Тошкент вилоятида ИИББ ва ДХХ тезкор ходимлари хонадонда ташкил этилган қиморхона фаолиятига чек қўйди

Telegram I Facebook I YouTube I Instagram

2025 йилда судлар 10,8 трлн сўмдан ортиқ мажбурий тўловларни ундириш бўйича қарорлар чиқарди – Олий суд

2025 йил ҳисобот даврида фуқаролик ишлари бўйича судлар томонидан вояга етмаган болалар учун алимент, иш ҳақи, қарз мажбуриятлари ва коммунал хизматлар бўйича қарздорликларни ундириш юзасидан 1 519 814 та суд буйруғи чиқарилди. Ундирилиши белгиланган маблағлар умумий ҳажми 10,8 трлн сўмдан ошган.

Шу даврда судлар томонидан 649 652 та фуқаролик иши кўриб чиқилди. Уларнинг 506 135 таси бўйича даъво талаблари қаноатлантирилган, 76 138 та иш бўйича рад жавоби берилган, 60 373 та даъво кўрмасдан қолдирилган, 7 006 та иш бўйича эса иш юритиш тугатилган.

Маълум қилинишича, энг кўп фуқаролик низолари Тошкент шаҳри, Тошкент, Фарғона, Самарқанд ва Андижон вилоятларига тўғри келган.

Кўриб тамомланган ишлар таркибида битимлар билан боғлиқ низолар (олди-сотди, кредит, қарз) — 206 399 та, никоҳдан ажратиш ишлари — 70 535 та, уй-жой муносабатлари — 26 960 та, алоҳида тоифадаги ишлар — 19 914 та, ўзбошимчалик билан қурилган объектларни бузишга оид ишлар — 12 982 тани ташкил этган.

Никоҳдан ажратишга оид ишлар таҳлилига кўра, 37 544 та иш бўйича никоҳ бекор қилинган, 24 244 та ишда эса никоҳни бекор қилиш рад этилган. Шунингдек, 6 239 та даъво кўрмасдан қолдирилган, 2 508 та иш бўйича иш юритиш тугатилган.

Ишга тиклашга оид 3 119 та иш кўриб чиқилиб, уларнинг 1 356 таси бўйича даъволар қаноатлантирилган, 1 229 таси бўйича рад жавоби берилган. Қолган ишлар кўрмасдан қолдирилган ёки иш юритиш тугатилган.

Шунингдек, ҳисобот даврида судлар томонидан 6 452 та хусусий ажрим чиқарилиб, тегишли ташкилотларга юборилган.

Апелляция тартибида 12 956 та иш кўриб чиқилиб, биринчи инстанция судлари қарорларидан 2 312 таси бекор қилинган, 757 таси ўзгартирилган.
Кассация босқичида 8 457 та иш кўрилиб, 1 668 та қарор бекор, 708 та қарор ўзгартирилган.
Тафтиш тартибида эса 5 670 та иш кўриб чиқилиб, 482 та қарор бекор қилинган, 161 та қарорга ўзгартириш киритилган.

Олий суднинг Фуқаролик ишлари бўйича судлов ҳайъати томонидан тафтиш тартибида 363 та иш кўриб чиқилиб, қуйи судлар қарорларидан 171 таси бекор қилинган, 53 таси ўзгартирилган.

Telegram I Facebook I YouTube I Instagram

Самарқандда реклама шити 790 млн сўмлик электр энергияни ўғирлагини фош этилди

Самарқанд шаҳрида реклама қурилмаси ўзбошимчалик билан электр тармоғига уланганлиги аниқланди. Бу ҳақда “Ўзэнергоинспекция” хабар бермоқда.

Маълум қилинишича, “Ўзэнергоинспекция” Самарқанд вилоят ҳудудий бошқармаси томонидан назорат тадбири ўтказилган.

Унда Самарқанд шаҳрида якка тартибдаги тадбиркор М. Н. га қарашли реклама қурилмаси ўзбошимчалик билан тармоққа уланиб, электр энергиясидан ноқонуний фойдаланиб келаётганлиги аниқланган.

Ушбу қоидабузарлик натижасида, электр таъминоти корхонасининг дастлабки ҳисоб-китобларига кўра, 788,4 миллион сўмлик зарар етказилганлиги маълум бўлди.

Ҳозирда ҳуқуқни муҳофаза қилиш органлари томонидан терговга қадар текширув ишлари олиб борилмоқда.

Telegram I Facebook I YouTube I Instagram

Бугун қандай об-ҳаво кузатилади?

“Узгидромет” бугун, 29 январь куни мамлакат бўйлаб кузатиладиган об-ҳаво тўғрисида маълумот берди.

Бугун кундузи ёғингарчилик кутилмайди, фақат Фарғона водийси вилоятларида эрталаб баъзи жойларда бироз қор ёғади.

Баъзи жойларга туман тушиши мумкин. Йўлларда баъзи жойларда яхмалак кузатилади.

Шамол 7-12 м/с тезликда эсади, баъзи жойларда 13-18 м/с гача кучайиши мумкин. Ҳарорат 2° совуқ-3° илиқ бўлади.

Пойтахтда ёғингарчилик кутилмайди. Йўлларда баъзи жойларда яхмалак кузатилади. Шамол 3-8 м/с тезликда эсади. Ҳарорат 1° совуқ-1° илиқ бўлади.

Тоғли ҳудудларда баъзи жойларда қор ёғади, туман тушиши мумкин. Йўлларда баъзи жойларда яхмалак кузатилади. Қор кўчиши хавфи бор. Шамол 7-12 м/с тезликда эсади, баъзи жойларда 13-18 м/с гача кучайиши мумкин. Ҳарорат 0-5° совуқ бўлади.

Telegram I Facebook I YouTube I Instagram

“Тайсон” ва унинг шериклари қўлга олинди

Жиззах вилояти ва Шароф Рашидов тумани ички ишлар бошқармалари, давлат хавфсизлик хизмати вилоят бошқармаси ходимлари ҳамкорликда рейд тадбирларини ўтказди.

Ушбу рейдда Шароф Рашидов тумани “Олмачи” маҳалласида яшовчи 3 нафар шахс процессуал тартибда қўлга олинган.

Аниқланишича, улар доимий равишда фуқароларга нисбатан турли кўринишдаги зўравонлик ҳаракатларини содир этиб келган.

Telegram I Facebook I YouTube I Instagram

“Бизни “лох” деб ўйлайди булар” — уддабурон ҳайдовчи қўлга тушди

Ижтимоий тармоқларда машҳур бўлиш мақсадида машинасининг давлат рақамини яшириб ҳаракатланган ҳайдовчи қўлга тушди.

Тармоқларда қора пиар қилмоқчи бўлган ҳайдовчи, қилган ишидан пушаймон эканлигини айтди.

Бироқ энди кеч, қоидабузар ҳайдовчига маъмурий баённома тузилиб, унинг машинаси жарима майдончасига жойланди.

Telegram I Facebook I YouTube I Instagram

19 ёшли қизни “запал” расмларини тарқатмоқчи бўлган эркак қўлга олинди

Сирдарё вилояти Ички ишлар бошқармаси Тезкор қидирув хизмати ходимлари томонидан ўтказилган тезкор тадбир давомида фуқаронинг шаъни ва қадр-қимматига тажовуз қилиш билан боғлиқ жиноят фош этилди.

Жумладан Янгиер шаҳрида ўтказилган тезкор тадбир давомида 1998 йилда туғилган Ховос туманида яшовчи фуқаро 2006 йилда Наманган вилояти Норин туманида туғилган қизга тегишли шахсий расмларни тармоқларга чиқариб юбориш билан қўрқитиб, ундан 48 млн сўм пул талаб келган.

Ўтказилган тезкор тадбирда талаб қилинган пулдан 10 млн сўмни олаётган вақтида ашёвий далиллар билан қўлга олинди.

Мазкур ҳолат юзасидан терговга қадар текширув ҳаракатлари олиб борилмоқда.

Telegram I Facebook I YouTube I Instagram

Қариндошини ўлдириш учун “киллер” ёллаган шахс қўлга олинди

Самарқанд вилояти ИИБ, ДХХ Самарқанд вилояти бошқармаси ҳамда вилоят прокуратураси ходимлари ҳамкорлигида ўтказилган тадбирда ёлланма қотил орқали танишини ўлдиришни режалаштираётган шахслар қўлга олинди.

Маълумотларга кўра, 2002 йил туғилган шахс Тошкент шаҳрида яшовчи таниши билан ўрталарида келиб чиққан ўзаро низо сабабли, уни ўлдиришни мақсад қилиб, ёлланма қотил излаётгани аниқланган.

Шундан сўнг, тезкор тадбир ўтказилишга киришилиб, шартли “киллер” тадбирга жалб қилинган.

23 ёшли йигит қотилга душманини ўлдиришни буюриб, эвазига 2200 доллар беришга ваъда берган.

Сохта “киллер”дан гримланган мурданинг фотосуратни қабул қилиб олгач, 2000 доллар бериб турган вақтида ушланган.

У билан олиб борилган тезкор суриштирув давомида ўзи ишлаб келаётган МЧЖ раҳбари Тошкент шаҳрида яшовчи қариндоши билан олдиндан мавжуд бўлган низолар ва катта миқдордаги қарзи сабабли қотил ёллашга буюртма бергани аниқланиб, ушбу шахс ҳам қўлга олинди.

Ҳозирда мазкур ҳолат юзасидан ЎзЖКнинг 25,97 моддаси 2 қисми билан жиноят иши қўзғатилган.

Telegram I Facebook I YouTube I Instagram

⚡️Андижондаги трагедия. Ўқитувчи аёл мактаб биносида эри томонидан ўлдирилди

Андижон вилоятининг Асака туманидаги 37 мактаб биносида, ўқитувчи аёл ўқувчилар гувоҳлигида ўлдирилганлиги тўғрисида хабарлар тарқалди.

Бош прокуратура ахборот хизмати раҳбари Ҳаёт Шамсутдиновнинг “Дарё”га маълум қилишича, ушбу воқеа 27 январь куни соат 15:30 ларда Асака туманидаги мактаб биносида содир бўлган.

Шу мактабда ишловчи эркак О.У. оилавий келишмовчиликлар сабаб келиб чиққан жанжал оқибатида ўзи билан бирга ишловчи 34 ёшли турмуш ўртоғи О.М.га ёнида олиб келган хўжалик пичоғи билан бир неча маротаба тан жароҳати етказиб, уни қасддан ўлдирган.

Шундан сўнг эркак шу тумандаги яшаш хонадонига қайтиб келиб, аёлини ўлдирган пичоқ билан ўзининг қорнига бир неча маротаба уриб, жонига қасд қилганида акаси Н.О. кўриб қолиб, шифохонага олиб борган. Кўрсатилган тиббий ёрдам натижасида унинг ҳаёти сақлаб қолинган.

Мазкур ҳолат юзасидан 27 январь куни фуқаро У.О.га нисбатан Жиноят кодексининг 97-моддаси (қасддан одам ўлдириш) 1-қисми билан жиноят иши қўзғатилган.

Telegram I Facebook I YouTube I Instagram

Истанбулдаги Босфор кўприги ва Галата минораси Ўзбекистон байроғи рангига бурканди

Президент Шавкат Мирзиёевнинг Туркияга расмий ташрифи доирасида Истанбул шаҳридаги Босфор кўприги ва машҳур Галата минорасида Ўзбекистон байроғи акс этди.

Telegram I Facebook I YouTube I Instagram

Абу-Дабида Ўзбекистон ва Жаҳон божхона ташкилоти ўртасида ҳамкорлик масалалари муҳокама қилинди

Бирлашган Араб Амирликларининг Абу-Даби шаҳрида Жаҳон божхона ташкилотининг Технологик конференцияси бўлиб ўтмоқда.

Халқаро тадбирда Божхона қўмитаси раиси Акмалхўжа Мавлонов бошчилигидаги Ўзбекистон делегацияси иштирок этмоқда.

Конференцияда асосий эътибор божхона органларининг технологик ривожланишини жадаллаштириш, рақамли ва инновацион ёндашувлар бўйича илғор халқаро тажрибаларни ўрганиш ҳамда уларни миллий амалиётга жорий этишга қаратилган бўлиб, нуфузли анжуман доирасида кўргазма ҳам ташкил қилинган.

Конференция биринчи иш кунининг ўзидаёқ Божхона қўмитаси ва Жаҳон божхона ташкилоти Бош котиби Ян Сондерснинг икки томонлама учрашуви бўлиб ўтди.

Учрашувда Ўзбекистон ва Жаҳон божхона ташкилоти ўртасидаги ҳамкорликни янада ривожлантириш, хусусан божхона ходимларининг касбий салоҳиятини ошириш, ҳамкорликда ўқув тадбирларни ташкил этиш, шунингдек, ҳамкорликнинг келгусидаги истиқболли йўналишилари юзасидан музокаралар олиб борилди.

Мавлонов Жаҳон божхона ташкилотининг Кинология бўйича 7-Глобал форуми жорий йилда Ўзбекистонда ўтказилиши бўйича қарор қабул қилинганлиги учун Бош котиб Ян Сондерсга миннатдорлик билдириб, бу қарор Божхона қўмитасининг Миллий кинология маркази фаолиятига билдирилган халқаро даражадаги эътироф эканлигини таъкидлади.

Учрашувда, шунингдек, Божхона институтига Жаҳон божхона ташкилотининг Минтақавий ўқув маркази мақомини бериш масаласи ҳам кўриб чиқилди.

Якунда, Жаҳон божхона ташкилоти билан ҳамкорликни ривожлантиришга қўшган улкан ҳиссаси учун ташкилот Бош котиби Ян Сондерс Божхона қўмитасининг яқинда таъсис этилган “Халқаро ҳамкорлик учун” кўкрак нишони билан биринчи бўлиб тақдирланди.

Telegram I Facebook I YouTube I Instagram

Кўча шоқоллари қутурганда – ДХХ ва ИИВнинг тезкор операциялари

👉 https://youtu.be/vE4UjqrYosM

2025 йилда иқтисодий судлар 27,7 трлн сўм ундириш ҳақида қарорлар чиқарди – Олий суд

2025 йил давомида иқтисодий судлар томонидан биринчи инстанцияда 690 750 та иқтисодий иш кўриб чиқилиб, ҳал этилди. Кўрилган ишлар натижасида даъвогарлар фойдасига жами 27,7 трлн сўм ундириш ҳақида суд қарорлари қабул қилинган.

Маълум қилинишича, ҳисобот даврида иқтисодий низолар энг кўп Тошкент шаҳри, Тошкент, Самарқанд, Наманган ва Фарғона вилоятлари иқтисодий судларида қайд этилган.

Шунингдек, инвестициявий низоларга оид 144 та иш кўриб чиқилиб, уларнинг 88 таси бўйича даъво талаблари қаноатлантирилган.

Кичик бизнес ва хусусий тадбиркорлик субъектларини ҳуқуқий ҳимоя қилиш масаласи ҳам судлар диққат марказида бўлган. Хусусан, ушбу тоифада 73 371 та иқтисодий иш кўриб чиқилиб, тадбиркорлик субъектлари фойдасига 10,8 трлн сўм миқдорида маблағ ундирилиши белгиланган.

Ҳисобот даврида иқтисодий судларда кўрилган ишларнинг асосий қисми банк ҳисобварақлари бўйича операцияларни тўхтатиб туриш, маҳсулот етказиб бериш, коммунал хизматлар, тўловга қобилиятсизлик (банкротлик) ҳамда кредит шартномаларидан келиб чиқадиган низолар билан боғлиқ бўлган.

Аниқланган қонунбузилиш ҳолатларини бартараф этиш мақсадида иқтисодий судлар томонидан 4 140 та хусусий ажрим чиқарилиб, тегишли ташкилот ва идораларга юборилган.

Суд қарорларини қайта кўриб чиқиш натижаларига кўра, апелляция тартибида 6 305 та иқтисодий иш кўриб чиқилиб, биринчи инстанция судлари томонидан чиқарилган 862 та қарор бекор қилинган, 450 та қарорга ўзгартириш киритилган.

Кассация босқичида 3 400 та иш кўриб чиқилиб, 658 та қарор бекор қилинган, 352 та суд қарори ўзгартирилган.
Тафтиш тартибида эса 2 934 та иш кўриб чиқилиб, қуйи инстанция судлари қарорларидан 357 таси бекор қилинган, 96 таси ўзгартирилган.

Олий суднинг иқтисодий ишлар бўйича судлов ҳайъати томонидан тафтиш тартибида 648 та иш кўриб чиқилиб, қуйи судлар чиқарган 237 та қарор бекор қилинган, 50 та қарорга ўзгартириш киритилган.

Telegram I Facebook I YouTube I Instagram

Ўзбекларнинг чет элдаги оммавий муштлашувлари юртимиз обрўсига путур етказяпти – Президент

«Энг ёмони, чет давлатларда ҳам ўзимизнинг фуқаролар уюшган гуруҳлар тузиб, юртимиздан борганларга нисбатан товламачилик, зўравонлик, тадбиркорлигига рахна солиш билан шуғулланяпти. Ўзбекларнинг чет элдаги оммавий муштлашувлари юртимиз обрўсига путур етказяпти», – деди давлат раҳбари.

Маълумот ўрнида, ўтган йилнинг ўзида чет элда оғир аҳволга тушган 3 минг 700 нафар фуқароларимиз мамлакатимизга қайтарилди. 192 нафар фуқаро одам савдоси қурбонига айланди.

Telegram I Facebook I YouTube I Instagram

Маъмурий судлар 2025 йилда қарийб 7 минг нафар фуқаро ва тадбиркор ҳуқуқини тиклади – Олий суд

2025 йил ҳисобот даврида маъмурий судлар томонидан оммавий-ҳуқуқий муносабатлардан келиб чиқадиган 17 714 та иш кўриб чиқилди. Суд қарорлари натижасида 6 999 нафар фуқаро ва юридик шахснинг бузилган ҳуқуқлари тикланди.

Маълум қилинишича, маъмурий органлар ва фуқаролар ўзини ўзи бошқариш органлари қарорлари устидан 8 646 та ариза ва шикоят кўриб чиқилган. Улардан 3 730 та қарор қонунга зид деб топилиб, ҳақиқий эмас деб эътироф этилган.

Хусусан,
— маҳаллий ҳокимликларнинг 2 043 та қароридан 611 таси,
— солиқ органларининг 1 593 та қароридан 743 таси,
— кадастр агентлигининг 1 594 та қароридан 449 таси
суд томонидан бекор қилинган.

Шу билан бирга, мансабдор шахсларнинг хатти-ҳаракатлари (ёки ҳаракатсизлиги) устидан тушган 7 049 та шикоят кўриб чиқилиб, 2 750 та ҳолат қонунга хилоф деб топилган.

Аниқланган қонунбузилишларни бартараф этиш мақсадида маъмурий судлар томонидан 3 314 та хусусий ажрим чиқарилиб, улар тегишли маъмурий ва фуқаролар ўзини ўзи бошқариш органларига юборилган.

Суд қарорларини қайта кўриб чиқиш натижаларига кўра, вилоят ва унга тенглаштирилган маъмурий судлар томонидан апелляция тартибида 3 120 та иш кўриб чиқилиб, биринчи инстанция судлари чиқарган 394 та қарор бекор қилинган, 22 та қарор ўзгартирилган.

Кассация тартибида 1 417 та иш кўриб чиқилиб, 230 та қарор бекор қилинган, 9 та қарорга ўзгартириш киритилган.
Тафтиш тартибида эса 1 671 та иш ўрганилиб, қуйи инстанция судлари қарорларидан 141 таси бекор қилинган, 4 таси ўзгартирилган.

Олий суднинг Маъмурий ишлар бўйича судлов ҳайъати томонидан тафтиш тартибида 1 531 та шикоят ва протест ўрганиб чиқилиб, улардан 289 таси иш материаллари асосида кўриб чиқилган. Натижада қуйи судлар томонидан қабул қилинган қарорларнинг 125 таси бекор қилинган, 1 та қарор ўзгартирилган.

Telegram I Facebook I YouTube I Instagram

⚡️Шавкат Мирзиёев Туркияга етиб борди

Анқарага расмий ташриф билан борган Ўзбекистон Президенти ва рафиқасини Туркия Президенти ва рафиқаси самимий кутиб олди.

Telegram I Facebook I YouTube I Instagram