Туркияда топилган ўзбек аёл жасадининг шахси тасдиқланди

Туркиянинг ўрмон ҳудудидан топилган жасаднинг шахси DNK экспертитаси орқали аниқланиб, у 46 ёшли Самарқандлик Дилафруз Чўлиева эканлиги тасдиқланди. Жасадни яқинларига топшириш жараёни Ўзбекистоннинг Истанбулдаги Бош консуллиги томонидан мувофиқлаштирилмоқда.

“Ўзбек хотин-қизлари ҳуқуқларини ҳимоя қилиш” жамияти иш адолатли якунланиши ва айбдорлар қонун доирасида жавобгарликка тортилиши учун жараённи назорат қилмоқда. Тергув доирасида Ильёс исмли шахс гумондор сифатида сўроқ қилинган. Чўлиеванинг телефони охирги марта унинг уйи атрофида қайд этилган.

Сўнгги пайтларда Туркияда ўзбек аёллари билан боғлиқ бир неча фожиали ҳолатлар кузатилмоқда.

Telegram I Facebook I YouTube I Instagram

Душманлар Эрон таслим бўлиши ҳақидаги орзуларини қабрга олиб кетишади — Пезешкиан

Эрон президенти Масъуд Пезешкиан АҚШ раҳбари Доналд Трамп мамлакатнинг сўзсиз таслим бўлиши ҳақидаги орзуларини ўзи билан қабрга олиб кетишини таъкидлади.

Унинг айтишича, Эрон халқаро ҳуқуқ, гуманитар тамойиллар ва асосий меъёрларга амал қилишни давом эттиради.

Пезешкиан бомбардимонлар оқибатида ҳалок бўлган Олий раҳбар, мамлакат қўмондонлари ҳамда бегуноҳ мактаб ўқувчиларининг “шаҳид бўлгани” муносабати билан ҳамдардлик билдирди.

Унинг таъкидлашича, инсон ҳуқуқлари, эркинлик ва инсонийликни ҳимоя қилишини даъво қилаётганлар айнан шу одамларга бомбалар ёғдириб, уларнинг ҳалок бўлишига сабаб бўлган.

Пезешкиан амалга оширилган ҳужумларни танқид қилиб, халқаро меъёрлар ҳисобга олинмасдан мамлакатнинг турли ҳудудлари, ҳатто мактаблар, шифохоналар ва бошқа муассасалар ҳам бомбардимон қилинаётганини айтди.

Пезешкиан Эрон халқини барча қийинчиликларга қарамасдан бирлашишга чақириб, мамлакатда яшайдиган барча фуқаролар — дин, ижтимоий мавқе ёки ташқи кўринишидан қатъи назар — Эроннинг ҳудудий яхлитлигини ҳимоя қилишда иштирок этиши кераклигини айтди.

Telegram I Facebook I YouTube I Instagram

Украина бўйича музокаралар Путин ва Зеленский ўртасидаги шахсий адоват сабаб тўхтаб қолмоқда — Трамп

АҚШ президенти Дональд Трамп Россия ва Украина ўртасидаги келишувга эришишга бир неча бор жуда яқин келинган, аммо ҳар сафар томонлардан бири орқага чекинган.

Унинг таъкидлашича, бунга асосий сабаб — Россия президенти Владимир Путин ва Украина президенти Владимир Зеленский ўртасидаги шахсий адоватдир.

“Бу адоват шунчалик кучлики, улар билан келишувга эришиш жуда қийин”, — деди Трамп.

Шунингдек, у мазкур можаро АҚШга бевосита дахл қилмаслигини айтди ва уни ҳал қилишга Европа ҳамда инсониятнинг ўзи учун ёрдам сифатида уринаётганини қўшимча қилди.

Аввалроқ Трамп тинчлик келишуви барбод бўлишида Зеленскийни айблаган эди.

Telegram I Facebook I YouTube I Instagram

Эрон БАА ва Кувайтдаги АҚШ авиабазаларига зарба берилганини маълум қилди

Эрон Ислом инқилоби муҳофизлари корпуси (КСИР) ҳарбийлари БАА ва Кувайтда жойлашган икки АҚШ авиабазасига зарба берганини маълум қилди.

Хабарда айтилишича, базалардан бирида ангарлар йўқ қилинган, иккинчисида эса учиш-қўниш йўлаклари шикастланган.

КСИР бу ҳаракатни Исроил ва АҚШга қарши олиб борилаётган “Ҳақиқий ваъда–4” операциясининг 22-босқичи доирасида амалга оширилганини билдирди.

Эрон томонига кўра, мазкур ҳужумлар жанубий Эрондаги мактабга берилган зарба натижасида ҳалок бўлганлар учун қасос сифатида уюштирилган.

Fars агентлиги келтирган баёнотда таъкидланишича, асосий нишонлардан бири БААдаги “Ал-Дафра” авиабазаси бўлган.

У ерда эрта огоҳлантирувчи илғор радар тизими йўқ қилингани, шунингдек MQ-9 дронлари ва U-2 разведка самолётлари учун мўлжалланган ангарлар ҳам вайрон қилингани айтилган.

Шунингдек, КСИР Кувайтдаги “Али ас-Салом” авиабазасига ҳам зарба берилганини, натижада радиолокация станцияси, ёқилғи омборлари ва икки учиш-қўниш йўлаги йўқ қилинганини маълум қилди.

Эрон ҳарбийларининг қўшимча қилишича, кечаси ва кун давомида радиолокация станциялари ҳамда ҳаво ҳаракатини бошқариш объектларига қарши икки тўлқинли қўшма ҳужумлар амалга оширилган.

Уларга кўра, Қатардаги АҚШнинг “Ал-Удейд” авиабазасидаги ёқилғи таъминоти объектлари ҳам “тўлиқ йўқ қилинган”.

Telegram I Facebook I YouTube I Instagram

Фарғона тумани солиқ инспекцияси бош инспектори 20 минг “кўкат” билан қўлга тушди

Фарғона вилояти Фарғона тумани солиқ инспекциясининг бош инспектори мансаб ваколатидан фойдаланиб, қинғир ишга қўл урди.

ДХХ ахборот хизматининг маълум қилишича, у юқори лавозимда ишловчи танишлари орқали, туман ҳокимлиги захирасида бўлган ва қишлоқ хўжалиги учун мўлжалланган 10 гектар ер майдонини наманганлик тадбиркорга келгусида сайёҳлик маскани ташкил этиши учун ажратиб бериш эвазига 95 минг доллар ҳамда ер майдони тоифасини ўзгартириб бериш эвазига 6 минг доллар (жами 101 минг АҚШ доллари) талаб қилган.

Давлат хавфсизлик хизмати ва Ички ишлар вазирлигининг Наманган вилояти бўйича бошқармалари ходимлари ҳамкорлигида Янги Наманган туманида ўтказилган тезкор тадбирда, бош инспектор олдиндан 20 минг доллар олган вақтида ашёвий далиллар билан ушланди.

Ҳозирда унга нисбатан Наманган вилояти прокуратураси томонидан Жиноят Кодексининг 168-моддаси 4-қисми “а” банди ва 28,211-моддаси 2-қисми “а” банди билан жиноят иши қўзғатилиб, “қамоқ” эҳтиёт чораси қўлланилди. Тергов ҳаракатлари олиб борилмоқда.

Telegram I Facebook I YouTube I Instagram

Сурхондарёда «каттаконлар»ни сотиб олганлигини иддао қилаётган директор

«Адлияниям, Касаба уюшмасиниям сотиб олганман!» — Бу Сурхондарё вилояти Шўрчи туманидаги 122-мактаб-интернат директори Баҳром Ҳакимовнинг иддаоси.

Болаларнинг 4 маҳал овқати 3 маҳалга тушган. Мактаб ҳаммомида боши ёрилган ўқувчига бинт топилмай, эски чойшаб босилган. Айбини ёпиш учун соғлом болага «ақли заиф» (F70) тамғаси урилган! Ҳақиқат излаган фуқаро Адлия ходими кўз ўнгида калтакланган. Ходимларга эса туҳмат ва таҳдидлар қилинмоқда.

Директор Баҳром Ҳакимов эса бу бёйича саволларимизга жавоб беришни истамади. Бу «команда»нинг жиловсиз ҳаракатларига Бош прокуратура ва Коррупцияга ыарши курашиш агентлиги қачон ҳуқуқий баҳо беради?

📽БАТАФСИЛ ВИДЕОДА

Telegram I Facebook I YouTube I Instagram

Зўравонлик, шантаж: Сурхондарёда катта жанжалга айланган воқеа тарихи – Effect.uz репортажи

Сурхондарё вилоятида содир бўлган можаро атрофидаги воқеалар жамоатчилик эътиборини тортмоқда. Мурожаатчиларнинг таъкидлашича, низо давомида зўравонлик ва таҳдид ҳолатлари юз бергани айтилмоқда.

Айрим фуқароларнинг иддаосига кўра, жанжал вақтида босим ва шантаж орқали вазиятни бошқаришга уринишлар бўлган. Шу билан бирга, воқеа юзасидан турли томонлар ўртасида қарама-қарши баёнотлар ҳам мавжуд.

Ҳозирда ҳолат юзасидан расмий идоралар муносабати ва ҳуқуқий баҳо кутилмоқда.

Effect.uz журналистлари мазкур воқеа тафсилотларини ўрганиб, масала бўйича алоҳида репортаж тайёрлади.

👉 https://youtu.be/rTL3_aTQ84A

EFFECT.UZ танқидидан сўнг: Шўрчидаги ҳолат ўрганилмоқда

Аввалроқ Effect.uz Шўрчи туманидаги 122-сонли ихтисослаштирилган мактаб-интернат фаолияти ҳамда ушбу муассаса директори Б.Ҳакимовга тегишли экани айтилган аудиоёзувлар тўғрисида видеолавҳа эълон қилган. Аудиоматериалда муассаса ходимларини ишдан бўшатиш масаласи юзасидан суҳбат акс этгани қайд этилган.

Шунингдек, мутасаддининг эҳтимолий ноқонуний хатти-ҳаракатлари бўйича изоҳ сўралган. Интернат-мактабнинг моддий-техник базаси талаб даражасида эмаслиги, тарбияланувчилар учун етарли шарт-шароитлар яратилмагани таъкидланган. Ушбу ҳолат жамоатчиликда кескин эътирозларга сабаб бўлмоқда.

Ижтимоий ҳимоя миллий агентлиги Сурхондарё вилояти бошқармаси томонидан мазкур ҳолат назоратга олинган. Айни пайтда аудио ва видеоматериалларнинг ҳаққонийлиги, уларда келтирилган ҳолатлар амалда мавжуд ёки мавжуд эмаслиги юзасидан ҳар томонлама ўрганиш ишлари олиб борилади.

Telegram I Facebook I YouTube I Instagram

🌷 Азиз ва қадрли хотин-қизлар!

Сизни баҳорнинг энг гўзал байрами билан чин дилдан табриклаймиз!

Сиз — меҳр, гўзаллик ва илҳом манбаисиз. Сизнинг табассумингиз дунёга нур, қалбингиз эса атрофингиздагиларга бахт улашади.

Ҳаётингиз доимо қувонч ва бахтга тўла бўлсин. Орзуларингиз рўёбга чиқсин, қалбингиздаги меҳр ва нур ҳеч қачон сўнмасин.

Сизларга соғлиқ, бахт, муҳаббат ва омад тилаймиз! 💐

Effect.uz жамоаси барча аёлларни байрам билан табриклайди!

Эронда нефт омборларига қилинган ҳужум оқибатида 4 киши ҳалок бўлди

Эрон пойтахти Теҳрон ва унинг атрофида жойлашган нефть омборларига берилган зарбалар оқибатида камида тўрт нафар нефть соҳаси ходими ҳалок бўлди. Бу ҳақда Эроннинг Миллий нефтни қайта ишлаш ва тақсимлаш компанияси маълум қилди.

Эрон ҳукумат порталида эълон қилинган баёнотда айтилишича, 7 март куни кечқурун Теҳрон ва Алборз ҳудудларидаги нефть омборлари ҳамда нефть маҳсулотларини ташиш қувурларига қилинган ҳужум натижасида компаниянинг тўрт нафар ходими хизмат вазифасини бажараётган пайтда ҳалок бўлган.

Ҳокимият вакилларига кўра, нефть инфратузилмасига қилинган ҳужумнинг асосий мақсади бензин таъминотини издан чиқариш орқали аҳолига тўғридан-тўғри зарар етказиш бўлган.

Шу билан бирга, компания ёқилғи таъминоти билан боғлиқ вазият назорат остида эканини маълум қилди.

Telegram I Facebook I YouTube I Instagram

Фарғонада фермер 90 туп толларни чопди. Зарар 110 млн сўмдан зиёд

Фарғона вилояти Бувайда туманида фермер 90 туп кўп йиллик толларни кесиб, шикаст етказди.

Ижтимоий тармоқларда дарахтларнинг муҳокамаларга сабаб бўлган Фарғона вилояти Экология, атроф-муҳитни муҳофаза қилиш ва иқлим ўзгариши бош бошқармаси томонидан ўрганиб чиқилган.


Ўрганишлар давомида мазкур ҳолат Бувайда тумани “Марказий Фарғона чўли” ҳудудида жойлашган “Қозоковул 20182 фермер хўжалиги ер майдонида содир этилганлиги аниқланган.

Аниқланишича, фермер хўжалиги ҳудудида 90 туп кўп йиллик тол дарахтлари ноқонуний равишда кесилиб, шикастлантирилган. Мазкур ҳолат натижасида ўсимлик дунёсига етказилган зарар миқдори 110 миллион сўмдан зиёдни ташкил этган.

Ҳозирги кунда ушбу ҳолат юзасидан тўпланган ҳужжатлар белгиланган тартибда суд органларига юборилган.

“Фарғона вилояти Экология бош бошқармаси томонидан бу каби қонунбузарликларга нисбатан қатъий чоралар кўрилиши таъминланади”, - дейилади хабарда.

Telegram I Facebook I YouTube I Instagram

Навоийда 8 март муносабати билан байрам тадбири бўлиб ўтди

Навоий шаҳридаги “Хурсанд” базмгоҳида 8 март — Халқаро хотин-қизлар куни муносабати билан байрам тадбири кўтаринки руҳда ва катта тантана билан нишонланди.

Тадбир давомида азиз ва муҳтарама аёлларимизга эҳтиром кўрсатилиб, улар учун байрамона дастур намойиш этилди.

Telegram I Facebook I YouTube I Instagram

Эрон Исроил ва Кувайтдаги нишонларга зарба берди

Эрон армияси Исроилнинг Ҳайфа ва Тель-Авив шаҳарларидаги нишонлар, шунингдек Кувайтдаги АҚШ ҳарбий базаларига зарба берилганини маълум қилдиИран атаковал цели в Тель-Авиве, Хайфе и Кувейте.

Эрон давлат телерадиоси келтирган баёнотга кўра, қуйида келтирилган нишонлар Эрон ҳарбий-ҳаво кучлари ва ҳарбий-денгиз кучлари томонидан дронлар орқали нишонга олинган.

Эрон ҳарбийларининг маълум қилишича, ҳужумлар сўнгги бир неча соат ичида амалга оширилган.

Исроилдаги нишонлардан ташқари, Кувайтда жойлашган “Кэмп-Арифжон” ҳарбий базаси, унинг ўқ-дорилар ва техника сақланадиган омборлари ҳамда ҳаво мудофаа позициялари, разведка маълумотлари тўплаш пунктлари ва палатка шаҳарчаларига ҳам зарба берилган.

Telegram I Facebook I YouTube I Instagram

Нетаньяху Трампга Исроил АҚШсиз ҳам Эронга ҳужум қилишга тайёрлигини айтган — The Washington Post

Исроил бош вазири Биньямин Нетаньяху АҚШ президенти Дональд Трампга Исроил Эронга қарши ҳужумни АҚШ иштирокисиз ҳам амалга оширишга тайёр эканини айтган. Бу ҳақда The Washington Post нашри манбаларга таяниб хабар бермоқда.

Нашр маълумотига кўра, Нетаньяху декабрь ва февраль ойларида Оқ уйга ташрифлари давомида Трампни Эронга қарши урушга киришга ундаган.

Учрашув давомида Исроил бош вазири Эроннинг баллистик ракета дастурига зарба бериш нияти борлигини маълум қилган.

Шу билан бирга, у операцияни АҚШ билан ёки АҚШсиз амалга оширишга тайёрлигини билдирган, аммо Трампнинг розилигини олишни истаган.

Газета маълумотига кўра, февраль охирида бўлиб ўтган телефон суҳбатида Нетаньяху Трампга 28 февраль куни Оятуллоҳ Али Хоманаий ва унинг яқин атрофдагиларининг аниқ жойлашуви ҳақида маълумот олинганини айтган.

Шундан сўнг Трамп Исроил операциясини қўллаб-қувватлашга қарор қилган.

Telegram I Facebook I YouTube I Instagram

БАА Эронга қарши урушга қўшилди — Ynet

Бирлашган араб амирликлари Эрондаги денгиз сувини чучуклаштириш объектига илк бор ҳужум қилди. Бу ҳақда Исроилнинг Ynet портали хабар бермоқда.

Қайд этиш керак, Исроил портали томонидан эълон қилинган хабарни БАА тасдиқлагани йўқ.

БААнинг Эрондаги сувни чучуклаштириш қурилмасига зарба бериши анча ғалати кўринади.

Чунки БАА сув таъминотининг тахминан 90 фоизини айнан шундай чучуклаштириш қурилмалари орқали олади. Шунинг учун Эрон томонидан уларга жавоб зарбаси берилиши Араб Амирликлари учун катта фалокат бўлиши мумкин.

Telegram I Facebook I YouTube I Instagram

Эрон янги авлод ракетаси билан Исроил ва Иорданияга ҳужум қилди

Эрон Ислом инқилоби муҳофизлари корпуси (КСИР) Исроилнинг Тель-Авив ва Беэр-Шева шаҳарлари ҳамда Иорданиядаги “Ал-Азроқ” авиабазасига янги авлод ракеталари билан ҳужум бошланганини маълум қилди.

Tasnim агентлигига кўра, “Ҳақиқий ваъда-4” операциясининг 28-тўлқини доирасида КСИР ҳарбий-космик кучлари томонидан Иорданиядаги “Ал-Азроқ” авиабазасига зарба берилган.

Бу база АҚШ қирувчи самолётлари ҳужумларини амалга оширишда энг катта ва энг фаол базалардан бири ҳисобланади.

Шунингдек, Эрон Исроилнинг Тель-Авив ва Беэр-Шева шаҳарларидаги ҳарбий нишонларга ўта оғир жанговар каллакли “Хейбар” ракеталар орқали зарба берган.

КСИР баёнотида таъкидланишича, АҚШ ва Исроилнинг шафқатсиз ва жиноий ҳаракатларидан кейин Эрон қуролли кучларининг ҳужумлари келаси соатлар ва кунларда янада кучайиши мумкин.

Telegram I Facebook I YouTube I Instagram

Кадастр ходими 2,5 минг “кўкат” билан қўлга тушди

Давлат хавфсизлик хизмати ва Бош прокуратура ҳузуридаги Департамент ходимлари ҳамкорлигида тезкор тадбир ўтказилди.

Унда Давлат кадастрлари палатасининг Самарқанд вилояти бошқармаси Пастдарғом туман филиали кадастр муҳандиси ўзининг ваколатли танишлари орқали, маҳаллий фуқарога тегишли 2 сотих ер майдонининг кадастр паспортини давлат рўйхатидан ўтказиб бериш эвазига 2,5 минг доллар олган вақтида ушланди.

Ҳозирда муҳандисга нисбатан Жиноят Кодексининг 168-моддаси 3-қисми “в” банди ва 211-моддаси 1-қисми билан жиноят иши қўзғатилиб, “қамоқ” эҳтиёт чораси қўлланилди.

Telegram I Facebook I YouTube I Instagram

Мужтабо Хоманаий Эроннинг янги Олий раҳбари этиб сайланди

Марҳум Олий раҳбари Али Хоманаийнинг иккинчи ўғли, 56 ёшли Саййид Мужтабо Хоманаий Эроннинг янги Олий раҳбари этиб сайланди. Бу ҳақда Fars давлат агентлиги Экспертлар ассамблеясига таяниб хабар берди.

Маълум қилинишича, Мужтабо Хоманаий шиалик руҳонийси бўлиб, Эроннинг сиёсий ва диний доираларида катта таъсирга эга.

У узоқ йиллар давомида Олий раҳбар маъмуриятида муҳим лавозимларда ишлаган ҳамда Эрон Ислом инқилоби муҳофизлари корпуси (КСИР) билан яқин ҳамкорлик қилган.

Мужтабо Хоманаий Эрон тарихидаги учинчи Олий раҳбар бўлди ва у бу лавозимга умрбод сайланган.

Эрон Конституциясига кўра, Олий раҳбар лавозимига номзод сиёсатчи ёки диний арбоб бўлиши мумкин.

Бироқ у ҳалол ва тақводор,
бошқарув қобилиятига эга ва яхши обрўга эга бўлиши, мамлакатнинг расмий динига эътиқод қилиши ҳамда Эрон тамойилларини қўллаб-қувватлаши керак.

Telegram I Facebook I YouTube I Instagram