"Мен лавозимим ва унвоним бор, менга ҳеч ким тегмайди, деб ўйлайдиганлар адашади. Қонун олдида ҳамма тенг!" — президент

“Коррупция давлат тараққиётига тўсқинлик қилади, адолат ва қонун устуворлигини бузади, жамиятда ишонч муҳитини заифлаштирадиган энг жиддий таҳдиддир. Коррупцияга йўл қўйиш ислоҳотларимизга хиёнатдир! Бу иллатга қарши курашиш мақсадида 2026 йилда “фавқулодда ҳолат” эълон қиламиз”,
– деди давлатимиз раҳбари.

Барча идораларда комплаенс ва коррупцияга қарши ички назоратга масъул ўринбосар лавозими жорий этилади. Ҳисоб палатасининг вакили фаолияти йўлга қўйилади.

Ушбу раҳбарлар тизимдаги нопок шахсларни аниқлаш, шунингдек, бюджет маблағларининг талон-торож бўлиши ва мансабни суиистеъмол қилиш ҳолатларини олдини олиш бўйича таъсирчан назорат ўрнатади ва Президент олдида ҳисобот беради.

“Мен лавозимим ва унвоним бор, менга ҳеч ким тегмайди, деб ўйлайдиганлар адашади. Қонун олдида ҳамма тенг! Хавфсизлик хизмати, ички ишлар, прокуратура, солиқ, божхона, молия, банк, йирик давлат компаниялари, вазирлик ва ҳокимликлар, бир сўз билан айтганда, бирорта идора ва ташкилот назоратдан четда қолмайди.

Комплаенс хизматининг фаолиятига тўсқинлик қилганлар коррупцияга шерик деб ҳисобланади ва жавобгарлик шунга мос бўлади”, - деди давлат

имиз раҳбари.

Telegram I Facebook I YouTube I Instagram

Сўз ва матбуот эркинлигини таъминлаш устувор вазифамиз бўлиб қолади❗️

«Такрор айтаман, юртимиздаги кенг кўламли янгиланишлар даврида очиқлик сиёсатидан ҳеч қачон ортга қайтмаймиз. Сўз ва матбуот эркинлигини таъминлаш устувор вазифамиз бўлиб қолади», – деди Президентимиз.

Telegram I Facebook I YouTube I Instagram

Президент Мурожаатномаси олдидан: Навоий вилоятида қандай ўзгаришлар кутилмоқда?

Ўзбекистон Республикаси Президенти Шавкат Мирзиёевнинг Олий Мажлис ва Ўзбекистон халқига Мурожаатномаси арафасида Навоий вилояти ҳокими Нормат Турсунов ЎзА мухбирига интервью берди.

Вилоят раҳбари ўз суҳбатида келаётган йилда ҳудудда амалга ошириладиган стратегик аҳамиятга эга бўлган йирик лойиҳалар, саноат салоҳиятини ошириш ва аҳоли турмуш даражасини яхшилашга қаратилган муҳим режалар ҳақида тўхталиб ўтди.

Ушбу янгиланишлар давлат раҳбари томонидан белгилаб бериладиган устувор йўналишларнинг вилоятдаги ижросини таъминлашда муҳим аҳамият касб этиши таъкидланди.

Telegram I Facebook I YouTube I Instagram

Одил судловни амалга оширишда жамоатчилик иштироки ва роли оширилади

Энди жиноят процессига инглиз ҳуқуқидаги давлатларда ижобий натижа берган «Халқ вакиллари ҳайъати» институти босқичма-босқич жорий этилади.

Бунда ўта оғир ва жамиятда шов-шувга сабаб бўлаётган жиноятлар жамоатчилик вакиллари иштирокида кўриб чиқилиши суд ҳукмининг янада адолатли бўлишига хизмат қилади.

«Суд қарорлари ижросини сўзсиз таъминламай туриб, фуқаро ва тадбиркорлар ҳуқуқининг ишончли тикланишига эришиб бўлмайди. Шу боис, мажбурий ижро жараёнига самарали муқобил механизмларни ҳам киритамиз»,

– деди давлат раҳбари.

ИИВ ўзини оқламоқчи эмас

👉 https://youtu.be/EklEQJleVYY

Бизнес—омбудсманга раҳбар тайинланди

Бўриев Абдуманноп Абдурахматович Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакили (бизнес-омбудсман) лавозимига тайинланди.

Сурхондарёда 10 минг гектарлик яшил макон

Сурхондарё вилоятида чанг-тозонларнинг олдини олиш мақсадида 10 минг гектарда яшил макон барпо этилади. Бу ташаббус Президентнинг Олий Мажлисга Мурожаатномасида алоҳида таъкидланди.

Ҳозирда Ангор ва Термиз туманлари туташ ҳудудда, 220 гектарда 16 миллион кўчат экиш орқали яшил белбоғ яратиш ишлари бошланган.

Вилоят ҳокими Улуғбек Қосимов лойиҳа билан танишиб, уни сифатли амалга ошириш, 10 минг гектарлик ҳудудларни аниқлаш ва иқлимга мос дарахт турларини танлаш бўйича вазифалар белгилади.

Telegram I Facebook I YouTube I Instagram

Tiktok'да президентни ҳақорат қилган фуқаро 4 йилга қамалди

Президент Давлат хавфсизлик хизмати ходимлари томонидан амалга оширилган тезкор тадбирлар натижасида ушбу фуқаро Озарбайжонда қўлга олинди.

Унга суд томонидан 4 йилга озодликдан махрум этиш жазоси берилди.