Пойтахтда рейд: Ноқонуний қурилишлар авжида…

Қурилиш ва уй-жой коммунал хўжалиги соҳасида назорат олиб борувчи инспекция томонидан пойтахтда жойлашган кўп қаватли турар жой бинолари ҳолатини мониторинг қилиш ишлари кучайтирилган тартибда ташкил этилди. Effect.uz мухбири Камола Қурбонова вазиятни яқиндан ёритди.

Текширувлар давомида айрим хонадон эгалари томонидан бино лойиҳасига зид равишда ўзбошимчалик билан ўзгартиш киритилгани маълум бўлди. Хусусан, юкни кўтарувчи девор ва конструкция элементларига аралашиш, шунингдек, балконларни қайта қуриш ёки кенгайтириш ҳолатлари қайд этилди. Бундай ҳолатлар иншоотнинг техник барқарорлигига хавф туғдириши мумкинлиги таъкидланмоқда.

Қоидабузарликлар бўйича масъул шахсларга нисбатан белгиланган тартибда чоралар кўрилди. Шунингдек, уларга йўл қўйилган камчиликларни бартараф этиш юзасидан мажбурий топшириқлар берилди.

Telegram I Facebook I YouTube I Instagram

“Қамчиқ” довонида кучли қор ёғиши оқибатида тирбандликлар юзага келди

“Қамчиқ” довонида ёғаётган кучли қор туфайли автомобил йўлида узундан-узун тирбандликлар юзага келди.

Қор ёғиб турган пайтда довонда автотранспорт воситаларининг тўхтовсиз икки томонлама ҳаракатланишини таъминлаш мақсадида “Қамчиқавтойўл ИЙФК” ДМ томонидан йўл қопламасида сирпанчиқ бўлмаслиги учун  машина-механизмлар ёрдамида қум-туз аралашмаси сепиш ва йўлларни қордан тозалаш ишларини амалга оширишмоқда.

Довонда ҳаракатланаётган барча ҳайдовчилардан об-ҳаво шароитини инобатга олган ҳолда тезликни меъёрдан оширмасдан, оралиқ масофани сақлаб ҳаракатланишларини ва барча хавфсизлик чораларини кўришларини тавсия қиламиз.

Telegram I Facebook I YouTube I Instagram

Самарқанддан Хитойга юборилган делегациялар таркибида ҳокимларнинг ўғиллари ва ҳайдовчиси ҳам бўлган

Самарқанд вилоятида расмий делегациялар билан боғлиқ яна бир ҳолат юзага чиқди.

Маълумотга кўра, Қўшработ тумани ҳокими Дилшод Шакарбоев ва Каттақўрғон тумани ҳокими Жамшид Насриддиновнинг ўғиллари Хитойга хизмат сафари доирасида делегация таркибида иштирок этган.

Ҳокимлардан бирининг ўғли яқиндагина мактабни тамомлагани маълум.

Telegram I Facebook I YouTube I Instagram

❄️ Қорли тоғлардаги ҳақиқий қаҳрамон: 33 йиллик касбга садоқат!

Навоий вилояти Хатирчи тумани Лангар қишлоғидаги 58-мактаб тарих ўқитувчиси Муяссар Мамадалиева 33 йилдан бери шогирдларига билим бериб келмоқда.

Устоз оғир об-ҳавога қарамай мактаб сари йўл олди. Қор устидан қолган излар — шунчаки қадамлар эмас, келажакка етакловчи илм йўлидир.

👉ТЎЛИҚ ВИДЕО

Пул юборишга шошилманг, аввал текшириб кўринг. Огоҳлик – сенинг ҳимоянг!

Telegram I Facebook I YouTube I Instagram

"Жалолиддин Мангуберди" поездлари Ўзбекистонга етиб келгани айтилмоқда

2025 йил 10 декабрь куни Масан портидан Ўзбекистонга жўнатилган Hyundai Rotem компаниясининг биринчи поезд партияси Тошкентга етиб келгани айтилмоқда.

Маълум қилинишича, Ўзбекистон учун ишлаб чиқарилган Жалолиддин Мангуберди номидаги 6 та юқори тезюрар электропоездлари пойтахтга етиб келган.

Поезднинг ҳар бири 7 та  вагондан иборат ва унинг максимал тезлиги 250 км/соатгача.

Мазкур лойиҳа Hyundai Rotem’нинг Марказий Осиё бозорига илк юқори тезликдаги поезд етказиб бериши бўлди.

Telegram I Facebook I YouTube I Instagram

Сенатор Мир-Акбар Раҳмонқулов 74 ёшида оламдан ўтди

Президент ҳузуридаги Қонунчилик ва ҳуқуқий сиёсат институти директори, сенатор, юридик фанлари доктори, профессор Мир-Акбар Ходжи-Акбарович Раҳмонқулов 74 ёшида оламдан ўтди.

Мир-Акбар Раҳмонқулов — 1952 йил 5 октябрда туғилган, Тошкент давлат университети ва Свердловск юридик институтини (аспирантура) тамомлаган.

Фаолияти давомида у Президент ҳузуридаги Стратегик ва минтақалараро тадқиқотлар институти директорининг биринчи ўринбосари, Президентнинг давлат хизмати ва ҳокимият вакиллик органлари билан ҳамкорлик қилиш масалалари бўйича маслаҳатчиси ўринбосари, Хавфсизлик кенгаши котиби, давлат маслаҳатчиси сифатида ишлаган. 2024 йилнинг ноябр ойида президент Шавкат Мирзиёев томонидан сенатор этиб тайинланганди.

Мир-Акбар Раҳмонқулов 1998 йилда "II даражали Шон-шараф" ордени, 2002 йилда "Ўзбекистонда Республикасида хизмат кўрсатган юрист" фахрий унвони билан тақдирланган.

Telegram I Facebook I YouTube I Instagram

⚡️«Ҳокиминг ҳам ҳеч нарса қилолмайди»...

Ичимлик сувидан қарздор фуқаро хизмат ходимига пичоқ билан ташланди.

Telegram I Facebook I YouTube I Instagram

Микроқарз ва автокредитлар фоизи арзонлашади

Марказий банк Ўзбекистонда микроқарз ва автокредитлар бўйича ўртача фоиз ставкаларини эълон қилди.

Сўнгги 10 кунлик маълумотларга кўра, Ўзбекистонда микроқарзларнинг ўртача ставкаси 30,8 фоизни ташкил этди.

Январ ойида бу кўрсаткич 32 фоиз, ярим йил аввал эса 35,7 фоиз бўлган.

Яъни кичик кредитлар бўйича фоизлар 5 фоизга пасайди.

Автокредитлар ҳам бироз арзонлашди: 9 февраль ҳолатига ўртача ставка 23 фоизни ташкил этди ярим йил аввал — 23,8 фоиз эди.

14 та банкда ставкалар ўртачадан юқори қайд этилгани маълум бўлди.

Telegram I Facebook I YouTube I Instagram

Жиззахда фуқароларни алдаб ер сотмоқчи бўлганлар ушланди

Жиззах вилояти Ички ишлар бошқармаси Тезкор қидирув хизмати ходимлари томонидан ўтказилган тезкор тадбир давомида ноқонуний ер савдоси билан боғлиқ жиноий ҳолатга чек қўйилди. Аниқланишича, айрим шахслар фуқароларга ер майдонларини расмий ҳужжатларсиз, турли ваъдалар ва сохта кафолатлар орқали пул эвазига сотишга уриниб келган.

Тезкор-қидирув чора-тадбирлари натижасида ушбу қонунбузарликка алоқадор шахслар ашёвий далиллар билан ушланиб, ҳолат юзасидан тегишли тартибда жиноят иши қўзғатилди. Ҳозирда тергов ҳаракатлари олиб борилмоқда.

Ҳуқуқни муҳофаза қилувчи органлар томонидан ер муносабатлари билан боғлиқ ноқонуний ҳолатларни барвақт аниқлаш ва уларга чек қўйиш бўйича тадбирлар изчил давом эттирилмоқда.

Telegram I Facebook I YouTube I Instagram

Фарғонада Россия фуқароларини яқин 10 млн рублга "ухлатган" кибергуруҳ қўлга олинди – ДХХ 

Давлат хавфсизлик хизмати Фарғона вилояти ҳудудида ўтказган тезкор-қидирув тадбирида уюшган кибер жиноий гуруҳ фаолиятини фош қилди.

Ушбу кибергуруҳ Фарғона ва Тошкент шаҳарларида биноларни ижрага олиб, “Колл-марказ”лар ниқоби остида фаолият юритган  ва уни 40 ёшли эркак бошқарган ва унинг қўл остида нақд 34 киши ишлаган.

Қизиқ жойи шундаки, кибергуруҳ Россияда дори
воситалари ҳамда биологик фаол қўшимчалар савдоси билан шуғулланувчи ташкилотларнинг 70 мингдан ортиқ мижозлари тўғрисидаги маълумотларни қўлга киритишган.

Telegram I Facebook I YouTube I Instagram

Қамчиқ довони қор кўчкиси хавфи сабабли вақтинча ёпилди

Жорий йилнинг 12 февраль куни соат 13:00 дан бошлаб, А-373 Халқаро автомобиль йўлининг «Қамчиқ» довони қисми автомобиллар ҳаракати учун вақтинча ёпилди. Бу чора-қўйиш қор кўчкиси хавфи туфайли амалга оширилди.

Ҳозирда Фавқулодда вазиятлар вазирлиги (ФВВ) раҳбарлигида тегишли ташкилотлар мутахассислари томонидан кенг кўламли профилактик тадбирлар олиб борилмоқда. Йўл ва атроф ҳудуддаги хавфсизлик чоралари мустаҳкамланмоқда.

«Қамчиқ» довонини қайта очиш ва транспорт ҳаракати учун хавфсизлигини таъминлаш масаласида ФВВ Ахборот хизмати қўшимча маълумотларни тақдим этади. Фуқаролардан эса транспорт ҳаракатини вақтинча чеклашга оид талабларга риоя қилиш сўралмоқда.

Telegram I Facebook I YouTube I Instagram

Андижонликлар тинчини ярим тунда кучли портлаш ва сиреналар овози безовта қилди

Гап шундаки, жорий йилнинг 11 февраль куни соат 23:55 да  Андижон шаҳар, "Нодирабегим" МФЙ ҳудудида жойлашган кўп қаватли аҳоли яшаш хонадонларининг бирида ҳаво-газ аралашмасининг чақнаши содир бўлди.

Тармоқларни "портлатган" хабарга асосан Андижон вилояти ФВБ раҳбарияти ва қутқарув бўлинмалари воқеа жойига зудлик билан етиб борган.

Шунингдек, воқеа жойига вилоят ҳокими Шуҳратбек Абдураҳмонов етиб келиб вазиятни ўз назоратига олган.

Абдураҳмонов жабр кўрган аҳолини вақтинча меҳмонхонага эвакуация қилишни ва бино ҳудудини обдон текшириш бўйича топшириқ берди.

Энг қизиғи чақнаш бўлган шу заҳотиёқ таъмирлаш ишлари бошланиб, ҳозиргича давом этмоқда.

Дастлабки малумотларга кўра, чақнаш оқибатида ёнғин келиб чиқмаган ва бошқа хонадонларга зарар етмаган, бироқ икки нафар фуқаро тан жароҳати олган.

Telegram I Facebook I YouTube I Instagram

Нукусда фирибгарлик йўли билан ер сотмоқчи бўлган шахс ушланди

Нукус шаҳрида ер участкаларини фирибгарлик йўли билан сотмоқчи бўлган шахснинг жиноий фаолиятига чек қўйилди. Ҳуқуқни муҳофаза қилувчи органлар томонидан ўтказилган тезкор тадбир давомида мазкур шахс фуқароларга ер майдонларини расмий ҳужжатларсиз, сохта ваъдалар орқали пул эвазига сотишга уринаётган вақтида қўлга олинган.

Маълум бўлишича, у ер участкаларини гўёки расмийлаштириб бериши мумкинлигини айтиб, фуқароларнинг ишончига киришга ҳаракат қилган. Тезкор тадбир жараёнида ундан ашёвий далиллар олинди.

Ҳолат юзасидан тегишли тартибда жиноят иши қўзғатилиб, ҳозирда тергов ҳаракатлари олиб борилмоқда.

Telegram I Facebook I YouTube I Instagram