Самарқандда икки нафар суд раиси лавозимидан озод этилди

Судьялар олий кенгашининг қарорига мувофиқ, Самарқанд вилоятидаги икки нафар судьянинг ваколатлари муддатидан илгари тугатилди.

Жиноят ишлари бўйича Самарқанд туман судининг раиси Н. Ражабов одил судловни амалга ошириш чоғида қонунийликни бузганлиги ҳамда ёзма аризасига асосан лавозимидан озод этилди.

Шунингдек, Самарқанд туманлараро маъмурий судининг раиси С. Солиев Судьялар одоби кодекси талабларини бузганлиги учун судьялик ваколатидан маҳрум қилинди.

Telegram I Facebook I YouTube I Instagram

Ўзбекистон 11 ойда 1,1 млн тонна мандарин импорт қилди: асосий етказиб берувчи — Покистон

Миллий статистика қўмитасининг маълумотларига кўра, 2025 йилнинг январь-ноябрь ойлари давомида Ўзбекистонга хориждан қиймати 256,4 млн АҚШ долларига тенг бўлган 1,1 млн тонна мандарин олиб кирилди.

Қайд этилишича, мандарин импортининг қиймати ўтган йилнинг шу даврига нисбатан 9,4 фоизга ошган. Ушбу давр мобайнида жами 62 та давлатдан маҳсулот етказиб берилган бўлиб, Покистон ва Қозоғистон асосий ҳамкорлар бўлиб қолмоқда.

2025 йилнинг 11 ойида Ўзбекистонга энг кўп мандарин етказиб берган давлатлар:

🔸 Покистон – 327,1 минг тонна
🔸 Қозоғистон – 314,3 минг тонна
🔸 Эквадор – 145,9 минг тонна
🔸 Хитой – 124,6 минг тонна
🔸 Афғонистон – 58,5 минг тонна
🔸 Бошқа давлатлар – 153,8 минг тонна.

Шунингдек, импорт қилинган маҳсулотларнинг умумий ҳажми ички бозордаги талабни қондириш ва нархлар барқарорлигини таъминлашга қаратилган.

Telegram I Facebook I YouTube I Instagram

Капитал бозорида янги ислоҳотлар: инвестициялар ҳажми 1 млрд долларга етказилади

Президентнинг 2025 йил 18 декабрдаги ПФ–254-сонли Фармони билан Ўзбекистон капитал бозорида инвестиция муҳитини тубдан яхшилаш чора-тадбирлари белгиланди.

Ҳужжатга кўра, 2030 йилгача замонавий молиявий воситаларни жорий этиш орқали фонд бозорига жами 1 миллиард АҚШ доллари миқдорида қўшимча инвестиция жалб қилиш режалаштирилган.

Шунингдек, иқтисодий фаолликни ошириш мақсадида 5 триллион сўмлик корпоратив облигациялар чиқарилиши таъминланади.

Янги тартибга кўра, инвесторлар хавфсизлигини кафолатловчи механизмлар кучайтирилиб, соҳадаги ҳуқуқбузарликларни бартараф этиш улушини 85 фоиздан ошириш асосий мақсад этиб белгиланди.

Шу билан бирга, капитал бозорида аввал жорий этилган «Тартибга солиш қумдони» махсус ҳуқуқий режими эндиликда чекланмаган муддатга амал қиладиган бўлди.

Мазкур режим доирасида маҳаллий юридик шахсларга махсус иштирокчи мақомини олиш ҳамда хорижий инвесторлар ва инвестиция фондларига қимматли қоғозларни сақлаш хизматларини кўрсатиш ҳуқуқи берилди.

Бундан ташқари, эмитентлар қонунчиликда белгиланган ҳолларда ўз капитали миқдоридан ортиқ бўлган корпоратив облигацияларни таъминотсиз чиқариш имкониятига эга бўлди.

Telegram I Facebook I YouTube I Instagram

Рақобат қўмитаси йирик савдо тармоқларини нархларни оширмаслик бўйича огоҳлантирди

Рақобат қўмитаси Янги йил байрами арафасида ижтимоий муҳим озиқ-овқат маҳсулотларига бўлган талабнинг кескин ортишини инобатга олиб, мамлакатимиздаги йирик чакана савдо тармоқларига махсус кўрсатмалар юборди.

Огоҳлантириш хати «Корзинка», «Макро», «Ҳавас», «Барака», «Магнум», «Ассорти», «B1» ва «Магнит» каби тармоқларга йўлланган бўлиб, унда байрам кунларида нархлар барқарорлигини таъминлаш асосий вазифа этиб белгиланган.

Қўмита кўрсатмасига кўра, савдо тармоқлари қуйидаги чораларни амалга ошириши шарт:
🔸 Маҳсулот етказиб берувчилар томонидан нархларнинг ўзгартирилиши ёки логистика харажатлари ортиши каби омиллар юзага келганда, бу ҳақда Қўмитани тезкорлик билан хабардор қилиб бориш;
🔸 Етказиб берувчи корхоналарни маҳсулот нархларини асоссиз равишда оширмаслик юзасидан огоҳлантириш;
🔸 Ижтимоий муҳим маҳсулотларнинг сотувда доимий бўлишини ва нархларнинг сунъий равишда кўтарилишига йўл қўймаслик чораларини кўриш.

Ушбу чора-тадбирлар байрам кунларида аҳолининг истеъмол кайфиятини сақлаб қолиш ва бозорлардаги нарх-наво барқарорлигини назорат қилишга қаратилган.

Telegram I Facebook I YouTube I Instagram

Ички ишлар вазирлигида йил сарҳисобига бағишланган матбуот анжумани ўтказилмоқда

Бугун, 23 декабрь куни Ўзбекистон Республикаси Ички ишлар вазирлигида «Янги Ўзбекистон ички ишлар органлари фаолияти юзасидан йил сарҳисоби: таҳлил, натижа ва камчиликлар ҳамда устувор вазифалар» мавзусида кенг қамровли матбуот анжумани бўлиб ўтмоқда.

Тадбирда Ички ишлар вазири ўринбосари — Тергов департаменти раҳбари полковник Рамазон Ашропов бошчилигида соҳавий хизмат раҳбарлари иштирок этмоқда.

Шунингдек, видеоконференцалоқа тизими орқали ҳудудий ички ишлар органлари раҳбарларининг ўринбосарлари ҳам мулоқотга жалб этилган.

Матбуот анжумани давомида қуйидаги масалалар диққат марказида бўлиши кутилмоқда:

🔸 Тизимда йил давомида эришилган асосий кўрсаткичлар ва натижалар таҳлили;
🔸 Фаолият давомида йўл қўйилган камчиликлар ва уларни бартараф этиш чоралари;
🔸 Келгуси йил учун белгиланган стратегик мақсадлар ва устувор вазифалар.

Тадбир ИИВ Маданият саройида бўлиб ўтмоқда ва унда оммавий ахборот воситалари ходимлари ҳамда жамоатчилик вакиллари фаол иштирок этмоқда.

Telegram I Facebook I YouTube I Instagram

Фарғонада қайрилиш қоидасини бузган ҳайдовчи сабаб бир киши ҳалок бўлди

Фарғона вилоятида икки автомобил иштирокида мудҳиш йўл-транспорт ҳодисаси юз берди. Йўл четида тўхтаб турган ҳайдовчи хавфсизлик қоидаларига амал қилмай, тўсатдан чапга қайрилиши оқибатида ортдан келаётган бошқа бир машина билан тўқнашган.

Автоҳалокат натижасида оғир тан жароҳати олган 52 ёшли йўловчи шифохонага ётқизилган. Бироқ кўрсатилган тиббий ёрдамга қарамай, фуқаро вафот этган.

Ҳозирда мазкур ҳолат юзасидан терговга қадар текширув ҳаракатлари олиб борилмоқда.

Telegram I Facebook I YouTube I Instagram

Оҳангаронда вояга етмаган қизга нисбатан зўравонлик қилган шахс устидан суд бошланди

Оҳангарон шаҳрида манзил-колониядан қочиб, 3-синф ўқувчисини зўрлаганликда айбланаётган 31 ёшли М.Т.га оид жиноят ишини судда кўриб чиқиш бошланди. Бу ҳақда Олий суд матбуот котиби Азиз Абидов хабар берди.

Тергов маълумотларига кўра, жорий йилнинг 16 октябрь куни Оҳангарон туманидаги 50-сон манзил-колониясида жазо ўтаётган М.Т. меҳнатга жалб қилинган объектдан кетиб қолган ва 9 ёшли қизга нисбатан жинсий зўравонлик содир этган.

Ҳозирда Фарғона вилоятида туғилган М.Т. Жиноят кодексининг қуйидаги моддалари билан айбланмоқда:

🔸 118-модда 4-қисми — номусга тегиш;
🔸 119-модда 4-қисми — жинсий эҳтиёжни зўрлик ишлатиб ғайритабиий усулда қондириш.

Жиноят иши Жиноят-процессуал кодексининг 19-моддаси талабларига мувофиқ, жабрланувчининг вояга етмаганлиги ва ишнинг хусусиятини инобатга олган ҳолда ёпиқ суд мажлисида кўриб чиқилмоқда.

Telegram I Facebook I YouTube I Instagram

Ярим миллиард сўмлик пиротехника воситалари йўқ қилинмоқда: хавфсизлик биринчи ўринда

Бугун, 23 декабр куни Давлат божхона қўмитаси томонидан ноқонуний муомаладан олиб қўйилган катта миқдордаги пиротехника воситаларини йўқ қилиш жараёни бўлиб ўтмоқда. Ушбу тадбирда Effect.uz ижодий жамоаси бевосита иштирок этиб, жараённи жойидан кузатиб бормоқда.

Мазкур тадбир давомида жами 945 минг дона пиротехника воситалари йўқ қилинмоқда. Ушбу маҳсулотларнинг умумий қиймати қарийб ярим миллиард сўмни ташкил этади. Ушбу хавфли воситалар Божхона қўмитаси, Ички ишлар органлари ҳамда Миллий гвардия ходимлари томонидан ўтказилган ҳамкорликдаги тезкор тадбирлар давомида тўхтатиб қолинган эди.

Мутахассисларнинг таъкидлашича, пиротехника воситаларидан келиб чиқадиган ҳатто энг кичик портлаш ҳам инсон ҳаёти ва соғлиғи учун жиддий хавф туғдириши мумкин. Шу сабабли, ноқонуний маҳсулотларни йўқ қилиш орқали кўплаб бахтсиз ҳодисаларнинг олди олинмоқда. Ҳозирда йўқ қилиш жараёни белгиланган хавфсизлик меъёрларига амал қилган ҳолда давом этмоқда.

Telegram I Facebook I YouTube I Instagram

«Бу инсон ақлига сиғмайдиган жирканч жиноят» — Путин

Россия президенти Владимир Путин Имомали Раҳмон билан учрашувда Москва вилоятида ҳалок бўлган 10 ёшли Қобилжон Алиевнинг оиласига ҳамдардлик билдирди. Путин содир бўлган воқеани кескин қоралаб, болаларга нисбатан зўравонлик ҳеч қачон кечирилмаслигини таъкидлади.

Россия етакчиси тергов ишлари шахсий назоратида эканини ва барча айбдорлар қонун олдида энг қатъий жазога тортилишини ваъда берди.

Telegram I Facebook I YouTube I Instagram

Божхона тизимида янги имтиёзлар: расмийлаштирув йиғимлари пасайтирилади

Ўзбекистон Республикаси Президентининг тегишли фармонига асосан, 2026 йилдан бошлаб божхона маъмурчилигини соддалаштириш ва тадбиркорлик субъектларини қўллаб-қувватлашга қаратилган янги тартиблар жорий этилади.

2026 йил 1 мартдан бошлаб товарларни чегарага етиб келгунига қадар дастлабки декларациялаш орқали эркин муомалага чиқаришда қуйидаги енгилликлар берилади:
🔸 Божхона расмийлаштируви учун йиғим миқдори 20 фоизга пасайтирилади;
🔸 Божхона тўловларини бўлиб-бўлиб ёки кечиктириб тўлашда 14 кунгача фоизлар ҳисобланмайди.

2026 йил 1 майдан бошлаб:
🔸 Товарларни даврий декларация орқали расмийлаштиришда божхона тўловларини ҳар бир партия учун алоҳида (республика ҳудудига кириб келган вақтда) тўлаш имконияти яратилади.

Божхона ахборот тизимида хавф аниқланмаган тақдирда, қуйидаги юклар учун декларациялар инсон омилисиз, автоматик тарзда расмийлаштирилади:
🔸 Йирик солиқ тўловчилар, давлат ташкилотлари ҳамда давлат улуши 50 фоиздан юқори бўлган корхоналарнинг импорт юклари;
🔸 Тариф ва нотариф чекловлар қўлланилмайдиган экспорт товарлари.

Ушбу ислоҳотлар ташқи иқтисодий фаолият иштирокчилари учун вақт ва маблағ тежалишини таъминлашга хизмат қилади.

Telegram I Facebook I YouTube I Instagram

Навоийга «Президент совғалари» карвони етиб келди

Янги йил байрами арафасида мамлакатимиз бўйлаб болажонларга қувонч улашиш мақсадида Ижтимоий ҳимоя миллий агентлиги томонидан ташкил этилган «Президент совғалари» карвони Навоий вилоятига етиб келди.

Мазкур инсонпарварлик тадбири доирасида вилоятдаги жами 294 нафар ўғил-қизларга махсус совғалар топширилади. Уларнинг қаторида оилавий болалар уйи тарбияланувчилари, ота-она қарамоғидан маҳрум бўлган болалар, Ватан тинчлиги йўлида ҳалок бўлган ҳуқуқни муҳофаза қилувчи органлар ходимларининг фарзандлари ҳамда Зарафшон шаҳридаги «Умид» реабилитация маркази тарбияланувчилари бор.

Ҳар бир совға тўплами болажонлар учун фойдали ва қувончли маҳсулотларни ўз ичига олган:

🔸 Китоблар тўплами ва 24 номдаги ўқув қуроллари;
🔸 34 хил турдаги сара ширинликлар.

Ушбу совғалар давлатимиз раҳбарининг болаларга бўлган юксак ғамхўрлиги намунаси сифатида, яқин кунларда бўлиб ўтадиган «Президент арчаси» тантаналарида ўз эгаларига тантанали равишда топширилади.

Telegram I Facebook I YouTube I Instagram

Чортоқда қурилиш ишлари авжида

Наманган вилояти ҳокими Шавкатжон Абдураззоқов бугун Чортоқ туманида бўлиб, қурилиш ва лойиҳалар билан танишди.

Туманда замонавий инфратузилма яратиш ва ҳудудларни ривожлантириш ишлари жадал суръатларда олиб борилмоқда.

"Катта Наманган" канали: Бобур массивигача бетонлаш ишлари давом этмоқда.

Фурқат боғи: Реконструкция қилинмоқда, замонавий архитектура, ёритиш ва яшил ҳудудлар барпо этилмоқда.
Чортоқ сояси: Бешкапа маҳалласидан Наманган маҳалласигача 1,5 км қисмини каскадлаш ва экоёлак қуриш ишлари амалга оширилмоқда.

Вилоят ҳокими иш сурати ва сифатини ўрганди, масъулларга ишларини меъёр ва сифат талаблари даражасида давом эттириш бўйича топшириқлар берди.

Telegram I Facebook I YouTube I Instagram

"2025 йилда республика бўйича 39 фоиз маҳаллаларда бирорта ҳам жиноят содир этилмаган" – ИИВ йил сарҳисобини эълон қилди

Бугун, 23 декабр куни Ички ишлар вазирлигида йил сарҳисобига бағишланган матбуот анжумани бўлиб ўтди. Вазир ўринбосари Р.Ашропов иштирокидаги тадбирда тизимдаги ислоҳотлар натижасида республика бўйича 3 503 та маҳаллада жиноятчиликка йўл қўйилмагани, олдини олиш мумкин бўлган жиноятлар сони эса 9,2 фоизга камайгани таъкидланди.

Шунингдек, йил давомида 10,7 миллион нафар сайёҳ хавфсизлиги таъминланди. Киберхавфсизлик соҳасида 76 миллиард сўмлик маблағни криптовалюта шаклида республикадан олиб чиқиб кетиш ҳаракатлари тўхтатилди. Тизимда очиқликни таъминлаш учун «Бурчга садоқат» ва «Қизил ҳудуд» каби лойиҳалар ҳамда мунтазам подкастлар йўлга қўйилмоқда.

Келгуси йил учун мўлжалланган медиа-режа тақдимотида жамоатчилик билан ҳамкорликни кучайтириш, пресс-турлар ва блогерлар билан ишлаш кўламини кенгайтириш устувор вазифа этиб белгиланди.

Telegram I Facebook I YouTube I Instagram

Илм-фан эътирофи: SCIENCE AND INNOVATION AWARDS 2025

2025 йил 20 декабрь куни Тошкент шаҳридаги «Туркистон» санъат саройида мамлакатимиз илм-фан ҳаётидаги энг нуфузли тадбирлардан бири — «SCIENCE AND INNOVATION AWARDS 2025» мукофотлаш маросими анъанавий тарзда бўлиб ўтди.

Тадбир йил давомида илм-фан ва инновациялар ривожига муносиб ҳисса қўшган етакчи олимлар ҳамда ташкилотларни эътироф этишга қаратилди.

Маросимни «Science and Innovation» компанияси бош директори Бахтиёр Рустамов очиб бериб, илм-фаннинг жамият тараққиётидаги ўрни ва замонавий инновацион ёндашувларнинг аҳамиятини алоҳида таъкидлади.

Республика бўйлаб жами 3 000 дан ортиқ ариза келиб тушди.
Саралаш жараёнлари икки босқичда ўтказилиб, номзодларнинг илмий салоҳияти ва касбий фаолияти атрофлича баҳоланди.

Якуний натижаларга кўра, ғолиблар 10 та нуфузли номинация бўйича аниқланиб, махсус статуэтка ва дипломлар билан тақдирланди.

Мазкур маросим ўзбек илм-фанининг бугунги ютуқлари ва келажак сари дадил қадамларини яққол намоён этган, юксак эътироф ҳамда илҳом манбаига айланган муҳим илмий байрам бўлди.

Telegram I Facebook I YouTube I Instagram

Москвада ўлдирилган Қобилжон Алиевнинг онасига уй берилди

Тожикистон ҳукумати Москва вилоятидаги мактабда ҳалок бўлган 10 ёшли Қобилжон Алиевнинг онаси Нилуфар Сафоевага уй тақдим этди.

Telegram I Facebook I YouTube I Instagram