Ўзбекистон расман Тинчлик кенгашига қўшилди

Ўзбекистон Президенти Шавкат Мирзиёев 22 январь куни Швейцариянинг Давос шаҳрида Америка етакчиси Доналд Трамп ташаббуси билан ташкил этилган Тинчлик кенгаши низомини имзолаш маросимида иштирок этди.

Тадбир доирасида Ўзбекистон раҳбари Доналд Трамп билан Тинчлик кенгаши битимини расмий равишда имзолади.

Telegram I Facebook I YouTube I Instagram

Трамп Гренландия сабаб саккизта давлатга қўйилган боҗларни бекор қилди

АҚШ президенти бунга Давос шаҳридаги иқтисодий форумдан, хусусан, НАТО бош котиби билан бўлган учрашувдан кейин қарор қилди.

“1 февралдан кучга кириши керак бўлган тарифлар амалиётга татбиқ этилмайди”, деди Трамп.

У олдинроқ февраль ойидан бошлаб Дания, Буюк Британия, Норвегия, Шветсия, Франция, Германия, Нидерландия ва Финляндия каби саккизта Европа давлатидан АҚШга экспорт қилинадиган барча товарларга 10 фоизлик боҗ жорий этиш билан таҳдид қилган эди.

Telegram I Facebook I YouTube I Instagram

Қор сабаб автобуслар кечикиши мумкин

Тошкент шаҳрида қор ёғиши сабаб айрим автобус йўналишларида қатнов оралиқи вақтинча узайиши мумкин.

Мутахассис ташкилотлар ҳайдовчилардан мураккаб об-ҳаво шароитини инобатга олиб, тезлик меъёрларига амал қилишни, зарурат бўлмаганда шахсий автомобилларда ҳаракатланмасликни сўрамоқда.

Тирбандликларнинг олдини олиш ва хавфсизликни таъминлаш мақсадида фуқароларга жамоат транспортидан фойдаланиш тавсия этилади.

Йўл ҳаракати иштирокчиларидан эҳтиёт чораларига қаттиқ риоя қилиш сўралади.

Telegram I Facebook I YouTube I Instagram

Хоразмда «Қонун доираси» блогерлари қамоққа олинди

Урганч шаҳар Ички ишлар бошқармаси ҳузуридаги Тергов бўлими блогер Фурқат Рўзметов ва Аъзамат Авезовларга нисбатан қўзғатилган жиноят иши юзасидан расмий баёнот берди.

Маълум қилинишича, «Қонун доираси» номида фаолият олиб борадиган блогерларга нисбатан жиноят кодексининг бир қатор (7 та) моддалари билан жиноят иши қўзғатилган ва эҳтиёт чора сифатида қамоққа олинган.

Telegram I Facebook I YouTube I Instagram

«2026 йилда асосий туристик оқим Ахсикент ва Сирдарёга бўлади» - Наманган вилояти ҳокими Шавкатжон Абдураззоқов Ахсикент археология парки ва унга ёндош дарё бўйида барпо этилаётган туризм инфратузилма объектларига борди

Telegram I Facebook I YouTube I Instagram

Попнинг Чодакидаги Гулистон туризм маскани бузилиш арафасида эканлиги айтилмоқда

Telegram I Facebook I YouTube I Instagram

Айрим ҳудудларда электр таъминотида узулишлар бўлади — Энергетика вазирлиги

Ҳаво ҳароратининг кескин пасайиши муносабати билан энергитика тизими кучайтирилган иш режимига ўтказилади. Бу ҳақда Энергетика вазирлиги хабар бермоқда.

Вазирликка кўра, электр, иссиқлик ва газ тармоқларида қўшимча техник кўриклар ўтказилиб, ишлаб чиқариш ва етказиб бериш қувватлари мавжуд шароитга мослаштирилган ва хизматлар 24/7 режимида иш олиб бормоқда.

Қайд этилишича, совуқ кунларда энергияга бўлган талаб ортгани туфайли айрим ҳудудларда вақтинчалик техник чекловлар бўлади.

“Истеъмолчилардан электр энергияси ва табиий газдан оқилона фойдаланиш, иситиш ускуналаридан тежамкорлик билан фойдаланиш тавсия қилинади. Уй-жойларда иссиқликни сақлаш орқали ҳам энергия тежалади, ҳам хона илиқ бўлади.

Иситиш ускуналарини қаровсиз қолдирмаслик, улардан фойдаланиш вақтида хонада шамоллатишни таъминлаш зарур”, - дейилади вазирлик хабарида.

Электр ва газ таъминоти билан боғлиқ савол, мурожаат ва таклифларингиз бўлса, қуйидаги алоқа каналларига мурожаат қилишингиз мумкин:

📞Электр таъминоти бўйича: 1154
📞Газ таъминоти бўйича: 1104 ва 104.

Telegram I Facebook I YouTube I Instagram

Путин АҚШ томонидан музлатилган Россия активларини Ғазо ва Украина манфаати йўлида фойдаланишни таклиф қилди

Россия президенти Владимир Путин музлатилган Россия активларидан 1 миллиард АҚШ долларини Дональд Трамп уни шахсан таклиф этган “Тинчлик кенгаши” фаолиятини қўллаб-қувватлашга йўналтиришни таклиф қилди.

Унинг айтишича, Киев ва Москва ўртасида тинчлик келишуви тузилгандан сўнг Украина ҳудудларини тиклаш ишларига сарфланиши мумкин.

Telegram I Facebook I YouTube I Instagram

Шавкат Мирзиёевнинг Давосдаги бир куни

Президент Шавкат Мирзиёевнинг Давосга ташрифи, Тинчлик борасидаги ташаббусларни қўллаб-қувватлаш – Ўзбекистон ташқи сиёсатининг устувор йўналишларидан бири.

Telegram I Facebook I YouTube I Instagram

ФВВ қутқарувчилари Қамчиқ довонида қийин аҳволга тушиб қолган ҳайдовчиларга ёрдам кўрсатди

ФВВ қутқарувчилари “Қамчиқ” довонида кузатилган ноқулай об-ҳаво туфайли қийин аҳволга тушиб қолган ҳайдовчи ва йўловчиларга амалий ёрдамлар кўрсатишди.

Шунингдек, ФВВ ва тегишли хизматлар ходимлари ҳамкорлигида йўлда музламалар ҳосил бўлишининг олдини олиш мақсадида қум-туз аралашмасини сепиш ишлари олиб борилди.

Telegram I Facebook I YouTube I Instagram

ДХХ ва ИИВ ҳамкорликда “Нигоҳ” махсус операциясини ўтказмоқда

ДХХ ва ИИВ ҳамкорлигида Ўзбекистонда криминоген вазиятни барқарорлаштириш, жумладан, уюшган жиноятчиликка қарши кенг кўламли тезкор-қидирув тадбирлари ўтказилмоқда.

Telegram I Facebook I YouTube I Instagram

Чагаев муштини соғинган Валуев кескин баёнот билан чиқди

Россия Госдума депутати Николай Валуев Алексей Дугиннинг Марказий Осиё давлатлари тўғрисида билдирган фикрларини қўллаб-қувватлади.

Чагаев муштини тотиб, боши айниб қолган Валуев Украинадан ташқари собиқ совет республикаларида ҳам махсус операция ўтказиш тарафдори эканлигини яшириб ўтирмади.

“Бизни ҳали бир нечта махсус операциялар кутмоқда. Буюк файласуф Дугин ҳақ. Биз 30 йил давомида постсовет республикаларига ширинликлар улашдик, лекин бу ёрдам бермади.

Энди қамчи керак бўлади.
Шунинг учун ёшларни тайёрлаяпмиз.

Зумерларга спорт залига боришни ва эркакларга хос спорт турлари билан шуғулланишни маслаҳат бераман. Улар учун ҳам қаҳрамонлар даври келади тез орада”, - деди Валуев.

Telegram I Facebook I YouTube I Instagram

“Зарбаларим энди таъсир қиляпти шекилли” — Чагаев Валуевни жангга чақирди

Cобиқ боксчи Руслан Чагаев азалий рақиби, Госдума депутати Николай Валуевни Марказий Осиё бўйича берган баёнотига муносабат билдирди.

Чагаевнинг фикрича, унинг берган зарбалари Валуевга энди таъсир қиляпти.

“Менимча, бу сунъий интеллект бўлса керак, лекин унақа бўлмаган бўлса, ўзбек халқидан узр сўрайман.

Ўша пайтда унга теккан зарбалар энди таъсир қиляпти шекилли.

Ҳазил. Ўзинглар биласизлар, ҳозир, Шавкат Миромонович ва Владимир Путиннинг муносабатлари жуда яхши.

Валуевга ўхшаган одамлар эса ҳаммасини бузяпти”, деди Чагаев.

Telegram I Facebook I YouTube I Instagram

“Коҳ ота” жоме масжидида 64 ёшли эркак аср намози вақтида оламдан ўтди

Тошкент шаҳар Шайхонтоҳур туманида жойлашган “Коҳ ота” жоме масжидида 64 ёшли эркак аср намози вақтида ҳушидан кетиб, вафот этди.

Масжид маъмуриятининг маълум қилинишича, эркак 2 йил аввал инсульт олган, аммо ибодатдан олдин ўзини яхши ҳис қилган ва одатдагидек масжидга келган.

Аср намози вақтида С.С. ҳушидан кетган, жамоат тез ёрдам чақирган, бироқ шифокорлар етиб келишидан олдин унинг жони узилган.

Telegram I Facebook I YouTube I Instagram

ДХХ ва ИИВ “закладчиклар”га қарши “ов”га бошлади

ДХХ Тошкент шаҳар бўйича бошқармаси ҳамда пойтахт ИИББ ходимлари ҳамкорлигида тадбир ўтказилди.

Унда, Бектемир тумани ҳудудида “закладка” қўйишни режалаштирган, Жиззах вилоятининг Зафаробод туманида доимий рўйхатда турувчи, 1992 й.т. шахс ушланиб, унинг ёнида 6 гр “гашиш” ва 5 гр “мефедрон” гиёҳвандлик воситалари борлиги аниқланган ва тегишли тартибда расмийлаштириб олинган.

Сўнгра тезкор тадбир давом эттирилиб, у устачилик қилаётган Тошкент вилоятининг Тошкент туманидаги янги қурилаётган ҳовли уй кўздан кечирилганда, бу ердан жами 1 кг 700 гр “гашиш” ва 500 гр “мефедрон” ашёвий далил сифатида олинган.

Шунингдек, унинг доимий истиқомат қилувчи Зафаробод туманидаги уйидан ҳам 800 гр “мефедрон” синтетик наркотик моддаси олинди.

Ҳозирда ушбу шахсга нисбатан ЖКнинг 25,273-моддаси 5-қисми билан жиноят иши қўзғатилиб, “қамоқ” эҳтиёт чораси қўлланилган. Тергов ҳаракатлари доирасида унинг жиноий шерикларини аниқлаш бўйича чора-тадбирлар кўрилмоқда.

Фарғона вилоятида қайд этилган ҳолатда эса, Қўштепа тумани томон ҳаракатланаётган “Спарк” машинасида йўловчи сифатида кетаётган 18 ёшли фуқарога тегишли болалар сумкасида Қирғизистондан келтирилган 969 гр “гашиш” моддаси борлиги маълум бўлди.

Терговга қадар текширув давомида, ажал оғусининг ҳақиқий эгаси Фарғона шаҳрида яшовчи, 2006 й.т. шахс эканлиги аниқланиб, у қўлга олинди.

Ҳозирда мазкур шахсларга нисбатан Жиноят Кодексининг 25,273-моддаси 5-қисми билан жиноят иши қўзғатилиб, тергов ҳаракатлари олиб борилмоқда.

Telegram I Facebook I YouTube I Instagram

Россияни ҳиндлар босди

Россия ҳукумати 2025 йил Ҳиндистон ва Бангладеш фуқароларига сўнгги тўққиз йил ичида рекорд миқдордаги ишлаш учун рухсатномалар берди.

2030 йилга бориб Россияда ишчи кучи танқислиги 3 миллиондан ошиши прогноз қилинмоқда.

Маълум қилинишича, Россияда ишлаш учун 56,5 минг нафар ҳиндистонлик фуқаро таклиф этилган, 2024 йил бу кўрсаткич 36,2 минг нафарни ташкил этганди.

Шунингдек, Бангладешдан келганлар сони 2024 йилдаги 2,8 минг кишидан 9,3 минг кишига ошган.

Иккала кўрсаткич ҳам 2017 йилдан буён кузатилган энг юқори натижа ҳисобланади.

Telegram I Facebook I YouTube I Instagram

Lactalis Ўзбекистонда сотилган чақалоқлар сут маҳсулотларини қайтариб олмоқда

Франциянинг Lactalis компанияси Picot бренди остида сотилган чақалоқлар сут маҳсулотларининг 6 та партиясини қайтариб олмоқда. Қайтариб олиш жараёни 18 та давлат, жумладан Ўзбекистонни ҳам қамраб олган.

Маҳсулот таркибида серулеид токсини аниқланган бўлиб, у болаларда қусиш ва ич кетишига олиб келиши мумкин. Хавф омега-6 ARA ингредиенти билан боғлиқ.

Ота-оналардан маҳсулот партия рақамларини текшириш ва расмий маълумотларни кутиш сўралмоқда.

Telegram I Facebook I YouTube I Instagram

Формага доғ тушурганлар. Жиззахда ЙПХ ходими пора билан ушланди

Жиззах вилоятида ҳайдовчилардан пора талаб қилиб келган ЙПХ ходими қўлга олинди.

Маълум қилинишича, у ҳайдовчиларни тўхтатиб, гўё спиртли ичимлик истеъмол қилган деб кўрсатиб, пул сўраган.

Шунингдек, жарима майдончасидан автомобилларни чиқариб бериш эвазига пул олган.

Telegram I Facebook I YouTube I Instagram

Давосдан қайтган Президент эски шаҳарга борди

Президент Шавкат Мирзиёев 23 январь куни Олмазор тумани Хастимом маҳалласи Зарқайнар кўчасида ташкил этилган туризм ва хизмат кўрсатиш объектлари фаолияти билан танишди.

Давлат раҳбари миллий меъморий услубда таъмирланган хонадонлар, обод кўчалар ва аҳоли учун яратилган шароитларни кўздан кечирди.

Шу ерда истиқомат қилаётган оилалар, туристлар, ҳунармандлар билан самимий суҳбатлашди.

“Биз туристлар учун шароит яратишни истаймиз, лекин бунинг асосини ҳам тўғри йўлга қўйишимиз керак.

Масалан, ҳунармандчилик – миллийлигимизни ифодалайдиган асосий йўналишлардан бири.

Шу боис ҳунармандлар маҳсулот ишлаб чиқариши учун барча зарур шарт-шароитларни яратиб бериш бизнинг вазифамиз. Малакали кадрлар тайёрлаш зарур.

Шу мақсадда ҳунармандлар университетини ташкил этиш мақсадга мувофиқ.

Биз тадбиркорлар билан учрашяпмиз, эндиликда ҳунармандлар билан ҳам алоҳида учрашувлар ташкил этамиз, – деди Президент.

Мутасаддиларга туризм ва хизмат кўрсатиш соҳаларидаги ишларни янада такомиллаштириш, маҳаллалардаги тарихий муҳитни асраб-авайлаган ҳолда иқтисодий фаолликни ошириш, энг муҳими, одамлар манфаатига хизмат қиладиган барқарор тизимни шакллантириш бўйича аниқ топшириқлар берилди.

Шу ерда давлатимиз раҳбарига “Олмазор” инновацион ўсиш ҳудудини ривожлантириш бўйича ишлаб чиқилган мастер-режа тақдимот қилинди.

Тақдимотда ҳудудни фазовий-ҳудудий ривожлантириш концепцияси, эҳтиёжларни баҳолаш натижалари ҳамда функционал зоналаштириш ечимлари кўрсатиб ўтилди.

Мастер-режага мувофиқ, таълим-инновация, туризм ва савдо, маданий мерос, бизнес ҳамда IT хизматларини қамраб олган “ривожланиш коридорлари” шакллантирилади.

“Ҳар бир кўча учун камида беш йиллик мастер режа ишлаб чиқиш зарур. Кеча Швейцариянинг Давос шаҳрида бинолар сақланган ҳолда, шаҳар муҳити шароитга мос равишда ривожлантирилаётганини кўрдим.

Биз ҳам эски шаҳарни асраб-авайлашимиз, янада ривожлантиришимиз шарт. Шу мақсадда алоҳида “Эски шаҳар” дастурини ишлаб чиқиш зарур”, – деди давлат раҳбари.

Telegram I Facebook I YouTube I Instagram

“Автойўл” ишчиларига ёрдам берган ЙПХ ходими тармоқ юлдузига айланди

Ижтимоий тармоқларда қийин об-ҳаво шароитига қарамасдан, Йўл-патрул хизмати ходими “Автойўл” ишчиларига ёрдам бераётгани акс этган видео тарқалди.

Қорли ва сирпанчиқ йўлда ҳаракатни назорат қилиш, ҳайдовчилар хавфсизлигини таъминлаш йўлидаги бу ҳаракатлар ҳақиқий касбий масъулият ва ватанпарварлик намунаси сифатида баҳоланмоқда.

Тармоқ фойдаланувчилари хавфсизлик йўлида бундай фидойи хизмат қилаётган ходимларга ташаккур билдириб, кўплаб илиқ фикрлар билдиришмоқда.

Telegram I Facebook I YouTube I Instagram