Ўзбекистонликлар март ойида неча кун дам олади?

Бу йил март ойида ўзбекистонликлар 8 март — Халқаро хотин-қизлар куни ва 21 март — Наврўз байрами ва Рамазон ҳайитини нишонлашади.

Расмий байрам кунлари дам олиш кунларига тўғри келгани сабабли, қўшимча дам олиш кунлари ҳам белгиланади.

Маълумот учун, Рамазон ҳайити март ойининг 20-саналарига тўғри келади. Аммо аниқ куни ҳозирча расман тасдиқланмаган.

Telegram I Facebook I YouTube I Instagram

Эронда ҳалок бўлган мактаб ўқувчилари сони 148 нафарга етди

Эроннинг Хормозгон вилояти, Минаб туманидаги “Шажаре Тайебе” қизлар мактабига қилинган ҳужум оқибатида ҳалок бўлган ўқувчилар сони 148 нафарга, жароҳатланганлар сони эса 95 нафарга етди. Бу ҳақда маҳаллий ҳокимиятларга таяниб, Mizan ахборот агентлиги хабар берди.

Бундан аввал Эрон Ташқи ишлар вазирлигининг расмий вакили Исмоил Багаи ҳужум оқибатида 160 нафаргача инсон ҳалок бўлиши мумкинлигини билдирган эди.

Ҳужумнинг сабаблари ва ҳуқуқий чоралар ҳақида расмий маълумотлар ҳозирча берилмаган.

Telegram I Facebook I YouTube I Instagram

“Биз ўз ишимизни бажардик” — Нетаньяҳу оммага ҳисобот берди

Исроил Бош вазири Бинямин Нетаньяҳу Эрон Олий раҳнамоси Оятуллоҳ Али Ҳоманаий ва унинг оиласи ва бир нечта юқори мартабали амалдорлар ҳалок бўлганини эълон қилди.

Унинг яна бир қатор баёнотлари:

— Ҳоманаийнинг қароргоҳи йўқ қилинди, Ислом инқилоби муҳофизлари корпуси ва юқори мартабали ядровий расмийлар ўлдирилди;

— Сиз узоқ вақт давомида кутган ёрдам ваниҳоят келди

— Тез орада сизлардан кўчага чиқиш талаб этилади, чунки сизларда эски режимни йўқ қилиб, янги даврни бошлаш имконияти пайдо бўлади;

Telegram I Facebook I YouTube I Instagram

⚡️Эрон расман Жаҳон чемпионатини тарк этди

Олий раҳнамо Оятуллоҳ Али Ҳоманаий ва мамлакатнинг бир қатор амалдорлари АҚШ ва Исроил ҳужуми ортидан ўлдирилганидан кейин футбол бўйича Эрон терма жамоаси расман Жаҳон чемпионатини тарк этди.

“G” гуруҳидан ўрин олган Эрон терма жамоасининг барча гуруҳ босқич ўйинлари Америкада бўлиб ўтади.

“Эрон ҳаётни футбол билан таққослаб бўлмайди, деб ҳисоблайди ва ўз футболчиларининг Жаҳон чемпионатига бориши хавфини ўз зиммасига олмайди”, - дейилади баёнотда.

Telegram I Facebook I YouTube I Instagram

Трамп Эронни огоҳлантирди

АҚШ Президенти Дональд Трамп Эрон томонидан қилинаётган ҳужумларга қарши кақшатгич зарба берилишини маълум қилди.

“Эрон бугун ҳаддан ташқари кучли зарба беришини эълон қилди, аммо улар бунга қўл урмаслиги керак, акс ҳолда биз уларга илгари қўлланилмаган кучли зарба беришимиз мумкин”, - деди Оқ уй раҳбари.

Қайд этиш керак, Ислом инқилоби муҳофизлари корпуси АҚШ ва Исроилга қарши Эрон Қуролли кучлари тарихдаги энг катта ҳарбий амалиёт бошлаганини эълон қилганди.

Telegram I Facebook I YouTube I Instagram

“Биз АҚШ ва Исроил билан ҳисоб-китоб қиламиз” — Эрон амалдорлари АҚШ ва Исроилга мурожаат қилди

Олий раҳнамо Оятуллоҳ Али Ҳоманаий ва мамлакатнинг бир қатор амалдорлари АҚШ ва Исроил ҳужуми оқибатида ўлдирилганидан кейин Эрон парламенти раиси Ғалибаб АҚШга жиддий мурожаат билан чиқди.

“Биз АҚШ ва Исроил билан ҳисоб-китоб қиламиз. Сизлар бизнинг қизил чизиқимизни босиб ўтдингиз. Биз шундай кучли зарбалар берамизки, ўзингиз шавқат сўраб мурожаат қилишга мажбур бўласиз”, - деди Ғалибаб.

Шунингдек, Эрон Миллий хавфсизлик кенгаши котиби Али Ларижони ҳам бир қатор баёнотлар билан чиқди.

“Исроил Эронни бўлишга ҳаракат қилмоқда.

Бу режимнинг бошқа йўли йўқ ва улар ўз мавжудлигини сақлаш учун йирик давлатларни бўлиб ташлашга уринмоқда.

Сиз Эрон халқининг юрагини ёқдингиз, энди биз сизнинг юрагингизни ёқамиз”, - деди Ларижони.

Telegram I Facebook I YouTube I Instagram

Ўқитувчилардан мажбурий тартибда пул йиғишга топшириқ берган “зам” ҳоким ишдан олинди

Жарқўрғон туманидаги 33-сонли умумтаълим мактаби педагог ходимларидан пул маблағлари мажбурий тартибда йиғилаётгани ҳақидаги хабар юзасидан тайинланган хизмат текшируви якунланди. Бу ҳақда Сурхондарё вилояти ҳокимлиги ахборот хизмати раҳбари Муродбек Давлатов маълум қилди.

Баёнотда айтилишича, текширув вилоят ҳокими назоратида ўтказилиб, ҳолатлар комплекс тарзда ўрганилган, ҳужжатлар таҳлил қилиниб, масъул шахсларнинг тушунтиришлари олинган.

Натижада Жарқўрғон тумани ҳокимининг ўринбосари Анвар Ражабов томонидан берилган кўрсатма амалдаги қонунчилик талабларига зид экани, хусусан, ихтиёрийлик тамойили бузилгани аниқланган.

Хизмат текшируви хулосасига мувофиқ Анвар Ражабов эгаллаб турган лавозимидан озод этилди.

“Анвар Ражабовнинг ҳаракатларига ҳуқуқий баҳо бериш учун текширув материаллари белгиланган тартибда ҳуқуқни муҳофаза қилувчи органларга юборилди.

Бундай ҳолатларнинг такрорланишига йўл қўймаслик мақсадида ички назорат механизми кучайтирилди ҳамда раҳбар ходимлар билан мақсадли ҳуқуқий тушунтириш ишлари олиб борилмоқда”, - дейилади баёнотда.

Telegram I Facebook I YouTube I Instagram

Дубайдан Тошкентга учувчи рейс кечиктирилди

Ўзбекистон авиакомпанияси Centrum Air’нинг Дубай-Тошкент йўналишдаги рейси, кечки вақтга қолдирилди. Бу ҳақда айни вақтда Дубайда бўлиб турган блогер Кирилл Альтман маълум қилди.

Қайд этиш керак, Эрон томонидан Дубай халқаро аэропортига қилинган ҳужум оқибатида тўрт киши жароҳатланди.

Бундан ташқари ҳужум натижасида аэропортнинг учиш-қуниш йўлакларидан бири зарар кўрди.

Шунингдек, аэропортнинг 4 нафар ҳодими ўртача оғирликда яраланган.

Telegram I Facebook I YouTube I Instagram

Эронликлар Энгалаб майдонига йиғилди

Олий раҳнамо Оятуллоҳ Али Ҳоманаий ва мамлакатнинг бир қатор амалдорлари АҚШ ва Исроил ҳужуми оқибатида ўлдирилганидан кейин Эрон халқи Теҳрондаги Энгелаб майдонига йиғилди.

Telegram I Facebook I YouTube I Instagram

Эрон ҳаво кучлари АҚШ базаларига зарба берди

Эрон ҳаво кучлари Персия кўрфази ва Ироқдаги АҚШ базаларига бир неча босқичли амалиёт давомида муваффақиятли зарба берган.

“Бир неча дақиқа олдин Эрон ҳаво кучларининг тезкор самолётлари Персия кўрфази мамлакатлари ва Ироқ Қурдистонидаги АҚШ базаларини бир неча босқичда муваффақиятли бомбардимон қилди”, - дейилади Эрон давлат телерадиокомпанияси хабарида.

Telegram I Facebook I YouTube I Instagram

Эрон Форс кўрфазини ёпди

Эроннинг сиёсий қарорларни аниқлаш кенгаши аъзоси Моҳсен Резои АҚШ кемалари учун Форс кўрфази ёпилгани тўғрисига баёнот берди.

“Бугундан бошлаб бирорта ҳам АҚШ кемаси Форс кўрфазига кириш ҳуқуқига эга эмас”, - деди Резои.

Бундан аввал Эрон ҳарбийлари Ормуз бўғози ёпилганини эълон қилганди.

Telegram I Facebook I YouTube I Instagram

Мудофаа вазирлигидан эксклюзив видео. Янги Ўзбекистон армияси ҳар қандай хавфни бартараф этишга қодир

Telegram I Facebook I YouTube I Instagram