Мисрда бўлиб турган Ўзбекистон фуқаролари огоҳлантирилди

Сўнгги вақтларда Ўзбекистон Республикасининг Миср Араб Республикасидаги Элчихонасига фуқароларнинг маҳаллий ҳуқуқ-тартибот органлари томонидан ушлаб турилиши билан боғлиқ мурожаатлар сони ортиб бормоқда. Элчихона маълум қилишича, ушбу ҳолатлар юзасидан Мисрнинг тегишли идоралари билан музокаралар олиб борилмоқда.

Маълум қилинишича, Миср ваколатли органларининг расмий маълумотларига кўра, Қоҳира шаҳри ва бошқа йирик шаҳарларда хорижий фуқароларнинг миграция қонунчилиги ҳамда жамоат тартиб-қоидаларига риоя этиши устидан назорат кучайтирилган.

Хусусан, Миср ҳудудида ноқонуний равишда бўлиб турган, амалдаги ҳужжатларга эга бўлмаган ёки жамоат тартибини бузган хорижий фуқароларга нисбатан маъмурий чоралар, жумладан, депортация тадбирлари қўлланилмоқда.

Шу муносабат билан Элчихона Мисрда бўлиб турган Ўзбекистон фуқароларини маҳаллий қонунчилик талабларига қатъий риоя қилишга, паспорт ҳамда мамлакатда қонуний бўлишни тасдиқловчи ҳужжатларни доимо ўзи билан олиб юришга, амалдаги виза ёки яшаш рухсатномасига эга бўлишга, шунингдек, тегишли рухсатномасиз меҳнат фаолияти билан шуғулланмасликка чақирди.

Ушлаб турилган тақдирда фуқароларга шахсий ҳужжатларни бегона шахсларга бермаслик ҳамда имкони борича тезроқ Ўзбекистон Республикасининг Қоҳира шаҳридаги Элчихонасига мурожаат қилиш тавсия этилди.

Элчихона билан боғланиш учун телефонлар:
+202 3336 1723
+202 3336 4516

Telegram I Facebook I YouTube I Instagram

Тошкент халқаро аэропортида одам савдоси билан шуғулланган шахс қўлга олинди

Давлат хавфсизлик хизмати ҳамда Ички ишлар вазирлиги ходимлари ҳамкорлигида одам савдосига қарши тезкор тадбир ўтказилди.

Тадбир давомида пойтахтда истиқомат қилувчи, 1998 йилда туғилган С.Н. икки нафар фуқарони Таиланд давлатида фоҳишалик билан шуғулланиш мақсадида олиб чиқмоқчи бўлган вақтида Тошкент халқаро аэропортида қўлга олинди.

Шунингдек, мазкур жиноий ҳаракат ҳозирда Таиландда бўлиб турган, 2005 йилда туғилган Ф.А. томонидан ташкил этилгани аниқланди.

Ҳозирда ушбу шахсларга нисбатан Ўзбекистон Республикаси Жиноят кодексининг 135-моддаси 2-қисми “б”, “г”, “е”, “з” бандлари билан жиноят иши қўзғатилиб, тергов ҳаракатлари олиб борилмоқда.

Telegram I Facebook I YouTube I Instagram

Конституциявий одил судловга эришиш кафолатлари кучайтирилди

Ўзбекистон Республикаси Президенти томонидан Конституциявий суд фаолиятини такомиллаштириш ва замонавий рақамли технологияларни жорий этишга доир Президент Фармони (ПФ–253-сон, 18.12.2025 й.) қабул қилинди.

Фармон Конституциявий суднинг устувор мақсадларини белгилайди, жумладан, фуқаролар ва юридик шахсларнинг конституциявий одил судловга эришишини кенгайтириш, ҳуқуқ ва эркинликларни тиклаш имкониятларини кучайтириш ҳамда мурожаатларни кўриб чиқиш тартиб-таомилларини соддалаштириш орқали бюрократик тўсиқларни бартараф этиш.

Шунингдек, Конституциявий судга тўғридан-тўғри мурожаат қилиш ҳуқуқига эга бўлмаган шахслардан келган мурожаатлар тегишли ҳуқуқий субъектларга юборилади ва уларга асос мавжуд эмаслиги ҳақида хабар берилади. Фармон Конституциявий шикоят институти, шунингдек суд қарорларини қайта кўриш ва норматив-ҳуқуқий ҳужжатларнинг Конституцияга мувофиқлигини таъминлаш механизмларини ҳам тартибга солади.

Telegram I Facebook I YouTube I Instagram

Ҳисоб палатаси фаолияти халқаро стандартлар асосида баҳоланади

Ўзбекистон Президенти фармонига мувофиқ, 2026 йилдан бошлаб Ҳисоб палатаси фаолияти ҳар беш йилда камида бир марта ташқи баҳолашдан ўтказилади.

Баҳолаш жараёни халқаро стандартлар асосида, хорижий олий аудит органлари ва халқаро ташкилотлар иштирокида амалга оширилади ва натижалари жамоатчиликка эълон қилинади.

Шунингдек, Ҳисоб палатаси халқаро молия институтлари ва ташкилотлари билан ҳамкорликда турли лойиҳа ва дастурларнинг аудитини ўтказиш ҳуқуқига эга бўлди.

Telegram I Facebook I YouTube I Instagram

Сохта ҳайдовчилик гувоҳномаларини расмийлаштирган Давлат хизматлари маркази мутахассиси қўлга олинди

2025 йил давомида Давлат хизматлари маркази мутахассиси жиноий шериклари билан ҳамкорликда муқаддам ҳайдовчилик гувоҳномаси олмаган 72 нафар фуқарога сохта ҳайдовчилик гувоҳномаларини расмийлаштириб, 616 миллион сўм пора олгани аниқланди.

Telegram I Facebook I YouTube I Instagram

АҚШ “Грин карта” лотереяси вақтинча тўхтатилди

АҚШ Ички хавфсизлик котиби Кристи Ноэм маълум қилишича, бу қарор Браун университетида содир бўлган отишмадан сўнг қабул қилинди.

Тергов маълумотларига кўра, гумонланувчи мамлакатга айнан шу дастур орқали кирган.

Шу сабаб, президент Дональд Трамп кўрсатмаси билан USCIS DV лотерея дастурини тўхтатди.

Расмийлар таъкидлашича, бу қарор АҚШ фуқаролари хавфсизлигини таъминлаш мақсадида қабул қилинган.

Сиз қандай фикрдасиз. Бу хавфсизлик чоралари учун зарурми ва адолатлими? Фикрингизни изоҳларда ёзинг

Telegram I Facebook I YouTube I Instagram

Тошкент халқаро аэропортида одам савдоси билан шуғулланган шахс қўлга олинди

Давлат хавфсизлик хизмати ҳамда Ички ишлар вазирлиги ходимлари ҳамкорлигида одам савдосига қарши тезкор тадбир ўтказилди.

Тадбир давомида пойтахтда истиқомат қилувчи, 1998 йилда туғилган С.Н. икки нафар фуқарони Таиланд давлатида фоҳишалик билан шуғулланиш мақсадида олиб чиқмоқчи бўлган вақтида Тошкент халқаро аэропортида қўлга олинди.

Шунингдек, мазкур жиноий ҳаракат ҳозирда Таиландда бўлиб турган, 2005 йилда туғилган Ф.А. томонидан ташкил этилгани аниқланди.

Ҳозирда ушбу шахсларга нисбатан Ўзбекистон Республикаси Жиноят кодексининг 135-моддаси 2-қисми “б”, “г”, “е”, “з” бандлари билан жиноят иши қўзғатилиб, тергов ҳаракатлари олиб борилмоқда.

Telegram I Facebook I YouTube I Instagram

Акмал Шукуров иши бўйича апелляция судялари фаолияти ўрганилмоқда

Акмал Шукуровга оид жиноят ишининг Тошкент шаҳар суди жиноят ишлари бўйича апелляция инстанциясида кўриб чиқилиши юзасидан хизмат текшируви бошланди. Бу жараён Судялар олий кенгаши томонидан амалга оширилмоқда.

Хабар берилишича, мазкур қарор Шукуровга нисбатан тайинланган 8 йил 1 ой озодликдан маҳрум қилиш жазосининг апелляция суди томонидан озодликни чеклаш жазосига алмаштирилиб, унинг қамоқдан озод этилгани ортидан жамоатчиликда юзага келган саволлар билан боғлиқ.

Хизмат текшируви апелляция инстанциясида иш қандай тартибда кўрилгани, қарор қабул қилиш жараёнида қонун талабларига қай даражада риоя этилганига аниқлик киритишга қаратилган. Текширув натижалари бўйича қўшимча ахборот тақдим этилиши маълум қилинди.

Маълумки, жиноят иши апелляция тартибида кўриб чиқилган суд мажлисига судя Одилбек Илҳомжонов раислик қилган, суд ҳайъати таркибида Мирзиёд Абидов ва Мухтарама Турғунова иштирок этган.

Эслатиб ўтамиз, Акмал Шукуров тунги клуб олдида содир бўлган жанжал чоғида бошқа шахсга оғир тан жароҳати етказиб, унинг комага тушишига сабаб бўлган. У воқеа жойидан яшириниб кетган бўлиб, кейинчалик Қозоғистон ҳудудида ушланиб, Ўзбекистонга олиб келинган.

Жиноят ишлари бўйича Мирзо Улуғбек туман судининг 2025 йил 24 октябрдаги ҳукми билан унга 8 йил 1 ой муддатга озодликдан маҳрум қилиш жазоси тайинланган эди. Аммо 9 декабрь куни апелляция инстанцияси томонидан ушбу жазо 4 йил 1 ой муддатга озодликни чеклаш жазосига алмаштирилиб, у суд залидан озод қилинган.

Шундан сўнг, Тошкент шаҳар прокуратураси киритган протест асосида иш 18 декабрь куни тафтиш инстанциясида қайта кўриб чиқилиб, Акмал Шукуровга 6 йил муддатга озодликдан маҳрум қилиш жазоси тайинланди ва у яна қамоққа олинди.

Telegram I Facebook I YouTube I Instagram

Рақобат қўмитаси самолётга сиғмай қолган фуқароларнинг мурожаатини ўрганди

Фуқаро 2025 йил 26 сентябрь санасида “Centrum-Air” сайти орқали Истанбул–Наманган йўналиши учун 2 та авиа чипта сотиб олган бўлса-да, авиакомпания томонидан ортиқча чипта сотилгани натижасида у ва турмуш ўртоғи самолётга сиғмай, Истанбул аэропортида қолиб кетишган. Бир суткадан сўнг уларга мажбурий равишда Истанбул–Тошкент рейсида парвоз қилиш таклиф қилинган ва фуқаролар шу рейсда қайтиб келишган. У мазкур ҳолатдан норози бўлиб, мурожаат қилган.

Ўрганишлар давомида, “Centrum-Air”  авиакомпанияси ўз хатоси сабаб юзага келган ноқулайлик учун фуқаро билан келишилган ҳолда қуйидаги компенсация ва имтиёзлар тақдим этган.

Унга кўра:
🔘500 евро миқдорда компенсация;
🔘қўшимча 865 200 сўм пуллик товон;
🔘авиакомпаниянинг исталган йўналишларига кейинги сафар 20 фоиз чегирма берувчи промокод;
🔘23 кг қўшимча бепул багаж;
🔘парвоз давомида самолётнинг биринчи қаторидаги жойлардан бепул фойдаланиш имконияти.

Telegram I Facebook I YouTube I Instagram

☄️ Университетнинг мансабдор ходими пора билан ушланди!

➡️Коррупцияга қарши курашиш доирасида Давлат хавфсизлик хизматининг Навоий вилояти бўйича бошқармаси ҳамда Бош прокуратура ҳузуридаги Департамент ходимлари ҳамкорлигида тезкор тадбир ўтказилди.

Жумладан, Навоий давлат университетининг мансабдор ходими ушбу таълим даргоҳининг ўқув хоналарини таъмирлаб берган масъулияти чекланган жамиятга хизмат ҳақи сифатида тўланиши лозим бўлган 189 млн сўм пул маблағини МЧЖ ҳисоб рақамига ўтказиб бериш эвазига таъмагирлик йўли билан 35 млн сўм олган вақтида ашёвий далиллар билан ушланди.

⚖️ Ҳозирда унга нисбатан Жиноят кодексининг 210-моддаси 2-қисми “в” банди билан жиноят иши қўзғатилиб, “қамоқ” эҳтиёт чораси қўлланилди. Тергов ҳаракатлари олиб борилмоқда.

🔴 Таъкидлаш лозимки, мазкур мансабдор шахс муқаддам судланган бўлсада, ўз хатосидан тўғри хулоса чиқармаган.

Telegram I Facebook I YouTube I Instagram

🥇Олтин қуймаларнинг мамлакатимиздан ноқонуний олиб чиқилишига чек қўйилди

☄️Давлат хавфсизлик хизмати ҳамда Божхона қўмитаси Шахсий хавфсизлик бошқармаси ходимлари ҳамкорлигида Андижон вилоятининг Хўжаобод туманида ўтказилган тезкор тадбирда, “Дўстлик” чегара божхона пости яқинида Фарғона вилоятида яшовчи, 1994 й.т. Т.Т. тўхтатилиб, унга тегишли хўжалик қопи холислар иштирокида кўздан кечирилди.

💰Натижада, қоп ичидаги 3 дона темир қопламали автомобиль эҳтиёт қисмлари махсус воситалар ёрдамида бўлакларга ажратилганда, уларнинг ичига жами 7 кг 784 г олтин бўлаклари яширилганлиги маълум бўлди.

🤑Баҳолаш хулосасига кўра, ушбу олтин қуймаларнинг умумий қиймати 12 млрд 465 млн 795 минг сўмни ташкил этади.

🚛Аниқланишича, мазкур фуқаро Тошкент шаҳридан юборилган олтинларни Қирғиз Республикасида қабул қилиб оладиган шахсга юк автотранспорт воситалари ҳайдовчилари орқали божхона назоратидан яширган ҳолда етказиши керак бўлган.

⚖️Ҳозирда унга нисбатан Жиноят Кодексининг 25,182-моддаси 2-қисми “а” банди билан жиноят иши қўзғатилиб, “қамоқ” эҳтиёт чораси қўлланилди.

🕵️‍♂️Тергов ҳаракатлари доирасида ушбу қимматбаҳо металлни ҳақиқий эгаларининг шахсини аниқлаш бўйича чоралар кўрилмоқда.

Telegram I Facebook I YouTube I Instagram

Олий суд таркибида муҳим тайинловлар ва ўзгаришлар амалга оширилди

Олий Мажлис Сенатининг навбатдаги ялпи мажлисида суд тизими фаолиятини янада такомиллаштириш ва кадрлар таркибини мустаҳкамлаш масаласи кўриб чиқилди. Муҳокамалар якунида Олий суд таркибига ўзгартиришлар киритиш тўғрисида тегишли қарор қабул қилинди.

Қабул қилинган ҳужжатга асосан, Маликахон Қаландарова судялик лавозимида бўлишнинг навбатдаги ўн йиллик муддатига сайланди. Ушбу муддатнинг дастлабки беш йили давомида у Олий суд раисининг ўринбосари – судлов ҳайъати раиси сифатида масъулиятли вазифани бажарадиган бўлди.

Шунингдек, суд тизимида кўп йиллик тажрибага эга бўлган қуйидаги шахслар 10 йиллик муддатга Олий суд судяси лавозимига сайланди:

🔹 Аброрхон Акрамов, Жаҳонгир Жўраев, Носир Зайнобидинов;
🔹 Мансурбек Қурбонов, Жамоладдин Қурёзов, Ўктам Мамадиев;
🔹 Шуҳрат Муллажонов, Умида Нишонова ва Одилжон Турдиев.

Шу билан бирга, айрим раҳбар ва судяларнинг ваколатларини тугатиш бўйича ҳам қарор қабул қилинди.
Хусусан:

🔸 О.Исмоилов бошқа ишга ўтганлиги сабабли Олий суд раисининг ўринбосари лавозимидан озод этилди;
🔸 Т.Мирзаев, М.Эшимбетов ва Б.Эргашев бошқа ишга ўтиши муносабати билан, А.Бекманов эса ўз аризасига биноан Олий суд судяси лавозимидан кетди.

Ушбу ўзгаришлар суд ҳокимиятининг мустақиллигини таъминлаш ва одил судлов сифатини ошириш йўлидаги навбатдаги қадам сифатида баҳоланмоқда.

Telegram I Facebook I YouTube I Instagram

Тайванда эркак одамларга пичоқ билан ҳужум қилди

Бугун, 19 декабрь куни Тайвань пойтахти Тайпей шаҳрида мудҳиш ҳодиса юз берди. 27 ёшли эркак шаҳар метросида ва кўчаларда одамларга ҳужум қилди.

Ҳужумчи дастлаб тутунли бомба портлатган, сўнгра атрофдагиларга пичоқ билан ташланган.

Мудҳиш воқеа натижасида 3 нафар инсон ҳаётдан кўз юмди. Яна 5 нафар фуқаро турли даражадаги жароҳатлар билан шифохонага ётқизилган.

Ҳозирда ҳуқуқ-тартибот идоралари воқеа жойида суриштирув ишларини олиб бормоқда.

Telegram I Facebook I YouTube I Instagram