Чиқинди қутилари қаерларда ва ким томонидан ўрнатилиши керак?

Республика ҳудудларида тозаликни таъминлаш, чиқиндиларни тартибли жойлаштириш ва йиғиш мақсадида махсус чиқинди қутиларини ўрнатиш бўйича аниқ меъёрлар белгиланган.


Ҳар бир ҳудуд турига қараб масофалар ва масъул ташкилотлар белгиланади.
Чиқинди қутилари тўлиш даражасига қараб мунтазам равишда,
лекин суткасига камида бир марта бўшатилиши ва тозаланиши шарт.


Telegram I Facebook I YouTube I Instagram

Ўзбекистонда савдо хизматлари ҳажми 158 трлн сўмдан ошди

Миллий статистика қўмитаси маълумотларига кўра, Ўзбекистонда 2025 йилнинг январь-ноябрь ойларида савдо хизматлари ҳажми 4,6 трлн сўмни ташкил этган.

Бу кўрсаткич 2024 йилнинг мос даврига нисбатан 13,3 фоизга ошган.

Ҳудудлар кесимида савдо хизматлари ҳажми:

Қорақалпоғистон Республикаси — 5,1 трлн сўм;

Андижон вилояти — 8,9 трлн сўм;

Бухоро вилояти — 8 трлн сўм;

Жиззах вилояти — 5 трлн сўм;

Қашқадарё вилояти — 8,6 трлн сўм;

Навоий вилояти — 4,4 трлн сўм;

Наманган вилояти — 9 трлн сўм;

Самарқанд вилояти — 11,1 трлн сўм;

Сурхондарё вилояти — 7,8 трлн сўм;

Сирдарё вилояти — 2,1 трлн сўм;

Тошкент вилояти — 14,4 трлн сўм;

Фарғона вилояти — 12 трлн сўм;

Хоразм вилояти — 4,4 трлн сўм;

Тошкент шаҳри — 58 трлн сўм.

Telegram I Facebook I YouTube I Instagram

Дори-дармон экспортида тўсиқлар: тадбиркор элчилар ёрдамини таклиф қилди

«Rompharm NS» МЧЖ таъсисчиси Насиров Мурод Рашодовичнинг таъкидлашича, ҳар бир давлатда фармацевтика маҳсулотлари сифатини назорат қилишнинг GDP, GMP, GXP каби алоҳида тизимлари мавжуд. Шу боис, тадбиркорлар хорижий давлатларга дори-дармон экспорт қилишда зарур рухсатномалар ва сертификатларни расмийлаштириш жараёнида қатор қийинчиликларга дуч келмоқда.

Тадбиркорлар хорижий давлатларнинг тегишли вазирлик ва идоралари томонидан сертификатларга қўйиладиган талаблар ҳақида тўғридан-тўғри ишончли маълумот олиш имкониятига эга эмас.

Насировнинг фикрича, агар элчихоналар ва консулликлар хорижий мамлакатлардаги фармацевтика талаблари ҳамда дори-дармон нархлари бўйича маълумот тақдим этишда амалий ёрдам кўрсатса, бу дори-дармон экспорти ҳажмини оширишга катта туртки бўлади.

Telegram I Facebook I YouTube I Instagram

Экологик инқилоб: Тошкентдаги зарарли корхоналар шаҳар ташқарисига кўчирилмоқда

Президент Шавкат Мирзиёевнинг «Ўзбекистон-2030» стратегиясига биноан, экологик хавфли ва энергия сарфи юқори бўлган саноат корхоналари шаҳар ташқарисига кўчирилмоқда.

📍 Масалан, Тошкентнинг Янгиҳаёт туманидаги «Ўзвторсветмет» АЖ корхонаси Жиззах вилоятидаги саноат зонасига кўчирилади. Эскирган печлар утилизация қилинади, ишлаб чиқариш эса замонавий экологик стандартларга мос ускуналарда давом эттирилади.

💨 Натижада йилига 226,7 тонна зарарли модда ҳаво атмосферасига чиқиши камаяди, бу Тошкент ҳаво сифатининг сезиларли яхшиланишига ёрдам беради.

✅ Мақсад: саноатни модернизация қилиш, экологик зарарларни камайтириш ва яшил иқтисодиётга ўтиш.

Telegram I Facebook I YouTube I Instagram

“Ҳаммаси тугади” — Дугин Ўзбекистон ҳақида кескин гапирди

“Рус дунёси” концепциясининг асосий мафкурачиларидан бири саналган Александр Дугин Ўзбекистон ва собиқ СССР таркибида бўлган бошқа республикаларнинг суверенитетга бўлган ҳуқуқини очиқчасига шубҳа остига олди.

“Ҳаммаси тугади. Суверенитет якунланди. Миллий давлатлар ўтмишда қолди. Бу — ахлат”, — деди Дугин.

Қайд этиш керак, Александр Дугин Россияда бир қатор сиёсий тузилмаларга раҳбарлик қилиб келган, шунингдек, “рус дунёси” мафкурасининг етакчи назариячиларидан бири сифатида танилган.

Эслатиб ўтамиз, аввалроқ рус пропагандисти Владимир Соловьев Россияни Марказий Осиё давлатларига қарши уруш бошлашга чақирганди.

Telegram I Facebook I YouTube I Instagram

Навоий вилоятида маҳаллалар ҳаётида замонавийлашув ва янгиланишлар сезиляпти

Навоий вилоятида бир қатор маҳаллаларда бунёдкорлик ишлари натижасида аҳоли яшаш шароитлари сезиларли даражада яхшиланмоқда.

🔹 Конимех тумани «Зафаробод» маҳалласида 2025 йилда бошланган қурилиш ва янгилаш ишлари натижасида 7020 нафар аҳоли кундалик ҳаётида қулайликлар ҳис қилмоқда. Маҳалла нафақат замонавий кўриниш касб этиб, балки аҳоли учун янгиланган шароитлар яратилмоқда.

🔹 Бугун маҳалладаги 1790 та хонадоннинг ҳеч бири қизил тоифага кирмайди, бу эса амалга оширилган ишлар самарадорлигидан далолат беради. Шунингдек, даромади паст оилаларнинг даромадини оширишга ҳам алоҳида эътибор қаратилган.

🔹 Шу тариқа, режали ишлар бирлаштирилган ҳолда маҳалла ҳаётини яхшилаш ва аҳоли учун қулайликлар яратишга хизмат қилмоқда.

Telegram I Facebook I YouTube I Instagram

Нон чиқиндига ташланаётган дунёда — очликдан ўлаётган инсоният

Бугун дунёда бир вақтнинг ўзида икки манзара мавжуд. Бир жойда инсонлар бир бурда нон учун навбат кутаётган бўлса, бошқа жойда ўша нон чиқинди қутисига ташланмоқда.

👉 effect.uz/6761

Telegram I Facebook I YouTube I Instagram

"Ухлатилган миллионлар" Сарсон одамлар!

Аслида бу масала битта уй ёки бир шахс атрофидаги баҳс эмас.

Агар ҳеч қандай ҳужжатга эга бўлмаган шахс айрим мансабдорлар кўмаги билан қонунга асосланган, пули тўланган ва калити берилган уйларни тортиб олаётган бўлса — бу бутун жамият учун хавфли сигналдир. Бу ҳолат мулк дахлсизлигига путур етказади, фуқароларнинг давлат ва қонунга бўлган ишончини синаб қўяди.

Бу можарода ҳам қурилишчи, ҳам оддий фуқаролар жабрланувчи. Асосий муаммо эса — ҳуқуқ устуворлиги эмас, шахсий манфаатлар устун қўйилаётганида.

Масала очиқ қолмаслиги, қонун ҳақиқатан ким томонида экани аниқ кўрсатилиши шарт.

👉 Тўлиқ видео

Telegram I Facebook I YouTube I Instagram

⚡️Ерда кучли магнит бўронлари кузатилиши мумкин

Сешанба куни Қуёшда юз берган кучли чақнаш оқибатида Ерда G3–G4 даражадаги магнит бўронлари кузатилиши мумкин. Бу ҳақда ИКИ РАН қошидаги Қуёш астрономияси лабораторияси ўзининг Telegram-каналида маълум қилди.

“Дастлабки ҳисоб-китобларга кўра, бўрон сешанба куни Ерга етиб келади.

Кутилаётган магнит бўронлари даражаси — G3/G4. Қутб ёруғликлари зонасининг қуйи чегараси 50 градус кенгликкача тушиши мумкин”, — дейилади хабарда.

Лаборатория сайтидаги таснифга мувофиқ, G3 — кучли магнит бўрони, G4 эса жуда кучли магнит бўрони ҳисобланади.

Олимлар, шунингдек, Қуёшда содир бўлган Х-синфли чақнашнинг тўлиқроқ видеосини ҳам эълон қилган.

Тавсифга кўра, тасвирдаги горизонтал ўлчам 450 минг километрни ташкил этган бўлиб, бу Ер диаметридан 35 баробар катта.

Аввалроқ, Лаборатория 2026 йилда Қуёшда илк бор энг юқори — Х синфга мансуб чақнаш кузатилганини хабар қилган эди.

Telegram I Facebook I YouTube I Instagram

“Қирол Шер” мультфильми режиссёри оламдан ўтди

“Қирол Шер” (“The Lion King”) мультфильмининг режиссёрларидан бири Рожер Аллерс 76 ёшида вафот этди. Бу ҳақда режиссёр Дэйв Боссерт хабар берди.

“Рожер беқиёс истеъдодли рассом ва режиссёр эди, у Disney анимацияси ренессансининг ҳақиқий устунларидан бири эди”, — деди Боссерт.

Фаолияти давомида Рожер Аллерс Disney студиясининг бир қатор машҳур анимацион лойиҳалари устида ҳам ишлаган.

Улар орасида “Оловуддинг саргузаштлари”, “Императорнинг саргузаштлари” ва “Ов мавсуми” мультфильмлари бор.

Telegram I Facebook I YouTube I Instagram

Бугун қандай об-ҳаво кузатилади?

“Узгидромет” бугун, 19 январь куни мамлакат бўйлаб кузатиладиган об-ҳаво тўғрисида маълумот берди.

Унга кўра, бугун кундузи ёғингарчилик кутилмайди, фақат Навоий вилоятида, эрталаб Қорақалпоғистон Республикаси, Хоразм вилоятида, кечқурун Тошкент вилояти ва Фарғона водийси вилоятларида баъзи жойларда бироз қор ёғиши мумкин.

Баъзи жойларга туман тушади. Шамол 7-12 м/с тезликда эсади. Ҳарорат 2-7° илиқ бўлади.

Пойтахтда ёғингарчилик кутилмайди. Шамол 3-8 м/с тезликда эсади. Ҳарорат 3-5° илиқ бўлади.

Тоғли ҳудудларда баъзи жойларда қор ёғади, туман тушади. Қор кўчиши хавфи бор. Йўлларда баъзи жойларда яхмалак кузатилади. Шамол 7-12 м/с тезликда эсади. Ҳарорат 0-5° совуқ бўлади.

Telegram I Facebook I YouTube I Instagram

Қишки “перевод” учун аризалар қабули давом этмоқда

Вазирлар Маҳкамасининг 578-сон қарори билан тасдиқланган низомга мувофиқ, баҳорги семестр учун ОТМ талабалари ўқишини кўчириш (қайта тиклаш) бўйича аризаларни қабул қилиш муддатига ўзгартириш киритилган.

Энди ариза топшириш муддати ҳар йили 10 январдан 20 январгача (20 январь куни ҳам) давом этади.

2 та узрли сабабга кўра республикадаги бир ОТМдан иккинчисига ўқишни кўчириш ёки ўқишни тиклаш бўйича аризалар transfer.edu.uz сайти ёки ягона интерактив давлат хизматлари портали — my.gov.uz орқали онлайн қабул қилинади.

Талаб этиладиган ҳужжатлар:

➖академик маълумотнома ёки транскрипт нусхаси;
➖ўқишни кўчириш сабабларини тасдиқловчи ҳужжатлар.

Муҳим эслатмалар:

▪️ Баҳорги семестр олдидан бир ОТМдан бошқасига “ўқишни кўчириб тиклаш” бўйича аризалар қабул қилинмайди;

▪️ Ариза топшириш жараёнида киритилаётган маълумотлар ва юкланадиган ҳужжатларни юборишдан олдин диққат билан текшириб чиқиш сўралади. Сабаби ариза юборилгандан сўнг уни таҳрирлаш имкони мавжуд эмас.

Аризалар белгиланган тартибда ОТМлар, тегишли вазирлик ва идоралар томонидан 21 январдан 10 февралгача кўриб чиқилади ва натижаси юзасидан талабгорларга маълум қилинади.

Ўқишни кўчиришга асос бўлувчи 2 та узрли сабаб мавжуд.

Булар:

▪️ талаба оила қуриши муносабати билан турмуш ўртоғи доимий яшайдиган ҳудуддаги олий таълим муассасасига ўқишини кўчириш истагидагиларга;

▪️ давлат органларининг ходимлари иш жойи ўзгарган тақдирда унинг турмуш ўртоғи ёки вояга етмаган фарзанди ўқишини кўчирмоқчи бўлганларга (тегишли вазирлик (идора) раҳбарининг тавсияси асосида).

Telegram I Facebook I YouTube I Instagram

“Open budget”да янгилик. Энди ғолиб бўлмаган лойиҳалар ҳам молиялаштирилади

“Ташаббусли бюджет жараёнларини такомиллаштириш доирасида халқ вакиллари ва сайловчилар ўртасида ҳамкорликни кучайтириш чора-тадбирлари тўғрисида”ги Президент қарори қабул қилинди.

Қарорга кўра, Қонунчилик палатасида ташаббусли бюджет жараёнларини мувофиқлаштириш, лойиҳаларнинг амалга оширилиши устидан парламент назоратини олиб бориш учун 11 нафар депутатдан иборат парламент комиссияси ташкил этилади.

2026 йил 1 январдан депутатлар ҳар йили ташаббусли бюджет жараёнларида тегишли сайлов округларида ғолиб бўлмаган лойиҳалар орасидан аҳолининг кундалик ҳаёти ва ҳудудни ривожлантиришга таъсир қиладиган 2 та лойиҳани (ҳар мавсумда 1 тадан) “Очиқ бюджет” ахборот порталида танлайди.

Мазкур танлов лойиҳани республика бюджетидан молиялаштириш учун асос ҳисобланади.

Шунингдек, мазкур жараёнларда ғолиб бўлмаган лойиҳаларни молиялаштириш учун ҳар бир депутатга 1 йилда 2 мавсумга БҲМнинг 8 минг баравари миқдорида маблағ ҳар йилги республика бюджетида назарда тутилади.

2026 йил 1 февралдан ташаббусли бюджет жараёнларида ижтимоий аҳамиятга эга лойиҳаларни аҳоли ва давлат ўртасида шериклик асосида молиялаштириш амалиёти жорий этилади.

Ташаббускор аҳоли томонидан лойиҳалар қийматининг 50 фоизи ихтиёрий равишда молиялаштирилганда лойиҳалар ғолиб деб топилади ва қолган 50 фоизи республика бюджетидан молиялаштирилади.

Telegram I Facebook I YouTube I Instagram

“Tash Building”, “Ko'prikqurilish” ва“Azia Invest Favorit” — Солиқ қарзлари юқори бўлган қурилиш компаниялари рўйхати очиқланди

2026 йил 1 январь ҳолатига солиқ қарзи 100 млн сўмдан юқори бўлган қурилиш корхоналари 1 243 тага етди, уларнинг жами қарзи 1,3 трлн сўмни ташкил қилмоқда, дея хабар бермоқда Солиқ қўмитаси.

Қайд этилишича, 1,3 трлн сўмдан, 522,5 млрд сўми, яъни 38,7 фоизи солиқ қарзи энг йирик бўлган 10 та корхона ҳисобига тўғри келади.

Қурилиш соҳасида солиқ қарзи энг юқори бўлган корхоналар рўйхатида “Tash Building” МЧЖ 107 млрд сўм қарз билан биринчи ўринни эгаллади.

Ундан кейин “Ko'prikqurilish” АЖ (81,9 млрд сўм) ва “Azia Invest Favorit” МЧЖ (73,7 млрд сўм) турибди.

Рўйхатнинг кейинги ўринларида “Avtosanoat-injiniring” МЧЖ (63,4 млрд сўм), “Ta'mirlash qurish servis” МЧЖ (50,4 млрд сўм) ва “Yorqin sadaf fasli” МЧЖ (40,8 млрд сўм) жой олган.

Шунингдек, “DM AJ BK NATEK”, “Agro Asia Trade Servis”, “Grand Road Tashkent” ва “Obod-dastur-qurilish” корхоналари ҳам энг йирик қарздорлар қаторига кирган.

Ҳудудлар кесимида корхоналарнинг солиқ қарздорлиги кўрсаткичлари

ТОП-3:

📍Тошкент шаҳри – 492,2 млрд сўм;
📍Тошкент вилояти – 125,9 млрд сўм;
📍Андижон вилояти – 124,6 млрд сўм.

Telegram I Facebook I YouTube I Instagram

Ўзбекистонликлар учун АҚШ визасини соддалаштириш бўйича музокаралар бошланган — Фурқат Сиддиқов

Ўзбекистоннинг АҚШдаги элчиси айни пайтда, шунингдек, Бразилия, Канада ва бошқа давлатлар билан ҳам виза тартибини енгиллаштириш бўйича иш олиб борилаётганини маълум қилди.

“АҚШга визасиз киришга эришиш узоқ вақт талаб этадиган жараён. Лекин бу бўйича музокаралар олиб боряпмиз.

Албатта, қанақа виза режимини жорий этиш, қандай шартлар қўйиш Америка ҳукуматининг ички сиёсатига боғлиқ.

Ҳозирда нафақат АҚШга, балки Бразилия, Канада ва бошқа давлатларга ҳам аҳолимиз визасиз боришини таъминлаш борасида мунтазам музокаралар кетмоқда”, – деди у.

Маълумот учун, январь ойи якунидан Ўзбекистонда АҚШ фуқаролари учун 30 кунгача бўлган визасиз режим жорий этилади.

Telegram I Facebook I YouTube I Instagram

Испанияда тезюрар поездлар тўқнашуви оқибатида 24 киши ҳалок бўлди

Испанияда икки тезюрар поезд тўқнашуви оқибатида ҳалок бўлганлар сони 24 нафарга етди. Бу ҳақда RTVE телеканали хабар берди.

“Камида 24 киши ҳалок бўлган, яна 73 киши жароҳат олган, улар орасида тўрт нафар вояга етмаган бор”, — дейилади хабарда.

RTVE телеканалининг маълум қилишича, ҳалокат 18 январь куни маҳаллий вақт билан соат 19:40 да (Тошкент вақти билан 23:40) Испаниянинг Кордова провинциясидаги Адамус аҳоли пункти яқинида содир бўлган.

“Малага — Мадрид” йўналиши бўйлаб ҳаракатланган ва 317 нафар йўловчини ташиётган поезд рельсдан чиқиб кетиб, қўшни йўлга ўтиб кетган.

У ерда эса “Мадрид — Уэльва” йўналиши бўйича ҳаракатланаётган бошқа поезд бўлган.
Ҳодиса жойида ҳозирда ҳам фавқулодда хизматлар иш олиб бормоқда.

Telegram I Facebook I YouTube I Instagram

Андижонда ноқонуний “майнинг ферма” очганлар қўлга олинди

Андижон вилоятида ноқонуний “майнинг ферма” ташкил этиб 438,7 млн сўмлик электр энергиясини ўғирлаган шахслар аниқланди.

Бош прокуратура ҳузуридаги Департаментнинг Андижон вилояти бошқармаси ва бошқа ҳуқуқни муҳофаза қилувчи орган ходимлари ҳамкорлигида тезкор тадбир ўтказилган.

Маълум қилинишича, фуқаро Ф.С. ва бошқалар ўзаро тил бириктириб, тижорат мақсадида Андижон шаҳри “Пистамозор” МФЙ ҳудудидаги хонадонида яширин равишда 5 та тўпламдаги майнинг крипто-активлари қурилмасини умумий фойдаланишдаги электр тармоғига ўзбошимчалик билан улаб, жами 438,7 млн сўмлик электр энергиясидан ноқонуний фойдаланган.

Мазкур ҳолат юзасидан Жиноят кодексининг 169-моддаси (ўғрилик) ва 278-9-моддаси (майнинг фаолиятини қонунга хилоф равишда амалга ошириш) билан жиноят иши қўзғатилиб, тергов ҳаракатлари ўтказилмоқда.

Telegram I Facebook I YouTube I Instagram

Ўзбекистон лимон экспортини 25 фоизга оширди

Миллий статистика қўмитаси маълумотларига кўра, Ўзбекистон 2025 йилнинг январь-ноябрь ойларида 11 та хорижий давлатга қиймати 5,4 млн АҚШ долларига тенг бўлган 3,8 минг тонна лимон экспорт қилган.

Экспорт ҳажми ўтган йилнинг мос даврига нисбатан 764 тоннага ёки 25 фоизга ошган.

Мазкур даврда Ўзбекистон энг кўп лимон етказиб берган давлатлар:

Қозоғистон – 1 827 тонна;

Россия – 1 740 тонна;

Қирғиз Р. – 236,5 тонна;

Беларусь – 4,7 тонна;

БАА – 3,8 тонна;

Бошқа давлатлар – 3,9 тонна.

Telegram I Facebook I YouTube I Instagram