Экологик стикерни олиш учун ГАИга бориш шарт эмас

Энди экологик тоифаси аниқланган автотранспорт воситасига экологик стикер олиш учун ЙҲХХ (ГАИ) идораларига бориш шарт эмас. Уни масофадан, my.gov.uz орқали олсангиз бўлади.

Бунинг учун:

— my.gov.uz портали ёки мобил иловасига кирасиз.

— Қидирув сатрига “Экологик стикер” деб ёзасиз ёки “Транспорт” бўлимидан Автотранспорт воситасига экологик стикер олиш хизматини танлайсиз.

Маълумотларингиз автоматик шаклланади, сиз фақат аризани тасдиқлайсиз.

Тайёр стикер 10 кун ичида уйингизга етказиб берилади.

Стикернинг ўзи ва ариза топшириш бепул.

Фақат почта орқали уйга етказиш хизмати учун 20 600 сўм тўланади.

Telegram I Facebook I YouTube I Instagram

“Humans” иши Тошкент шаҳар ИИББ томонидан ўрганиляпти” — Марказий банк

Марказий банк “Humans” МЧЖ компанияси билан боғлиқ ҳолатлар юзасидан қисқа баёнот берди.

Баёнотда айтилишича, “Humans” МЧЖ компаниясига тўлов хизматларини тақдим этган “Octagram” АЖ тўлов ташкилотида Марказий банкнинг тегишли фармойишига асосан ишчи гуруҳ тузилиб, текширув ўтказилган.

Текширув натижалари бўйича тузилган маълумотнома белгиланган тартибда Тошкент шаҳар Ички ишлар бош бошқармасига ҳуқуқий баҳо бериш учун тақдим этилган.

Telegram I Facebook I YouTube I Instagram

Polymarket Мадурони қўлга олинишига ставка қилган аноним трейдерга 400 минг доллар тўлашдан бош тортди

Онлайн прогноз платформаси Polymarket АҚШнинг Венесуэлага эҳтимолий босқини бўйича ставка қилган фойдаланувчиларга ютуқ пулларини тўлашни рад этди. Бу ҳақда компания ўз расмий сайтида маълум қилди.

Платформада айтилишича, АҚШнинг Венесуэлага қарши ҳарбий ҳаракатлари бўйича ставкалар фақат бир ҳолатда — Вашингтон лотин америкалик давлат ҳудудининг камида бир қисмини ҳарбий йўл билан назорат остига олган тақдирда ғалаба сифатида тан олинади.

Polymarket сайтидаги изоҳда қуйидагилар қайд этилган:

Ушбу савдолар АҚШнинг ҳудуд устидан назорат ўрнатишга қаратилган ҳарбий операцияларига тааллуқли.

Агар Америка 2025 йил 3 ноябрдан 2026 йил 31 январгача бўлган даврда Венесуэла ҳудудининг исталган қисмида назорат ўрнатиш мақсадида ҳарбий ҳужум бошласа, ушбу прогноз бўйича ‘Ҳа’ жавоби қабул қилинади. Натижа нуфузли манбалар ўртасидаги консенсус асосида аниқланади.

Financial Times газетаси ёзишича, Polymarket’нинг бу қарори платформа фойдаланувчилари орасида жиддий норозиликка сабаб бўлган.

Энг қизиғи шундаки, бир неча кун олдин аноним иштирокчи АҚШнинг Венесуэлага босқинига ставка қўйиб, 400 минг доллардан ортиқ маблағни ютиб олган эди.

Бироқ Polymarket бу ҳолатни расман “босқин” сифатида тан олмаяпти.

Платформа АҚШ махсус операцияси Венесуэла ҳудуди устидан назорат ўрнатиш мақсадини кўзламаган, деган позицияда турибди.

“Polymarket Венесуэла президенти Николас Мадурони қўлга олиш бўйича операцияни тўлиқ ҳарбий босқин деб ҳисобламайди ва фақат АҚШ қўшинлари Венесуэла ҳудудини назорат остига олган тақдирдагина прогноз шартномаси ижро этилади”, — деб ёзади Financial Times.

Telegram I Facebook I YouTube I Instagram

Парижда кучли қор ёғиши сабабли 100 дан зиёд рейслар бекор қилинди

Франция пойтахти Парижда кузатилган кучли қор ёғиши сабабли йирик аэропортлар “Шарль-де-Голль” ва “Орли” фаолиятида жиддий узилишлар юзага келди.

Мамлакат транспорт вазири Филипп Табаронинг маълум қилишича, сешанба кунидан бошлаб “Шарль-де-Голль” халқаро аэропортида 100 дан зиёд рейс амалга оширилмаган. Чоршанба тонгига келиб эса “Орли” аэропортида 40 га яқин рейс бекор қилинган.

Филипп Табаро аэропортлардаги вазиятни мураккаб деб баҳолар экан, барча хизматлар юқори тайёргарлик режимида иш олиб бораётганини таъкидлади.

Шу билан бирга, у кун давомида об-ҳаво яхшиланиши ва рейслар жадвали босқичма-босқич тикланишига умид билдирган.

Telegram I Facebook I YouTube I Instagram

Ёввойи тўнғиз деб ўйлабман — Жиззахда овчи ўз шеригини отиб қўйди

Жиззахда овчи қамишлар орасидан келган шеригини ёввойи тўнғиз деб ўйлаб, унга қарата ўқ узди.

Ўқ эркакнинг бош қисмига теккан ва у шифохонага олиб борилган, аммо кўрсатилган тиббий ёрдамга қарамай, жароҳатланган шахс вафот этган.

Овчи эса воқеа юз берганида атроф қоронғи бўлганини, шунинг учун хатони содир этганини айтган.

Telegram I Facebook I YouTube I Instagram

Кўп қаватли уй-жойлардан хонадон харид қилишда алданиб қолманг!

Бугунги кунда ижтимоий тармоқлар орқали тегишли рухсат берувчи ҳужжатларга эга бўлмаган кўп қаватли уй-жойларни реклама қилиш ҳамда аҳолига шартномалар таклиф этиш ҳолатлари тобора ортиб бормоқда.

Шу муносабат билан, юртдошларимиздан шартнома тузиш ва тўловларни амалга оширишдан олдин мазкур қурилиш объектининг шаҳарсозлик ҳужжатлари мавжудлигини, шунингдек, қурилиш объекти Қурилиш ва уй-жой коммунал хўжалиги соҳасида назорат қилиш инспекциясидан белгиланган тартибда рухсатнома олган-олмаганлигини текширишларини сўраймиз.

Telegram I Facebook I YouTube I Instagram

“АҚШсиз НАТОдан на Россия, на Хитой қўрқади” — Трамп

АҚШ президенти Дональд Трамп Қўшма Штатлар ҳар қандай вазиятда ҳам НАТО билан қолишини, ҳатто альянс томонидан жавобий қўллаб-қувватлаш бўлмаган тақдирда ҳам ўз мажбуриятларини бажаришини билдирди.

“Биз ҳар доим НАТОни қўллаб-қувватлаймиз, ҳатто улар бизга ёрдам бермаса ҳам”, — деб таъкидлади Трамп.

Шу билан бирга, АҚШ президенти НАТОнинг АҚШсиз қолиши глобал хавфсизлик нуқтаи назаридан жиддий оқибатларга олиб келиши мумкинлигини ҳам қайд этди.

Унинг фикрича, Америка альянс таркибида бўлмаса, НАТОнинг геосиёсий таъсири сезиларли даражада сусаяди.

“Агар НАТО таркибида АҚШ бўлмаса, Россия ва Хитой бу ҳарбий блокдан қўрқмайди”, — деб ёзди Дональд Трамп.

Трампнинг ушбу баёноти АҚШнинг НАТОдаги ўрни ва альянс аъзоларининг ўзаро мажбуриятлари ҳақидаги баҳслар авж олган бир пайтда янграмоқда.

Айрим таҳлилчиларга кўра, мазкур фикрлар Вашингтоннинг НАТОдаги етакчи ролини яна бир бор таъкидлаш, шу билан бирга Европа давлатларини мудофаа соҳасидаги масъулиятни оширишга ундашга қаратилган.

Telegram I Facebook I YouTube I Instagram

⚡️Сақлаб қўйинг. Ўзбекистонда амалдаги коммунал тарифлар

Электроэнергия

Оддий уйлар:

• 1–200 кВт/соат — 600 сўм
• 201–500 кВт/соат — 800 сўм
• 501–1000 кВт/соат — 1000 сўм

Газсиз, электроплита билан:
• 1–200 кВт/соат — 300 сўм
• 201–500 кВт/соат — 400 сўм
• 501–1000 кВт/соат — 500 сўм

🔥 Газ cчётчик билан:

• Апрель–октябрь • 1–100 м³
— 1000 сўм • 101–2500 м³ — 1800 сўм
• Ноябрь–март • 1–500 м³ — 1000 сўм
• 501–2500 м³— 1800 сўм

Счётчиксиз (1 киши учун):

• Плита (иссиқ сув марказлашган) — 19 800 сўм
• Плита (иссиқ сув йўқ) — 27 000 сўм
• Газ колонка — 28 800 сўм
• Иситиш — 1 м³ = 1400 сўм

💧 Совуқ сув
Счётчик билан:

• Канализация + иссиқ сув — 3 808 сўм / 1 м³
• Канализация бор, иссиқ сув йўқ — 2 688 сўм / 1 м³
• Канализация йўқ — 1 568 сўм / 1 м³
• Полив (МКД) — 1 568 сўм / 1 м³

Счётчиксиз (1 киши):

• Квартира (канализация + иссиқ сув) — 49 019,6 сўм• Хусусий уй (канализация бор) — 37 063,6 сўм• Канализация ва иссиқ сув йўқ — 25 107,6 сўм• Полив 10 м² — 10 760,96 сўм

🏭Иссиқ сув ва марказий иситиш Иссиқ сув:

• 1 м³ — 7 764,06 сўм
• 12 ноябрдан — 8 928,67 сўм
• 1 киши — 45 481,2 сўм
• 12 ноябрдан — 52 303,39 сўм

Иситиш:

• 1 м² / кун — 209,94 сўм
• 12 ноябрдан — 241,44 сўм

🗑 Чиқинди олиб чиқиш (1 киши / ой):

• «Махсустранс» — 8 400 сўм
• «Maxs Kur Lider» — 5 050 сўм
• «Toshkent Santexkommunxizmat» — 5 040 сўм
• «Hamza Harakat» — 4 872 сўм
• «Toza hudud» (Тошкент вил.) — 7 840 сўм

📞 Шаҳар телефони

• АОНсиз — 8 070 сўм
• АОН билан — 9 830 сўм

✈️ Яқинларга улашинг — керак бўлиб қолади!

Telegram I Facebook I YouTube I Instagram

⚡️Зеленский АҚШга Рамзан Қодировни қўлга олишни таклиф қилди

Украина президенти Владимир Зеленский АҚШ томонидан Венесуэла президенти Николас Мадурога нисбатан амалга оширилган операцияга ўхшаш чорани Чеченистон раҳбари Рамзан Кодировга нисбатан ҳам қўллаш мумкинлигини билдирди.

Зеленскийнинг сўзларига кўра, агарда Америка Қодировни асирга олса бу воқеа Россия президенти Владимир Путин учун жиддий сиёсий босим воситасига айланиши ва уни тинчлик келишуви сари қадам ташлашга мажбур қилиши мумкин.

Бизда маълум натижалар бор, аммо барчаси ҳали охиригача бажарилгани йўқ. АҚШ қўлида кучли инструментлар бор ва улар хоҳласа, босим ўтказишни жуда яхши билади.
Масалан, Мадуро билан боғлиқ ҳолат.

Операция қанчалик тез ўтказилди? Жуда тез. Буни бутун дунё кўрди. Шу каби чорани, айтайлик, Кодировга нисбатан ҳам қўллаш мумкин эди. Балки шунда Путин ўйлаб кўрарди”, — деди Зеленский.

Шу билан бирга, мазкур баёнот халқаро майдонда кескин баҳс-мунозараларга сабаб бўлмоқда.

Айрим таҳлилчилар бундай таклифлар халқаро ҳуқуқ меъёрлари ва давлатлар суверенитети масаласида жиддий саволлар туғдиришини таъкидламоқда.

Telegram I Facebook I YouTube I Instagram

Афғонистон расмийлари ўзбек тилидан фойдаланишни чеклаш ҳақидаги хабарларни рад этди

Ўзбек тилининг Афғонистонда қўлланилишига чекловлар жорий этилаётгани ҳақида хабарлар тарқалди. Ўзбекистон тарафи Афғонистон ТИВ билан вазиятга ойдинлик киритди.

Афғонистонлик расмийлар ушбу хабарлар ҳақиқатга тўғри келмаслигини, мамлакат ҳудудида ўзбек тилининг ишлатилишига нисбатан ҳеч қандай чеклов йўқлигини қатъий таъкидлаб, Афғонистон ҳукумати ва халқи биродар ўзбек халқи ҳамда тилига чуқур ҳурмат билан муносабатда эканини алоҳида қайд этди.

Маълум қилинишича, ҳозирги вақтда мамлакат бўйлаб ОТМлари ва умумтаълим мактаблари пештоқларидаги ёзувларни «ягона стандарт асосида тартибга солиш ишлари» олиб борилмоқда. Мазкур амалиётга кўра, таълим муассасалари пештоқларидаги ёзувлар бутун мамлакат бўйлаб уч тилда — пушту, дарий ва инглиз тилларида акс эттирилади. Шу билан бирга, мамлакатнинг шимолий ҳудудлари, жумладан Саманган университети учун истисно тариқасида ёзувлар пушту, дарий ва ўзбек тилларида берилиши белгиланган.

Таъкидланишича, Афғонистон ҳукумати тарихда илк бор Жоузжон давлат университетида жорий йилдан бошлаб магистратура босқичида «Ўзбек тили ва адабиёти» факултетини ташкил этишни режалаштирмоқда.

Telegram I Facebook I YouTube I Instagram