум қилинишича, футболчи 3 апрель куни бўлиб ўтадиган учрашувда “Ал Наср” жамоаси сафида “Ан-Нажма”га қарши майдонга тушиши мумкин.

Қайд этиш керак, айни вақтда португалиялик футболчи оиласи билан биргаликда Испаниянинг Мадрид шаҳрида бўлиб турибди.

У ерда Роналду “Ал Файҳа”га қарши кечган баҳсда олган жароҳатидан қутулиш учун реабилитация дастурини бошлаган.

Бироқ айрим кузатувчилар унинг кетишини Яқин шарқ давлатларида кузатилаётган кескин вазият билан ҳам боғлашмоқда.

Маълумот ўрнида, Яқин Шарқдаги кескинликка қарамай Саудия Арабистони чемпионати одатий тартибда давом этмоқда.

Ҳозирча “Ал Наср” Роналдусиз ҳам турнир жадвалида етакчиликни сақлаб турибди. Бироқ энг яқин таъқибчилар ундан атиги 2–3 очко орқада бормоқда.

Telegram I Facebook I YouTube I Instagram

“Бир соат ичида йўқ қилишимиз мумкин” — Трамп Эрон энергетика тизимини йўқ қилиш билан таҳдид қилди

АҚШ президенти Дональд Трамп Эронга қарши зарбалар янада кучайтирилиши мумкинлигини билдириб, мамлакатнинг энергетика инфратузилмаси тўлиқ йўқ қилиб юборилиши мумкинлигини айтди. Бу ҳақда CNN хабар берди.

“Биз Теҳроннинг айрим ҳудудларига ва бошқа жойларга шундай зарбалар беришимиз мумкинки, улар учун мамлакатни қайта тиклаш деярли имконсиз бўлиб қолади.

Лекин биз бундай бўлишини истамаймиз.

Агар хоҳласак, электр энергияси тизимига зарба бериб, уни бир соат ичида йўқ қилишимиз мумкин, уни тиклаш эса 25 йил вақт олади.

Шунинг учун идеал ҳолатда биз бундай қилмасликни хоҳлаймиз”, — деди Трамп.

Айни пайтда, Financial Times нашрининг ёзишича, АҚШнинг Эронга қарши ҳаракатлари ҳатто ҳукуматга мухолиф бўлган айрим эронликлар томонидан ҳам қўллаб-қувватланмаяпти.

Нашрга кўра, АҚШ ва Исроил зарбалари натижасида Эроннинг собиқ олий раҳбари Али Хоманаий ҳалок бўлганидан кейин айрим эронликлар бу воқеа ҳокимият алмашишига олиб келиши мумкин,
деб умид қилган. Бироқ кенг кўламли бомбардимонлар, инфратузилманинг вайрон бўлиши ва мингдан ортиқ тинч аҳоли ҳалок бўлгани жамоатчилик кайфиятини тезда ўзгартирган.

“Бизни бомбардимон қилишмаслиги керак эди”, — деган ёш эронлик аёл ўз уйи яқинидаги кучли портлашдан кейин.

Нашр таъкидлашича, уруш фонида жамиятнинг бир қисмида миллий бирлик ҳисси кучайган ва мамлакат парчаланиб кетишидан қўрқув ортган.

Шу боис, аввал ҳокимият алмашишини истаган айрим эронликлар ҳам энди энг муҳими тинчлик ва барқарорлик эканини таъкидламоқда.

Telegram I Facebook I YouTube I Instagram

Қозоғистонга алоқадор хакерлар Ўзбекистон идораларига ҳужум қилгани айтилмоқда

Киберхавфсизлик компанияси VieMRey хисоботига кўра, «Hydra Saiga» номли хакерлик гуруҳи Ўзбекистоннинг бир қатор давлат идораларига киберхужум уюштирган.

Таҳлилчиларга кўра, ҳужумлар асосан Сув хўжалиги вазирлиги, айрим вилоят ҳокимликлари ҳамда сув ресурслари билан боғлиқ илмий институтларга қаратилган.

Мутахассислар хакерларнинг асосий мақсади Сирдарё ва Амударё ҳавзалари, сув омборлари ва гидроэнергетика объектларига оид маълумотларни қўлга киритиш бўлганини айтмоқда.

Хисоботда қайд этилишича, бу гуруҳ 2021 йилдан бери Марказий Осиёда фаол бўлиб, камида саккизта давлатдаги 34 та ташкилот киберхужумлардан зарар кўрган.

Таҳлилчилар айрим техник белгилар сабаб ҳужумлар Қозоғистон давлат манфаатлари билан боғлиқ бўлиши мумкинлигини ҳам истисно қилмайди.

Telegram I Facebook I YouTube I Instagram