«Бу йиллар давомида юритилган аксилмигрант сиёсат маҳсули» – Бобур Бекмуродов

«Юксалиш» ҳаракати раиси Бобур Бекмуродов Россияда тожикистонлик гўдакнинг миллатчилик руҳида ваҳшиёна ўлдирилиши юзасидан муносабат билдирди. У ушбу фожиа барча Марказий Осиё халқларини чуқур ларзага солганини таъкидлаб, марҳум боланинг оиласи ва тожик қардошларига ҳамдардлик изҳор этди.

Бекмуродовнинг таъкидлашича, мазкур ваҳшийлик тасодифий ҳолат эмас, балки йиллар давомида олиб борилган аксилмигрант сиёсатнинг аянчли оқибатидир. У Марказий Осиё халқларини бирдамликка чақириб, мусофирликда юрган юртдошларни эҳтиёткор бўлишга даъват қилди.

«Россияда тожикистонлик гўдакнинг миллатчилик руҳида вахшийларча ўлдирилиши барча қатори мени ҳам ларзага солди!

Мен бу воқеадан чуқур қайғудаман. Марҳум болажоннинг оиласига ва бутун тожик қардошларимизга сабр тилайман!

Бу вахшийликнинг сабабини англашга уринар эканман, аввало, бу йиллар давомида юритилган аксилмигрант сиёсатнинг маҳсули деб биламан.

Ўйлайманки, биз — Марказий Осиё — бир тан-у бир жон бўлиб, бирдамлик сиёсатини қўллаб-қувватлашда давом этишимиз керак.

Мусофирчиликда юрган юртдошларимизга омонлик, ўзларини эҳтиёт қилишларини тилайман.

Таъкидлаш лозимки, мазкур фожиа минтақада миллатлараро тотувлик, мигрантлар хавфсизлиги ва бирдамлик масалаларини янада долзарб қилиб қўйди.

Telegram I Facebook I YouTube I Instagram

Олимжон Исмоилов янги лавозимга тайинланди

Олий суд раиси ўринбосари — фуқаролик ишлари бўйича судлов ҳайъати раиси Олимжон Исмоилов эгаллаб келган лавозимидан озод этилди.

Маълум қилинишича, у беш йил муддатга Тошкент шаҳар суди раиси лавозимига тайинланган.

Telegram I Facebook I YouTube I Instagram

Мансабдор шахс наркотик савдосига аралашса 20 йилгача қамаш белгиланмоқда

Депутатлар наркотикларнинг ноқонуний муомаласига ҳокимият мансабдорларининг аралашуви учун жиноий жавобгарликни назарда тутувчи янги нормалар белгилашди.

Telegram I Facebook I YouTube I Instagram

Тошкентда 20 млрд сўмлик сифатсиз дорилар аниқланди

Тошкент вилоятидаги дорихоналардан бирига тегишли омборда муддати ўтган ва талабларга жавоб бермайдиган дорилар сақланаётгани фош этилди. Давлат хавфсизлик хизмати ўтказган тезкор тадбирда омборда жами 38 млрд сўмлик дори воситалари борлиги аниқланди.

Шундан тахминан 20 млрд сўмлик дорилар халқаро GDP сертификати ва тегишли лицензиясиз сақланган. Шунингдек, 10 минг қутидан ортиқ дорининг яроқлилик муддати ўтган, айрим дориларнинг муддати қалбакилаштирилган, контрафакт ва давлат рўйхатидан ўтмаган дори воситалари ҳам топилган.

Мазкур дориларни сақлаш, сотиш ва қўллаш тақиқланди. Дорихона мансабдор шахсларига нисбатан жиноят иши қўзғатилиб, тергов давом этмоқда.

Telegram I Facebook I YouTube I Instagram

Москва вилоятида мактабдаги пичоқли ҳужум: 10 ёшли бола ҳалок бўлди

Москва вилоятининг Одинцово районидаги Горки-2 аҳоли пунктида жойлашган мактабда пичоқли ҳужум содир этилди. Ҳодиса оқибатида 4-синф ўқувчиси, тожик миллатига мансуб 10 ёшли Қобилжон вафот этди.

Гумонланувчи — 15 ёшли ўсмир тезкор равишда қўлга олинди. Тергов жараёнида ҳужум мотивлари ҳамда мактабдаги хавфсизлик чоралари ўрганилмоқда.

Марҳум боланинг жасади Тожикистонга олиб келинган. Воқеа Россия ва Тожикистон хавфсизлик идоралари даражасида муҳокама қилинмоқда. Тергов ҳаракатлари давом этмоқда.

Telegram I Facebook I YouTube I Instagram

ЙҲХХ ҳайдовчиларни эҳтиёткорлик ва хушёрликка чақирмоқда. Барча ҳайдовчилардан:

- бошқарувдаги транспорт воситасининг техник созлигига эътиборли бўлиб;

- оралиқ масофани сақлаб;

- тезликни меъёрдан оширмасдан;

- газ ёки тормоз тепкисини кескин босмасдан;

- эҳтиёткорлик билан ҳаракатланишларини сўраймиз, дейилади мурожаатда.

Telegram I Facebook I YouTube I Instagram

2026 йил давлат бюджети: таълим, соғлиқни сақлаш ва снфратузилмага катта эътибор

Сенатда 2026 йил давлат бюджети муҳокама қилиниб, тасдиқланди. Умумий харажат қисми 402,6 трлн сўмни ташкил этади, даромад қисми эса 368,9 трлн сўм бўлиб, тақчиллик ЯИМнинг 3%дан ошмаслиги режалаштирилган.

Консолидациялашган бюджет кўрсаткичларига кўра, 2026 йилда умумий даромадлар 515,8 трлн сўм, харажатлар эса 567,6 трлн сўмни ташкил этади.

Ижтимоий соҳалар – умумий харажатларнинг 55%га яқинини ташкил этиб, 220 трлн сўм сарфланади
♦️ Таълим тизими: 100 трлн сўм (шуларнинг 5 трлн сўми мактаб қурилишига);
♦️ Соғлиқни сақлаш: 49 трлн сўм (ўтган йилга нисбатан 11,4%га кўпайган);
♦️ Қолган маблағлар ижтимоий ҳимоя, маданият, спорт ва ёшлар сиёсатини қўллаб-қувватлашга йўналтирилади.

Атроф-муҳит ва “яшил иқтисодиёт” – экология, ресурс тежаш ва яшил лойиҳаларга катта эътибор қаратилган.

Соғлиқни сақлаш хизматини такомиллаштириш – шифохоналар, қопламалар ва тиббий хизматлар сифатини оширишга маблағ ажратилади (49 трлн сўм).

Маҳаллалар инфратузилмасини ривожлантириш – йўллар, канализация, сув таъминоти ва ижтимоий объектлар қурилиши ва таъмирига маблағлар ажратилади.

Давлат мақсадли жамғармалари – даромадлари 78,6 трлн сўм, харажатлари эса 74,4 трлн сўмни ташкил этади.

2026йилда инфляция даражаси тахминан 7% атрофида бўлиши кутилмоқда.

Telegram I Facebook I YouTube I Instagram

Россия мигрантларга босимни кучайтириб, ишчи кучини Ҳиндистондан жалб қилмоқда

Сўнгги ойларда Россияда меҳнат қилаётган ўзбекистонликлар ҳамда Қирғизистон ва Тожикистондан келган мигрантлар банк карталари блокланиши ҳақида кўп шикоят қилмоқда. Кўп ҳолларда ҳисоб варақлари фақат махсус назорат реестридан чиқарилгандан сўнг очилади.

Ушбу реестр хорижий фуқароларнинг банк хизматларидан фойдаланиши, мулк ва бизнес рўйхатини юритиши, автомобил бошқариши, никоҳ ва яшаш ҳудудидан ташқари ҳаракат қилиш каби ҳуқуқларини чеклайди. Бу эса мигрантларнинг молиявий ва ижтимоий ҳаётини сезиларли даражада қийинлаштирмоқда.

Россияда демографик пасайиш ва Украинадаги уруш муносабати билан ишчи кучида танқислик юзага келган. Шу боис Москва хорижий меҳнат ресурсларини жалб қилиш сиёсатини диверсификация қилиш йўлига ўтди ва бу жараёнда Ҳиндистон муҳим манбага айланмоқда.

Расмий маълумотларга кўра, 2023 йилда Россияга иш мақсадида келган ҳиндистонликлар сони тахминан 10 минг нафарни ташкил этган. 2024 йилда бу рақам қарийб 26 мингга етган, 2025 йилнинг дастлабки тўққиз ойида эса иш мақсадида келганлар сони 27 мингдан ошган. Ҳиндистонлик ишчилар қурилиш, саноат, қишлоқ хўжалиги, логистика ва хизмат кўрсатиш соҳаларида фаолият юритмоқда.

Россия расмийлари бу назорат реестрини вақтинчалик чора деб таъкидлайди, аммо Марказий Осиёдан келган мигрантлар учун бу амалда молиявий ва ижтимоий изоляцияга олиб келмоқда. Бу эса анъанавий ишчи кучини бошқа манбалар билан алмаштириш жараёнининг илк белгиси сифатида кўринмоқда.

Telegram I Facebook I YouTube I Instagram

Акмал Шукуровга нисбатан биринчи суд ҳукми ўз кучида қолдирилди

Тошкент апелляция суди 2025 йил октябрь ойида Акмал Шукуровга нисбатан фирибгарлик, безорилик ва Борис Авакянга оғир тан жароҳати етказишда айблов қўйиб, саккиз йилга озодликдан маҳрум қилиш жазосини озодликни чеклаш билан алмаштирган ва у суд залида қамоқдан озод қилинган эди.

Бугун прокуратура протести асосида суд иши қайта кўриб чиқилди ва биринчи инстанция суди ҳукми ўз кучида қолдирилди.

Шу тариқа, А. Шукуровга тайинланган жазоларни қисман қўшиш орқали умумий озодликдан маҳрум қилиш муддати 6 йилга белгиланди. Қамоқда ўтган кунлар ҳисобга олинган ҳолда у 5 йил 3 ой 12 кунга озодликдан маҳрум қилиш жазосини ўташи белгиланди.

Telegram I Facebook I YouTube I Instagram