Фарғонада Россия фуқароларини яқин 10 млн рублга "ухлатган" кибергуруҳ қўлга олинди – ДХХ 

Давлат хавфсизлик хизмати Фарғона вилояти ҳудудида ўтказган тезкор-қидирув тадбирида уюшган кибер жиноий гуруҳ фаолиятини фош қилди.

Ушбу кибергуруҳ Фарғона ва Тошкент шаҳарларида биноларни ижрага олиб, “Колл-марказ”лар ниқоби остида фаолият юритган  ва уни 40 ёшли эркак бошқарган ва унинг қўл остида нақд 34 киши ишлаган.

Қизиқ жойи шундаки, кибергуруҳ Россияда дори
воситалари ҳамда биологик фаол қўшимчалар савдоси билан шуғулланувчи ташкилотларнинг 70 мингдан ортиқ мижозлари тўғрисидаги маълумотларни қўлга киритишган.

Telegram I Facebook I YouTube I Instagram

Қамчиқ довони қор кўчкиси хавфи сабабли вақтинча ёпилди

Жорий йилнинг 12 февраль куни соат 13:00 дан бошлаб, А-373 Халқаро автомобиль йўлининг «Қамчиқ» довони қисми автомобиллар ҳаракати учун вақтинча ёпилди. Бу чора-қўйиш қор кўчкиси хавфи туфайли амалга оширилди.

Ҳозирда Фавқулодда вазиятлар вазирлиги (ФВВ) раҳбарлигида тегишли ташкилотлар мутахассислари томонидан кенг кўламли профилактик тадбирлар олиб борилмоқда. Йўл ва атроф ҳудуддаги хавфсизлик чоралари мустаҳкамланмоқда.

«Қамчиқ» довонини қайта очиш ва транспорт ҳаракати учун хавфсизлигини таъминлаш масаласида ФВВ Ахборот хизмати қўшимча маълумотларни тақдим этади. Фуқаролардан эса транспорт ҳаракатини вақтинча чеклашга оид талабларга риоя қилиш сўралмоқда.

Telegram I Facebook I YouTube I Instagram

Андижонликлар тинчини ярим тунда кучли портлаш ва сиреналар овози безовта қилди

Гап шундаки, жорий йилнинг 11 февраль куни соат 23:55 да  Андижон шаҳар, "Нодирабегим" МФЙ ҳудудида жойлашган кўп қаватли аҳоли яшаш хонадонларининг бирида ҳаво-газ аралашмасининг чақнаши содир бўлди.

Тармоқларни "портлатган" хабарга асосан Андижон вилояти ФВБ раҳбарияти ва қутқарув бўлинмалари воқеа жойига зудлик билан етиб борган.

Шунингдек, воқеа жойига вилоят ҳокими Шуҳратбек Абдураҳмонов етиб келиб вазиятни ўз назоратига олган.

Абдураҳмонов жабр кўрган аҳолини вақтинча меҳмонхонага эвакуация қилишни ва бино ҳудудини обдон текшириш бўйича топшириқ берди.

Энг қизиғи чақнаш бўлган шу заҳотиёқ таъмирлаш ишлари бошланиб, ҳозиргича давом этмоқда.

Дастлабки малумотларга кўра, чақнаш оқибатида ёнғин келиб чиқмаган ва бошқа хонадонларга зарар етмаган, бироқ икки нафар фуқаро тан жароҳати олган.

Telegram I Facebook I YouTube I Instagram

Нукусда фирибгарлик йўли билан ер сотмоқчи бўлган шахс ушланди

Нукус шаҳрида ер участкаларини фирибгарлик йўли билан сотмоқчи бўлган шахснинг жиноий фаолиятига чек қўйилди. Ҳуқуқни муҳофаза қилувчи органлар томонидан ўтказилган тезкор тадбир давомида мазкур шахс фуқароларга ер майдонларини расмий ҳужжатларсиз, сохта ваъдалар орқали пул эвазига сотишга уринаётган вақтида қўлга олинган.

Маълум бўлишича, у ер участкаларини гўёки расмийлаштириб бериши мумкинлигини айтиб, фуқароларнинг ишончига киришга ҳаракат қилган. Тезкор тадбир жараёнида ундан ашёвий далиллар олинди.

Ҳолат юзасидан тегишли тартибда жиноят иши қўзғатилиб, ҳозирда тергов ҳаракатлари олиб борилмоқда.

Telegram I Facebook I YouTube I Instagram

Бухорода автомактаб раҳбари пора билан қўлга олинди

Бухорода осон йўл билан "права" олиб беришни ваъда қилиб, содда фуқароларни чув тушурган автомактаб раҳбари қўлга олинди.

Маълум қилинишича, “M.A.” МЧЖ автомактаби раҳбари фуқаролар Д.Р. ва С.Р.нинг ишончига кириб, уларнинг фарзандларига “В, С.” тоифадаги ҳайдовчилик гувоҳномасини олиш учун ўқиганлиги тўғрисида имтиҳон варақаси ва гувоҳнома тайёрлаб бериш эвазига 16 млн сўм олган, бироқ берган ваъдасини устидан чиқа олмаган.

Фуқаролар берган пулларини талаб қилгач, у олган пулдан 6 млн сўмни қайтариб бермоқчи бўлган ва шу вақтда Департамент томонидан ўтказилган тезкор тадбирда қўлга олинган.

Мазкур ҳолат юзасидан Жиноят кодексининг 168-моддаси билан жиноят иши қўзғатилиб, тергов ҳаракатлари ўтказилмоқда.

Telegram I Facebook I YouTube I Instagram

"Қамчиқ" довони вақтинча ёпилди. Довонда махсус штаб ишламоқда

Жорий йилнинг 12 февраль куни соат 13:00 дан бошлаб, "Қамчиқ" довони қисми автомобиллар ҳаракати учун вақтинча ёпилди.

Бугун довон ҳудудининг 2000 метр баландликда ёғган кучли ёғингарчилик натижасида 6675 квадрат метр ҳажмдаги 19 та қор кўчкилари аниқланди. Воқеа натижасида талофат ва жабрланганлар йўқ.

Айнит вақтда "Қамчиқ" довонида қор кўчиш хавфи юзага келганлиги боис, мазкур ҳудудда транспорт воситаларининг ҳаракатланиши вақтинча тўхтатилган.

Аҳоли хавфсизлигини таъминлаш мақсадида, зудлик билан Фавқулодда вазиятлар вазирлиги раҳбарлигида Идоралараро штаб ташкил этилган.

Айни дақиқаларда ФВВ раҳбарлигида тегишли ташкилотларнинг мутахассислари томонидан кенг кўламли профилактик тадбирлар амалга оширилмоқда.

Telegram I Facebook I YouTube I Instagram

Тошкент вилоятида хитойлик эркак қуролдан ноқонуний фойдаланди. ИИББ бунга муносабат билдирди

Ижтимоий тармоқларда хорижлик фуқаролар Ўзбекистонда қуролдан фойдалангани акс этган видео хабарлар тарқалди.

Тармоқларда кўплаб муҳокамаларга сабаб бўлган хабар юзасидан Тошкент вилояти ИИББ томонидан тезкор ўрганилиб, видеода кўриниш берган барча шахсларга аниқлик киритилган.

Маълум бўлишича, жорий йилнинг 20 январь куни, фуқаро ўзига тегишли рухсатномаси мавжуд бўлган ов қуролини таниши Қ.Х.га фойдаланиш учун қонунга хилоф равишда берган.

Қуролни қўллаш жараёнида бирор инсон ёки ҳайвонларга зарар етмаган. 

Ҳозирда, мазкур ҳолат юзасидан Маъмурий жарима кодексининг 220-моддаси билан хужжатлар расмийлаштирилиб, ов қуроли ва ўқ-дорилари белгиланган тартибда вақтинча олиб қўйилди.

Олиб борилаётган текширув якуни бўйича қонуний қарор қабул қилиниши таъминланиб, қўшимча ахборот берилади.

Telegram I Facebook I YouTube I Instagram

Кутилмаган воқеа: Сиёсий тандем парчаландими?

Қирғизистон сиёсий саҳнасида муҳим бурилиш юз берди. Сўнгги йилларда мамлакат сиёсий тизимининг асосий таянчи сифатида кўрилган Жапаров–Ташиев тандеми, афтидан, ўз ниҳоясига етди.

Миллий хавфсизлик давлат қўмитаси раиси Қамчибек Ташиев барча лавозимларидан озод этилди. Бу қарор нафақат Бишкек, балки бутун минтақа учун муайян сигнал сифатида қабул қилинмоқда.

Аслида нима бўлди? Бу оддий кадрлар алмашинувими ёки ҳокимият ичидаги кескин жараёнларнинг ифодасими?

👉 Тўлиқ видео

Туркияда ўлдирилган Дурдона Ҳакимованинг қотили яна бир аёлни бўлакларга бўлганини тан олди

Истанбулнинг Шишли туманида шафқатсизларча ўлдирилган Ўзбекистон фуқароси Дурдона Ҳакимова жинояти бўйича янги тафсилотлар маълум бўлди.

“Туркиядаги ўзбеклар” Телеграм каналинининг маълум қилишича, Гофуржон  Камалходаев исмли қотил, Ўзбекистон фуқароси бўлган яна бир аёл Сайёра Эргашалиевани ҳам бўлакларга бўлиб, Истанбулдаги чиқинди қутиларига ташлаб юборганини тан олди.

Telegram I Facebook I YouTube I Instagram

ҚОР КЕЧГАН УСТОЗ!

Интернетни портлатган ўқитувчи ҳикояси...

👉БАТАФСИЛ ВИДЕОДА

Telegram I Facebook I YouTube I Instagram

Қотилик терговида яна бир ҳайратланарли тафсилот маълум бўлди

Сайёра Эргашалиеванинг жасади бошқа бир қурбон - Дурдона Ҳакимованинг яшаш манзилидан тахминан 100 метр узоқликка ташлаб кетилгани аниқланди.

Ёш аёлнинг жасади Фотиҳ туманидаги Ватан кўчасида, Молла Фенари Исо масжиди ёнидаги ерости чиқинди контейнерига ташлангани маълум бўлди.

Беледиенинг (шаҳар ҳокимияти) контейнерларни кузатиш тизими ёрдамида чиқиндилар қайси ҳудудга тўкилгани аниқланган. Чиқинди полигонида махсус техникалар ёрдамида олиб борилган қидирув натижасида жасад топилган.

Тергов давомида қўлга киритилган далиллар ушбу икки воқеа ўртасидаги боғлиқликни кучайтирмоқда, иш ҳар томонлама ўрганилишда давом этмоқда.

Telegram I Facebook I YouTube I Instagram

Фарғонада Россия фуқароларини яқин 10 млн рублга "ухлатган" кибергуруҳ қўлга олинди – ДХХ 

Давлат хавфсизлик хизмати Фарғона вилояти ҳудудида ўтказган тезкор-қидирув тадбирида уюшган кибер жиноий гуруҳ фаолиятини фош қилди.

Ушбу кибергуруҳ Фарғона ва Тошкент шаҳарларида биноларни ижрага олиб, “Колл-марказ”лар ниқоби остида фаолият юритган  ва уни 40 ёшли эркак бошқарган ва унинг қўл остида нақд 34 киши ишлаган.

Қизиқ жойи шундаки, кибергуруҳ Россияда дори
воситалари ҳамда биологик фаол қўшимчалар савдоси билан шуғулланувчи ташкилотларнинг 70 мингдан ортиқ мижозлари тўғрисидаги маълумотларни қўлга киритишган.

Telegram I Facebook I YouTube I Instagram

Олмазор туманига янги ҳоким тайинланди

Қудратилла Тўлаганов Олмазор тумани ҳокими лавозимига тайинланди.

Кудратилла Туляганов 2023 йилдан буён “Асакабанк” АЖ бошқарув раиси лавозимида фаолият юритиб келаётган эди.

Telegram I Facebook I YouTube I Instagram

“Огоҳлантиргандим” – Жапаров Ташиевни ҳокимиятга эга чиқмоқчи бўлиб гуруҳбозлик ташкил қилгани учун ишдан бўшатганига ишора қилди

Қирғизистон президенти Садир Жапаровнинг маълум қилишича, у Миллий хавфсизлик давлат қўмитаси раиси Қамчибек Ташиевни лавозимидан озод этишдан аввал унга қўнғироқ қилиб, бу масалада уни огоҳлантирган.

“Қарор қабул қилишдан олдин дўстимга қўнғироқ қилиб, бу ердаги вазиятни тушунтирдим, уни лавозимидан озод қилаётганимни айтдим ва шундан сўнг қарор қабул қилдим.

Бу тезкор қарор билан, аксинча, дўстимни ҳимоя қилдим деб ўйлайман.

Чунки унинг атрофидагилар, уларни “оқсоқол” деймизми, “кўксоқол” деймизми, ҳар ҳолда, дўстимни тўғри йўлдан оздиришаётганди.

Улар Қамчибек Ташиев номини ниқоб қилиб, парламент депутатлари, масъул давлат хизматчилари, шунингдек, жамиятда таниқли шахсларга “Генерал томонига ўтинглар” дея мурожаат қила бошлашганди”, деди Қирғизистон президенти.


P/S: Видеода Ташиевнинг Бишкекка қайтиши акс этган.

Telegram I Facebook I YouTube I Instagram

Энергия класси ва электр харажати бу ўзи нима ?

Маиший техника танлаётганда энергия классига эътибор беринг!

🟢 А+++ / А++ / А+ – Энг тежамкор

— 50% гача электрни тежайди

🟡 А / B – Ўртача тежамкор
— 30–35% тежайди

🟠 C / D– Юқори сарф

🔴 E / F / G – Энг кўп электр сарфлайди

💰 Харажатда фарқ қанча? (Мисол)

Айтайлик, музлатгич ойига:

🔴 C класс – 100 кВт ишлатса

🟢 А++ класс – 60 кВт ишлатади

Агар 1 кВт нархи ўртача 600 сўм деб олсак:

C класс: 100 × 600 = 60 000 сўм

А++ класс: 60 × 600 = 36 000 сўм

Ойига фарқ: 24 000 сўм

Йилига: 288 000 сўм тежаш

Демак, тежамкор техника бироз қимматроқ бўлса ҳам, вақт ўтиб ўзини оқлайди.

Telegram I Facebook I YouTube I Instagram

“Истанбул суд тиббий экспертизасига ҳозирча жасад олиб келинмади” — Бош консулхона муносабати

Ўзбекистоннинг Истанбулдаги Бош консулхонаси маълум қилишича, Туркияда ўлдирилган Сайёра Эргашалиева ва Дурдона Ҳакимова яқин дугона бўлган.

Дастлабки маълумотларга кўра, 22 январ куни улар гумонланувчилар билан Истанбулнинг Фотиҳ туманидаги ресторанда учрашган. 23 январ куни Сайёра Эргашалиева пичоқлаб ўлдирилиб, жасади бўлакланган ҳолда чиқинди қутисига ташланган. Кейин унинг телефони орқали Дурдона Ҳакимова чақириб олиниб, у ҳам худди шу тарзда ўлдирилган.

Бош консулхонага кўра, ОАВда жасад топилгани ҳақида хабарлар тарқалган бўлса-да, Истанбул суд тиббий экспертизасига ҳозирча жасад олиб келинмаган. Ҳолат консулхона назоратида, тергов ҳаракатлари давом этмоқда.

Telegram I Facebook I YouTube I Instagram

Андижонда “Роналдо” лақабли киллер ва унинг дўстлари қўлга олинди

Андижон вилоятида “Роналдо” лақабли 42 ёшли жиноий гуруҳ етакчиси ва унинг шериклари қўлга олинди.

Улар тадбиркорни ўлдириш учун киллер ёллашга уриниб, 1 500 доллар эвазига келишган.

Маблағнинг бир қисми ижрочига олдиндан берилган.

Ҳуқуқни муҳофаза қилувчи органлар маълумотига кўра, ташкилотчи жиноятни пухта режалаштирган: ижрочини танлаган, кўрсатмалар берган ва бутун жараённи назорат қилган.

Ҳолат юзасидан жиноят иши қўзғатилган, тергов ҳаракатлари давом этмоқда

Telegram I Facebook I YouTube I Instagram

Президент “Ўзчармсаноат” уюшмаси раисини ишдан олди

Президент Шавкат Мирзиёев раислигида бўлиб ўтаётган йиғилишда “Ўзчармсаноат” уюшмаси раҳбарияти соҳага янгилик олиб кирмагани, пастга тушиб ишламагани танқид қилинди.

Пойабзал ишлаб чиқарадиган 972 та корхонадан 378 таси фаолиятини тўхтатган бўлса, яна 120 таси қувватини ярмидан ҳам фойдаланмаяпти. Қолип, боғич, фурнитура бўйича ҳалигача импортга боғлиқлик бор.

Оқибатда ўтган йили экспорт бўйича ваъда қилган 250 миллион долларнинг 40 фоизи ҳам таъминлангани йўқ.

Уюшманинг бу йилги ишлаб чиқариш ва экспорт режаси ҳам қониқарсиз экани кўрсатиб ўтилди.

Шу муносабат билан “Ўзчармсаноат” уюшмаси раиси А.Султоновни лавозимидан озод этишга кўрсатма берилди.

Telegram I Facebook I YouTube I Instagram