11 гектар ерни 11 минг долларга сотмоқчи бўлган амалдор ушланди

Ғаллаорол тумани ҳокимлигининг қишлоқ хўжалиги бўлими бош мутахассисига оид ноқонуний ер сотиш ҳолати фош этилди.

Маълум бўлишича, у ўғлига тегишли фермер хўжалигининг 11 гектар ер майдонини харидорга 11 минг АҚШ долларига сотишга келишиб, аввал 5 минг доллар олган.

Қолган 6 минг доллар ва ерни ҳокимлик ҳамда кадастр идораларидаги танишлари орқали расмийлаштириб бериш эвазига яна 700 доллар, жами 6 700 долларни олаётган вақтида у Давлат хавфсизлик хизмати ҳамда Иқтисодий жиноятларга қарши курашиш департаменти ходимлари томонидан қўлга олинган.

Ҳозирда унга нисбатан Жиноят кодексининг 168-моддаси 3-қисми “а” банди ва 28, 211-моддаси 1-қисми билан жиноят иши қўзғатилиб, тергов ҳаракатлари олиб борилмоқда.

Telegram I Facebook I YouTube I Instagram

Машинани мажбурий тўхтатиб, тадбиркорга зўравонлик қилганлар қўлга олинди

Telegram I Facebook I YouTube I Instagram

Андижонда йигит қариндошини товуқларни қамамагани учун пичоқлади

Андижон шаҳрининг “Янги ҳаёт” маҳалласида 1998 йилда туғилган йигит қариндошини пичоқлаб ўлдирди. Ҳодиса 2025 йил 22 сентябрь куни соат 14:00 атрофида содир бўлган.

Маълум қилинишича, товуқлар ҳовлида юрганидан жаҳли чиққан уй эгаси қариндоши билан жанжаллашиб, унга бир неча бор пичоқ урган. Жабрланувчи шифохонага олиб борилган, бироқ унинг ҳаётини сақлаб қолишнинг имкони бўлмаган.

Суд ҳукмига кўра, айбланувчига 11 йил муддатга озодликдан маҳрум қилиш жазоси тайинланди. У жазони умумий тартибли колонияда ўтайди.

Telegram I Facebook I YouTube I Instagram

Россияда 7 қаватдан тушиб кетган болани қутқарган эркакка 1 млн рубль мукофот пули берилади

Россияда 7 қаватдан тушиб кетган болани қутқарган ўзбекистонлик Хайрулло Ибодуллаевга 1 млн рубль (159 миллион сўм - таҳр) пул мукофоти тақдим этилади.

Ибодуллаев унга бериладиган пулни Ўзбекистонга юбориши, отаси касаллиги ва тўрт нафар қизи борлигини айтди.

Шунингдек, Ибодуллаев шахсан Шавкат Мирзиёев  томонидан “Жасорат” медали билан мукофотланди.

Telegram I Facebook I YouTube I Instagram

Ўзбекистон ва МИТ КСC мамлакатнинг глобал инновацион тизимга интеграциялашувини муҳокама қилди

Ижрочи директор Дина Ҳ. Шериф бошчилигидаги МИТ Куо Шарпер фаровонлик ва тадбиркорлик марказиделегацияси Рақамли технологиялар вазирлиги, ИТ Парк Узбекистан, Фанлар академияси, етакчи университетлар, стартаплар ва венчур етакчилари билан учрашувлар ўтказди.

Асосий эътибор: узоқ муддатли экотизим ҳамкорлиги орқали Ўзбекистонни глобал инновацион тизимгаинтеграция қилиш.

Бу тадбиркорлик, институционал салоҳият ва халқаро алоқаларни мустаҳкамлашга қаратилган тизимлиҳамкорликнинг бошланишидир.

Тўлиқ версия

Telegram I Facebook I YouTube I Instagram

Ўзбекистонда 602 км янги электр линиялари қурилади

Шавкат Мирзиёев энергетика соҳасига бағишланган йиғилишда электр тармоқларини кенгайтириш бўйича янги вазифаларни белгилади.

Яқин йилларда мамлакатда жами 602 километр юқори кучланишли электр узатиш линиялари қурилиши режалаштирилган. Бу янги ишга туширилаётган генерация қувватларини истеъмолчиларга узлуксиз етказиб бериш имконини яратади.

Telegram I Facebook I YouTube I Instagram

Солиқ ҳуқуқбузарликлари ҳақида хабар берганларга 3 млрд сўм тўланди

2026 йил январь ойида “Солиқ” мобил иловасининг “Солиқ ҳамкор” тизими орқали 12 486 та мурожаат келиб тушди. Бу ҳақда Ўзбекистон Республикаси Солиқ қўмитаси маълум қилди.

Шундан 1 739 таси такрорий ёки текширув жараёнида бўлгани сабабли кўриб чиқилмаган. Қолган мурожаатлар асосида 5 198 та сайёр текширув ўтказилиб, 99 фоиз ҳолатда ҳуқуқбузарлик тасдиқланган.

Telegram I Facebook I YouTube I Instagram

Жиззахда ўғлининг ерини сотаётган ота ушланди

Жиззах вилоятининг Ғаллаорол туманида ҳокимлик қишлоқ хўжалиги бўлими бош мутахассиси пора олаётганда қўлга олинди. Бу ҳақда Давлат хавфсизлик хизмати маълум қилди.

Маълум бўлишича, у ўғлига тегишли 11 гектар фермер ерини 11 минг долларга сотишга келишиб, аввал 5 минг доллар олган. Қолган 6 минг доллар ҳамда ҳужжатларни расмийлаштириш эвазига яна 700 доллар олаётган вақтида ушланган.

Ҳолат юзасидан Жиноят кодексининг фирибгарлик ва пора билан боғлиқ моддаларига асосан жиноят иши қўзғатилиб, тергов ҳаракатлари олиб борилмоқда.

Telegram I Facebook I YouTube I Instagram

Президент ректорларни қаттиқ огоҳлантирди

Президент Шавкат Мирзиёев ректорларни кескин танқид қилди ва уларни қаттиқ огоҳлантирди.

“Ректорларни огоҳлантираман: тўрт-беш йил ўқитиб, талабасини ишли қилмаган ректорни лавозимида ўтиришга ҳаққи йўқ”, деди давлат раҳбари.

Telegram I Facebook I YouTube I Instagram

Президент ректорларни огоҳлантирди: ойлигини эллик фоизини қайтариб берсин!

Президент Шавкат Мирзиёев “Кўксарой” қароргоҳида ёшлар билан мулоқот ўтказди

Учрашувда Қорақалпоғистон, вилоятлар ва Тошкент шаҳридаги студиялардан 60 мингдан зиёд ёшлар вакиллари иштирок этмоқда.Ҳар бир вазир, ҳоким, олийгоҳ ректори, техникум ва мактаб директори ҳамда бошқа масъуллар ҳудудидаги ёшларни тил ва касб-ҳунар ўрганиши, спорт билан шуғулланиши, ғоя, лойиҳа ва стартапига кўмак бериб, уларни ўстириши, ишли ва даромадли қилиб, бирорта ёшни эътиборсиз қолдирмасликка янада катта масъулият билан ёндашиши лозимлиги қайд этилди.

“Юртимиздаги 22 миллиондан зиёд ёшларимиз тимсолида биз жуда катта иқтисодий, ижтимоий ва сиёсий кучни кўрамиз”, деди давлат раҳбари.

Telegram I Facebook I YouTube I Instagram

Узлуксиз таълимда миллий тарбия ягона ва узвий тизим сифатида жорий этилади

Вазирлар Маҳкамасининг “Узлуксиз таълим тизимида ёшларни миллий қадриятларга садоқат ва ватанпарварлик руҳида тарбиялаш самарадорлигини ошириш дастурини тасдиқлаш тўғрисида”ги қарори қабул қилинди.

Қарор билан 2026 йилда тарбия йўналишида амалга ошириладиган 12 та банддан иборат “Йўл харита” тасдиқланди.

Асосий йўналишлар:

➖ мактабгача, умумий ўрта, ўрта махсус, касбий ва олий таълим тизимларида ягона миллий тарбиянинг яхлит тизими яратилади;

➖ ҳар душанба куни барча таълим ташкилотларида “Келажак соати” дарси ўтказилади ҳамда дарс сценарийлари асосида тайёрланган контентлар “milliytarbiya.uz” электрон платформасига жойлаштирилади;

➖ дастур доирасида Ўзбекистоннинг Миллий тарбия модели ишлаб чиқилади;

➖ ҳар йили маънавий-маърифий ишлар бўйича масъул раҳбар ва педагоглар ўртасида “Миллий қадриятлар тарғиботчиси” республика танлови ўтказилади;

➖ ҳар йили 1-центабрга қадар маънавий-маърифий тадбирларнинг намунавий иш режалари тасдиқланади;

➖ “Жасорат мактаблари” ўқувчилари ўртасида икки босқичли “Жасорат учқунлари” ҳарбий-ватанпарварлик ва спорт мусобақаси ташкил этилади.

Дастурнинг тўлиқ матни

Telegram I Facebook I YouTube I Instagram

Президент 4 синф ўқувчисига машина совға қилди

Президент раҳбарлигида ўтган йиғилишда Отамурод исмли ўқувчи Комилжон Отаниёзов қўшиғини ижро этди.

Шундан сўнг давлат раҳбари боланинг истеъдодини эътироф этиб, унга машина берилишини айтди.

Telegram I Facebook I YouTube I Instagram

Фарғонада баҳор нафаси лекин эски одатлар ҳам қолмоқда...

Фарғона вилоятида ер замин кўкармоқда аммо айримлар шох-шаббаларни ёқиб, ҳавони заҳарламоқда.

Бу ҳаво ифлосланиши
инсон саломатлигига зарар
тупроқ унумдорлигининг пасайиши ёнғин хавфи бу оддий ҳолат эмас қонунбузарлик! Масалага жиддий эътибор қаратиш вақти.

Фарғона вилояти Экология бошқармаси, вилоят Прокуратураси, ИИБ, Миллий гвардия, вилояти ҳокимлиги.

Она замин бизнинг умумий уйимиз, Ёқиш эмас, асраш вақти келди! Биз бирга кучмиз..

Telegram I Facebook I YouTube I Instagram

Президент Шавкат Мирзиёевнинг 24 февраль куни ёшлар билан бўлиб ўтган учрашувида илгари сурилган муҳим ташаббуслар

1. Ҳар пайшанба – вазирлик, идора ва ҳокимликларда “Ёшлар куни” бўлади.

2. Ёшлар тадбиркорлигини қўллаб-қувватлаш учун қўшимча 200 миллион доллар маблағ ажратилади.

3. Ўзини ўзи банд қилган ёшлар учун кредит миқдори 100 миллиондан 300 миллион сўмгача оширилади.

4. Ёш тадбиркорлар лойиҳалари учун кредит ажратиш миқдори 10 миллиард сўмгача кўпайтирилади.

5. Инновацион стартап лойиҳаларига 100 минг долларгача инвестиция киритишга рухсат берилади.

6. “Келажак тадбиркори” дастури доирасида ёш тадбиркорларга 7 йилга 15 фоизли кредитлар ажратилади.

7. Дастур асосида ўзини ўзи банд қилган ёшларга гаровсиз 20 миллион сўмгача, ўз бизнесини бошлаётганларга 300 миллион сўмгача кредит ажратилади.

8. Фаолиятини кенгайтирмоқчи бўлганларга 2 миллиард сўмгача, 5 та битирувчини ишга олган тадбиркорларга эса 10 миллиард сўмгача кредит берилади.

9. “Менинг биринчи касбим” дастури орқали олийгоҳ битирувчиларига стажировка учун ойига 2 миллион сўмгача стипендия тўланади.

10. Ҳар бир ҳудудда ёшларга бизнес хизматларини кўрсатувчи “Ёшлар бизнес инкубатори” ишга туширилади.

11. “Янги авлод тадбиркорлари” дастурида Гарвард, Стенфорд каби хорижий олийгоҳлар ҳамкорлигида 40 минг ёш бизнесга ўқитилади.

12. Дастурни муваффақиятли тугатган энг яхши 1000 нафар ёшга 3 йилга 200 миллион сўмгача 7 фоизли ссуда ажратилади.

13. “Ёш тадбиркорлар” танловидаги энг яхши 100 та лойиҳани брендга айлантириш учун 1 миллиард сўмгача маблағ берилади.

14. Банклар 50 минг ёшга бепул бизнес-режа тайёрлаб беради ва 20 минг ёшни тадбиркорликка ўқитади.

15. 1 мартдан янги иш бошлаётган ёшларнинг инфратузилмага уланиш харажатлари Ёшлар тадбиркорлиги жамғармаси томонидан қоплаб берилади.

16. Самарқанд шаҳрида энг яхши лойиҳа эгалари иштирокида Халқаро инклюзив ёшлар оромгоҳи ташкил қилинади.

17. “Ўсиш ва ривожланиш” стартап лойиҳасидаги энг яхши 40 та лойиҳага 2 миллиард сўм ажратилади.

18. Техникумларда ҳам стартаплар яратишга рухсат этилиб, уларга 1 миллиард сўмгача молиявий ёрдам кўрсатилади.

19. Техникум ўқувчилари учун “Work and travel” дастури орқали хорижда ишлаш имконияти яратилади.

20. ”Ўқув марказлари уюшмаси” ташкил этилади. Уюшмага аъзо бўлган ўқув марказларига биносини ижарага берган тадбиркорлар ижарадан олинадиган даромад ва фойда солиғини тўлашдан озод этилади.

21. Бундай марказларнинг ўқитувчиларини Ёшлар ишлари агентлиги ҳисобидан АҚШ, Буюк Британия, Сингапур, Япония каби илғор таълим марказларига стажировкага юбориш йўлга қўйилади.

22. ”Кўмак” лойиҳаси доирасида бизнесини кенгайтирмоқчи бўлганларга 300 миллион сўмгача фоизсиз ссуда берилади.

23. Олис ҳудудлардаги ўқув марказлари учун ижтимоий солиқ 1 фоиз, даромад солиғи эса 7,5 фоизгача пасайтирилади.

24. Ёшлар ишлари агентлиги хусусий ўқув марказлари билан ҳамкорликда ҳар йили 20 минг ёшни келажак касбларига ўқитади.

25. Ҳар бир туманга 500 миллион сўмгача ссуда ажратиб, техникум ва ўқув марказларида касб-ҳунар лабораториясини ташкил этилади.

26. Ёшлар ишлари агентлиги қошида ”Волонтёрликни қўллаб-қувватлаш” жамғармаси очилиб, унга ҳар йили бюджетдан 62 миллиард сўм ажратилади.

27. Ёшларнинг энг яхши волонтёрлик лойиҳаларига 100 миллион сўмгача грант берилади.

28. Ёш оилалар учун уй-жой ипотека кредит ставкасининг 14 фоиздан ошган қисми давлат бюджетидан қоплаб берилади.

29. ”Китобхонлик маданиятини ривожлантириш” жамғармаси орқали истеъдодли ёзувчиларга ижод учун ойига 20 миллион сўмдан ҳақ тўланади.

30. Мактаблардаги энг фаол китобхон ўқувчиларга 10 миллион сўмдан мукофот топширилади.

31. Китоб савдосини ойига 10 минг донадан оширган тадбиркорларга 1 миллиард сўмгача 7 фоизли ссуда берилади.

32. “Иккинчи имкон” лойиҳаси орқали жазони ўтаб бўлган ёшлар замонавий IT-касблар ва хорижий тилларга бепул ўқитилади.

“Ёқиш эмас, асраш вақти келди” — Фарғона эко-бошқармаси Олтиариқдаги ҳолатни назоратга олди

Фарғона вилояти Экология ва иқлим ўзгариши бош бошқармаси Олтиариқ туманида содир этилган ҳолат бўйича расмий муносабат билдирди.

Эко-бошқарманинг маълум қилишича, ҳақиқатдан айрим шахслар томонидан йўл ёқасида қуруб ётган шох-шаббалар қасддан ёқиб юборилган.

Ҳозирда мазкур ҳолат юзасидан Олтиариқ туман давлат инспекторлари томонидан дастлабки ўрганиш ва назорат ишлари бошланган.

“Бу ҳолат инсон саломатлигига салбий таъсир кўрсатиши, тупроқ унумдорлигининг пасайиши ва ёнғин хавфини юзага келтириши боис жиддий қонунбузарлик ҳисобланади.

Фарғона вилояти Экология бошқармаси аҳолини қонун ҳужжатларига риоя қилишга, табиатни асраш ва ҳавони муҳофаза қилишга чақиради.

Она замин – бизнинг умумий уйимиз. Ёқиш эмас, асраш вақти келди. Биз бирга кучмиз!”, - дейилади муносабатда.

Telegram I Facebook I YouTube I Instagram