“Кабинет дипломатияси”дан воз кечилади — Президент мигрантларни ҳимоя қилиш бўйича алоҳида топшириқ берди

Президент Шавкат Мирзиёев Ташқи ишлар вазирлиги расмий нота бериш билангина чекланиб қолаётганини танқид қилиб, хориждаги мигрантларни ҳимоя қилиш бўйича алоҳида кўрсатма берди.

“Элчи ва консуллар ҳар бир ҳолат юзасидан малакали юридик ёрдам кўрсатиб, хориждаги фуқароларимизнинг ҳуқуқ ва манфаатларини ҳимоя қилиши шарт”, – деди Президент.

Бундан ташқари, хориждаги ёшлар ёки талабаларнинг турли оқимларга қўшилиб қолаётгани барчани жиддий ташвишга солиши кераклиги таъкидланди.

Эндиликда элчилар “кабинет дипломатияси”дан воз кечиб, хориждаги ўзбеклар ишлаётган қурилиш майдонига, ётоқхонага, талабалар аудиториясига бориб, уларнинг муаммосини ўрганиб, ечими бўйича ишлаши шартлиги қайд этилди.

Мутасаддиларга хорижда оғир вазиятга тушиб қолган фуқаролар учун бепул колл-марказ ташкил этиб, мурожаатларини тегишли вазирликлар билан тезкор ҳал қиладиган тизим яратиш топширилди.

Telegram I Facebook I YouTube I Instagram

⚡️Президент ТИВ ва элчихоналар фаолиятини танқид қилди

Президент Шавкат Мирзиёев раислигида видеоселектор йиғилиши бошланди. Унда глобал геосиёсий ўзгаришлар шароитида Ўзбекистон ташқи сиёсати, Ташқи ишлар вазирлиги ва хориждаги дипломатик ваколатхоналар фаолиятини қайта кўриб чиқиш масалалари муҳокама қилинмоқда.

“Бугун сизлар билан жаҳонда кескин геосиёсий ўзгаришлар бўлаётган, давлатларнинг суверенитетига хавф-хатарлар тобора кучайиб бораётган мураккаб пайтда учрашиб турибмиз.

Бундай шароитда ташқи сиёсат соҳасидаги фаолиятимизни танқидий муҳокама қилиб, Ташқи ишлар вазирлиги ва хориждаги дипломатик ваколатхоналар фаолиятини янгича ташкил қилиш кераклигини даврнинг ўзи тақозо этмоқда”, – деди Президент.

Йиғилишда чет элдаги элчихоналар, консуллик муассасалари ва халқаро ташкилотлар ҳузуридаги ваколатхоналар штатлари, улар ва Ташқи ишлар вазирлиги ходимларининг ойлик иш ҳақи кўпайтирилгани қайд этилди.

“Лекин барча дипломатик ваколатхоналаримиз буни тўғри англаб, мавжуд имкониятларни тўлиқ ишга соляптими? Дипломатик фаолиятни баҳолашнинг битта ўлчови бор, у ҳам бўлса – натижа!

Шу боис, ҳозирги шароитда элчи дегани фақат сиёсий мулоқот юритувчи шахс эмас. Элчи бу – инвестиция ва технологиялар олиб келадиган, янги экспорт бозорларини очадиган, транспорт-логистика йўлакларини ишга соладиган, туристлар оқимини кўпайтирадиган, қонуний меҳнат миграцияси учун шароит яратадиган, энг асосийси, фуқароларимиз ҳуқуқларини ҳимоя қиладиган давлат вакилидир”, – деб қўшимча қилди Мирзиёев.

Эндиликда элчилар фаолият юритаётган давлатдан экспорт тушумлари, туристлар оқими, қонуний иш жойларига фуқароларни юбориш улар учун KPI бўлиши белгиланди.

Telegram I Facebook I YouTube I Instagram

⚡️АҚШ авиаташувчилар гуруҳи Эрон соҳиллари томон йўл олмоқда

АҚШнинг “USS Abraham Lincoln” авиаташувчилари Эрон соҳиллари томон ҳаракатланмоқда. Бу ҳолат эҳтимолий ҳарбий операцияга тайёргарлик кўрилаётгани ҳақидаги хавотирларни кучайтирмоқда.

Айрим америкалик ва хитойлик оммавий ахборот воситаларининг хабар беришича, Пентагон авиаташувчилар зарба гуруҳини Жанубий Хитой денгизидан Яқин Шарқ минтақасига кўчириш тўғрисида қарор қабул қилган.

Авиаташувчи зарба гуруҳи таркибига “USS Abraham Lincoln” “USS Spruance”, “USS Michael Murphy” ва “USS Frank E. Petersen Jr.” эсминецлари, шунингдек, камида битта сув ости кемаси киради.

Қайд этилишича, ушбу қарор Яқин Шарқда АҚШ ҳарбий фаоллиги кучайиб бораётган бир пайтда қабул қилинган.

Маълумотларга кўра, гуруҳнинг кўчирилиши тахминан бир ҳафта вақт олади.

Хусусан, минтақада B-52 стратегик бомбардимончилари иштирокидаги авиация фаоллиги ошгани, шунингдек, айрим ҳолатларда фуқароларни эвакуация қилиш бўйича огоҳлантиришлар берилгани хабар қилинмоқда.

Telegram I Facebook I YouTube I Instagram

Рухсатномасиз йўл объектида қурилиш ва таъмирлаш ишларини амалга ошириш жавобгарликка сабаб бўлади

Амалдаги қонунчиликка кўра, йўл объектларида қурилиш, таъмирлаш, қазиш ёки реконструкция ишлари фақат тегишли рухсатнома асосида амалга оширилиши шарт.

Рухсатнома йўл объекти балансда сақловчи ташкилотлар ёки туман (шаҳар) ҳокимликлари томонидан берилади.

Кечиктириб бўлмайдиган ҳолатларда рухсатнома ёзма мурожаат асосида расмийлаштирилади.

Рухсатномасиз ишлар учун жарима:

— фуқароларга БҲМнинг 5 баравари

— мансабдор шахсларга БҲМнинг 20 баравари

Telegram I Facebook I YouTube I Instagram

«Йўқот, буларни» – Effect.uz журналистлари сайёр судда «зўравонлар» босимига учради

Бўстонлиқ туманида ўтказилган сайёр суд жараёни чоғида EFFECT.UZ журналистларига қонуний касбий фаолиятини амалга оширишга тўсқинлик қилинди.

Ўзини “Fanat” санаторийси директор ўринбосари деб таништирган шахс:

— тасвирга олишга қаршилик қилди;
— таҳдид тусидаги ҳаракатлар содир этди;
— ОАВ фаолиятига ноқонуний аралашди.

❗️Бу ҳолат — “Журналистнинг касбий фаолиятига тўсқинлик қилиш” аломатларини ўз ичига олади.

📌 Қонунга кўра, журналист:
— очиқ жараёнларда ахборот тўплаш;
— видео ва фото қайд этиш;
— жамоатчиликка маълумот етказиш ҳуқуқига эга.

❗️Очиқ судда ОАВга тўсқинлик қилиш — бу фақат журналистга эмас,
жамоатчиликнинг ахборот олиш ҳуқуқига қилинган босимдир.

EFFECT.UZ ҳолат юзасидан ҳуқуқий чоралар кўрилиши йўлида бошқа тафсилотларни эълон қилади.

https://youtu.be/D1NbO0prBFs

Божхона институтига кимлар ва қачон ҳужжат топшириши мумкин?

Божхона институтига ўқишга кириш учун аризалар 2026 йилнинг 1 январидан 1 апрелига қадар қабул қилинади.

Номзодлар доимий яшаш, ўқиш, муддатли ҳарбий хизмат ўтаётган ҳудудда жойлашган божхона бошқармаларига мурожаат этишлари мумкин.

Божхона институти – олий ҳарбийлаштирилган таълим муассасаси ҳисобланади.

Танлов асосида қуйидаги номзодлар қабул қилинади:

— Умумий ўрта, ўрта махсус ёки касб-ҳунар таълимига эга бўлган

— Ҳарбий хизматни ўтамаган 17–23 ёшдаги фуқаролар (шу жумладан, қабул қилинган йили 17 ёшга тўладиган ҳамда 23 ёшда бўлганлар)

— 18–25 ёшдаги, офицерлар таркиби ҳарбий унвонларига эга бўлмаган

— ҳарбий хизматчилар ва ҳарбий хизматга мажбурлар (шу жумладан, қабул қилинган йили 18 ёшга тўладиган ҳамда 25 ёшда бўлганлар)

Батафсил: https://lex.uz/docs/-4313560

Telegram I Facebook I YouTube I Instagram

Пойтахтда 3,5 тонна нон ва озиқ-овқат маҳсулотлари чиқиндига чиқарилмоқда

Чиқиндиларни бошқариш ва циркуляр иқтисодиётни ривожлантириш агентлиги маълумотларига кўра, Тошкент шаҳрида кунига 3-3,5 минг тонна чиқинди тўпланади.

Шундан 0,1 фоизи нон ва озиқ-овқат маҳсулотларига тўғри келади.

2025 йилда шаҳарда жами 1,1 миллион тонна чиқинди йиғилган. Чиқиндиларни олиб кетиш хизматидан фойдаланувчилар сони 755 минг кишини ташкил этади. Кўрсатилган хизматлар учун қарздорлик 19,9 миллиард сўмга етган.

Telegram I Facebook I YouTube I Instagram

Фарғонада 14 ёшли қиз бильярдхонада зўрланди. 4 нафар гумонланувчи ҳибсга олинди

Қизни таниганлар унинг руҳий соғлигида муайян муаммолар мавжудлигини таъкидламоқда.

👉 effect.uz/6756

Telegram I Facebook I YouTube I Instagram

Колония шифокори ва унинг ҳамтовоқлари пора билан қўлга тушди

Маҳкумлар учун ихтисослашган касалхонада даволанаётган маҳкумдан 7 500 АҚШ доллар талаб қилган шифокорлар қўлга олинди.

Маълум қилинишича, маҳкум Ички ишлар вазирлиги Шахсий хавфсизлик бош бошқармасига ариза билан мурожаат қилган.

Унда колония тиббиёт бўлимида шифокор лавозимида ишловчи ходим ўз хизмат мавқеидан фойдаланиб, Жиноят кодексининг 96-моддасида назарда тутилган мажбурий даволаш чорасини 95-модда асосида бекор қилиб бериш эвазига 7 500 доллар талаб қилган.

Шунингдек, колония шифокори Тошкент вилоятининг кўп тармоқли поликлиникасида жарроҳ бўлиб ишловчи таниши орқали ушбу пулларнинг 1500 долларини маҳкумнинг укасидан олганлигини айтиб, пулнинг қолган қисмини талаб қилаётган икки нафар шифокорга қонуний чора кўришни сўраган.

Маҳкумнинг аризасига кўра, тезкор тадбир ўтказилиб, келишилган пул маблағларини олаётган вақтида ушбу шахслар қўлга олинган.

Мазкур ҳолат юзасидан жиноят иши қўзғатилиб, айни вақтда тергов ишлари олиб борилмоқда.

Telegram I Facebook I YouTube I Instagram

Ўзбекистондаги яна бир даволаш муассасасида робот технологияси йўлга қўйилди

Академик В.Воҳидов номидаги Республика ихтисослаштирилган хирургия илмий-амалий тиббиёт маркази биринчилардан бўлиб робот-ассистентли хирургик тизим йўлга қўйилди.

Шу тариқа мазкур марказ бундай замонавий технологияни амалиётга жорий этган навбатдаги давлат даволаш муассасасига айланди.

Бугун ушбу муҳим воқеага бағишланган тадбир бўлиб ўтди. Унда Соғлиқни сақлаш вазирининг биринчи ўринбосари А.Бобоев иштирок этди.

Шунингдек, тақдимотда барча вилоят кўп тармоқли шифохоналари хирургия бўлимлари ходимлари видеоконференц-алоқа орқали қатнашди.

Telegram I Facebook I YouTube I Instagram

Taftish.uz ходимлари товламачилик ва фирибгарликда гумонланиб, қўлга олинди

Тошкент шаҳар ИИББнинг маълум қилишича, 16 январь куни Жиноят кодексининг 165-модда (товламачилик) ва 168-моддаси (фирибгарлик) да назарда тутилган жиноятларни содир этганликда гумонланиб, Taftish.uz оммавий ахборот воситаси ходимлари – 1988 йилда туғилган Ғ.А, 1992 йилда туғилган А.Й, 2000 йилда туғилган С.Ҳ, 2006 йилда туғилган М.Э ҳамда 1998 йилда туғилган Д.Н процессуал тартибда ушланган.

Хозирда уларнинг Ўзбекистон Республикаси ЖКнинг 139-моддаси (туҳмат) ҳамда 244/6-моддаси (Ёлғон ахборот тарқатиш) да кўрсатилган жиноятларга алоқадорликлари текширилмоқда.

Ушбу, ОАВ ёпилганлиги ҳақидаги хабарлар асоссиз бўлиб, ушбу нашр кундалик фаолиятини давом эттирмоқда. Ҳолат юзасидан қўшимча ахборот берилади.

Telegram I Facebook I YouTube I Instagram

Энг кўп китоб ўқиган ходимга пул мукофоти берилади

Фармонга кўра, барча вазирлик ва идораларда 2026 йил 1 мартга қадар тегишли соҳа бўйича тавсия этиладиган касбий фаолиятга оид адабиётлар рўйхати шакллантирилади.

Ҳар йили камида 3 тадан касбий фаолиятга оид хорижий адабиётларни маҳаллий нашриётлар орқали ўзбек тилига таржима қилиб, малакали мутахассислар иштирокида уларни изоҳлар, луғат
ва мисоллар билан бойитиш амалиёти жорий этилади;

2026 йил 1 апрелга қадар ўзида ва тизимидаги ташкилотларда “Китоб бурчаги” ташкил этилади ва ходимлар учун ҳар ойда “Китоб ўқиш соати” йўлга қўйилади;

китобхонлик бўйича ички рейтинг тизими жорий этилади;

танлов асосида энг кўп китоб ўқиган ходимга 1 ойлик иш ҳақи миқдорида пул мукофоти берилади.

Шунингдек, энг кўп китоб ўқиган топ-100 таликка кирадиган ўқувчи ва талабаларнинг ҳар бирига БҲМнинг 25 баравари миқдорида пул мукофоти берилади.

Telegram I Facebook I YouTube I Instagram

Венесуэла мухолифати етакчиси ўз Нобель мукофотини Трампга топширди

АҚШ пойтахтида бўлиб ўтган учрашув Венесуэла сиёсати атрофида янги баҳсларга сабаб бўлди. Мария Мачадо Дональд Трамп билан мулоқот чоғида рамзий қадамга қўл урганини маълум қилди.

👉 effect.uz/6757

Telegram I Facebook I YouTube I Instagram

Қуёшда ғайриоддий шаклга эга короналлик тешик пайдо бўлди

Россия Илмий-танқид институти (ИКИ РАН) Қуёш астрономияси Қуёшда нодир шаклга эга катта короналлик тешик пайдо бўлди.

Қайд этилишича, Қуёшда баландлиги тахминан бир миллион километр бўлган катта короналлик тешик пайдо бўлган. Бу сафар унинг шакли ғайриоддий ва тескари “1” рақамига ўхшайди.

2025 йилда Қуёшда юзага келган коронналик тешик Ер сайёрасида магнит бўронлари сони ошиб кетишига сабаб бўлган. Олимларнинг тахмин қилишича, бу йил ҳам бўронлар сони ўтган йилгига қараганда кўпроқ бўлади.

Telegram I Facebook I YouTube I Instagram

Байденнинг ўғли қамалиши мумкин

АҚШнинг собиқ президентининг ўғли бир неча ой давомида ўз зиммасига қўйилган мажбуриятларни қасддан бажармай келганлиги айтилмоқда.

👉 effect.uz/6758

Telegram I Facebook I YouTube I Instagram