АҚШ Гренландияни сотиб оладими? Трамп жавоб берди

Дональд Трамп АҚШнинг Гренландия устидан назорат ўрнатиши масаласи бўйича музокаралар бошлангани ва улар доирасида қатор масалалар юзасидан келишувга эришилганини маълум қилди.

“Биз музокараларни бошладик ва менимча, кўплаб масалалар бўйича келишувга эришилди”, — деди Трамп.

Трампнинг таъкидлашича, Европа давлатлари ҳукуматлари АҚШнинг Гренландия бўйича келишув тузишини қўллаб-қувватламоқда.

“Улар (Европа давлатлари ҳокимиятлари — таҳр.) бунга рози.

Менимча, бу барча учун жуда яхши ва ўта муҳим келишув бўлади”, — дея қўшимча қилди АҚШ президенти.

Бироқ у қайси масалалар бўйича келишувга эришилгани ва музокаралар ким билан олиб борилаётганига аниқлик киритмади.

Эслатиб ўтамиз, Гренландия Дания қироллиги таркибига киради. Шунга қарамай, Дональд Трамп бир неча бор орол АҚШ таркибига қўшилиши кераклигини таъкидлаб келган.

Дания ва Гренландия ҳукуматлари эса Вашингтонни оролни эгаллаб олишдан огоҳлантириб, ўз ҳудудий яхлитлиги ҳурмат қилиниши кераклигини билдирган.

Telegram I Facebook I YouTube I Instagram

Самарқанддаги “метан заправка”да навбат сўраган аёл калтакланди. Effect.uz жабрдийда билан боғланди

Ижтимоий тармоқларда газ қуйиш шохобчасида навбатни ўтказиб юборишини сўраган аёл калтаклангани акс этган видео тарқалди.

Маълум бўлишича, ушбу воқеа 31 январь куни Самарқанд вилояти Каттақўрғон туманидаги газ қуйиш шохобчаларидан бирида содир бўлган.

Effect.uz таҳририяти ушбу ҳолат юзасидан аёлнинг ўзи билан боғланди.

Аёлнинг айтишича, “заправка”даги қўриқчилар унга тўсқинлик қилиб, телефон қурилмасини тортиб олишга ҳаракат қилишган. Бу ҳам етмагандек, унга нисбатан куч ҳам ишлатишган.

Умид қиламизки бу воқеани ҳуқуқни муҳофаза қилувчи органлар беэътибор қолдиришмайди. 

Telegram I Facebook I YouTube I Instagram

"Umid Avto Lizing": Ваъдалар ортидаги ҳақиқат автомобилни автосалондан эмас, суд орқали қидиришга тўғри келяпти

"Umid Avto Lizing" МЧЖ атрофида юзага келган воқеалар бу бозорда жиддий тизимли муаммолар мавжудлигини очиқ-ойдин намоён қилмоқда. Вақтида берилиши керак бўлган автомобиль ўрнига, мижозлар бугун суд заллари, тергов идоралари ва ижро бюролари остонасини хатлаб юрибди.

👉 Тўлиқ видео

Telegram I Facebook I YouTube I Instagram

“Ташаббусли бюджет” жараёнларининг биринчи мавсуми бошланди

1 февралдан “Очиқ бюджет” порталида “Ташаббусли бюджет” жараёнларининг 2026 йилги биринчи мавсуми доирасида лойиҳа киритиш босқичи бошланди.

Жараёнлар қуйидаги саналарда:

1️⃣ Лойиҳа киритиш босқичи — 1–20 февраль;

2️⃣ Саралаш босқичи — 21 февралдан 7 мартгача;

3️⃣ Тарғибот босқичи — 8–10 март;

4️⃣ Овоз бериш босқичи — 11–20 март;

5️⃣ Қўшимча ғолибларни эълон қилиш босқичи — 21–31 март кунлари ўтказилади.

Ўз ҳудудингиздаги мавжуд муаммоларни ҳал этиш бўйича ташаббус кўрсатинг, фаол бўлинг!

Telegram I Facebook I YouTube I Instagram

Банклар ижтимоий пуллардан кредитни автоматик ечиб ололмайди

Марказий банкнинг “Банк хизматлари истеъмолчилари билан ўзаро муносабатларни амалга оширишда тижорат банкларининг фаолиятига қўйиладиган минимал талаблар тўғрисида”ги 3030-сон низомига киритилган ўзгартиришларга кўра, 2026 йил 30 январдан янги талаб кучга кирди.

Унга мувофиқ, тижорат банклари кредит қарздорлигини давлат томонидан ажратиладиган нафақа ва ижтимоий ёрдам маблағлари ҳисобидан ундириши тақиқланади.

Бу дегани — фуқаронинг ижтимоий карта ҳисобварағига тушган нафақа, моддий ёрдам, болалар пули ва бошқа ижтимоий тўловлар энди кредит учун автоматик ечиб олинмайди.

Telegram I Facebook I YouTube I Instagram

“Шўх бола” баҳонаси ортидаги зўравонлик

Effect.uz кузатувчисининг маълум қилишича, унинг фарзандига ҳам “IDEA” номли хусусий мактабгача таълим муассасасида жисмоний зўравонлик қилинган. Ҳолат ортидан тарбиячи ишдан бўшатилган. Аммо мурожаатчининг сўзларига кўра, боғча маъмурияти воқеани боланинг “шўхлиги” билан изоҳлашга уринган.

Савол туғилади: бу ҳолат тизимдаги камчиликлар ҳануз бартараф этилмаганини англатмайдими?
Ушбу видеони томоша қилган ота-оналар энди фарзандини кимга ишониб топширади?
Ўзига тарбия керак бўлган тарбиячигами? Ёки руҳан ва ақлан толиққан педагоггами?

Telegram I Facebook I YouTube I Instagram

Aviator савдо мажмуасидаги ёнғин бўйича жиноий иш очилди

Яшнобод туманидаги Aviator савдо мажмуасида юз берган йирик ёнғин ортидан жиноий иш қўзғатилди.

Telegram I Facebook I YouTube I Instagram

Қибрайда безорилар гуруҳи бир фуқарони шафқатсиз калтаклади

Тошкент вилояти Қибрай туманида 10 га яқин безоридан иборат гуруҳ 1982-йилда туғилган эркакни кўчада тутиб олиб дўппослагани айтилмоқда.

Telegram I Facebook I YouTube I Instagram

Ўзбекистон терма жамоаси Россия билан ўртоқлик ўйини ўтказишни режалаштирмаяпти – Равшан Эрматов

Ўзбекистон футбол ассоциацияси биринчи вице-президенти Равшан Эрматовнинг маълум қилишича, 2026 йилги Жаҳон чемпионати арафасида Россия терма жамоаси билан ўртоқлик учрашуви режалаштирилмаган.

Telegram I Facebook I YouTube I Instagram

Қарғалар — дунёдаги энг ақлли қушлардан бири

Франциянинг Вандее вилоятидаги Puy du Fou боғида тозаловчи ишларни қарғалар бажаради.

Telegram I Facebook I YouTube I Instagram

Теория мажбурий эмас: “А” ва “Б” тоифадаги ҳайдовчилик гувоҳномаси олишда янги тартиб жорий этилди

Telegram I Facebook I YouTube I Instagram

53 кундан бери изланаётган мурда – Бекободда ИИБ ходими томонидан сувга ташланган фуқаронинг ўлиги қарийб икки ойдирки топилмаяпти

EFFECT.UZ Тошкент вилоятидан маълумот сўраб, журналистик расмий сўров киритди.

Telegram I Facebook I YouTube I Instagram

Ички ишлар вазирининг қабули...

Аҳоли мурожаатларини очиқ мулоқотлар орқали ўрганиш ва муаммоларни бартараф этиш мақсадида Ички ишлар вазирлигининг навбатдаги қабули ташкил этилди.

Telegram I Facebook I YouTube I Instagram

Бухорода 60 та оиланинг уй масаласи

Бухоро шаҳрида жойлашган кўп қаватли уйдан хонадон сотиб олган 60 нафар оила сўнгги тўрт йил давомида ноаниқ ва оғир вазиятга тушиб қолди.

Қурилиш ишлари чўзилиб кетганидан сўнг маълум бўлишича, уй қурилган ер қурилиш компанияси номида эмас, балки бошқа шахс номи билан расмийлаштирилган.

Telegram I Facebook I YouTube I Instagram

«Нимага, менга ўзинг ишонмайдиган чўпчак гапингни гапирасан» – Президент

Президент Шайхонтоҳур тумани ИИО ФМБ собиқ бошлиғининг ҳисоботига ишончсизлик билдирди: «Ҳозир менга айтган гапларингга ўзинг ишонасанми? Нега менга чўпчак гаплар гапирасан?» Унинг сўзларига кўра, ИИБ бошлиқлари пастга тушмайди, ўринбосарлар ва «участкавойлар» эса уларни алдайди.

Telegram I Facebook I YouTube I Instagram

Қашқадарёда яроқсиз алкоголь савдоси фош этилди

Шаҳрисабз ва Қарши шаҳарларида ноқонуний равишда сотилаётган 1 200 дан ортиқ алкоголь маҳсулоти мусодара қилинди.

Telegram I Facebook I YouTube I Instagram

Шоҳжаҳоннинг кучи аёлига етдими: Ўзи нима гап?

Боксчининг турмуш ўртоғи мурожаат билан чиқиб, видеода ўз кечинмаларини баён қилди.

👉 ТЎЛИҚ ВИДЕО

Telegram I Facebook I YouTube I Instagram

Андижонда 7 та жўжани босқинчилик билан ўғирлаган эркак 10 йилдан ортиқ қамалди

Андижон вилоятида қўшнисининг ҳовлисига кириб, вояга етмаган болага зўравонлик қилган ҳолда 7 дона жўжани ўғирлаган 39 ёшли эркак суд ҳукми билан 10 йил 2 ойга озодликдан маҳрум этилди.

Telegram I Facebook I YouTube I Instagram

Таниқли журналист вафот этди

Паркент тумани ҳокимлиги муассислигидаги Паркент тонги газетаси бош муҳаррири Абдусалим Маҳмудов вафот этди.

Маълум қилинишича, марҳум Абдусалим Маҳмудов шижолатли ва изланувчан журналист сифатида фаолият юритган. У 2025 йил якунлари бўйича Тошкент вилоятида Йилнинг энг яхши бош муҳаррири деб эътироф этилган эди.

Effect.uz мархумнинг оила аъзолари ва яқинларига чуқур ҳамдардлик билдиради

Telegram I Facebook I YouTube I Instagram

1 февралдан права учун назарий дарслар мажбурий эмас

2026 йил 1 февралдан А ва B тоифаларида ҳайдовчилик гувоҳномасини олиш учун назарий дарсларда қатнашиш мажбурий бўлмайди.

Фуқаролар назарий қисмни мустақил равишда ўзлаштириши мумкин.

Аммо амалий машғулотлар тўлиқ ўталиши шарт.

Барча маълумотлар электрон тарзда шакллантирилади.

Telegram I Facebook I YouTube I Instagram

Тошкентда банк бўлими бошлиғи тадбиркор билан бирга 120 минг долларни қиморга тикиб юборган

Тошкент шаҳрида банк бўлими бошлиғи МЧЖ масъуллари билан тил бириктириб, унинг номига кредит ажратиб, маблағларни онлайн қиморга тикиб юборгани фош бўлди.

Маълум қилинишича, Департаментнинг Яшнобод тумани бўлими томонидан тижорат банкининг мурожаатига асосан терговга қадар текширув ўтказилган.

Унда, Яшнобод банк филиалида бўлим бошлиғи вазифасида ишловчи Э.Н. “A.” МЧЖ масъул шахслари ва бошқалар билан ўзаро тил бириктириб, “B.B.” МЧЖга 120 000 доллар кредит ажратилишига эришиб, кейинчалик сохта ҳужжатларни расмийлаштириш орқали кредит маблағини нақдлаштирган.

120 000 долларни интернет тармоқларидаги қимор ва таваккалчиликка асосланган ўйинларга ишлатиб, талон-торож қилган.

Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) ва 228-моддаси (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) билан жиноят иши қўзғатилиб, тергов ҳаракатлари ўтказилмоқда.

Telegram I Facebook I YouTube I Instagram