⚡️Алишер Қодиров мактаб битурувчиларини 1-1,5 йиллик армияга жалб қилиш таклифи билан чиқди

“Миллий тикланиш” демократик партияси раиси Алишер Қодиров мактабни тугатган болаларни 1-1,5 йиллик ҳарбий хизматга жалб қилиш тизимини яратиш таклиф билан чиқди.

“Таклифимни такрорламоқчиман, мактаблардаги чақирувга тайёрлаш фани мазмунини тубдан қайта кўриб чиқиш ва мактабни тугатган болаларни (олийгоҳга кирганлар ва соғлик билан муаммоси бўлганлар мустасно) 1-1,5 йиллик ҳарбий хизматга жалб қилиш тизими ҳақида ўйлаб кўриш керак.

Бу фақат ҳарбий хизмат эмас, ёшларни ҳаётга, давр чақирувларига тайёрлаш тизими сифатида ҳам ўзини оқлайди”, - деб ёзди депутат ўзининг Телеграм саҳифасида.

Шунингдек Қодиров Президент Шавкат Мирзиёевнинг Хавфсизлик кенгаши мажлисидаги маърузаси кўпгина масалаларга ойдинлик киритганини таъкидлади.

“Дунё инқирозлар даврига кирмоқда. Бу қанча давом этади ва қандай якунланади, тахмин қилиш мумкин эмас.

Демак, миллий тараққиёт учун ёшларни нафақат билимли, ҳунарли ва рақобатбардош, балки жасур, интизомли, соғлом ва ҳарбийлардек фикрлай олиши ҳам заруратга айланмоқда.

Бундан буён виртуал, сунъий ва юқори технологиялар нафақат даромад кўриш, балки ватан сарҳадлари ва манфаатларини ҳимоя қилиш учун ҳам ҳаётий аҳамиятга эга бўлади”, - деди у.

Telegram I Facebook I YouTube I Instagram

ЙПХ ходимларини обрўсизлантиришга уринган шахс 7 суткага кесилди

ЙПХ ходимларини видео тасвирга олиб, обрўсизлантирилишига олиб келадиган тарзда бузиб, ижтимоий тармоқлар орқали тарқатган шахсга  Жиноят ишлари бўйича Денов туман суди томонидан 7 сутка маъмурий қамоқ жазоси тайинланди.

Telegram I Facebook I YouTube I Instagram

“Икки нафар фарзандим билан совуқда ишлайман” - Курьер келин ҳикояси

Азиз кузатувчилар, ҳозир сизларга айтмоқчи бўлганим ҳар биримиз бу аёлга қўлдан келганча ёрдам беришимиз керак, ҳеч бўлмаса инсонийлик жиҳатидан, видео остида унинг карта рақамини қолдирдик, саховатпеша инсонлардан қўлдан келганча ёрдам беришларини сўраб қоламиз.

Қолаверса бу гап, ҳолатга масъул бўлган ташкилотларга ҳам тегишли.

Эргашева Юлдузхон

5614 6805 1575 7306

👉 Тўлиқ видео

Telegram I Facebook I YouTube I Instagram

Кимларга эко-стикер олиш шарт эмас?

Ўзбекистонда экологик барқарорликни таъминлаш мақсадида "Экологик транспорт" тизими жорий этилмоқда.

Энди транспорт воситалари зарарли моддалар даражасига қараб 3 хил рангдаги (яшил, сариқ ва қизил) стикерлар билан белгиланади.

Эко-стикер мутлақо бепул берилади ва муддатcиз амал қилади.

Кимларга стикер шарт эмас?

- Электромобиллар ва электромотоцикллар.
- Жамоат транспорти (такси ва йўналишли таксидан ташқари).
- Махсус хизмат ва қишлоқ хўжалиги техникалари.
- Ногиронлиги бўлган шахслар транспорти.

Қандай олинади?

Янги ёки қайта рўйхатдан ўтишда: Рўйхатга олиш жараёнида автоматик берилади.

Фойдаланишдаги машиналар:

Ихтиёрий мурожаат асосида расмийлаштирилади.

Telegram I Facebook I YouTube I Instagram

⚡️ТЕЗКОР. АҚШ 24 соат ичида Эронга ҳужум қилиши мумкин — Reuters

АҚШнинг Эронга қарши ҳарбий амалиёти бошланиши эҳтимоли юқори ва у яқин 24 соат ичида амалга оширилиши мумкин. Бу ҳақда Reuters агентлиги европалик расмий манбаларга таяниб хабар бермоқда.

Хабарда айтилишича, АҚШ президенти Дональд Трамп Эрон ҳудидида ҳарбий амалиёт ўтказиш ҳақида қарор қабул қилган. Бироқ амалиётнинг аниқ муддатлари ва кўлами ҳозирча номаълум.

Куни кеча Оқ уй раҳбари CBS телекомпаниясига берган интервьюсида АҚШ Эрон устидан ғалаба қозониш ниятида эканини билдирган.

«Якуний мақсад — ғалаба қозониш. Мен ғалаба қилишни яхши кўраман», — деган Трамп.

Ундан бу сўзлар билан айнан нимани назарда тутаётгани сўралганида, Трамп Венесуэладаги воқеаларни, шунингдек, ИШИД террористик гуруҳи раҳбари Абу Бакр ал-Боғдодийнинг йўқ қилинганини мисол келтирган.

Шунингдек, у Ислом инқилоби қўриқчилари корпуси генерали Қосим Сулаймонийнинг ўлдирилиши ва АҚШ ҳарбий-ҳаво кучларининг B-2 бомбардимончи самолётлари орқали Эроннинг ядровий таҳдидини қисқа вақт ичида йўқ қилганини таъкидлаган.

Биз Эронда ҳозир юз бераётган воқеаларнинг давом этишини истамаймиз. Агар улар норозилик намойишларини ўтказмоқчи бўлса, бу — бир масала.

Аммо минглаб одамлар ўлдирилаётган бўлса, энди эса дорга осишлар ҳақида гап кетмоқда экан, бу қандай якун топишини кўрамиз. Бу улар учун яхшилик билан якунланмайди, — дея хулоса қилган Дональд Трамп.

Telegram I Facebook I YouTube I Instagram

Ерга катта ҳажмдаги астероид яқинлашаётгани ростми?

Интернет тармоғида яқин вақт ичида Ерга 10 метрлик CE2XZW2 астероиди қулаши ҳақидаги хабарлар ҳақиқатга тўғри келмайди. Бу ҳақда Россия Фанлар академияси (РФА) Қуёш астрономияси лабораторияси (ИКИ РАН) маълум қилди.

Лабораториянинг Telegram-каналида айтилишича, мазкур ахборот текширилмасдан, илмий асосга эга бўлмаган айрим интернет манбалари томонидан тарқатилган.

Интернет тармоғида яқин орада Ер сайёрасига 10 метрли CE2XZW2 астероиди қулаши ҳақида тарқалаётган маълумотлар норасмий интернет-каналлар томонидан тарқатилиб, бу хабар ҳақиқатга мос келмайди, — дейилади хабарда.

Аввалроқ ижтимоий тармоқлар ва айрим ОАВларда яқинда кашф этилган CE2XZW2 астероиди катта эҳтимол билан Ер билан тўқнашиши мумкинлиги ҳақида хабарлар тарқалган эди.

Telegram I Facebook I YouTube I Instagram

Водийдан ташқари ҳудудларда ёмғир ёғиши кутилмоқда

Бугун, 15 январь куни Водийдан ташқари ҳудудларда ёмғир (тоғларда қор) ёғиши кутилмоқда.

Шимолда ёмғир—қор ёғиши мумкин.

Ҳаво ҳарорати жойларда +15 даражагача кўтарилади. Айрим худудларда кучли шамол эсиши тахмин қилинмоқда.

Telegram I Facebook I YouTube I Instagram

Трамп Венесуэланинг вақтинча президенти билан телефон орқали суҳбатлашди

АҚШ президенти Дональд Трамп Венесуэла президенти вазифасини бажарувчи Делси Родригес билан телефон орқали суҳбатлашганини маълум қилди.

Оқ уй раҳбарининг ёзишича, суҳбат чоғида нефть ва минераллар масаласи ҳамда бошқа қатор мавзулар муҳокама қилинган.

“Нефть, минераллар, савдо ва, албатта, миллий хавфсизликни ўз ичига олган кўплаб мавзуларни муҳокама қилдик”, — деб ёзди Трамп ўзининг Truth Social ижтимоий тармоғида.

Қайд этиш керак, АҚШ махсус кучлари Венесуэланинг амалдаги президенти Николас Мадуро ва унинг рафиқаси Силия Флоресни қўлга олгандан кейин, мамлакат ҳудудидаги нефтни қайта ишлаб, сотишни бошлади.

Telegram I Facebook I YouTube I Instagram