Мўйноқдаги 3-сонли қудуқдан табиий газ оқими олинди

Устюртдаги “Мўйноқ” конида муҳим геологик натижа қайд этилди. 3-сонли излов қудуқидан саноат миқёсида табиий газ оқими олинди.

Бурғилаш ишлари жорий йилнинг 8 сентябр куни “Ўзнефтгаз бурғилаш ишлари” томонидан бошланган бўлиб, қудуқ қуйи юра қатламларигача, яъни 4 940 метр чуқурликка бурғиланди.

Ҳозирда қудуқнинг 3 сутка давомида маҳсулдор қатлами хусусиятлари ўрганилмоқда. Тадқиқотлар натижасида қудуқнинг суткалик дебити, қатлам босими ва бошқа муҳим параметрлари аниқланади.

Шу билан бирга, Мўйноқ майдонида яна икки қудуқда бурғилаш ва синаш ишлари жадал давом этмоқда. Яқин кунларда улардан ҳам натижалар олиниши кутилади.

Telegram I Facebook I YouTube I Instagram

❗️ Болаларни зўравонликнинг барча шаклларидан ҳимоя қилиш стратегияси тасдиқланди — президент фармони

Ҳужжатга кўра, 2026 йил 1 февралдан бошлаб зўравонлик натижасида оиласидан олинган ва ўзига нисбатан зўравонлик содир этилиши хавфи остида бўлган, шунингдек, ижтимоий жиҳатдан хавфли аҳволда бўлган болалар учун профессионал тутинган оила хизмати йўлга қўйилади.

2026 йил 1 сентябрдан бошлаб:

🔹 зўравонликдан жабрланган болаларга ва зўравонликка гувоҳ бўлган болаларга улар тегишли процессуал хатти-ҳаракатларга жалб этилган вақтдан эътиборан давлат ҳисобидан юридик ёрдам кўрсатилади;

🔹 зўравонликдан жабрланган болаларнинг дастлабки кўрсатувлари мажбурий тартибда видеоёзув орқали қайд этилади;

🔹 мулкчилик шаклидан қатъи назар таълим, соғлиқни сақлаш ва аҳолини ижтимоий ҳимоя қилиш ташкилотлари ходимлари томонидан болаларга нисбатан зўравонлик билан боғлиқ аниқланган фактлар ҳақида хабар бермаганлик учун маъмурий жавобгарлик жорий этилади.

Шунингдек:

➖ Таълим ташкилотларининг қабул квотасини тасдиқлашда ижтимоий жиҳатдан хавфли аҳволда бўлган болалар учун 5 фоизгача қўшимча квота ажратилади;

➖ Республика қиз болалар ўқув-тарбия муассасаси ва Республика ўғил болалар ўқув-тарбия муассасасии тугатилади;

➖ Давлат муассасаси шаклида Болаларни қўллаб-қувватлаш ва ижтимоий интеграция маркази ҳамда унинг Самарқанд, Фарғона, Хоразм ва Бухоро вилоятларида минтақавий бўлинмалари ташкил этилади.

Telegram I Facebook I YouTube I Instagram

Президент Олий Мажлис ва Ўзбекистон халқига Мурожаатнома йўллайди

Бугун Ўзбекистон Республикаси Президенти Шавкат Мирзиёев Олий Мажлис ва Ўзбекистон халқига Мурожаатномани тақдим этади.

Мурожаатноманинг тўғридан-тўғри трансляциясини соат 11:00 дан бошлаб қуйидаги манбаларда томоша қилинг:

— Миллий телеканаллар: “O‘zbekiston 24”, “O‘zbekiston” (сурдотаржима билан), “Mahalla”, “Madaniyat va ma’rifat”, “O‘zbekiston tarixi”, “Mening yurtim”, “Sevimli”, “Milliy”, “Zo‘r TV”, “Renessans TV”;
— Рус тилидаги таржима билан: “Toshkent” ва “Dunyo bo‘ylab”;
— Инглиз тилидаги таржима билан: “Yoshlar” ва “Uzreport TV”;
— Интернетда: Президент матбуот хизматининг Telegram, Facebook’даги саҳифалари ҳамда YouTube’даги расмий каналида.

Telegram I Facebook I YouTube I Instagram

Қамчиқ довонидаги жорий вазият тўғрисида маълумот берилди

Жорий йилнинг 26 декабрь соат 09:00 ҳолатига кўра, Қамчиқ довонида ҳаво булутли бўлиб турибди. Довоннинг айрим ҳудудларида кучсиз қор ёғиши кузатилмоқда.

Ҳайдовчилардан йўлларда ҳушёрликни оширишлари ва техника хавфсизлиги қоидаларига риоя қилишлари сўралади.

Telegram I Facebook I YouTube I Instagram

2026 йил учун Давлат бюджети тўғрисидаги Қонун қабул қилинди

Ўзбекистон Республикаси Президенти томонидан имзоланган ЎРҚ–1105-сонли (25.12.2025 й.) Қонун билан 2026 йил учун Давлат бюджети тасдиқланди.

Қонуннинг асосий мақсади:
2026 йил учун мамлакатнинг консолидациялашган бюджетини шакллантириш ва унинг ижро этилиш жараёнларини тартибга солишдан иборат.

Маблағлардан фойдаланиш тартиби:
1-даражали бюджет маблағларини тақсимловчиларга ажратилган маблағлардан фақат 2026 молия йили давомида фойдаланилади. Ушбу маблағлар келгуси йилга ўтказилмайди.

Янги йил учун қуйидаги ставкалар тасдиқланди:

— Мулкни ижарага берувчи жисмоний ва юридик шахслар учун ижара тўловининг энг кам ставкалари;
— Айрим турдаги товарлар билан чакана савдо қилиш ҳуқуқи учун йиғимларнинг чекланган ставкалари;
— Хорижий автотранспорт воситаларининг Ўзбекистон ҳудудига кириши ва транзити учун йиғим ставкалари.

Бюджет тақчиллиги:
2026 йил учун Ўзбекистон консолидациялашган бюджети тақчиллигининг чекланган миқдори ялпи ички маҳсулотнинг (ЯИМ) 3 фоизи миқдорида белгиланди.

Қонун 2026 йил 1 январдан эътиборан кучга киради.

Telegram I Facebook I YouTube I Instagram

⚡️ Ўзбекистонда бюджет жараёни ва назорати янада такомиллаштирилади

Янги қабул қилинган Қонун (ЎРҚ–1107-сон, 25.12.2025 й.) билан айрим қонун ҳужжатларига ўзгартириш ва қўшимчалар киритилди.

Ўзбекистоннинг Давлат бюджети, давлат мақсадли жамғармалари бюджетлари ва бюджет ташкилотларининг бюджетдан ташқари жамғармаларидан ажратиладиган маблағлар бўйича товарларни етказиб берувчилар билан тузилган шартномалар ғазначилик органларида рўйхатдан ўтказилганидан кейин кучга киради.

Навбатдаги йил учун Ўзбекистоннинг ижтимоий ва ишлаб чиқариш инфратузилмасини ривожлантириш дастурига киритиладиган лойиҳалар портфеллари Вазирлар Маҳкамаси томонидан ҳар йили 1 июлгача Қонунчилик палатасига киритиб борилади.

Мазкур лойиҳалар портфели Қонунчилик палатаси фракциялари ҳамда қўмиталарида муҳокама қилинади. Кўриб чиқиш жараёни 10 кун ичида амалга оширилиб, тегишли таклиф ва тавсиялар Вазирлар Маҳкамасига юборилади.

Иқтисодиёт ва молия вазирлиги томонидан ҳар йили 15 апрелгача ўрта муддатли давр учун камида 2 та сценарийдаги асосий макроиқтисодий кўрсаткичлар прогнозининг дастлабки баҳоси ишлаб чиқилади.

Давлат бюджетининг ижроси тўғрисидаги чораклик ҳисобот бюджет таснифига мувофиқ муайян давр учун Давлат бюджети даромадлари ва харажатларининг ижроси натижаларидан иборат бўлади.

Telegram I Facebook I YouTube I Instagram

⚡️ Президент Шавкат Мирзиёевнинг Мурожаатномаси бошланди

Президент Шавкат Мирзиёевнинг Олий Мажлисга ва кўп миллатли халқимизга Мурожаатномаси бошланди. Давлатимиз раҳбари ўз сўзининг аввалида ўтган давр мобайнида эришилган натижаларга тўхталиб ўтди:

“Сўнгги тўққиз йилда биз сизлар билан, эл-юртимиз билан биргаликда катта тараққиёт йўлини босиб ўтдик.

Иқтисодиётимиз янгидан шаклланди, бозор муносабатлари, ижтимоий ҳимояни кенгайтирдик, қонун устуворлигини мустаҳкамладик.

Энг муҳими, ислоҳотларимиз самарасини ҳар бир маҳалла, ҳар бир хонадон ва ҳар бир инсон кундалик ҳаётида ҳис қилмоқда.

Бир сўз билан айтганда, биз ислоҳотларни аниқ амалий натижага айлантиришни ўргандик.

Бунинг тасдиғини тобора янгича қиёфа касб этиб бораётган шаҳар ва қишлоқларимизда, замонавий корхоналар, савдо-сервис масканлари, мактаб, боғча ва шифохоналар, обод кўча ва маҳаллалар, транспорт-логистика тизими, рақамли хизматлар мисолида яққол кўриш мумкин”,

— деди давлат раҳбари.

Telegram I Facebook I YouTube I Instagram

⚡️ Президент: “Биз ўта мураккаб йилни якунлаяпмиз”

Давлатимиз раҳбари Шавкат Мирзиёев ўз Мурожаатномасида дунёдаги бугунги таҳликали вазият ва шунга қарамай, Ўзбекистон эришаётган барқарорлик ҳақида алоҳида тўхталиб ўтди:

“Бугунги кунда дунёда содир бўлаётган ва яқин-яқингача ҳеч ким тасаввур қила олмаган ўзгаришлар, давлатлар ўртасида иқтисодий қарама-қаршилик, хавфсизликка таҳдидлар ортиб бораётган таҳликали бир вазиятда сизлар билан ўта мураккаб йилни якунлаяпмиз”,

– деди Президентимиз.

Қанчалик оғир бўлмасин, мамлакатимизда бошланган демократик ислоҳотлар қатъий давом эттирилгани таъкидланди. Хусусан, 2025 йилда эришилган ютуқларнинг асосий омиллари сифатида қуйидагилар қайд этилди:

— Халқимизнинг қўллаб-қувватлаши ва ёшларнинг ғайрат-шижоати;
— Ҳамжиҳатлик асоси бўлган маҳалланинг ҳаётимиздаги ўрни ва таъсири кучайтирилгани;
— Тадбиркор, деҳқон ва фермерларнинг ташаббускорлиги ҳамда мардона меҳнати;
— Ўзаро манфаатли ҳамкорликка асосланган дўстона ташқи сиёсат.

Аввало, жаҳон миқёсида ишлаб чиқариш ва транспорт-логистика занжирлари узилган, хомашё ва молиявий ресурслар нархи ошган шароитда ҳам Ўзбекистон иқтисодиёти ишончли ва барқарор ўсишда давом этмоқда. Бу натижалар дунё ҳамжамияти ва нуфузли халқаро ташкилотлар томонидан эътироф этилаётгани алоҳида қайд этилди.

Telegram I Facebook I YouTube I Instagram