Эронда ҳалок бўлган мактаб ўқувчилари сони 24 тага етди

Эроннинг Минаб тумани ҳудудидаги “Шаджаре Тайебе” қизлар мактабига қилинган ҳужум оқибатида қурбонлар сони 24 нафарга етди.

“Исроил ва АҚШ томонидан Минаб туманига қилинган ҳужум натижасида 24 нафар мактаб ўқувчиси ҳалок бўлган”, - дейилади ISNA агентлиги берган хабарда.

Telegram I Facebook I YouTube I Instagram

Бекободда қидирилаётган мурда 80 кун деганда топилди

Эслатиб ўтамиз, Бекобод туманида ИИБ катта тезкор вакили маст ҳолатда 43 ёшли фуқаро Бердиёр Умматқуловни 11 декабрь куни Nexia машинасида уриб юбориб, унинг ўлимига сабаб бўлган.

Умматқулов воқеа жойидан 35-40 км узоқликдаги Фарҳод каналига ташлаб юборилган, мурдани йўқ қилишда ИИБ ходимига унинг турмуш ўртоғи ҳам ёрдам берган.

Орадан 80 кун ўтиб, Умматқуловнинг жасади ва ниҳоят топилган. Лекин марҳум топилгунга қадар, унинг яқинлари мутассади раҳбарлардан сув сатҳини пасайтириш, ўликни топиш учун қўшимча ёрдам кучларини сафарбар қилишни сўрашган.

Telegram I Facebook I YouTube I Instagram

⚡️Коррупция, шантаж, заҳарланиш: Боғчаларни нима «жин» урди?

Сўнгги кунларда мамлакатда мактабгача таълим муассасалари билан боғлиқ салбий ҳолатлар кенг муҳокамага сабаб бўлмоқда.

Хусусан, Фарғонада болаларнинг заҳарланиши, 6 ёшли боланинг ток уриши оқибатида жароҳатланиши, Сурхондарёда мактабгача ва мактаб таълими бўлими раҳбарининг қўлга олиниши, шунингдек Жиззахда қайд этилган коррупцион ҳолатлар жамоатчиликда жиддий саволлар уйғотди.

Аввалроқ Effect.uz Самарқанд вилояти Ургут туманидаги 1-сонли давлат мактабгача таълим ташкилотида тарбиячи-ёрдамчининг хатти-ҳаракатлари бўйича журналистик суриштирув эълон қилган эди. Шундан сўнг таҳририятга келиб тушган янги маълумотлар ҳолат янада жиддий эканини кўрсатмоқда.

Гап, фақат интизом масаласи ҳақида эмас, болаларга нисбатан эҳтимолий зўравонлик, тан жароҳати етказиш, муассаса мулкидан ноқонуний фойдаланиш ва видеокузатув тизимига аралашиш каби ҳолатлар ҳақида сўз бормоқда.

Шу муносабат билан Effect.uz масъул идоралардан қуйидаги масалалар юзасидан очиқ ва батафсил ахборот тақдим этишни сўрайди:

– туман мактабгача ва мактаб таълими бўлимининг расмий муносабати;

– туман прокуратурасининг ҳуқуқий квалификация юзасидан баёноти;

– ички ишлар органлари томонидан жиноят иши қўзғатилган ёки қўзғатилмагани ҳақида аниқ маълумот;

– болалар хавфсизлигини таъминлаш бўйича кўрилган чоралар.

Унутманг, масала Effect.uz орқали жамоатчилик назоратида.

👉 https://youtu.be/r8FYmmv21rY

Нетаньяху ва Трамп телефон орқали мулоқот қилди

Исроил Бош вазири Биньямин Нетаньяху ва АҚШ президенти Доналд Трамп Эронга қарши ҳарбий амалиёт фонида телефон орқали мулоқот қилди.

“Нетаньяҳу ва Трамп бир муддат аввал телефон орқали мулоқот қилди”, дейилади хабарда.

Суҳбат мазмунига оид тафсилотлар очиқланмаган.

Эслатиб ўтамиз, шанба куни Исроил ва АҚШ Эрон ҳудудига зарбалар берди, шундан сўнг Теҳрон жавоб чораси сифатида АҚШнинг ҳарбий базаларига ҳужум қилди.

Telegram I Facebook I YouTube I Instagram

“Душман иккинчи марта дипломатияга хиёнат қилди” — Эрон ТИВ

Эрон Ташқи ишлар вазирлиги расмий вакили Исмоил Бағои АҚШ ва Исроилнинг ҳаракатларини кескин қоралади.

Унинг таъкидлашича, сўнгги тўққиз ой ичида Эрон АҚШ ва сионистик режимнинг агрессив хатти-ҳаракатларига дуч келмоқда.

“Душман иккинчи марта дипломатияга хиёнат қилди, халқаро ҳуқуқнинг барча меъёр ва тамойилларини поймол этди”, - деди у.

Telegram I Facebook I YouTube I Instagram

“Дуо қилинглар” — Муниса Ризаева Дубайдаги портлашлар фонида ўзбек халқига мурожаат қилди

Айни вақтда Бирлашган араб амирликликларининг Дубай шаҳрида дам олиш сафарида бўлиб турган хонанда Муниса Ризаева обуначиларига мурожаат қилди.

АҚШ ва Исроилнинг Эронга қарши бошлаган ҳарбий амалиётидан сўнг, расмий Теҳрон жавоб зарбаси сифатида АҚШнинг БААда жойлашган ҳарбий объектларига ҳужум қилди.

Шу жумладан Эрон томонидан отилган ракеталар дунёнинг энг хавфсиз нуқталаридан бири бўлган Дубай шаҳрига йўналтирилди.

Маҳаллий ОАВларнинг маълум қилишича, ракета зарбалари оқибатида 2 киши ҳалок бўлган ва бир нечта одамлар яраланган.

Ҳаётида илк бор бундай ҳолатга дуч келган хонанда ўзининг қисқа видеомурожаатида кўз ёш билан обуначилардан дуо қилишни сўради.

Telegram I Facebook I YouTube I Instagram

Хосилбек Эшназаров сўнгги манзилга кузатилди

Бурчига садоқат билан хизмат қилган, юртдошлар осойишталиги йўлида ҳалок бўлган инспектор Хосилбек Эшназаров оиласи, Ички ишлар вазирлиги раҳбарияти ва сафдошлари иштирокида сўнгги манзилга кузатилди.

Telegram I Facebook I YouTube I Instagram

10 суткага “кесилган” Жумаев  ЙПХ ходимини ўлдирган бола ва унинг отаси билан бизнес ҳамкор бўлган

ИИВ Жамоат хавфсизлиги департаменти Асад Жумаевнинг интервьюсини эълон қилди.

Жумаевнинг маълум қилишича, ЙПХ ходими Хосилбек Бекназаровни уриб кетган ва ўлимига сабаб бўлган 10 синф ўқувчиси ва унинг отаси Зафар Кучкунов Асадбек Жумаевнинг тюнинг бизнесига ҳамкор сифатида киришган. Улар ўзаро таниш бўлган.

Жумаев қамоқда ўтган бир кунининг ўзи унга жуда катта сабоқ бўлганини айтди.

Telegram I Facebook I YouTube I Instagram

⚡️Эркатойлик нархи — инсон ҳаёти! Сенсацион якун атрофидаги оғриқли воқеалар...

Фарзандлар отасиз қолди,
Бир оиланинг таянчи кетди.
Ота фарзанд доғида куйди,
Ватан мард ўғлонидан айрилди.

25 февраль куни Тошкент кўчаларида тунги хизмат пайтида ЙПХ инспектори, кичик сержант Хосилбек Эшназаров хизмат вазифасини бажараётган вақтда “BMW” русумли автомашина томонидан уриб юборилди. Рулда — 10-синф ўқувчиси бўлган.

Инспектор оғир тан жароҳатлари билан шифохонага ётқизилган, уч кун давомида жонлантириш бўлимида шифокорлар унинг ҳаёти учун курашган. Аммо тиббий ёрдамга қарамасдан, у вафот этган.

Хосилбек Эшназаров 1993 йилда Қашқадарё вилояти Ғузор туманида туғилган. 2022 йилдан ички ишлар органларида хизмат қилган.

Унинг ортидан қария ота-онаси, турмуш ўртоғи, икки нафар ўғил ва бир нафар қиз фарзанди қолди. 28 февраль куни у ўзи — Ғузор туманида сўнгги манзилга кузатилди. Маросимда Ички ишлар вазирлиги раҳбарияти ва сафдошлари иштирок этди.

EFFECT.UZ марҳумнинг оила-аъзолари ва Ички ишлар вазирлигига чуқур ҳамдардлик билдиради.

👉 https://youtu.be/64wBHMl3y-s

Эрон Олий раҳбари ўлдирилди — ОАВ

Нуфузли оммавий ахборот воситалари исроиллик мансабдорларга таяниб, Эрон олий раҳбари Али Ҳоманаий гўё ҳалок бўлгани ҳақида хабар тарқатди.

Бироқ Эрон томони бу маълумотни тасдиқлагани йўқ.

Жумладан, Исроилнинг АҚШдаги элчиси Йехиэль Лейтер Эрон олий раҳбари қароргоҳига берилган зарба оқибатида ўлдирилганини даъво қилган. Бу ҳақда журналист Барак Равид ижтимоий тармоқ — X орқали манбага таяниб хабар берган.

Reuters агентлиги ҳам исроиллик расмийга таяниб, Ҳоманаийнинг жасади топилгани ҳақида маълумот тарқатган.

Эрон ташқи ишлар вазири Аббос Ароқчи эса Али Ҳоманаий ва президент Масъуд Пезешкиён тирик эканини маълум қилган.

Шунингдек, Ливаннинг Al-Mayadeen телеканали олий раҳбар оператив штабда бўлиб, ҳарбий ҳаракатларни бошқараётгани ҳақида хабар берган. Ҳозирча мазкур даъволар юзасидан мустақил ва расмий тасдиқ мавжуд эмас.

Telegram I Facebook I YouTube I Instagram

⚡️Трамп Эрон Олий раҳбари ўлдирилганини эълон қилди

Дональд Трамп АҚШ ва Исроил томонидан Эрон ҳудудига берилган зарбалар ортидан Эрон Олий раҳбари Али Ҳоманаий ҳалок бўлганини эълон қилди.

“Биз бу маълумот ҳақиқатга мос деб ўйлаймиз”, — деди Трамп NBC Newsга берган интервьюсида.

Унинг қўшимча қилишича, бундан ташқари зарбалар натижасида Эрон олий раҳбариятининг аксар қисми ҳам ҳалок бўлган.

Трамп, шунингдек, АҚШнинг ҳарбий амалиётини муваффақиятли ўтганини таъкидлаб, Эронга зарбалар оқибатларини бартараф этиш учун йиллар керак бўлишини таъкидлади.

Ҳозирча ушбу баёнотлар юзасидан расмий Теҳрон томонидан муносабат билдирилгани йўқ.

Telegram I Facebook I YouTube I Instagram

Эроннинг юқори лавозимли амалдорлари ўлдирилди — ЦАХАЛ

Исроил мудофаа кучлари (ЦАҲАЛ) амалга оширилган операция давомида Эроннинг қатор юқори лавозимли амалдорлари ўлдирилганлиги тўғрисида баёнот берди.

Баёнотда қайд этилишича, ҳалок бўлганлар орасида Муҳаммад Пакпур ҳамда Азиз Насирзода бор.

Ҳозирча Эрон томонидан ушбу иддаолар юзасидан расмий муносабат билдирилгани йўқ.

Telegram I Facebook I YouTube I Instagram

Қатар, Баҳрайн ва Қувайт масофавий таълимга ўтмоқда

Эроннинг шанба куни амалга оширган жавоб зарбалари ортидан Қатар, Баҳрайн ва Қувайт якшанба кунидан бошлаб масофавий таълим тизимига ўтишини маълум қилди.

“Мамлакат бошидан кечираётган вазиятни инобатга олган ҳолда, миллий масъулият ҳамда ўқувчилар ва таълим тизими ходимлари хавфсизлигини таъминлаш мақсадида 2026 йил 1 март, якшанба куни барча босқичлардаги таълим муассасаларида анъанавий ўқиш тўхтатилиб, масофавий таълимга ўтилади”, - дейилади Қувайт таълим вазирлиги баёнотида.

Шунга ўхшаш баёнотлар Қатар таълим вазирлиги ва Баҳрайн таълим вазирлиги томонидан ҳам эълон қилинди.

Қайд этилишича, қарор бошланғич, давлат ва хусусий мактаблар ҳамда олий таълим муассасаларига тааллуқли.

Telegram I Facebook I YouTube I Instagram