Тошкент вилоятида келин қайнонасига 14 марта пичоқ уриб ўлдирди

Тошкент вилояти Бекобод шаҳрида 2025 йил кузида содир бўлган оилавий жанжал қотиллик билан якунланган.

Маълум қилинишича, 64 ёшли қайнона ва 25 ёшли келин ўртасида тортишув кучайиб, улар уйда ёлғиз қолган вақтда жанжал давом этган.

Келиннинг кўрсатмаларига кўра, у ўзини ҳимоя қилишга уринган.

Қайнона тўйга ҳамма нарсани келин томон қилиши керак деган.

Суд уни қасддан одам ўлдиришда айбдор деб топиб, 10 йилга озодликдан маҳрум қилди.

Telegram I Facebook I YouTube I Instagram

Куала-Лумпур аэропортида 250 дан ортиқ ўзбекистонлик йўловчи 16 соатдан бери қолиб кетди

Kuala Lumpur International Airportда Uzbekistan Airwaysнинг HY-554 рейси йўловчилари 16 соатдан ортиқ вақтдан бери учишни кутиб қолмоқда.

Йўловчиларнинг маълум қилишича, рейс техник носозлик сабаб кечиктирилган. Авиакомпания ходимлари самолёт шассиларида муаммо борлигини билдирган. Шунга қарамай, йўловчиларга бошқа самолёт ажратилмаслиги, эҳтиёт қисмлар келтирилишини кутишга тўғри келиши айтилган. Бу жараён 3 кунгача чўзилиши мумкинлиги маълум қилинган.

Telegram I Facebook I YouTube I Instagram

Шавкат Мирзиёевнинг АҚШга амалий ташрифи бошланди

Президент Шавкат Мирзиёев рафиқаси ҳамроҳлигида амалий ташриф билан АҚШга келди.

Эндрюс авиабазасида давлат раҳбарини АҚШ–Ўзбекистон савдо палатаси раиси Кэролин Лемм, Миссисипи штати Миллий гвардияси бирлашган штаби қўмондони Жеймс Хенкинс ҳамда бошқа расмийлар кутиб олди.

Вашингтондаги қароргоҳда эса АҚШ Президентининг махсус вакили Паоло Замполли томонидан қарши олинди.

Ташриф доирасида Президент Тинчлик кенгаши биринчи саммити ҳамда қатор ишбилармонлик тадбирларида иштирок этиши режалаштирилган.

Telegram I Facebook I YouTube I Instagram

Инсон органлари савдоси билан шуғулланган гуруҳ фош этилди

Ички ишлар вазирлиги Тезкор қидирув департаменти ҳамда Давлат хавфсизлик хизмати томонидан Тошкент шаҳрида инсон аъзолари ва тўқималарининг ноқонуний савдоси билан шуғулланган шахслар қўлга олинди.

Telegram I Facebook I YouTube I Instagram

Рамазон ойининг бошланиш санаси малум қилинди

2026 йил 17 февраль куни Ўзбекистон мусулмонлари идораси Фатво маркази уламолари ҳижрий 1447 йил Рамазон ойи ҳилоли кўринмаганини маълум қилди.

Шу асосда 18 февраль ҳижрий 1447 йил Шабон ойининг 30 куни, 19 февраль эса Рамазон ойининг биринчи куни этиб белгиланди.

Telegram I Facebook I YouTube I Instagram

Рамазон ойида эҳтиёжманд оилаларга 1 млн сўмдан ёрдам пули берилади

Ўзбекистон Президенти қарорига кўра, «Вақф» хайрия жамоат фондига 800 миллиард сўм ажратилди.

Telegram I Facebook I YouTube I Instagram

“Рўза кунларида қилинадиган барча ибодатлар, эзгу ният ва амаллар ижобат бўлсин!” — Президент

Президент Шавкат Мирзиёев Рамазон ойи муносабати билан ўзбекистонликларни муборакбод этиб, ушбу муқаддас кунларда қилинган барча ибодат ва савобли амаллар қабул бўлишини тилади.

Telegram I Facebook I YouTube I Instagram

Талабалар универcитетга нега киритилмади?

Ижтимоий тармоқларда Ўзбекистон журналистика ва оммавий коммуникациялар университети талабалари форма йўқлиги сабабли дарсга киритилмагани акс этган видео роликлар тарқалиб, кенг муҳокамаларга сабаб бўлди.

Мазкур ҳолат юзасидан университет ректори Шерзодхон Қудратхўжа ўзининг Инстаграм саҳифасида расмий муносабат билдирди.

Бугун “Очиқ эшиклар куни” муносабати билан Effect.uz мухбири Камола Қурбонова ҳолатни ўрганиш мақсадида олийгоҳга борди. Воқеа тафсилотлари, раҳбарият позицияси ҳамда талабалар фикрлари ҳақида видео лавҳада томоша қилинг.

🎥 ТЎЛИҚ ВИДЕО

Telegram I Facebook I YouTube I Instagram

“Қизилқум” (U-19) бош мураббийи ҳибсга олинди

“Қизилқум” клубининг U-19 жамоаси бош мураббийи қинғир иш устида қўлга тушди. Бу ҳақда ЎФА хабар берди.

Маълумотларга кўра, “Қизилқум” U-19 жамоаси бош мураббийи Нурота туманида яшовчи, 2008 йилда туғилган ўсмирдан жамоанинг асосий таркибига қабул қилиш эвазига  20 миллион сўм сўраган.

Давлат хавфсизлик хизмати (ДХХ) ҳамда Иқтисодий жиноятларга қарши курашиш департаменти ходимлари Кармана туманида тезкор тадбир ўтказган.

Бош мураббий фуқародан талаб қилинган 20 миллион сўмни олаётган вақтида ашёвий далиллар билан қўлга олинди.

Ҳозирда ушбу шахсга нисбатан  ЖКнинг 168-моддаси 3-қисми “v” банди (хизмат мавқеидан фойдаланган ҳолда содир этилган фирибгарлик) билан жиноят иши қўзғатилган.

Telegram I Facebook I YouTube I Instagram

ИИВда янги босқич: Қудратхўжаев шахсий қабуллар орқали ишни бошлади

18 февраль куни Ўзбекистон Республикаси Ички ишлар вазирлиги биринчи ўринбосари — Тезкор қидирув департаменти бошлиғи, генерал-майор Ботир Қудратхўжаев фуқаролар мурожаатларини ўрганиш мақсадида шахсий қабул ўтказди. Унда турли масалалар юзасидан келиб тушган ариза ва шикоятлар кўриб чиқилиб, масъулларга тегишли топшириқлар берилгани маълум қилинди.

Эслатиб ўтамиз, Қудратхўжаев аввал Фавқулотда вазиятлар вазири лавозимида фаолият юритган бўлиб, 28 январь куни ички ишлар вазирига биринчи ўринбосар этиб тайинланган эди.

Telegram I Facebook I YouTube I Instagram

Бухоро вилояти прокуратураси гаров ва зарар сифатида тўланган пулларини ҳали ҳам қайтармаяптими? Муаммо илдизи нимада ва прокуратура фойда олувчи ташкилотга айланмаганми?

Ўтган ҳафта Бухоро вилояти прокуратураси томонидан бир тадбиркорнинг 4 миллиард сўмлик гаров пули қайтарилмаётгани ҳақида пост қолдирган эдик. Афсуски, ушбу мурожаатимизга ҳозирга қадар расмий муносабат билдирилмади.

Мазкур видеода гап битта алоҳида ҳолат ҳақида эмас. Унда умуман олганда, жиноят ишлари доирасида қамоқ эҳтиёт чораси қўлламаслик эвазига миллиардлаб сўм миқдорида олинаётган гаров пуллари, уларнинг депозит ҳисоб рақамларига жойлаштирилиши ҳамда бу орқали фойда олиниши эҳтимоли ҳақида сўз юритилди.

Гаров пулларининг қайтарилиш механизми, муддатларнинг чўзилиши ва ушбу маблағлар устидан ким ва қандай тартибда тасарруф қилаётгани жамоатчиликни бефарқ қолдирмаслиги керак бўлган масаладир.

💬 Ушбу ҳолат юзасидан фикр ва мулоҳазаларингизни кутамиз.
Бу масала очиқ муҳокама қилиниши ва ҳуқуқий аниқлик киритилиши лозим, деб ҳисоблаймиз.

Завқиддин Амонов,
Юридик фанлар номзоди. адвокат

Ўзбекистон – АҚШ ҳамкорлигида янги босқич: муҳим битимлар имзоланди

Шавкат Мирзиёевнинг АҚШга ташрифи доирасида Ўзбекистон – АҚШ ҳамкорлигининг устувор йўналишлари бўйича икки томонлама битимлар тўплами имзоланди.

Telegram I Facebook I YouTube I Instagram

АҚШда Шавкат Мирзиёевнинг ташрифи ўзгача кутиб олинди

Ўзбекистон президенти Шавкат Мирзиёевни Нью-Йоркка бўлган ташрифи муносабати билан махсус акция ўтказилди.

Унда LED экранлар ўрнатилган машиналар Таймс-сквер бўйлаб ҳаракатланиб, ўзбек спортчиларининг ютуқлари ҳамда миллий спортга бағишланган видеороликлар намойиш этилди.

Telegram I Facebook I YouTube I Instagram

Тошкентда ресторанда ёнғин содир бўлди

Пойтахтнинг Олмазор туманида жойлашган, таъмирда бўлган собиқ “Мушки анбар” ресторанида 19 февраль куни соат 01:03 да ёнғин юз берди. Бу ҳақда Тошкент шaҳар Фавқулодда вазиятлар бош бошқармаси хабар берди.

Қутқарувчилар ҳодиса жойига 01:10 да етиб борди. Ёнғин 01:44 да қуршаб олинган ва 01:57 да тўлиқ бартараф этилган.

Ҳодиса оқибатида жароҳатланганлар йўқ. Ёнғин сабаби ва моддий зарар миқдори аниқланмоқда.

Telegram I Facebook I YouTube I Instagram

24 ёшли ўзбек йигити Украинадаги урушда ҳалок бўлди. Марҳумнинг жасади моргда сақланмоқда

Шартнома асосида Россия номидан Украинага урушга кетган ўзбекистонлик йигит жанг майдонида ҳалок бўлди.

Шахси сир сақланишни истаган мурожаатчини Effect.uz’га маълум қилишича, марҳум Маткаримов Омонбой Ғофуржон ўғли 2002 йил Хоразм вилоятида  туғилган.

У аслида Россияга ишлаш мақсадида борган, лекин номаълум сабабларга кўра у ердан шартнома асосида Украинага урушга кетган.

2025 йил октябр ойида йигит граната портлаши оқибатида ҳалок бўлган.

Таҳририятимизга ҳабар берган мурожаатчи айни вақтда йигитнинг оила аъзоларини излашга ёрдам сўрамоқда.

Ҳамюртимизнинг жасади ҳали ҳам Украинадаги моргда сақланмоқда.

Оила азоларига жасадни олиб кетиши учун Россия товон пули тўлаб беришини маьлум қилмоқда.

Марҳумнинг яқинлари ушбу видеони кўргач биз билан боғланиш учун қуйидаги рақамларга қўнғироқ қилишини сўраймиз

Тел: +998 90 905 33 32

Telegram I Facebook I YouTube I Instagram

Сурхондарё вилоятида 19–20 ёшли наркосавдогарлар 15 йилга қамалди

Давлат хавфсизлик хизмати маълум қилишича, 19 ва 20 ёшли шахслар 60 килограммдан ортиқ гиёҳвандлик моддалари билан қўлга олинган.

Маълумотларга кўра, Узун туманида 2005 ва 2006 йилларда туғилган фуқаролар Тожикистондан 20 кг 374 г афюн ва 41 кг 668 г “гашиш”ни контрабанда йўли билан олиб кирayotgan вақтда ушланган.

Telegram I Facebook I YouTube I Instagram

Ўзбекистонда Magnus Fusion 212 самолётлари ишлаб чиқарилиши мумкин

Ўзбекистон Транспорт вазири ўринбосари Жасур Чориев Magnus Aircraft Zrt. бош ижрочи директори Ласзло Борос билан учрашди.

Музокаралар давомида компания томонидан ишлаб чиқарилаётган Magnus Fusion 212 русумли самолётларни Ўзбекистонда ишлаб чиқариш имконияти муҳокама қилинди.

Telegram I Facebook I YouTube I Instagram

Telegramда янги функция жорий этилади

“Beta Info” хабарига кўра, Telegramда шахсий ёзишмалардаги хабарларни нусхалашни чеклаш имконияти пайдо бўлади. Ҳозирда бундай функция фақат каналларда мавжуд. Яқин орада у шахсий чатларда ҳам ишлайди.

Telegram I Facebook I YouTube I Instagram

“Қизилқум” (U-19) бош мураббийи ҳибсга олинди

“Қизилқум” клубининг U-19 жамоаси бош мураббийи қинғир иш устида қўлга тушди. Бу ҳақда ЎФА хабар берди.

Маълумотларга кўра, “Қизилқум” U-19 жамоаси бош мураббийи Нурота туманида яшовчи, 2008 йилда туғилган ўсмирдан жамоанинг асосий таркибига қабул қилиш эвазига  20 миллион сўм сўраган.

Давлат хавфсизлик хизмати (ДХХ) ҳамда Иқтисодий жиноятларга қарши курашиш департаменти ходимлари Кармана туманида тезкор тадбир ўтказган.

Бош мураббий фуқародан талаб қилинган 20 миллион сўмни олаётган вақтида ашёвий далиллар билан қўлга олинди.

Ҳозирда ушбу шахсга нисбатан  ЖКнинг 168-моддаси 3-қисми “v” банди (хизмат мавқеидан фойдаланган ҳолда содир этилган фирибгарлик) билан жиноят иши қўзғатилган.

Telegram I Facebook I YouTube I Instagram