“Фошун” каналига тушиб кетган “Hyundai” олиб чиқилди — ФВВ

ФВВ қутқарувчилари томонидан “Фошун” каналига тушиб кетган автомобиль олиб чиқилди. Бу ҳақда ФВВ ахборот хизмати хабар бермоқда.

Маълум қилинишича, Бугун, 21 январь куни соат 08:00 да Бухоро вилояти ФВБга “112” тизими орқали Бухоро шаҳар “Придастгир” кўчаси ҳудудидан оқиб ўтувчи “Фошун” каналига “Hyundai” русумли автомобиль ҳайдовчиси бошқарувни йўқотиши оқибатида тушиб кетганлиги тўғрисида хабар келиб тушган.

Хабарга асосан, ФВВ қутқарувчилари айтилган манзилга етиб бориб, махсус анжомлар ва техника ёрдамида автотранспорт воситасини каналдан чиқариб олишган.

Автомашинада ҳайдовчининг ўзи бўлган ва ҳодиса содир бўлиши биланоқ хавфсиз ҳудудга чиқиб олган.

Telegram I Facebook I YouTube I Instagram

“Uzbekistan Airways” самолёти Красноярск аэропортига фавқулодда қўнди

“Uzbekistan Airways” авиакомпаниясига тегишли Boeing 767-300 самолёти техник сабабларга кўра Россиянинг Красноярск шаҳри аэропортига фавқулодда қўнди.

Маълум қилинишича, жорий йилнинг 21 январь куни UK67007 рақамли самолёт HY707 рейси билан Тошкент – Владивосток йўналиши бўйича парвоз қилаётган бўлган.

Учиш вақтида самолёт двигателларидан бирида техник носозлик аниқлангач, экипаж вазиятни баҳолаб, яқин захира аэропортга қўниш ҳақида қарор қабул қилган.

Самолёт маҳаллий вақт билан соат 14:46 да Красноярск аэропортига муваффақиятли қўндирилган.

Бортда жами 122 нафар йўловчи ҳамда экипаж аъзолари бўлган ва ҳодиса оқибатида жабрланганлар йўқ.

“Техник сабабларга кўра HY707 рейси (Тошкент — Владивосток) Красноярск шаҳридаги захира аэропортига йўналтирилди”, дейилади авиакомпания муносабатида.

Telegram I Facebook I YouTube I Instagram

Макрон Гренландияга қўшимча ҳарбий куч юборишга қарор қилди

Франция президенти Эммануэль Макрон Гренландиядаги ҳарбий контингентни сезиларли даражада оширишни режалаштирмоқда. Бу ҳақда Canard Enchaîné нашри манбаларга таяниб хабар берди.

Нашр маълумотларига кўра, Париж орол аҳолисини ҳимоя қилиш мақсадида камида 200 нафар альпий отишмачилардан иборат бўлинмани Гренландияга жойлаштиришни кўзламоқда.

Бу ҳозирда оролда мавжуд бўлган Франция ҳарбий кучларидан 14 баравардан ортиқ демакдир.

Айни пайтда Франция аллақачон Гренландияга 15 нафар ҳарбий хизматчини юборган. Шу билан бирга, Париж НАТО доирасида орол ҳудудида ҳарбий машқлар ўтказиш масаласини ҳам кўтарган.

Оқ уй матбуот котиби Каролин Левитт эса Европа давлатлари ҳарбийларининг Гренландияга жўнатилиши АҚШнинг ушбу ҳудудга оид режаларига таъсир кўрсатмаслигини таъкидлаган.

Telegram I Facebook I YouTube I Instagram

“Биз ҳам “зеркальная мера” қўллаймиз” — Ходжаев Тожикистонни огоҳлантирди

Тожикистон Ўзбекистонда ишлаб чиқарилган қурилиш материалларига нисбатан божхона тўловларини оширган.

Тадбиркорлар билан мулоқот чоғида Бош вазир ўринбосари Жамшид Ходжаев ушбу ҳолат юзасидан фикр билдириб, агар мавжуд вазият ўзгаришсиз қолса, расмий Тошкент томонидан қарши чоралар кўрилиши эҳтимолини истисно этмади.

“Божхона, Тожикистондаги ҳамкасбларингиз билан гаплашасиз.

Агар шунақа қиладиган бўлса, биз ҳам “зеркальная мера” қиламиз.

Сиз, элчимиз, уларга сигнални етказиб қўйинг”, деди Хўжаев.

Telegram I Facebook I YouTube I Instagram

Уйидан 3 млн доллар топилган собиқ “зам” ҳоким озодликка чиқди

Давлат бюджет маблағларини талон-торож қилинганликда ва мансаб ваколатини суиистеъмол қилиш каби айбловлар билан 7 йилга қамалган Андижон вилояти ҳокими собиқ ўринбосари Ботиржон Ҳамроев озодликка чиқди.

Маълум қилинишича, Юнусобод тумани жиноят ишлари бўйича суди ажрими билан Ҳамроевга берилган жазо 2 йил 6 ойлик аҳлоқ тузатиш ишларига алмаштирилган.

Унинг қамоқда ўтирган ҳар бир куни аҳлоқ тузатиш ишлари учун 3 кунга ҳисобланиб, унинг аҳлоқ тузатиш муддати ҳам ўтаб билан деб ҳисобланди ва у суд залидан озод қилинди.

Қайд этиш керак, Ҳамроев уйидан тинтув вақтида 3 миллион доллар топилганган.

Telegram I Facebook I YouTube I Instagram

Отасининг изидан қамоққача — “Бахти Ташкентский”нинг ўғли қамоқда нима иш қиляпти?

Жиноят оламида “Бахти Ташкентский” тахаллуси билан танилган Бахтиёр Қудратуллаевнинг ўғли Бекзод Зафаров “Сўнгги пушаймон” кўрсатувида кўриниш берди.

Суд ҳукми билан 11 йилга озодликдан маҳрум қилинган Бекзод Зафаров колонияда пайвандчи ва темир-терсак устаси бўлиб ишлаяпти.

“Ёшликдан отамнинг ўрнини эгаллайман деб ўйлаб юрардим. Лекин ўйлаганларимни барчаси хато экан.

Бу ерга келиб тушундим-ки, ким бўлишингдан қатъий назар қонун барча учун баробар экан”, - деди Зафаров.

Кўрсатув давомида Бекзод икки нафар фарзанди борлиги ва тўнғич фарзанди кейинги йил мактабга чиқишини айтиб, муҳим вақтда оиласи бағрида бўла олмаётганидан пушаймон эканлигини айтди:

“Ўғлимни биринчи қўнғироққа олиб бормаганим, ота-она мажлисида қатнаша олмаслигим ва энг керакли вақтида олдида “тоғдек” туриб бермаганим алам қилади.

Онам ўзлари едирмай-ичирмай катта қилгандилар, ишончларини оқлай олмадим.

Қани эди вақтни ортга қайтаришни иложи бўлганда ҳалол меҳнат қилиб, оилам билан бўлган бўлардим”, - деди у.

Зафаров Бекзод Бахтиёрович — уюшган жиноий гуруҳ таркибидаги ноқонуний қилмишлари учун ЖКнинг 165 моддаси (3 қисми “в” банди) ҳамда 168 модда ( 4 қисми “в” банди” билан айбли деб топилиб 11 йилга озодликдан маҳрум этилган.

Telegram I Facebook I YouTube I Instagram

Шавкат Мирзиёев Швейцарияга учиб кетди

Президент Шавкат Мирзиёев АҚШ раҳбари Дональд Трампнинг таклифига биноан 21 январь куни Давос шаҳрида Америка етакчиси ташаббуси билан ташкил этилаётган Тинчлик кенгаши низомини имзолаш маросимида иштирок этиш учун амалий ташриф билан Швейцарияга жўнаб кетди.

Аввалроқ давлат раҳбари мазкур кенгашга таъсисчи давлат сифатида қўшилиш таклифини қабул қилган эди.

Мамлакат етакчиси АҚШ Президентига йўллаган мактубида ушбу ташаббус Яқин Шарқдаги кўп йиллик можароларни ҳал этиш, кенг минтақада тинчлик ва барқарорликни таъминлаш йўлидаги муҳим қадам сифатида баҳоланаётганини таъкидлади.

Telegram I Facebook I YouTube I Instagram

20 ёшли беморнинг ошқозонидан 1,5 килога яқин соч олиб ташланди

Қашқадарёда 20 ёшли беморнинг ошқозонидан 1,4 кило соч муваффақиятли жарроҳлик йўли билан олиб ташланди. Бу ҳақда вилоят Соғлиқни сақлаш бошқармаси хабар берди.

Бемор Қарши туманида яшайди ва илгари D ҳисобида бўлган. У қорин юқори қисмида оғриқ, шиш, кўнгил айниш ва қусиш каби аломатлар билан тиббиёт муассасига мурожаат қилган.

Шифокор М. Пардоев бошчилигидаги жарроҳлар беморнинг ошқозонида катта соч тўплами — трихобезоар аниқлаб, уни тўлиқ олиб ташлашди.

Олинган соч тўплами 58 сантиметр узунликда, 7 сантиметр ени ва 1,4 килограмм оғирликда бўлган.

Мутахассислар ҳолат бир неча йил давомида беморнинг соч ютиш одати натижасида шаклланганини таъкидлашмоқда.

Бемор илгари ҳам шундай ташхис билан операция қилинган. Ҳозир унинг аҳволи барқарор ва шифокорлар назорати остида даволанмоқда.

Келажакда шундай ҳолатларнинг олдини олиш мақсадида беморга жарроҳ, гастроэнтеролог ва психиатр томонидан мунтазам текширув ва тавсиялар берилган.

Telegram I Facebook I YouTube I Instagram

“Гренландияни куч билан босиб олиш ниятимиз йўқ” — Трамп

АҚШ президенти Доналд Трамп Давосда сўзлаган нутқида Гренландияни қўлга киритиш учун ҳарбий куч ишлатиш нияти йўқлигини билдирди.

Унинг айтишича, бундай йўл орқали мақсадга эришиш мумкин бўлса-да, у бу усулни танламайди.

“Агар катта куч ва қудрат қўлласам, эҳтимол, ҳеч ким тўхтата олмас эди. Аммо мен бундай йўлдан бормайман”, — деди Трамп.

Telegram I Facebook I YouTube I Instagram

“Жомми Даритал”, “Малыш” ва “Расул қилич” — Хоразмда “кўча авторитетлар”ларининг таноби тортилди

Ички ишлар органлари ходимлари Давлат хавфсизлик хизмати билан ҳамкорликда Хоразм вилоятида тезкор тадбир ўтказилди.

Унда жамоат тартибини қўпол равишда бузган шахслар аниқланиб, ҳибсга олинди.

Хусусан, Урганч шаҳрида яшовчи, 1996 йилда туғилган, “Жомми Даритал” лақаби билан танилган Жамол Ахмедов марказий деҳқон бозори ҳудудида 1998 йилда туғилган фуқаро билан жанжал чиқариб, унга тан жароҳатлари етказган ҳамда руҳий босим ўтказган.

Ҳолат юзасидан жабрланувчи Ички ишлар органларига мурожаат қилган. Гумонланувчи ушланган пайтда ундан 3 грамм “марихуана” гиёҳванд моддаси топилган.

Яна бир ҳолатда, Боғот туманида яшовчи, 1997 йилда туғилган, муқаддам безорилик учун судланган “Малыш” лақабли Матсафоев Артур Бегандик ўғли 1998 йилда туғилган фуқаронинг уйига кириб, уни калтаклаган.

Қайд этилишича, гумонланувчи бокс билан шуғулланган бўлиб, жабрланувчини “разборка”га чақирган, у келмаганидан сўнг эса ўзи унинг уйига бориб жанжал қилган.

Шунингдек, Хива шаҳрида яшовчи, 1991 йилда туғилган, “Расул қилич” лақаби билан танилган Фарходбеков Расул Фарходбек ўғли 13 январь куни таниш таксист — 1984 йилда туғилган фуқарога нисбатан зўравонлик қилган. У автомобилни йўл четида тўхтаттириб, жабрланувчига тан жароҳатлари етказган.

Шу билан бирга, жанжални ажратишга уринган 1981 йилда туғилган яна бир фуқарони ҳам калтаклаган.

Барча ҳолатлар юзасидан ЖКнинг 277-моддаси 3-қисми (безорилик) билан жиноят ишлари қўзғатилган.

Ички ишлар органлари мазкур шахслардан жабр кўрган фуқароларни ҳуқуқни муҳофаза қилувчи идораларга мурожаат қилишга чақирди.

Telegram I Facebook I YouTube I Instagram

Трампдан кескин сигнал — Гренландия, Украина ва Европа ҳақида очиқ баёнотлар

Трамп Жаҳон иқтисодий форуми доирасида Давосда сўзга чиқиб, Европа давлатлари сиёсатига танқидий баҳо берди ҳамда Гренландия масаласи бўйича ўз позициясини очиқ баён қилди.

👉 effect.uz/6768

Telegram I Facebook I YouTube I Instagram

“Harvard” ва “Oxford” сари йўл очилди. Ал-Беруний мактаби таълимда янги давр бошлади

Ал-Беруний номидаги халқаро мактаб-интернати Ўзбекистон ва Марказий Осиёда
“IB Diploma” дастурини жорий этган биринчи давлат мактаби бўлди.

Эндиликда ўқувчилар “Harvard” MIT, “Oxford” ва “Cambridge” каби топ
университетларга тўлиқ грант билан тайёрланади.

Спорт бўлса — чемпионлик дер эдик.
Бу эса таълимдаги чeмпионлик.

Telegram I Facebook I YouTube I Instagram

Яндексчи келин тақдири нима бўлди?

Бир неча кун аввал 2 нафар фарзанди билан бирга Yandex’da пиёда курьерлик қилиб юрган Юлдуз Эргашева ҳақида сахифаларимизда видео лавҳа эълон қилган эдик.

Шунингдек, Davr Bank билан ҳамкорликда Юлдуз опага янги карта очиб, имкони бор саховатпеша инсонларни унга ёрдам беришга чорлаган эдик.

Бугун эса Юлдуз Эргашева билан яна бир бор учрашиб, кўрсатилган ёрдамлардан сўнг уларнинг ҳаётида қандай ижобий ўзгаришлар бўлгани ҳақида суҳбатлашдик.

Агар сизга ҳам қизиқ бўлса, видеони охиригача томоша қилинг

Telegram I Facebook I YouTube I Instagram

Учтепа туманлараро судида Star-House-Organization ва Effect.uz интернет-нашри раҳбари Акмал Эшонхонов ўртасида фуқаролик иши кўриб чиқилган

Судьянинг қароридан норози бўлган сайт раҳбари Акмал Эшонхонов МЧЖ ҳуқуқшуноси Ҳ.Маҳбубов билан даҳанаки тортишув олиб борган.

Шундан сўнг икки томон ўртасида кичик низо чиққач, ушбу маъмурий иш яна Учтепа судида кўриб чиқилди. Икки томон ўзаро ярашувига кўра, суд ишни якунлашни лозим деб топди.

Effect.uz Star-House-Organization МЧЖ ҳуқуқшуноси ва раҳбариятига миннатдорлик билдиради. Ўзаро тушунмовчиликлар барҳам берилгани рост бўлсин.

Telegram I Facebook I YouTube I Instagram

Онлайн банк ва тўлов иловаларига кириш талаблари кучайтирилди

Эндиликда мобил иловада рўйхатдан ўтган фойдаланувчи аккаунтига фақат ўзига ёки яқин қариндошларига тегишли банк ҳисобварағи, пластик карта ва электрон ҳамёнларни бириктириши мумкин. P2P (картадан-картага) ўтказмалари ҳам шу аккаунт орқали амалга оширилади.

Рўйхатдан ўтишда фойдаланувчининг телефон рақами ва ЖШШИРи мослиги текширилади. Мослик аниқланмаса, иловада ҳисоб очиш ва карта бириктиришга йўл қўйилмайди.

Кредит ва тўлов ташкилотлари фойдаланувчиларни биометрик идентификациядан ўтказишда ҳаётийлик факторларини аниқлаши шарт, бунда расм орқали идентификация қилиш мумкин бўлмайди.

SMS орқали юборилган бир марталик код 3 маротаба нотўғри киритилса, фойдаланувчининг иловадаги ҳаракатлари 15 дақиқа давомида вақтинча чекланади.

Аккаунтга бошқа қурилмадан кириш ёки паролини қайта тиклашда ушбу аккаунтга боғланган барча карталар автоматик тарзда иловадан чиқарилади.

Шунингдек, қурилмада карталар бўйича молиявий операциялар тарихи ўчириб юборилади. Уларни эса биометрик идентификациядан ўтгандан кейин бириктириш мумкин бўлади.