Олис ҳудудларда нотариус лавозимига талабгорларни суҳбат асосида тайинлаш тартиби белгиланди

Адлия вазирлиги томонидан олис (чекка) ва нотариус лавозимига талаб паст бўлган нотариал округларда давлат нотариал идораси нотариуси лавозимига талабгорларни суҳбат асосида тайинлаш тартиби тўғрисидаги низом давлат рўйхатидан ўтказилди.

Низомга мувофиқ, Президентнинг 2025 йил 9 сентябрдаги ПҚ–280-сон қарори билан тасдиқланган рўйхатга киритилган нотариал округларда нотариус лавозими бўш бўлган ёки янги лавозим таъсис этилганда суҳбат ўтказилади. Суҳбат Олий малака комиссияси томонидан ўтказилиб, талабгор ҳужжатлари дастлаб ҳудудий комиссиялар томонидан кўриб чиқилади.

Суҳбат ўтказилиши ҳақида эълон “Инсон ва қонун” газетасида ҳамда Адлия вазирлигининг расмий веб-сайтида жойлаштирилади. Талабгор ҳужжатлари ҳудудий комиссия томонидан 15 кун ичида кўриб чиқилади ва талабларга мувофиқ деб топилганда Олий малака комиссиясига юборилади.

Суҳбатда талабгорларнинг касбий билимлари, амалий кўникмалари, мустақил фикрлаш ва таҳлил қилиш қобилияти баҳоланади. Рўйхатга киритилган нотариал округларда камида 3 йил фаолият юритган нотариуслар республика бўйича исталган ҳудудда хусусий амалиёт билан шуғулланиш ҳуқуқига эга бўлади.

Низом 2026 йил 1 апрелдан кучга киради.

Telegram I Facebook I YouTube I Instagram

“У ҳеч кимга керак эмас” — Трамп Макронни танқид қилди

Франция президенти Эммануэль Макрон АҚШ президенти Доналд Трамп томонидан илгари сурилаётган Тинчлик кенгашига қўшилишдан бош тортди.

Ушбу хабарни эшитган Оқ уй раҳбари франциялик ҳамкасбини очиқчасига танқид қилди:

“У шундай дедими? Биласизми, у ҳеч кимга керак эмас, чунки яқин орада у ўз лавозимини тарк этади”, — деди АҚШ президенти.

Трамп таклиф этаётган Тинчлик кенгашининг асосий мақсади — узоқ муддатли тинчлик, барқарорлик ва хавфсизликни шакллантириш учун масъулиятни ўз зиммасига олишга тайёр бўлган давлатларни бирлаштиришга қаратилган янги халқаро тузилма.

Telegram I Facebook I YouTube I Instagram

“Етарлича заҳира бор” — “Ўзбекнефтгаз” бензин ҳажмини оширади

“Ўзбекнефтгаз” АЖ биржа савдоларига чиқарилаётган кунлик автобензин ҳажмини талабга қараб етарли даражада оширади

Совуқ ҳаво оқими натижасида “метан заправкалар” фаолиятига киритилаётган қисқа муддатли чеклов муносабати билан биржа савдоларига чиқарилаётган автобензин ҳажми оширилади. Бу ҳақда “Ўзбекнефтгаз” АЖ ахборот хизмати хабар бермоқда.

Қайд этилишича, истеъмолчиларнинг автобензинга бўлган талабини тўлиқ қондириш масаласи давлат назоратига олиниб, барча зарурий чоралар кўрилган.

Шу ўринда “Ўзбекнефтгаз” АЖ хусусий автозаправкалар эгаларидан нархларни сунъий равишда оширмасликларини, автобензинни сифат ва миқдор жиҳатидан тўғри сотишларини сўради.

“Назорат тадбирлари кучайтирилиб, нархларнинг асоссиз равишда ошириб юборилишига йўл қўйилмайди”, - дейилади хабарда.

Telegram I Facebook I YouTube I Instagram

Ўзбекистон ва Қозоғистон ўзининг ядро қуролига эга бўлиши керак — Шерзодхон Қудратхўжа

ЎзЖОКУ ректори Шерзодхон Қудратхўжа Ўзбекистон ва Қозоғистон ҳам ўз ядро қуролига эга бўлиши лозимлигини таъкидлади.

“Агар бу кетиш бўладиган бўлса, Ўзбекистон, Қозоғистонга ўхшаган кучли давлатлар ўзида ядровий кичкина бомбачани қилишга ҳаракат қилади. Нимага Исроилда бор? Нега Эронда ва энди бор, дейишади? Нимага Ўзбекистонда бўлмаслиги керак?

Мен ўйлайман, агарда Ўзбекистон жуда хоҳласа, Ўзбекистонда биз нима қилишимиз керак? Фундаментал фанни ривожлантиришимиз керак, илмни, ёшларимиз билимли, илмли бўлиши керак.

Биз нафақат атом энергетикаси, мен ўйлайманки, агар бу кетиш бизга шунақа таҳдидчалар бўладиган бўлса, Ўзбекистонда ҳам битта-иккита ўзининг мана шунақа қизил кнопкали ядро кнопкачаси бўлишига олиб келади. Буни Ўзбекистон иқтисодиёти кўтаради”, дейди Қудратхўжа.

Telegram I Facebook I YouTube I Instagram

Тошкент вилояти туристик-рекреацион зоналарни бошқариш дирекциясига янги директор тайинланди

Тошкент вилояти ҳокимининг тегишли қарори билан Равшан Холматов Тошкент вилояти туристик-рекреацион зоналарни бошқариш дирекцияси директори лавозимига тайинланди. Бу ҳақда ҳокимлик матбуот хизмати хабар бермоқда.

Тайинловга қадар у “Limon business mir” МЧЖ директори лавозимида ишлаб келаётган эди.
Холматов 2009 йил Тошкент давлат иқтисодиёт университетини, 2012 йил Банк-молия академиясини тамомлаган. Мутахассислиги банк иши.

Telegram I Facebook I YouTube I Instagram

“Уруш бўлади” — Дания парламенти АҚШни огоҳлантирди

Дания парламенти мудофаа қўмитаси раҳбари Расмус Ярлов АҚШ Гренландияни куч билан эгаллашга уринадиган бўлса, Копенгаген бунга ҳарбий йўл билан жавоб беришини маълум қилди.

“Албатта, биз Гренландияни ҳимоя қиламиз. Агар америкалик ҳарбийлар томонидан босқин бўлса, уруш бўлади”, — деди у CNN телеканалига берган интервьюсида.

Парламент аъзосининг таъкидлашича, Копенгаген АҚШнинг ҳарбий жиҳатдан устун эканини яхши англайди.

Бироқ, шунга қарамасдан, Гренландияни эгаллашга қаратилган ҳар қандай уриниш АҚШ учун ҳам оғир оқибатларга олиб келади.

Telegram I Facebook I YouTube I Instagram

Биринчи қаватдан ер тўлага йўл очган фуқаро жаримага тортилди

Биринчи қаватдан ер тўлага ўзбошимчалик билан йўл очган ҳуқуқбузарнинг ҳаракатлари тўхтатилди. Бу ҳақда назорат қилиш инспекциясим матбуот хизмати хабар бермоқда.

Маълум қилинишича, Шайхонтоҳур тумани, "Қоратош" мавзесида Қурилиш ва уй-жой коммунал хўжалиги соҳасида назорат қилиш инспекцияси ходимлари томонидан назорат тадбирлари бўлиб ўтди.

Ўрганишлар жараёнида фуқаро томонидан кўп қаватли уйнинг биринчи қаватидан ер тўла томон темир-бетон плиталарни тешиш орқали ўзбошимчалик билан йўл очилиб, зина қурилган.

Бундай ҳаракатлар бинога ортиқча хавф туғдириб, унинг сейсмик барқарорлигига жиддий шикаст етказади

Аниқланган ҳолат юзасидан фуқарога Маъмурий жавобгарлик тўғрисидаги кодекснинг 159-моддаси тегишли қисмларига асосан 50 баробар миқдорида жарима жазоси қўлланилган.

Шунингдек, ҳолатни аввалги ҳолатига келтириш бўйича бажарилиши шарт бўлган ёзма кўрсатмалар берилган.

Telegram I Facebook I YouTube I Instagram

Испанияда поезд ҳалокати сабаб уч кунлик мотам эълон қилинди

Андалусияда юз берган поезд ҳалокати ортидан Испанияда уч кунлик расмий мотам эълон қилинди.

Telegram I Facebook I YouTube I Instagram

“Namangan to‘qimachi cluster” жаримага тортилди

Рақобат қўмитаси Наманган вилояти ҳудудий бошқармаси томонидан мониторинг текширув ўтказилди.

👉 effect.uz/6764

Telegram I Facebook I YouTube I Instagram

Болгария президенти истеъфога чиқди

Болгария президенти Румен Радев сешанба куни мамлакат Конституция судига истеъфо тўғрисида ариза тақдим этди. Бу ҳақда Болгария миллий телевидениеси (БНТ) хабар берди.

Маълум қилинишича, Радевнинг қарори Болгария Халқ мажлисига бўладиган навбатдан ташқари парламент сайловларида иштирок этиш имконини беради.

Президент ваколатлари вақтинча вице-президент Илиана Йотовага ўтади. Радевнинг истеъфоси тасдиқлангач, Илиана Йотова Миллий мажлис олдида президент сифатида қасамёд қилади.

Шундан сўнг у вақтинчалик ҳукуматни шакллантириш ва навбатдан ташқари парламент сайловларини тайинлаш жараёнларини давом эттиради.

Қайд этилишича, Болгариянинг замонавий тарихида бундай ҳолат фақат бир марта — 1993 йилда, вице-президент Блага Димитрованинг истеъфоси пайтида кузатилган.

Telegram I Facebook I YouTube I Instagram

Ўзбекистон Хитойга 773 миллион долларлик газ экспорт қилди

Ўзбекистон Хитойга табиий газ етказиб берувчи асосий давлатлар қаторида қолди.

Хитой божхона статистикасининг маълум қилишича, Ўзбекистон 2025 йил Хитойга 773 миллион долларлик газ экспорт қилган.

Хитой бозорида энергия ресурсларини етказиб бериш бўйича Россия ҳали ҳам етакчи (9,41 миллиард доллар). Рўйхатда иккинчи ўринда бораётган Туркманистон эса газ сотишдан 8,41 миллиард доллар даромад олган.

Мьянма 1,53 миллиард долларлик кўрсаткич билан учинчи поғонани эгаллаган бўлса, бовурларимиз Қозоғистон 1,13 миллиард долларлик ёқилғи сотиш билан тўртинчи ўринни банд этган.

Ўзбекистон эса кучли бешликни якунлаб берди.

Telegram I Facebook I YouTube I Instagram

⚡️Қизил паспортни my.gov.uz портали орқали расмийлаштириш қайта ишга тушурилди

My.gov.uz портали орқали Хорижга чиқиш паспортини расмийлаштириш қайта ишга тушурилди.

Маълум қилинишича, эндиликда паспортни My.gov.uz портали орқали расмийлаштирганда 10 фоиз чегирма қўлланилади.

Тўлов миқдори:

ДХМ ёки “паспорт стол” орқали — 412 000 сўм

My.gov.uz орқали — 370 800 сўм (0,9 БҲМ)

Онлайн хизмат жуда осон ва қулай: хизматни танлайсиз, сўровномани тўлдирасиз, тўловни амалга оширасиз, бармоқ изи ва сурат учун ўзингизга қулай ДХМ ёки миграция бўлимига бориб келасиз.

Маълумот ўрнида, Henley&Partners томонидан эълон қилинган 2026 йилги жаҳон паспортлари рейтингига кўра, Ўзбекистон паспорти 75 ўринни эгаллади.

Telegram I Facebook I YouTube I Instagram

Цемент заводидаги ўлим. “Toshbuloq invest group” марҳум оиласига 500 млн сўм тўлаб берди

“Toshbuloq invest group” МЧЖ ходими Бахром Хошимов билан содир бўлган ва унинг ўлими билан тугаган бахтсиз ҳодиса юзасидан Давлат меҳнат инспекцияси томонидан жорий йилнинг 8-16 январь кунлари қайта текширув ўтказилди.

Текширув натижаларига кўра бахтсиз ҳодиса сабаблари қайта расмийлаштирилган.

Меҳнатни муҳофаза қилиш бўйича тегишли қонунчилик талабларини бажармасдан ушбу бахтсиз ҳодиса сабабларни келиб чиқишига йўл қўйган мансабдор шахсларга нисбатан расмийлаштирилган текширув материаллари ҳуқуқни муҳофаза қилиш органларига юборилган.

Шунингдек, “Toshbuloq invest group” МЧЖ томонидан марҳум Хошимов Бахром Баходир ўғлининг оила аъзоларига (ота-онаси, акаси ва укасига) 500 миллион сўм миқдордаги зарар пуллари тўлаб берилди.

Фото: Kun.uz

Telegram I Facebook I YouTube I Instagram

Одамларни 5 млрд сўмга “ухлатган” “Ёлғиз бўри” 5 йилга кесилди

Telegram тармоғида “Ёлғиз бўри” номи билан танилган шахсга нисбатан суд ҳукми ўқилди.

Маълум бўлишича, Қашқадарё вилояти Ғузор туманида туғилган, 26 ёшли Қиличбой Аббосов Telegram’даги “Ёлғиз бўри” аккаунти орқали фирибгарлик фаолияти билан шуғулланган.

У автомобиллар савдосига оид гуруҳларда ўзига тегишли бўлмаган қимматбаҳо автомашиналарни, жумладан BYD ва Prado русумли транспорт воситаларини жойлаштириб, уларни бозор қийматидан анча паст нархда таклиф қилган.

Айни усул орқали у харидорларни ишонтириб, бошланғич тўлов сифатида минглаб доллар маблағларни қабул қилган.

Шундан сўнг эса барча алоқа каналларини ўчириб, ғойиб бўлган.

Суддаги кўрсатмаларга кўра, Аббосов ишончни кучайтириш мақсадида автомобилларнинг техник ҳолати, ишлаб чиқарилган йили, юриш масофаси ҳамда суратларини турли интернет манбаларидан жамлаб, видеоматериаллар тайёрлаган. Пул маблағлари эса унинг номи билан расмийлаштирилмаган виртуал банк карталари орқали қабул қилинган.

Текширувлар давомида мазкур карталар Face ID технологияси ёрдамида бошқа шахсларга тегишли паспорт маълумотлари асосида очилгани аниқланган.

Тушган пуллар эса кейинчалик турли тўлов платформалари ва танишларига тегишли карталар орқали нақдлаштирилган.

Суд қарорiga биноан, Қиличбой Аббосов Жиноят кодексининг 168-моддаси учинчи қисми “б” ва “г” бандлари билан айбли деб топилиб, 5 йил 1 ой муддатга озодликдан маҳрум этилди.

Telegram I Facebook I YouTube I Instagram