АҚШ Эронга ҳужум қилса, ҳусийлар Исроилга ҳужум қилишга тайёр — The Jerusalem Post

Агар АҚШ Эронга ҳужум қилса, ҳусийлар Исроил ва Америка кемаларига ҳужумларини қайта бошлаш эҳтимоли юқори, деб хабар беради The Jerusalem Post.

Таъкидланишича, Исроил хавфсизлик кучлари агар АҚШ биринчи бўлиб Ислом Республикасига ҳужум қилса, Яман ҳусийлари Исроилга қарши қасос олишга тайёр бўлади деган тахмин остида иш олиб бормоқда.

Бундан ташқари, ҳусийлар Эронга ҳужум қилинган тақдирда Америка нишонларига келажакда мумкин бўлган зарбаларга тайёргарлик кўриш учун ракеталар ва дронлар каби ҳарбий воситаларни жойлаштиришни бошладилар.

Telegram I Facebook I YouTube I Instagram

Хорижда вафот этган ўзбекистонликлар энди давлат ҳисобидан олиб келинади

Президент Шавкат Мирзиёев томонидан “Дафн этиш ва дафн иши тўғрисида”ги қонунга киритилган қўшимчага кўра, меҳнат миграциясида бўлган даврда вафот этган Ўзбекистон фуқароларининг жасадларини олиб келиш харажатлари энди Миграция агентлигининг Миграция жамғармаси маблағлари ҳисобидан амалга оширилади.

Telegram I Facebook I YouTube I Instagram

Қайси ҳуқубузарликлар фото ва видео орқали қайд этилиши аниқ бўлди

Қонунга мувофиқ, эндиликда фақат белгиланган турдаги маъмурий ҳуқуқбузарликлар автоматик фото ва видео воситалар орқали қайд этилади.

Жумладан:

— хавфсизлик камарини тақмаслик;

— рулда телефондан фойдаланиш;

— тезликни соатига 20 км/соатгача ошириш;

— тўхташ ва тўхтаб туриш қоидаларини бузиш ва бошқалар.

Жазо муддатлари ҳам аниқ:

— фото/видео орқали қайд этилган қоидабузарлик учун жарима 1 ой ичида қўлланади;

— қарор устидан шикоят қилинса, жазо 1 йилгача қўлланиши мумкин.

Telegram I Facebook I YouTube I Instagram

Энди Ўзбекистонда ҳеч кимни уйларга кириб пул йиғишга ҳаққи йўқ, ҳатто уй-жой коммунал хизмати (ЖКХ) ҳам!

2026 йил 1 июлдан бошлаб кўп квартирали уйлардаги барча мажбурий тўловлар фақатгина "Менинг уйим" тизими орқали қабул қилинади.

— Тўловларни нақд пул шаклида қўлга бериш ёки подъездларда пул йиғиш тўхтатилади.

— Тошкент шаҳрида барча уй-жой қарорлари, шартномалар ва аҳоли мурожаатлари ҳам ушбу платформага ўтказилади.

— Нақд пул орқали ҳисоб-китоб қилиш ва эскича мулоқот усуллари энди ўтмишда қолади.

Мақсад, тўловлар шаффофлигини таъминлаш ва коррупция ёки фирибгарлик ҳолатларининг олдини олиш.

Telegram I Facebook I YouTube I Instagram

“Stan Ghouls” кибергурӯҳи Ўзбекистон ташкилотларига ҳужум қилмоқда — Миллий статистика қўмитаси

Миллий статистика қўмитаси матбуот хизмати мамлакат аҳолисига огоҳлантириш мазмунидаги ахборот хабарини эълон қилди.

Маълум қилинишича, айни пайтда “Stan Ghouls” номли кибержиноятчи гуруҳ Ўзбекистонда турли ташкилотларга нисбатан киберҳужумлар уюштирмоқда.

Уларнинг асосий нишонлари саноат, молия, ахборот технологиялари, давлат бошқаруви, логистика, тиббиёт ва таълим соҳаларида фаолият юритувчи ташкилотлар ҳисобланади.

Энг кўп қўлланилаётган усул — электрон почта орқали юборилаётган фишинг мактублардир.

Бундай мактубларга одатда турли файллар, кўпинча PDF форматдаги ҳужжатлар илова қилинади.

Мазкур файллар таркибида зарарли дастурий таъминот жойлаштирилган бўлиб, файл очилган заҳотиёқ у автоматик тарзда компьютерга ўрнатилади.

Зарарли дастур воситасида жиноятчилар қурилмага масофадан туриб кириш имкониятига эга бўлади ва уни тўлиқ назорат қилиш имконига эришади.

Telegram I Facebook I YouTube I Instagram

19 ёшли йигит пичоқлаб ўлдирилди

Ижтимоий тармоқларда Андижон вилоятида ёш йигит танишини омма олдида пичоқлагани тўғрисида видеолавҳа тарқалди.

Бош прокуратура матбуот котиби Хаёт Шамсутдиновнинг маълум қилишича, 2026 йил 6 февраль куни Андижон вилояти Булоқбоши туманида 17 ёшли ўсмир ўз таниши билан аввалроқ ўртасида юзага келган низо оқибатида жанжаллашиб, хўжалик пичоғи билан унга тан жароҳати етказган ҳолда қасддан ўлдирган.

Мазкур ҳолат юзасидан Жиноят кодексининг 97-моддаси (Қасддан одам ўлдириш) билан жиноят иши қўзғатилган.

Гумонланувчи вояга етмаган шахс процессуал тартибда ушланган. Тергов ҳаракатлари олиб борилмоқда.

Telegram I Facebook I YouTube I Instagram

⚡️Суд ишни жойида кўради: Фарғона судьялари Косонсойга чиқишга қарор қилди...

Маъмурий ишлар бўйича Фарғона вилоят судида кўрилаётган иш 9 февраль кунига қолдирилди. Суд ҳайъати иш ҳолатларига аниқлик киритиш мақсадида жойига — Косонсой туманига чиқишга қарор қилди.

Effect.uz’га мурожаат қилган фуқаро ҳамда Ўрмон хўжалиги вакили мазкур қарорни адолатли деб баҳолаб, аввалги суд инстанцияларида бундай ташаббус бўлмаганини таъкидлади. Уларнинг қайд этишича, вазиятни тўлиқ ўрганиш учун ҳудудни жойида кўздан кечириш зарур.

Суд жараёнидан сўнг Effect.uz мухбирлари Косонсой туманидаги «Соҳил» болалар дам олиш масканига борди. Ҳудуддаги табиий манзаралар ва ободонлаштирилган маскан бир-бирига яқин жойлашган бўлса-да, турлича таассурот қолдиради. Мурожаатчига кўра, мазкур ҳудуд аввал бу қиёфада бўлмаган ва оилавий меҳнат орқали обод этилган.

Telegram I Facebook I YouTube I Instagram

EFFECT.UZ эффекти: Surkhan Autocenter ва Umid Avtolizing ишларида вазият қандай?

👉 Тўлиқ видео

Ўзбекистонда электрон-скоринг тизими ишга туширилади

2026 йил 1 сентябрдан давлат харидлари махсус ахборот порталида харид қилиш тартиб-таомиллари иштирокчисининг фаолиятини идоралараро ахборот алмашинуви орқали автоматик тарзда баҳолаш имконини берувчи электрон-скоринг тизими ишга туширилади.

Бунда электрон-скоринг тизими воситасида иштирокчиларнинг давлат харидларидаги “юқори”, “ўрта”, “паст” ва “энг паст” ишончлилик даражалари берилади.

Юқоридагилар асосида қуйидаги рағбатлантириш чоралари кўрилади:

🔹 “юқори” ишончлилик даражасига эга иштирокчилар учун закалат тўлаш талаб этилмайди;

🔹 энг яхши таклифларни танлаш ва тендер савдоларида иштирокчилар томонидан тақдим этилган таклифларга ишончлилик даражасига мутаносиб равишда қўшимча балл берилади;

Шунингдек, давлат харидларидаги ишончлилик даражаси “паст” ва “энг паст” бўлган иштирокчиларнинг:

🔸 бепул онлайн ўқув курслари орқали малакасини ошириш амалиёти йўлга қўйилади.

Telegram I Facebook I YouTube I Instagram

“Метан “заправка” қурманг, газ берилмайди” — Жамшид Ходжаев

Бош вазир ўринбосари Жамшид Ходжаев янги метан қуйиш шохобчалари қурилиши ҳозирча мақсадга мувофиқ эмаслигини маълум қилди.

Унинг таъкидлашича, амалда фаолият юритаётган станцияларнинг ўзи ҳам барқарор газ таъминоти билан таъминланмаяпти.

Қорақалпоғистонда тадбиркорлар билан ўтказилган очиқ мулоқотда Навоий вилоятининг Навоий туманида фаолият юритувчи “Munoy Green” МЧЖ раҳбари Мухтор Тўлбаев компанияга автомобилларга хизмат кўрсатиш мажмуаси, жумладан, бензин ва газ қуйиш шохобчаси қуриш учун ер майдони ажратилгани ҳамда барча рухсатнома ҳужжатлари расмийлаштирилганини айтди.

Вазир ўринбосари мазкур масала юзасидан ҳозирги шароитда метан таъминотида жиддий чекловлар мавжудлигини қайд этди.

“Ҳозир метан шохобчаларига рухсат берилмаяпти.

Амалдаги станцияларнинг ўзига ҳам газ етказиб беришда қийинчилик бор.

Объектни қурган тақдирингизда ҳам у фаолият юрита олмаслиги мумкин”, — деди Ходжаев.

Telegram I Facebook I YouTube I Instagram

Сурхондарёда туман экология бўлими бошлиғи 500 доллар билан ушланди

Сурхондарё вилояти Экология, атроф-муҳитни муҳофаза қилиш ва иқлим ўзгариши бошқармасининг туманлардан биридаги бўлими бошлиғи пора билан қўлга тушди.

Маълум қилинишича, у маҳаллий МЧЖ ҳудудида 14 туп гужум, 6 туп арча, 1 туп тут ва 1 туп чинор дарахтлари тегишли рухсатнома олмасдан, ўзбошимчалик билан кесилганлиги ҳолати бўйича расмийлаштирилган далолатномани табиатга етказилган зарарни камайтириб кўрсатиш мақсадида ўзгартириб бериш эвазига 500 АҚШ доллари миқдорида пора талаб қилган.

Давлат хавфсизлик хизмати, Бош прокуратура ҳузуридаги Департамент ва Ички ишлар органлари ходимлари ҳамкорлигида ўтказилган тезкор тадбирда мазкур мансабдор шахс сўралган пул маблағини тамагирлик йўли билан олган вақтида ашёвий далиллар билан ушланган.

Унга нисбатан Жиноят Кодексининг 210-моддаси 2-қисми “в” банди билан жиноят иши қўзғатилиб, “қамоқ” эҳтиёт чораси қўлланилди.
Тергов ҳаракатлари олиб борилмоқда.

Telegram I Facebook I YouTube I Instagram

Тошкентда “яшил стикер” масаласи: қоғоз бор, назорат йўқ

Тошкентда бир ҳайдовчи “яшил стикер” олган. Почта хизмати учун пул тўлаб, стикерни қўлига олган. Аммо қизиқ жиҳати шундаки, унинг машинасида бир йилдан бери катализатор йўқ.

Демак, муаммо стикерда эмас, муаммо назоратда. Чунки экология қоғоз билан эмас, текширув билан ҳимоя қилинади.

Telegram I Facebook I YouTube I Instagram

Илон Маск Ой ва Марсда шаҳарлар қуриш режасини маълум қилди

Америкалик тадбиркор Илон Маск SpaceX компанияси яқин ўн йилликларда Ой ва Марс сайёраларида шаҳарлар барпо этишни режалаштираётганини маълум қилди.

“Билмаганлар учун, SpaceX аллақачон Ойда ўз-ўзини таъминлай оладиган шаҳар қуришга эътиборни кучайтирди. Биз бунга ўн йилдан кам вақт ичида эришишимиз мумкин.

Шунингдек, SpaceX Марсда ҳам шаҳар барпо этишни мақсад қилган ва бу ишларни тахминан беш-етти йил ичида бошлашни режалаштирмоқда”, — деб ёзди Илон Маск X ижтимоий тармоғида.

Маскнинг таъкидлашича, Марсга парвозлар фақат Қуёш тизимидаги сайёралар муайян тарзда яқинлашадиган даврларда — ҳар 26 ойда бир маротаба амалга оширилиши мумкин. Бунда саёҳатнинг ўзи тахминан олти ой давом этади.

Шу билан бирга, тадбиркорнинг айтишича, Ойга ракеталарни ҳар ўн кунда бир учириш мумкин, парвоз эса икки кун давом этади. Бу эса Ер йўлдошида шаҳар қуриш жараёнини тезлаштириш имконини беради.

Telegram I Facebook I YouTube I Instagram

Тошкентдаги боғчалар ёпилмаган

Ижтимоий тармоқларда Тошкент шаҳридаги боғчалар карантин сабаб ёпилгани ҳақидаги хабарлар тасдиқланмади. Санитария-эпидемиология  осойишталиги қўмитаси маълумотига кўра, пойтахтда хавфли юқумли касалликлар бўйича эпидемиологик вазият барқарор, карантин жорий этишга асос йўқ.

Telegram I Facebook I YouTube I Instagram

Ангренда ёнғин: бир киши ҳалок бўлди

7 февраль куни Тошкент вилояти Ангрен шаҳрида кўп қаватли уйда ёнғин содир бўлди. Фавқулодда вазиятлар вазирлиги маълумотига кўра, ҳодиса Улуғбек маҳалла фуқаролар йиғинидаги 4 қаватли бинонинг том қисмида юз берган.

Telegram I Facebook I YouTube I Instagram

“Дело”ни ичига кирмадинг саводсиз” — Қашқадарёда судьяни ҳақорат қилган адвокат жаримага тортилди

Ижтимоий тармоқда Қашқадарё вилоятида адвокат ҳамда судья ўртасида баҳсли вазият юз берган видеолавҳа тарқалди.

Маълум қилинишича, ушбу ҳолат Қашқадарё вилоят судида 2025 йил 17 декабрь куни рўй берган.

Видеолавҳада адвокат судьяни қўл остидаги ишни яхши ўрганмаганликда айблаб, уни “саводсиз” дея ҳақорат қилган.

Мазкур ҳолат бўйича жиноят ишлари бўйича Қарши шаҳар судининг 2026 йил 5 февралдаги қарори билан Л. Ш. (эркак, 1984 йилда Қашқадарё вилоятида туғилган, адвокат) МЖТКнинг 41 (ҳақорат қилиш) ва 180 (судга ҳурматсизлик қилиш) моддаларида назарда тутилган ҳуқуқбузарликларни содир этган деб топилди.

Суднинг қарори билан Л. Ш.га БҲМнинг 8 баравари миқдорида жарима солинган.

Telegram I Facebook I YouTube I Instagram

Фарғона вилоят суди судьялари Намангандаги "Соҳил" оромгоҳи бўйича ишни Косонсойда кўриб чиқишяпти

Telegram I Facebook I YouTube I Instagram

Қирғизистонда 70 ёшли эркак 14 ёшли набирасини зўрлаганликда гумонланяпти. Қиз ҳозир ҳомиладор

Қирғизистон республикаси Жалолобод вилояти Бозор-Қўрғон туманида истиқомат қилувчи 70 ёшли эркак 14 ёшли набирасини зўрлаганликда гумонланиб ҳибсга олинди.

Маълум қилинишича, 14 ёшли қиз айни вақтда ҳомиладор.

Бундан хабар топган қизнинг қариндошлари зудлик билан ҳуқуқни муҳофаза қилувчи орган ходимларига ариза билан мурожаат қилган.

Ҳолат юзасидан тегишли экспертизалар тайинланган.

Гумонланувчи шахс икки ой муддатга тергов ҳибсхонасига жойлаштирилган.

Telegram I Facebook I YouTube I Instagram

Метан заправка қуришга рухсат йўқ — Бош вазир ўринбосари

Ҳозирда метан газ заправкалари қурилишига рухсат берилмайди. Бу ҳақда 6 феврал куни Бош вазир ўринбосари Жамшид Хўжаев Қорақалпоғистон Республикасида тадбиркорлар билан учрашувда маълум қилди.

Telegram I Facebook I YouTube I Instagram

Сардор Раҳимхон “Вақф” фондидан кетди

2023 йил “Вақф” фонди раҳбари ўринбосари, “Вақф” хайрия ишлари бўйича директори лавозимига тайинланган Сардор Раҳимхон ишдан кетгани тўғрисида эълон қилди.

“Азиз халқим биздан рози бўлинг, биргаликдаги бу эзгу ишларимиз, саховат, меҳр-оқибатларимиздан Аллоҳ рози бўлсин.

Охират куни иншааллоҳ ҳаммасини кўрасиз, ўша кунда бу амалларимиз, жаннатни ва жамолига васила бўлсин.

Жондан азиз ватаним, миллатим учун эди ҳамма-ҳаммаси.

Яна бир гўзал “Вақф” аталмиш саҳифа мен учун якунланди.

Энди олдинда янги бошқа, гўзал бир саҳифа очилади иншааллоҳ”, — деб ёзди Раҳимхон ўзининг Instagram саҳифасида.

Telegram I Facebook I YouTube I Instagram

Тошкентга кетиш шарт эмас — сифатли тиббий хизмат Наманганда!

«Андрология Наманган» — кўп тармоқли клиника, кунига 300–400 нафар бемор қабул қилади.

Шифокорлар кўп йиллик тажрибага эга ва замонавий технологиялар орқали тез ва аниқ ташхис қиладилар.

💡 Клиникадаги асосий йўналишлар:

🔹Андрология
🔹 Урология
🔹 Гинекология
🔹 Жарроҳлик
🔹 Сексопатология
🔹 Маммология
🔹 Неврология
🔹 ЛОР
🔹 Кардиология
🔹 УЗИ

📍 Манзил: Наманган шаҳри, Тинчлик кўчаси, 62-уй (3-микрорайон, 52)

Батафсил маълумот учун:

☎️ 33 450 00 03

Андрология админ

Telegram орқали боғланинг

✅ Сифатли ва ишончли тиббий хизмат — яқинда, Наманганда!

Реклама