Фермерларни ердан фойдаланиш ҳуқуқига риоя этилиши ҳолати ўрганилмоқда — Фермерлар кенгаши

Фермерлар кенгаши томонидан фермер хўжаликларнинг ердан фойдаланиш ҳуқуқларига риоя этилиши ҳолати, ер ижара шартномасини бекор қилиш ёки ўзгартириш билан боғлиқ жойлардаги вазият ўрганилмоқда.

Ўрганишда, ер ижара шартномасини бекор қилиш ёки ўзгартириш билан боғлиқ маҳаллий ҳокимликлар қабул қилган қарорларнинг амалдаги қонунчиликка мувофиқлигига баҳо берилиб, ноқонуний қарорларга нисбатан судларга даъво аризалари ва шикоятлар киритилади.

Шу билан бирга, фермерларнинг ердан фойдаланиш ҳуқуқларини мустаҳкамлаш юзасидан қонунчиликни такомиллаштириш бўйича таклифлар ишлаб чиқилади.

Telegram I Facebook I YouTube I Instagram

Пилла етиштирувчиларга 4 млн сўмдан субсидия ажратилади

“Ипакчилик соҳасини янги тизим асосида ривожлантириш ҳамда озуқа базасини мустаҳкамлашга доир қўшимча чора-тадбирлар тўғрисида”ги Президент қарори (ПҚ–87-сон, 06.03.2026 й.) қабул қилинди.

Қарорга кўра, 2026 йил 1 апрелдан:

Пилла етиштирувчиларга (ипак қурти боқувчи ва касаначиларга) “маҳалла еттилиги”нинг коллегиал қарори асосида пиллачилик кластери ҳақиқатда пилла учун тўлаб берган маблағларнинг 35 фоизи миқдорида субсидия ажратилади;

Ўрмон ва яшил ҳудудларни кўпайтириш, чўлланишга қарши курашиш агентлиги (Ўрмон агентлиги) балансидаги ер майдонларида ташкил этиладиган тутзорларда пилла кооперативи тузиш мақсадлари учун ушбу кооператив аъзоси ҳисобланадиган камбағал оилаларга (1 та оиланинг 1 нафар аъзосига фақат 1 марта) 4 млн сўмдан субсидия ажратилади;

Ипак қуртини парваришлашда зарур бўладиган асбоб-ускуна ва жиҳозларни харид қилиш учун касаначиларга 3 йил муддатга БҲМнинг 50 бараваригача миқдорда фоизсиз ссуда ажратилади;

уруғчилик корхоналарига ипак қурти уруғларини тайёрлаш фаолиятига жалб этиладиган ҳар бир мавсумий ишчи ойлик иш ҳақининг 50 фоизи, бироқ меҳнатга ҳақ тўлашнинг энг кам миқдорининг 2 бараваридан ошмаган қисми компенсация қилиб берилади.

Telegram I Facebook I YouTube I Instagram

Эрон Ироқ Курдистонидаги “Харир” базасига зарба берди

Эрон Ислом инқилоби муҳофизлари корпуси (КСИР) Ироқ Курдистонида жойлашган, АҚШ бошчилигидаги коалицияга тегишли “Харир” ҳарбий базасига ракета зарбалари берилганини маълум қилди.

Баёнотга кўра, КСИР қуруқлик кучлари база ҳудудига бешта ракета учирган.

“АҚШ армиясининг Ироқ Курдистонидаги “Харир” базасига бешта ракета учирди”, — дейилади Эрон давлат телерадиоси келтирган баёнотда.

Маълумотларга кўра, “Харир” халқаро аксилтеррор коалицияси базаси Ироқ шимолидаги Эрбил шаҳри халқаро аэропорти яқинида жойлашган.

Эрон атрофидаги кескинлик кучайганидан бери ушбу база бир неча бор дронлар ва ракеталар орқали ҳужумларга уринишларга дуч келган.

Telegram I Facebook I YouTube I Instagram

ЙПХ ходими ҳайдовчига нисбатан электрошокер ишлатгани айтилмоқда

Ижтимой тармоқларда ЙПХ ходими ҳайдовчига нисбатан электрошокер ишлатгани акс этган видеолавҳа тарқалди.

Маълум қилинишича, ушбу воқеа Самарқанд вилояти Тайлоқ туманида содир бўлган.

Видеода ҳайдовчилик гувоҳномаси бўлмаган 19 ёшли ҳайдовчи машинадан чиқишни истамаган, фуқаро кийимидаги номаълум шахс эса машина ойнасини уриб синдирганини кўриш мумкин.

Воқеадан жазавага тушган ҳайдовчи машинадан тушишга рози бўлганига қарамай, унга нисбатан электрошокер ишлатилганини эшитиш мумкин. Бу ҳолатни тасвирга олган қиз қўрқувга тушиб қолган.

Telegram I Facebook I YouTube I Instagram

Ўзбекистонда 31 майгача балиқ овлаш тақиқланди

11 мартдан 31 майгача Амударё ва Сирдарёда, 26 апрелдан 10 июнгача Қорақалпоғистон Республикаси ва Хоразм вилоятидаги табиий сув ҳавзаларида балиқ овлашга тақиқ қўйилади.

Шунингдек, бошқа барча табиий сув ҳавзаларида 16 апрелдан 31 майгача балиқ овлаш тақиқланади. Бу ҳақда Экология ва иқлим ўзгариши қўмитаси хабар берди.

Маълум қилинишича, ушбу таъқиқ 2020 йил 8 июлдаги “Ов қилиш ва овчилик хўжалиги тўғрисида”ги 627-сонли қонуни ҳамда вазирлар маҳкамасининг 2024 йил 9 февралдаги 80-сон қарорига мувофиқ амалга оширилмоқда.

Таъкидлаш жоизки, юқорида қайд этилган муддатлар балиқларнинг кўпайиш даври ҳисобланади. Агар бу даврда балиқлар овланса, сони кескин камайиб, айрим турлар йўқолиб кетиш хавфи туғилади.

Маълумот учун, ушбу қарор сунъий сув ҳавзалари ёки ирригация тармоқларида интенсив технологиялар асосида балиқ етиштириш, аквакултура фаолияти, шунингдек, қафас, яъни садок мосламаларида балиқ етиштириш ва овлаш жараёнларига татбиқ этилмайди.

Эслатиб ўтамиз, тақиқланган давр ва ҳудудларда балиқ овлаш маъмурий ва жиноий жавобгарликка сабаб бўлади.

Telegram I Facebook I YouTube I Instagram

5 йилгача қамалиш мумкин — Дориларни рецепт бўйича чакана реализация қилиш тартибини бузганлик учун жавобгарлик кучайтирилди

Қонун (ЎРҚ–1120-сон, 06.03.2026 й.) билан айрим қонун ҳужжатларига ўзгартириш ва қўшимчалар киритилди.

Маъмурий жавобгарлик тўғрисидаги кодексга киритилган ўзгартиришларга кўра, таркибида кучли таъсир қилувчи моддалар мавжуд бўлган дори воситаларини рецепт бўйича чакана реализация қилиш тартибини бузганлик учун БҲМнинг 100 бараваридан 200 бараваригача жарима солишга сабаб бўлиши белгиланди.

Амалдаги таҳрирда мазкур ҳуқуқбузарлик учун БҲМнинг 50 бараваридан 100 бараваригача миқдорда жарима белгиланган.

Жиноят кодексига киритилган ўзгартиришларга кўра, таркибида кучли таъсир қилувчи моддалар мавжуд бўлган дори воситаларини рецепт бўйича чакана реализация қилиш тартибини бузиш, маъмурий жазо қўлланилганидан кейин ёки кўп миқдорда содир этилган бўлса БҲМнинг 200 бараваридан 300 бараваригача миқдорда жарима ёки 3 йилгача ахлоқ тузатиш ишлари ёки 2 йилдан 5 йилгача озодликни чеклаш ёхуд 5 йилгача озодликдан маҳрум қилиш билан жазоланиши белгиланди.

Амалдаги таҳрирда жариманинг энг кам миқдори БҲМнинг 100 бараварини ташкил этиши белгиланган.

Telegram I Facebook I YouTube I Instagram

Чет эл фуқароларига ҚҚСни қайтариш тизими йўлга қўйилди

Президентнинг “Чет эл фуқароларига қўшилган қиймат солиғини қайтариш тизимини такомиллаштириш чора-тадбирлари тўғрисида”ги (ПҚ-78) қарори қабул қилинди.

Қарорга кўра 2026 йил 1 апрелдан бошлаб:

республиканинг барча халқаро аэропортларида чет эл фуқароларига қўшилган қиймат солиғи (ҚҚС)ни қайтариш тизими йўлга қўйилади;

чет эл фуқароларига уларнинг ихтиёрига асосан ҚҚСини нақд пулда қайтариб олиш имконияти яратилади.

Бунда ҚҚСнинг белгиланган ставкаси миқдорининг 85 фоизи чет эл фуқаросига қўшилган қиймат солиғи суммасини қайтаришга, 15 фоизи “tax free” тизими операторининг хизматларига йўналтирилади;

ҚҚСини чет эл фуқароларининг банк картасига қайтариш товарлар олиб чиқиб кетилган кундан кейин 3 иш кунидан кўп бўлмаган муддатда амалга оширилади;

чет эл фуқароларига ҚҚСни қайтаришда минимал харид қиймати қўшилган қиймат солиғини инобатга олган ҳолда 300 минг сўм этиб белгиланади;

“tax free” тизими татбиқ этиладиган товарларнинг чегараланган рўйхати (бундан озиқ-овқат маҳсулотлари мустасно) бекор қилинади.

Қарордаги муҳим ўзгаришлар:
Эндиликда ҚҚСни қайтариш тизими нафақат аэропорт ва вокзалларда, балки чегара божхона постларида ҳам босқичма-босқич жорий этилади.

Шунингдек, тизимга нафақат йирик савдо марказлари, балки чакана савдо шохобчалари ҳам кенг жалб қилинади.

Чет эл фуқаролари учун харид қилинган товарлар учун ҚҚСни қайтариб олиш жараёнлари соддалаштирилади.

Ҳисоб-китоблар шаффофлигини таъминлаш мақсадида рақамли технологиялар ва мобил иловалар имкониятларидан кенг фойдаланилади.

Бюджет ва корпоратив буюртмачилар товар ва хизматларни, шу жумладан, аудит ва солиқ маслаҳати хизматларини биринчи навбатда маҳаллий ишлаб чиқарувчилардан харид қилиш имкониятларини мажбурий тартибда ўрганадилар.

Бунинг учун new.cooperation.uz портали асосий платформа бўлиб хизмат қилади.

Telegram I Facebook I YouTube I Instagram

⚡️Машҳурлар реклама қилган "чучвара" хом экан: Депутат, амалдор, яна бири қидирувда, DNA MOTORS ишида нималар маълум?

Тошкентда Хитойдан электромобиллар олиб келишни ваъда қилиб, бир қатор фуқаролардан пул йиғиб олган “DNA Motors” МЧЖ иши бўйича тергов ҳаракатлари якунланди. Иш материаллари судга оширилиши кутилмоқда.

Мазкур жиноят иши доирасида Халқ депутатлари Янгиҳаёт туман кенгашининг собиқ депутати Наргис Саидназирханова ҳамда “Адолат” СДП марказий аппаратининг собиқ бошқарма бошлиғи Фазлитдин Зияевга нисбатан Жиноят кодексининг фирибгарлик моддаси билан айб эълон қилинган.

Тергов маълумотларига кўра, улар “DNA Motors” МЧЖ фаолияти билан боғлиқ ҳолатлар юзасидан жавобгарликка тортилмоқда. Шунингдек, жамият раҳбари ўринбосари Жамолиддин Мирсалихов катта эҳтимол билан Ўзбекистонни тарк этгани айтилади.

Қўшимча қилиш жоизки, ушбу компания фаолиятини мамлакатдаги айрим машҳур шахслар ҳам реклама қилган. Жумладан, боксчи Баҳодир Жалолов компаниядан автомобил харид қилишни тавсия қилгани ҳақида маълумотлар бор.

👉 https://youtu.be/CYd7CJQpUHg

Исроил элчиси ТИВ биносига чақирилди

Ташқи ишлар вазирининг биринчи ўринбосари Бахромжон Аълоев Исроилнинг Ўзбекистондаги Фавқулодда ва Мухтор Элчиси Гидеон Лустиг билан учрашув ўтказди.

Суҳбат чоғида икки томонлама ҳамкорликни кенгайтириш чора-тадбирлари, шунингдек долзарб минтақавий масалалар, жумладан Яқин Шарқдаги вазият бўйича атрофлича фикр алмашилди.

Telegram I Facebook I YouTube I Instagram

Хонанда Сардор Мамадалиев жаримага тортилди

Хонанда Сардор Мамадалиев хавфсизлик камари тақмасдан ҳаракатлангани учун жаримага тортилди.

Хонанданинг айтишича, у эмоцияга берилиб кетиб камарни тақишни эсидан чиқарган.

Telegram I Facebook I YouTube I Instagram

Театр ичидаги “театр” ёҳуд Косонсойда ўтказилган танлов нега адолатсиз баҳоланди?

Наманган вилояти Косонсой туманида мактаблараро театр танлови ўтказилди.

Танловдан кўзланган мақсад, ёшларни Ғарбнинг ёт ғояларидан чалғитиш ва уларнинг тарихий билимларини ошириш.

Энг асосийси эса, ёш иқтидорларни саралаб олиб, ўзбек театр-кино соҳасини ривожлантириш бўлган.

Лекин афсуски Косонсойда бўлиб ўтган тадбир томошабинларда бироз шубҳа уйғотган кўринади, ҳакамлардан норози бўлган бир қатор ота-оналар адолат истаб Effect.uz’га мурожаат қилишди.

Иштирокчиларнинг иддао қилишича, туман мактабгача ва мактаб таълими бўлими томонидан ташкил этилган танловда айрим ҳакамлар санъат соҳасида профессионал тажрибага эга эмас.

Шу боис, ўқувчиларнинг актёрлик қобилияти ва саҳна чиқишлари етарлича баҳоланмаган.
Масалан, Пиримқул Қодировнинг “Юлдузли тунлар” асаридан тайёрланган саҳна кўриниши тарбиявий аҳамиятга эга эмаслиги рўккач қилиниб паст баҳо берилган.

Ана энди танловдаги бир қатор камчиликларга тўхталиб ўтсак. Мисол учун танловда 10 ва 22-мактаблар бир хил саҳнани саҳналаштирган.

10-мактаб ўқувчилари ижро пайтида адашган ва техник камчиликларга эга бўлган бўлсада, вилоят босқичига чиқарилган. Баъзи ота-оналар ва иштирокчилар бу қарорни таниш-билишчилик омиллари билан изоҳлашмоқда.

Ота-оналар ва ўқитувчилар саҳна безаги, декорация ва костюмлар учун сарфланган меҳнат ва харажатларни инобатга олишни, шунингдек ҳакамликда профессионал мутахассис қатнашишини сўрашмоқда.

Telegram I Facebook I YouTube I Instagram

Эрон АҚШ билан музокараларни тиклаш учун 3 та шарт қўйди

Эрон АҚШ билан музокараларни қайта бошлаш учун учта асосий талабларни илгари сурди. Бу ҳақда Ливаннинг “Ал-Маядин” телеканали хабар бермоқда.

Телеканалнинг Теҳрондаги мухбирига таяниб маълум қилинишича, Эрон қўйган шартлар қуйидагилардан иборат:

• янги уруш қайта бошланмаслиги бўйича аниқ кафолатлар;

• мамлакатга ядровий ёқилғининг тўлиқ циклини амалга ошириш ҳуқуқини бериш;

• етказилган зарар учун товон тўлаш.

Эслатиб ўтамиз, 28 февраль куни АҚШ ва Исроил Эронга қарши кенг кўламли операция бошлаган.

Тель-Авив бу ҳаракатлардан мақсад Теҳроннинг ядровий қуролга эга бўлишининг олдини олиш эканини билдирган.

Вашингтон эса Эрон флоти ва мудофаа саноатини йўқ қилиш билан таҳдид қилган ҳамда мамлакат фуқароларини ҳукуматга қарши чиқишга чақирган.

Теҳрон эса ҳарбий тажовуз давом этаётган бир пайтда жавоб чораларидан бошқа масалаларни муҳокама қилиш ўринсиз эканини таъкидлаган.

Telegram I Facebook I YouTube I Instagram