Ўзбекистон дунёдаги энг арзон яшаш мамлакатлари қаторига кирди

Ўзбекистон Numbeo платформасининг энг сўнгги рейтингида 155 та мамлакат орасида 138 ўринни эгаллади. Рейтингда пастроқ позиция яшаш нархининг арзонлигини билдиради.

Таққослаш учун Нью-Йоркдаги нархлар даражаси 100 балл деб қабул қилинди. Шу билан, Ўзбекистонда яшаш харажатлари жаҳон миқёсида сезиларли даражада арзон эканлиги кўриняпти.

Бу натижа мамлакатда кундалик турмуш харажатлари ва озиқ-овқат, транспорт ҳамда бошқа хизматлар нархлари бошқа кўплаб давлатларга нисбатан қулай эканлигини кўрсатади.

Telegram I Facebook I YouTube I Instagram

Ўзбекистон фуқаролари ойлиги ўртача 5000 доллар бўлган давлатларга ишга юборилади

Ўзбекистон 2030 йилгача Нордик давлатлари — Швеция, Дания ва Норвегияга 50 минг нафар фуқарони ишга жойлаштиришни режалаштирмоқда.

2026 йилда — 5 минг нафар;
2027 йилдан бошлаб — ҳар йили камида 10 минг нафар.

Фуқаролар юқори маошли ва барқарор иш ўринларига йўналтирилади.

Telegram I Facebook I YouTube I Instagram

Мактаб директорини ноқонуний ишдан бўшатган мансабдорга чора кўрилди

Фарғона вилояти Бувайда  37 мактаб директори Ҳасанбой Нишонов меҳнат қонунчилигига зид равишда ишдан бўшатилгани аниқланди.

Текширув натижасида вилоят Мактабгача ва мактаб таълими бошқармаси бошлиғи маъмурий жавобгарликка тортилди.

Маълум бўлишича, ўқитувчиларни дам олиш куни навбатчиликка жалб этиш топшириғи вазирлик томонидан берилган. Директор лавозимига қайта тикланди.

Telegram I Facebook I YouTube I Instagram

⚡️Сангинов “Қарши нефть базаси” МЧЖ директорини ишдан олди

“Ўзбекнефтгаз” АЖ Бошқарув раиси Абдуғани Сангинов бошчилигидаги ишчи гуруҳ “Қарши нефть базаси” ўрганиш ишларини олиб борди. Бу ҳақда АЖ ахборот хизмати хабар бермоқда.

Ўрганишлар давомида нефть базанинг бугунги ҳолати қониқарсиз экани аниқланган.

Хусусан, нефть маҳсулотларини реализация қилишда самарали ва шаффоф тизим йўлга қўйилмагани, корхона раҳбарияти томонидан бошқарув ва ички назорат механизмлари етарли даражада таъминланмагани сабабли қатор камчиликларга йўл қўйилган.

Аниқланган камчиликлар натижасида нефть база 2025 йилни молиявий зарар билан якунлаган.

Таҳлилларга кўра, корхонада хўжалик фаолияти тўғри ташкил этилмаган, харажатлар топилган даромадларга мутаносиб равишда оптималлаштирилмаган.

Бу эса, нефть базанинг молиявий ҳолати йил сайин оғирлашиб боришига олиб келган.

Шунингдек, “Қарши нефть базаси”да нефть маҳсулотлари зичлигини (уделный вес) нотўғри қўллаш оқибатида истеъмолчилар манфаатларига зарар етказилган.

Йўл қўйган тизимли камчиликлар ва бошқарувдаги хатоликлар сабаб Сангинов “Қарши нефть базаси” МЧЖ директори эгаллаб турган лавозимидан озод этилди.

Telegram I Facebook I YouTube I Instagram

Самарқандда тадбиркор 185 миллион сўмга яқин электрни ўғирлагани фош этилди

Самарқанд вилоятида электр энергиясидан ноқонуний фойдаланган МЧЖ фош этилди. Бу ҳақда “Ўзэнергоинспекция” хабар бермоқда.

Маълум қилинишича, Ўзенергоинспекция Самарқанд вилоят ҳудудий бошқармаси томонидан назорат тадбири ўтказилган.
Тезкор тадбирда Самарқанд туманида “Р. Ф.” МЧЖга қарашли бинонинг электр қурилмалари ҳисоблагичдан ташқари тармоққа уланиб, электр энергиясидан ноқонуний фойдаланиб келаётганлиги аниқланган.

Электр таъминоти корхонасининг дастлабки ҳисоб-китобларига кўра, 184,5 миллион сўмлик зарар етказилган.

Ҳозирда ҳуқуқни муҳофаза қилиш органлари томонидан терговга қадар текширув ишлари олиб борилмоқда.

Telegram I Facebook I YouTube I Instagram

Чиқинди қутилари қаерларда ва ким томонидан ўрнатилиши керак?

Республика ҳудудларида тозаликни таъминлаш, чиқиндиларни тартибли жойлаштириш ва йиғиш мақсадида махсус чиқинди қутиларини ўрнатиш бўйича аниқ меъёрлар белгиланган.


Ҳар бир ҳудуд турига қараб масофалар ва масъул ташкилотлар белгиланади.
Чиқинди қутилари тўлиш даражасига қараб мунтазам равишда,
лекин суткасига камида бир марта бўшатилиши ва тозаланиши шарт.


Telegram I Facebook I YouTube I Instagram

Ўзбекистонда савдо хизматлари ҳажми 158 трлн сўмдан ошди

Миллий статистика қўмитаси маълумотларига кўра, Ўзбекистонда 2025 йилнинг январь-ноябрь ойларида савдо хизматлари ҳажми 4,6 трлн сўмни ташкил этган.

Бу кўрсаткич 2024 йилнинг мос даврига нисбатан 13,3 фоизга ошган.

Ҳудудлар кесимида савдо хизматлари ҳажми:

Қорақалпоғистон Республикаси — 5,1 трлн сўм;

Андижон вилояти — 8,9 трлн сўм;

Бухоро вилояти — 8 трлн сўм;

Жиззах вилояти — 5 трлн сўм;

Қашқадарё вилояти — 8,6 трлн сўм;

Навоий вилояти — 4,4 трлн сўм;

Наманган вилояти — 9 трлн сўм;

Самарқанд вилояти — 11,1 трлн сўм;

Сурхондарё вилояти — 7,8 трлн сўм;

Сирдарё вилояти — 2,1 трлн сўм;

Тошкент вилояти — 14,4 трлн сўм;

Фарғона вилояти — 12 трлн сўм;

Хоразм вилояти — 4,4 трлн сўм;

Тошкент шаҳри — 58 трлн сўм.

Telegram I Facebook I YouTube I Instagram

Дори-дармон экспортида тўсиқлар: тадбиркор элчилар ёрдамини таклиф қилди

«Rompharm NS» МЧЖ таъсисчиси Насиров Мурод Рашодовичнинг таъкидлашича, ҳар бир давлатда фармацевтика маҳсулотлари сифатини назорат қилишнинг GDP, GMP, GXP каби алоҳида тизимлари мавжуд. Шу боис, тадбиркорлар хорижий давлатларга дори-дармон экспорт қилишда зарур рухсатномалар ва сертификатларни расмийлаштириш жараёнида қатор қийинчиликларга дуч келмоқда.

Тадбиркорлар хорижий давлатларнинг тегишли вазирлик ва идоралари томонидан сертификатларга қўйиладиган талаблар ҳақида тўғридан-тўғри ишончли маълумот олиш имкониятига эга эмас.

Насировнинг фикрича, агар элчихоналар ва консулликлар хорижий мамлакатлардаги фармацевтика талаблари ҳамда дори-дармон нархлари бўйича маълумот тақдим этишда амалий ёрдам кўрсатса, бу дори-дармон экспорти ҳажмини оширишга катта туртки бўлади.

Telegram I Facebook I YouTube I Instagram

Экологик инқилоб: Тошкентдаги зарарли корхоналар шаҳар ташқарисига кўчирилмоқда

Президент Шавкат Мирзиёевнинг «Ўзбекистон-2030» стратегиясига биноан, экологик хавфли ва энергия сарфи юқори бўлган саноат корхоналари шаҳар ташқарисига кўчирилмоқда.

📍 Масалан, Тошкентнинг Янгиҳаёт туманидаги «Ўзвторсветмет» АЖ корхонаси Жиззах вилоятидаги саноат зонасига кўчирилади. Эскирган печлар утилизация қилинади, ишлаб чиқариш эса замонавий экологик стандартларга мос ускуналарда давом эттирилади.

💨 Натижада йилига 226,7 тонна зарарли модда ҳаво атмосферасига чиқиши камаяди, бу Тошкент ҳаво сифатининг сезиларли яхшиланишига ёрдам беради.

✅ Мақсад: саноатни модернизация қилиш, экологик зарарларни камайтириш ва яшил иқтисодиётга ўтиш.

Telegram I Facebook I YouTube I Instagram

“Ҳаммаси тугади” — Дугин Ўзбекистон ҳақида кескин гапирди

“Рус дунёси” концепциясининг асосий мафкурачиларидан бири саналган Александр Дугин Ўзбекистон ва собиқ СССР таркибида бўлган бошқа республикаларнинг суверенитетга бўлган ҳуқуқини очиқчасига шубҳа остига олди.

“Ҳаммаси тугади. Суверенитет якунланди. Миллий давлатлар ўтмишда қолди. Бу — ахлат”, — деди Дугин.

Қайд этиш керак, Александр Дугин Россияда бир қатор сиёсий тузилмаларга раҳбарлик қилиб келган, шунингдек, “рус дунёси” мафкурасининг етакчи назариячиларидан бири сифатида танилган.

Эслатиб ўтамиз, аввалроқ рус пропагандисти Владимир Соловьев Россияни Марказий Осиё давлатларига қарши уруш бошлашга чақирганди.

Telegram I Facebook I YouTube I Instagram

Навоий вилоятида маҳаллалар ҳаётида замонавийлашув ва янгиланишлар сезиляпти

Навоий вилоятида бир қатор маҳаллаларда бунёдкорлик ишлари натижасида аҳоли яшаш шароитлари сезиларли даражада яхшиланмоқда.

🔹 Конимех тумани «Зафаробод» маҳалласида 2025 йилда бошланган қурилиш ва янгилаш ишлари натижасида 7020 нафар аҳоли кундалик ҳаётида қулайликлар ҳис қилмоқда. Маҳалла нафақат замонавий кўриниш касб этиб, балки аҳоли учун янгиланган шароитлар яратилмоқда.

🔹 Бугун маҳалладаги 1790 та хонадоннинг ҳеч бири қизил тоифага кирмайди, бу эса амалга оширилган ишлар самарадорлигидан далолат беради. Шунингдек, даромади паст оилаларнинг даромадини оширишга ҳам алоҳида эътибор қаратилган.

🔹 Шу тариқа, режали ишлар бирлаштирилган ҳолда маҳалла ҳаётини яхшилаш ва аҳоли учун қулайликлар яратишга хизмат қилмоқда.

Telegram I Facebook I YouTube I Instagram

Нон чиқиндига ташланаётган дунёда — очликдан ўлаётган инсоният

Бугун дунёда бир вақтнинг ўзида икки манзара мавжуд. Бир жойда инсонлар бир бурда нон учун навбат кутаётган бўлса, бошқа жойда ўша нон чиқинди қутисига ташланмоқда.

👉 effect.uz/6761

Telegram I Facebook I YouTube I Instagram

"Ухлатилган миллионлар" Сарсон одамлар!

Аслида бу масала битта уй ёки бир шахс атрофидаги баҳс эмас.

Агар ҳеч қандай ҳужжатга эга бўлмаган шахс айрим мансабдорлар кўмаги билан қонунга асосланган, пули тўланган ва калити берилган уйларни тортиб олаётган бўлса — бу бутун жамият учун хавфли сигналдир. Бу ҳолат мулк дахлсизлигига путур етказади, фуқароларнинг давлат ва қонунга бўлган ишончини синаб қўяди.

Бу можарода ҳам қурилишчи, ҳам оддий фуқаролар жабрланувчи. Асосий муаммо эса — ҳуқуқ устуворлиги эмас, шахсий манфаатлар устун қўйилаётганида.

Масала очиқ қолмаслиги, қонун ҳақиқатан ким томонида экани аниқ кўрсатилиши шарт.

👉 Тўлиқ видео

Telegram I Facebook I YouTube I Instagram

⚡️Ерда кучли магнит бўронлари кузатилиши мумкин

Сешанба куни Қуёшда юз берган кучли чақнаш оқибатида Ерда G3–G4 даражадаги магнит бўронлари кузатилиши мумкин. Бу ҳақда ИКИ РАН қошидаги Қуёш астрономияси лабораторияси ўзининг Telegram-каналида маълум қилди.

“Дастлабки ҳисоб-китобларга кўра, бўрон сешанба куни Ерга етиб келади.

Кутилаётган магнит бўронлари даражаси — G3/G4. Қутб ёруғликлари зонасининг қуйи чегараси 50 градус кенгликкача тушиши мумкин”, — дейилади хабарда.

Лаборатория сайтидаги таснифга мувофиқ, G3 — кучли магнит бўрони, G4 эса жуда кучли магнит бўрони ҳисобланади.

Олимлар, шунингдек, Қуёшда содир бўлган Х-синфли чақнашнинг тўлиқроқ видеосини ҳам эълон қилган.

Тавсифга кўра, тасвирдаги горизонтал ўлчам 450 минг километрни ташкил этган бўлиб, бу Ер диаметридан 35 баробар катта.

Аввалроқ, Лаборатория 2026 йилда Қуёшда илк бор энг юқори — Х синфга мансуб чақнаш кузатилганини хабар қилган эди.

Telegram I Facebook I YouTube I Instagram

“Қирол Шер” мультфильми режиссёри оламдан ўтди

“Қирол Шер” (“The Lion King”) мультфильмининг режиссёрларидан бири Рожер Аллерс 76 ёшида вафот этди. Бу ҳақда режиссёр Дэйв Боссерт хабар берди.

“Рожер беқиёс истеъдодли рассом ва режиссёр эди, у Disney анимацияси ренессансининг ҳақиқий устунларидан бири эди”, — деди Боссерт.

Фаолияти давомида Рожер Аллерс Disney студиясининг бир қатор машҳур анимацион лойиҳалари устида ҳам ишлаган.

Улар орасида “Оловуддинг саргузаштлари”, “Императорнинг саргузаштлари” ва “Ов мавсуми” мультфильмлари бор.

Telegram I Facebook I YouTube I Instagram

Бугун қандай об-ҳаво кузатилади?

“Узгидромет” бугун, 19 январь куни мамлакат бўйлаб кузатиладиган об-ҳаво тўғрисида маълумот берди.

Унга кўра, бугун кундузи ёғингарчилик кутилмайди, фақат Навоий вилоятида, эрталаб Қорақалпоғистон Республикаси, Хоразм вилоятида, кечқурун Тошкент вилояти ва Фарғона водийси вилоятларида баъзи жойларда бироз қор ёғиши мумкин.

Баъзи жойларга туман тушади. Шамол 7-12 м/с тезликда эсади. Ҳарорат 2-7° илиқ бўлади.

Пойтахтда ёғингарчилик кутилмайди. Шамол 3-8 м/с тезликда эсади. Ҳарорат 3-5° илиқ бўлади.

Тоғли ҳудудларда баъзи жойларда қор ёғади, туман тушади. Қор кўчиши хавфи бор. Йўлларда баъзи жойларда яхмалак кузатилади. Шамол 7-12 м/с тезликда эсади. Ҳарорат 0-5° совуқ бўлади.

Telegram I Facebook I YouTube I Instagram