Коронавирусга қарши вакцина олганлар саратонга чалиниши ростми?

Ижтимоий тармоқларда коронавирусга қарши вакцина олган инсонлар ҳаёти хавф остида экани, хусусан, улар саратонга чалиниши мумкинлиги ҳақида хабарлар тарқалди.

Бу ҳолат юзасидан Санитария-эпидемиологик осойишталик ва жамоат саломатлиги қўмитаси раисининг биринчи ўринбосари Нурмат Атабеков қуйидагиларни маълум қилди:

“Аввало, ушбу хабарлар мутлақо асоссиз эканлигини алоҳида таъкидлаш керак.

Пандемия бошлангандан то ҳозиргача дунё бўйича 710 миллион киши бу касалликка чалинган, 7 миллиондан кўпроғи ҳаётдан кўз юмди.

Агар вакцина топилмаган ва эмлаш тадбирлари уюшқоқлик билан ўтказилмаганда, бу рақамлар бир неча баробар юқори бўлиши мумкин эди. Буни вакцина кашф этилгунга қадар ўтган бир йил давомида ўлим кўрсаткичи юқори бўлгани ҳам яққол тасдиқлайди.

Мутахассис сифатида шуни айтмоқчиманки, қўлланилган вакциналар геномга салбий таъсир қилмайди, бу ўз исботини топган.

Тўғри, вакцинани қабул қилган айрим одамларда турли салбий ҳолатлар, масалан, нафас олиш қийинлашуви, тана ҳарорати ошиши ва юракнинг тез уриши каби белгилар кузатилган. Аммо бу вақтинчалик бўлиб, эмлангандан сўнг 2-3 кун ўтгач, барчаси ортда қолган.

Материалда онкологик касалликлар хавфи ҳам вакцинага боғлиқлиги ва эмлашдан кейин танада пайдо бўлган салбий ҳолат(қабул қилинган вакцина)дан қутулиш учун эса карабаш ва арслонпанжаси гиёҳларидан фойдаланиш тавсия этилганки, бу ҳар бир мутахассисни таажжубга солиши, шубҳасиз”, - деди Атабеков.

Telegram I Facebook I YouTube I Instagram

АҚШ мактабида отишма содир бўлди

9 февраль куни АҚШнинг Мэриленд штати, Роквилл шаҳридаги Томас Вуттон номидаги ўрта мактабда отишма юз берди. Ҳодиса оқибатида бир нафар ўқувчи жароҳатланиб, шифохонага етказилди. Унинг аҳволи барқарор.

Полиция маълумотига кўра, гумонланувчи ҳам ушбу мактаб ўқувчиси бўлиб, у воқеадан кўп ўтмай қўлга олинган. Ҳозирда жамоат хавфсизлигига таҳдид йўқлиги билдирилган.

Telegram I Facebook I YouTube I Instagram

Қирғизистон депутати Ўзбекистоннинг суғориш суви учун тўлов қилмаслигидан норозилик билдирди

Қирғизистон Жўқорғи Кенеши депутати Умбетали Қидиралиев Ўзбекистон ва Қозоғистон суғориш сувидан фойдаланиб, бунинг учун тўлов қилмаётганини танқид қилди. Унинг айтишича, Қирғизистонда тўпланган сувнинг қарийб 80 фоизи қўшни давлатларга оқиб кетмоқда.

Telegram I Facebook I YouTube I Instagram

Самарқандда тез ёрдам сел оқимини кесиб ўтди

Самарқанд вилоятининг Қўшработ туманида тез ёрдам машинаси инсон ҳаётини сақлаб қолиш учун сел оқимини кесиб ўтди.

Ушбу ҳолат 9 февраль куни вилоятдаги гидропостларда ёғингарчилик оқибатида сув сати кўтарилиши натижасида юз берди.

Telegram I Facebook I YouTube I Instagram

Афғонистонда аёлларга нисбатан зўравонлик учун жавобгарлик юмшатилди

Афғонистонда жорий этилган янги қоидаларга кўра, аёлни калтаклаш оғир тан жароҳатларига олиб келмаган бўлса, жиноят сифатида баҳоланмайди. Ҳатто суяк синиши ёки жиддий жароҳатлар учун ҳам жазо атиги 15 суткани ташкил этади.

Telegram I Facebook I YouTube I Instagram

Қўшработга сел келди, кучли шамол симёғочларни оғанатди. Вазиятни вилоят ҳокими назоратга олган

Қўшработда кучли шамол ва сел: симёғочлар қулаб, электр тармоқлари зарар кўрди

Самарқанд вилоятида эсган кучли шамол симёғочларни аяб ўтирмади.

Ижтимоий тармоқларда тарқалган суратларда “столба”лар синиб кетгани ва автомобил йўлларини тўсиб қўйганлигини кўриш мумкин.

Самарқанд фавқулодда вазиятлар бошқармасининг маълум қилишича, ҳақиқатдан ҳам 9 февраль куни Самарқанд вилоятининг айрим ҳудудларида кучли шамол ва сел келиши кузатилган.

Дастлабки маълумотларга кўра, Қўшработ туманининг Қўштамғали, Жўшота ва Катта Оқмасжид маҳаллаларида кучли шамол оқибатида айрим жойларда электр симёғочлари ҳамда баъзи яшаш уйлари том қисми зарар кўрган, бундан ташқари электр таъминоти инфратузилмасига ҳам жиддий зарар етган. Ҳодиса натижасида тан жароҳати олганлар йўқ.

Табиий офат оқибатларини бартараф этишда шахсан Самарқанд вилоят ҳокими бошчилик қилмоқда.

Telegram I Facebook I YouTube I Instagram

Россияда қаровсиз қолган 6 нафар бола Ўзбекистонга қайтарилди

Россияда қаровсиз қолган 6 нафар бола ватанга қайтарилди.

Маълум қилинишича, улар аввалига болалар муассасасида вақтинча жойлаштирилган ва жорий йилнинг
8 февраль куни Ички ишлар вазирлиги масъуллари ҳамроҳлигида Ўзбекистонга олиб келинган.

Ҳозир улар Тошкент шаҳар ИИББ Вояга етмаганларга ижтимоий-ҳуқуқий ёрдам кўрсатиш марказида бўлиб туришибди.

Ижтимоий ҳимоя миллий агентлиги яқин қариндошларнинг васийлигини қонуний тартибда расмийлаштириш чораларини кўрмоқда.

Telegram I Facebook I YouTube I Instagram

Европа Ўзбекистон техник ислоҳотларини эътироф этмоқда

Сўнгги йилларда Ўзбекистонда маҳсулот сифати, стандартлаштириш, ўлчов ва текширув тизими тубдан янгиланди.

Техник тартиб-қоидалар халқаро талабларга мослаштирилмоқда.

Маҳсулотларни текшириш ва сертификатлаш жараёнлари замонавий стандартлар асосида йўлга қўйилмоқда.

Лабораториялар модернизация қилинди, текширувчи ташкилотлар халқаро мезонлар бўйича ишламоқда.

Европа бу ўзгаришларни ижобий баҳолади. Натижада экспорт имкониятлари кенгаймоқда.

Telegram I Facebook I YouTube I Instagram

“Метан заправка”лар одатдаги режимга қайтади — Энергетика вазирлиги

Энергетика вазирлиги эртага, 11 февраль куни соат 09:00 дан бошлаб барча ҳудудларда, жумладан Водий вилоятларида ҳам “метан заправка”лар босқичма-босқич одатдаги режимда фаолият юрита бошлашини маълум қилди.

Telegram I Facebook I YouTube I Instagram

Олмалиқда ўқувчи қиз тарбиявий соатдан кейин вафот этди

Nemolchi.uz хабарига кўра, Олмалиқ шаҳридаги мактаблардан бирида ички ишлар органлари ходимлари юқори синф ўқувчи қизлари билан тарбиявий учрашув ўтказган.

Унда ижтимоий муҳитда миш-миш ва ғийбатларни тарқатмаслик бўйича тушунтириш берилгани айтилмоқда.

Маълумотларга кўра, учрашув жараёнида юзага келган руҳий босим оқибатида ўқувчи қизлардан бири ўзини ёмон ҳис қилган.

Тошкент вилояти Мактабгача ва мактаб таълими бошқармаси маълум қилишича, 28 январь куни Олмалиқ шаҳридаги 5-сонли умумтаълим мактабида 2009 йилда туғилган 10-синф ўқувчиси мактаб йўлагида ҳушини йўқотган.

Кўрсатилган тиббий ёрдамга қарамасдан, у вафот этган.

Мазкур ҳолат юзасидан терговга қадар текширув ишлари олиб борилмоқда.

Telegram I Facebook I YouTube I Instagram

Янги қўмитада бир қатор тайинловлар амалга оширилди

Урбанизация ва уй-жой бозорини барқарор ривожлантириш миллий қўмитаси раисига ўринбосарлар тайинланди.

Орифжон Файзиев Урбанизация ва уй-жой бозорини барқарор ривожлантириш миллий қўмитаси раисининг биринчи ўринбосари этиб тайинланди.

Бунга қадар у Истиқболли лойиҳалар миллий агентлиги директорининг ўринбосари лавозимида ишлаган.

Шунингдек, Нозимбек Рустамбеков ҳам қўмита раисига биринчи ўринбосар этиб тайинланди.

Бунга қадар у Адлия вазирлигида Ҳуқуқни қўллаш департаменти раҳбари лавозимида ишлаган.

Telegram I Facebook I YouTube I Instagram

Кўчада қолган ўзбеклар: Юзлаб мусофирларни алдаган фирманинг кирдикорлари

Сўнгги йилларда чет элда ишлаш истагидаги фуқаролар сони ортгани сайин, бу йўналишда хизмат кўрсатаётган консалтинг фирмалар ҳам кўпайди. Аммо уларнинг барчаси қонунийми?

Қонунчиликка кўра, фуқароларни чет элга ишга жўнатиш учун махсус лицензия талаб этилади. Айрим фирмалар эса бошқа бандлик агентликлари номидан фойдаланиб, ноқонуний фаолият олиб бораётгани аниқланмоқда.

Шулардан бири сифатида “Best Visa” номи билан танилган “Best Advisors” МЧЖ тилга олинади. Компания ўзини “WORKNET” хусусий бандлик агентлигининг филиали сифатида таништирган.

Миграция агентлиги маълумотича, бошқа агентликлар номидан ҳеч қандай консалтинг фирма фуқароларни чет элга ишга жўната олмайди.

ТЎЛИҚ ВИДЕО

Telegram I Facebook I YouTube I Instagram

Ўзбекистонда бензин учун бериладиган ойлик компенсация миқдори оширилди

Ўзбекистонда айрим тоифадаги шахсларга автомобиль бензини харид қилиш харажатларининг бир қисмини қоплаш учун тўланадиган ойлик пул компенсацияси миқдори оширилди.

Ҳукумат ҳузуридаги Идоралараро тариф комиссияси қарорига мувофиқ, шу вақтга қадар 130 600 сўм миқдорида тўлаб келинган компенсация 2026 йилнинг I чорагидан бошлаб 208 760 сўм этиб белгиланди.

Қонунчиликка кўра, мазкур компенсацияни олиш ҳуқуқига эга шахслар яшаш жойи бўйича пенсия ва нафақалар тайинланадиган органларга мурожаат қилиши лозим.

Telegram I Facebook I YouTube I Instagram

600 минг доллар талаб қилган фирибгар ушланди

Сирдарёлик тадбиркор Бухородаги 290 гектарли олтин кони захирасидаги ерни аукцион орқали олиб беришни ваъда қилиб, шофирконлик фуқародан 600 минг доллар талаб қилган.

ДХХ ва Департамент ходимлари томонидан ўтказилган тадбирда, муқаддам фирибгарлик учун судланган бу шахс 230 минг доллар ва 840 млн сўм олаётган вақтида ушланди.

Ҳозирда Жиноят кодексининг тегишли моддалари билан жиноят иши қўзғатилиб, гумонланувчи қамоққа олинган. Тергов давом этмоқда.

Telegram I Facebook I YouTube I Instagram

Самарқандда шифокор клиникада калтакланди

Самарқанд шаҳрида хусусий клиникада ишловчи шифокор бемор яқинларидан бири томонидан уриб, тан жароҳати олди.

Вилоят Ички ишлар бошқармаси маълумотига кўра, 7 февраль куни 1986 йилда туғилган фуқаро “112” рақамига мурожаат қилиб, хизмат вазифасини бажараётган вақтида унга нисбатан зўравонлик содир этилганини билдирган.

Telegram I Facebook I YouTube I Instagram

“Мен буни кутмагандим” — Ташиев истеъфосига изоҳ берди

Қирғизистон Президенти Садир Жапаров фармони билан Миллий хавфсизлик давлат қўмитаси раҳбари Қамчибек Ташиев лавозимидан озод этилди.

Маълум қилинишича, Ташиев соғлиғидаги муаммолар сабаб Президент рухсати билан Германияга даволаниш учун кетган ва ишдан олингани ҳақидаги қарор унинг ўзи учун кутилмаган бўлган.

Telegram I Facebook I YouTube I Instagram

Канадaдаги мактабда отишма: камида 10 киши ҳалок бўлди

Канаданинг Британия Колумбияси провинциясидаги Тумблер-Риж шаҳрида жойлашган ўрта мактабда содир бўлган отишма оқибатида камида 10 киши ҳалок бўлди. Қурбонлар орасида гумонланувчи ҳужумчи ҳам бор.

Telegram I Facebook I YouTube I Instagram

Пойтахтда рейд: Ноқонуний қурилишлар авжида…

Қурилиш ва уй-жой коммунал хўжалиги соҳасида назорат олиб борувчи инспекция томонидан пойтахтда жойлашган кўп қаватли турар жой бинолари ҳолатини мониторинг қилиш ишлари кучайтирилган тартибда ташкил этилди. Effect.uz мухбири Камола Қурбонова вазиятни яқиндан ёритди.

Текширувлар давомида айрим хонадон эгалари томонидан бино лойиҳасига зид равишда ўзбошимчалик билан ўзгартиш киритилгани маълум бўлди. Хусусан, юкни кўтарувчи девор ва конструкция элементларига аралашиш, шунингдек, балконларни қайта қуриш ёки кенгайтириш ҳолатлари қайд этилди. Бундай ҳолатлар иншоотнинг техник барқарорлигига хавф туғдириши мумкинлиги таъкидланмоқда.

Қоидабузарликлар бўйича масъул шахсларга нисбатан белгиланган тартибда чоралар кўрилди. Шунингдек, уларга йўл қўйилган камчиликларни бартараф этиш юзасидан мажбурий топшириқлар берилди.

Telegram I Facebook I YouTube I Instagram

“Қамчиқ” довонида кучли қор ёғиши оқибатида тирбандликлар юзага келди

“Қамчиқ” довонида ёғаётган кучли қор туфайли автомобил йўлида узундан-узун тирбандликлар юзага келди.

Қор ёғиб турган пайтда довонда автотранспорт воситаларининг тўхтовсиз икки томонлама ҳаракатланишини таъминлаш мақсадида “Қамчиқавтойўл ИЙФК” ДМ томонидан йўл қопламасида сирпанчиқ бўлмаслиги учун  машина-механизмлар ёрдамида қум-туз аралашмаси сепиш ва йўлларни қордан тозалаш ишларини амалга оширишмоқда.

Довонда ҳаракатланаётган барча ҳайдовчилардан об-ҳаво шароитини инобатга олган ҳолда тезликни меъёрдан оширмасдан, оралиқ масофани сақлаб ҳаракатланишларини ва барча хавфсизлик чораларини кўришларини тавсия қиламиз.

Telegram I Facebook I YouTube I Instagram