“Қўлидан келса сариқ чўчқача уни очсин” — Эрон Ормуз бўғозини ёпганини эълон қилди

Эрон жаҳон нефть экспорти учун асосий йўналишлардан бири ҳисобланадиган Ормуз бўғозини ёпганини маълум қилди.

Мутахассислар маълумотига кўра, ушбу бўғоз орқали ҳар куни тахминан 20 миллион баррель нефть ташилади — бу жаҳон таъминотининг қарийб бешдан бир қисми демакдир.

Айни пайтда ҳеч бир танкер Форс кўрфазига кира олмаётгани ёки ундан чиқа олмаётгани айтилмоқда.
JPMorgan Chase таҳлилчилари нефть нархи бир баррель учун 120–130 долларгача кўтарилиши мумкинлигини прогноз қилган.

Ҳозирги нархлар эса 80 доллар атрофида.

Шу билан бирга, Эрон томонидан АҚШнинг собиқ президенти Дональд Трампга нисбатан кескин баёнот ҳам янгради.

“Биз Ормуз бўғозини кейинги хабарга қадар ёпдик. Агар қўлидан келса, сариқ чўчқача уни очсин!”.

Telegram I Facebook I YouTube I Instagram

Эрон Қатарга 65 та баллистик ракета учирди. Улардан иккитаси АҚШ авиабазасига етиб борди

Эрон шанба куни Қатарга 65 та баллистик ракета ва 12 та дрон ёрдамида ҳужум қилди. Бу ҳақда Қатар мудофаа вазирлиги маълум қилди.

“Биз Эрондан узлуксиз тўлқинлар билан очилган 65 та баллистик ракета ва 12 та дронни қайд этдик”, - дейилади баёнотда.

Маълумотларга кўра, 63 ракета ва 11 дрон мақсадга етишдан аввал йўқ қилинган.

Шу билан бирга, ҳужумнинг қаторлиги ва турли йўналишлари оқибатида, икки ракета АҚШнинг “Аль-Удейд” авиабазасига етиб борган.

Telegram I Facebook I YouTube I Instagram

Гуттереш АҚШ ва Исроилнинг Эронга қилган ҳужумини қоралади

БМТ Хавфсизлик кенгаши бош котиби Антониу Гуттереш АҚШ ва Исроилнинг Эрон ҳудудига амалга оширган кенг қамровли зарбаларини қоралади.

Гуттереш БМТ Хавфсизлик кенгаши йиғилишида шундай деди:

“Бугундан бошлаб мен АҚШ ва Исроилнинг Эронга кенг қамровли зарбаларини қоралайман”.

Бош котиб, шунингдек, минтақада ва жаҳонда вазиятнинг кескинлашишига йўл қўймаслик ва тез фурсатда тинчлик йўлига қайтиш учун деэскалация ва отишни тўхтатишга чақирди:

“Минтақа ва дунё ҳозирда тинчликка муҳтож. Мен деэскалация ва дарҳол отишмаларни тўхтатишни талаб қиламан”.

Гуттереш вазиятга масъулият билан ёндашиш ва минтақани ва дунёни ғавғодан ҳимоя қилиш зарурлигини ҳам таъкидлади:

“Қўшимча кескинлашувнинг олдини олиш учун барча чораларни кўришимиз керак. Минтақа ва дунёни ғавғодан чиқариш учун масъулиятли ва ҳамкорликда ҳаракат қилайлик”, - деди у.

Telegram I Facebook I YouTube I Instagram

Ўзбекистон ТИВ чет элда бўлиб турган ўзбекларга тавсиялар берди

Telegram I Facebook I YouTube I Instagram

Эрон АҚШнинг Қувайтдаги ҳарбий-денгиз базасига ҳужум қилди

Эроннинг жавоб зарбалари натижасида шанба куни АҚШнинг икки ҳарбий кемаси ва Қувайтдаги АҚШ ҳарбий-денгиз базаси ҳам 4 та баллистик ракета ва 12 та дрон орқали зарбага учради. Бу ҳақда Эрон Ислом инқилоби қўриқчилари корпуси ўзининг баёнотида маълум қилди.

“Ҳақиқий ваъда-4” операциясининг бешинчи тўлқини давомида Ҳинд океани ҳудудида америкалик кемалар учун жанговар янгиликларни ташувчи ҳамда ёқилғи ташувчи кема йўқ қилинди.

Шунингдек, Қувайтдаги база инфраструктураси тўлиқ вайрон қилинди, кўплаб америкалик ҳарбийлар ҳалок бўлган ва жароҳатланган”, — дейилади КСИР баёнотида.

Telegram I Facebook I YouTube I Instagram

Эрон “Бурж ал-араб” осмонўпар биносига ҳужум қилди

Эрон ҳарбий дрони Бирлашган араб амирликларининг Дубай шаҳрига дронлар ёрдамида ҳужум қилишни давом эттирмоқда.

Бу сафар Эрон дрони Дубайнинг 5 юлдузли меҳмонхонаси жойлашган Бурж ал-араб осмонўпар биносига ҳужум қилди.

Telegram I Facebook I YouTube I Instagram

Дубай аэропортига қилинган ҳужум ортидан тўрт киши жароҳатланди

Эрон томонидан Дубай халқаро аэропортига қилинган ҳужум оқибатида тўрт киши жароҳатланди. Бу ҳақда Reuters нашри хабар берди.

Ҳужум натижасида аэропортнинг учиш-қуниш йўлакларидан бири зарар кўрган.

Шунингдек, аэропортнинг 4 нафар ҳодими ўртача оғирликда яраланган.

Telegram I Facebook I YouTube I Instagram

Эрон Исроилга яна ҳужум қилди. АҚШ Теҳрон атрофига зарба берди

Эрон Исроил ҳудуди томонга янги ракеталар тўлқинини ёғдирди. АҚШ эса Теҳрон атрофидаги объектларга ҳужум қилган.

Шунингдек, Эрон АҚШнинг Ироқ шимолида жойлашган Харир ҳарбий базасига ҳужум қилган.

Ушбу базада Американинг махсус қўшинлари ва ҳарбий омбори жойлашган.

Telegram I Facebook I YouTube I Instagram

Эронга қарши ҳарбий операция узлуксиз давом этади — Трамп

АҚШ президенти Дональд Трамп Эронга қарши амалга оширилаётган ҳарбий операция бутун ҳафта давомида, ёки қўйилган мақсадлар амалга ошгунча узлуксиз олиб борилади.

“Кенг қамровли ва аниқ мақсадли бомбардировкалар бутун ҳафта давомида, ёки мақсадимиз — Яқин Шарқда ва аслида бутун дунёда тинчлик таъминлангунига қадар узлуксиз олиб борилади”, - деб ёзди Оқ уй раҳбари TRUTH Social’даги саҳифасида.

Telegram I Facebook I YouTube I Instagram

БАА 20 мингдан ортиқ йўловчи харажатларини қоплаб беришга ваъда берди

Бирлашган Араб Амирликлари аэропортлар ва миллий авиакомпаниялар 20 мингдан ортиқ сайёҳларга ёрдам кўрсатганини маълум қилди.

Khaleej Times маълумотига кўра, БАА расмийлари барча зарар кўрган ва қийин аҳволда қолган йўловчиларнинг турар-жой харажатларини тўлиқ ўз зиммасига олади.

Шу билан бирга, расмийлар аэропортлар ва авиакомпаниялар ўртасида ҳамкорлик давом этишини ва вазият барқарорлашгандан кейин парвозлар тикланишини таъкидлашди.

Telegram I Facebook I YouTube I Instagram

Эрон Олий раҳнамосининг оила аъзолари ҳалок бўлди

Эрон Олий раҳнамоси Оятуллоҳ Али Ҳоманаийнинг тўрт нафар оила аъзоси АҚШ ва Исроил томонидан қилинган ҳужумлар оқибатида вафот этди.

Эроннинг Fars агентлиги хабар беришича, Олий раҳбарнинг қизи, куёви, келин  ва невараси ҳалок бўлгани тасдиқланди.

Telegram I Facebook I YouTube I Instagram

Эронда жабрланганлар орасида Ўзбекистон фуқаролари йўқ — ТИВ

Ўзбекистоннинг Эрон Ислом Республикасидаги элчихонаси маълум қилишича, ҳозирги вақтда Эрон ҳудудида 81 нафар Ўзбекистон Республикаси фуқароси бўлиб турибди.

Шулардан:

8 нафари — дипломатик ваколатхоналар ходимлари

9 нафари — Қум шаҳрида таҳсил олаётган талабалар

55 нафари — Эрон ҳудудида доимий яшовчи фуқаролар

9 нафари — хусусий сафар билан борганлар

“Элчихона ватандошлар билан доимий алоқада бўлиб турибди ва улар билан мунтазам мулоқотни таъминламоқда”, - дейилади хабарда.

Ўзбекистон Республикасининг Эрон Ислом Республикасидаги элчихонаси (Теҳрон шаҳри)

📱 +98 912 132 78 23

Масъул шахс: Юлдашев Элбек

Telegram I Facebook I YouTube I Instagram

Баҳрайн халқаро аэропорти дрон ҳужумига учради

Баҳрайн халқаро аэропорти дрон томонидан ҳужум қилинди.

Моддий зарар қайд этилган, аммо қурбонлар йўқ, деб хабар берди мамлакат ички ишлар вазирлиги.

Шунингдек, Баҳрайн ҳимоя кучлари Эрон томонидан келган 45 та ракета ва 9 та дронни йўқ қилишга муваффақ бўлган.

Telegram I Facebook I YouTube I Instagram

⚡️Эрон Олий раҳнамоси вафот этгани тасдиқланди

Эрон давлат телевидениеси мамлакат Олий раҳнамоси Оятуллоҳ Али Ҳоманаий вафот этганини маълум қилди.

Fars агентлиги маълумотларига кўра, Али Ҳоманаий шанба куни эрталаб қароргоҳига берилган зарба вақтида ўз хизмат хонасида бўлган ва шу ерда ҳалок бўлган.

Ҳукумат мамлакат бўйлаб 40 кунлик мотам эълон қилди ва бир ҳафта ишсиз кун сифатида белгиланди.

Оятуллоҳ Али Ҳоманаий ҳақида нималар маълум?

— Али Ҳоманаий ислом инқилобигача даврда шоҳ ҳокимиятига қарши фаол чиққан. Шу боис 1963–1975 йиллар оралиғида беш марта қамоққа олинган;

— У ислом инқилоби етакчиси Руҳоллоҳ Ҳоманаийнинг энг яқин сафдошларидан бири бўлган.

— Ҳоманаий 1989 йилгача 10 йил давомида Эронни бошқарган.

У маълум муддат мудофаа вазири лавозимида ишлаган ва Ислом инқилоби муҳофизлари корпусига раҳбарлик қилган;

— 1981 йилда Ислом республикаси партияси бош котиби этиб тайинланган;

— 1981 йилда президентлик сайловида 97 фоиз овоз билан ғалаба қозониб, Эрон президентига айланган. Унинг раҳбарлиги даврида Инқилоб муҳофизлари корпусининг таъсири сезиларли даражада кучайган;

— 1989 йилдан бошлаб Эроннинг олий раҳбари сифатида фаолият юритган;

— Ўз чиқишларида бир неча бор Исроилга қарши кескин баёнотлар берган;

Telegram I Facebook I YouTube I Instagram