Тожикистон Ўзбекистондан суткасига 2 млн кВт·соат электр энергияси олмоқда

Тожикистонда электр таъминоти билан боғлиқ вазият маълум даражада яхшиланди. Мамлакат Энергетика ва сув ресурслари вазирлигига кўра, айни пайтда Тожикистон Ўзбекистондан суткасига 2 миллион киловатт-соатгача электр энергияси импорт қилмоқда.

«Азия плюс»нинг хабар беришича, агар Ўзбекистон томонида техник ва ишлаб чиқариш имкониятлари кенгайса, етказиб бериш ҳажмини ошириш режалаштирилган. Шунингдек, энергетика вазирлари даражасида Қозоғистон ва Туркманистондан ҳам электр энергияси олиш бўйича дастлабки келишувларга эришилган. Ҳозирда ушбу давлатлардан импортни йўлга қўйиш учун техник масалалар устида ишлар олиб борилмоқда.

Қайд этилишича, Тожикистон ташқи электр бозорларига фақат мамлакатнинг жануби-ғарби орқали — Ўзбекистон энергетика тизимига уланган 500 кВли «Регар–Гузар» электр узатиш линияси орқали чиқиш имкониятига эга. Шу сабабли Қозоғистон ва Туркманистондан электр энергиясини транзит қилиш Ўзбекистон энергетика тизимининг ўтказувчанлик имкониятларини ҳисобга олган ҳолда алоҳида келишувларни талаб этади.

Вазирлик маълум қилишича, Тожикистон энергетика тизимининг Марказий Осиё Бирлашган энергетика тизими (ОЭС) доирасида тўлиқ параллел ишлаши мамлакатнинг шимолий электр тармоқлари минтақавий «энергетик ҳалқа»га улангандан сўнг таъминланади. Тожикистоннинг ОЭСга тўлиқ қўшилиши 2026 йилнинг биринчи чорагида кутилмоқда.

Telegram I Facebook I YouTube I Instagram

Жаҳон банки Ўзбекистон шаҳарларини ривожлантириш учун 250 млн доллар ажратди

Жаҳон банки ижрочи директорлар кенгаши Ўзбекистонга 250 миллион АҚШ доллари миқдорида молиялаштириш ажратишни маъқуллади. Маблағлар “Шаҳарларда яшаш ва унумдорликни ошириш учун қулай шароитлар яратиш” (LPCP) дастури доирасида йўналтирилади.

Ушбу қўллаб-қувватлаш мамлакатнинг 16 та туман ва шаҳрида аҳоли ҳамда бизнес учун муниципал инфратузилма ва хизматларни яхшилашга қаратилган. Ҳозирда Ўзбекистон аҳолисининг ярмидан ортиғи шаҳарларда истиқомат қилади, 2050 йилга келиб бу кўрсаткич 60 фоиздан ошиши кутилмоқда. Урбанизациянинг тезлашуви шаҳарларни бошқариш, инфратузилма ва коммунал хизматларни модернизация қилишни тақозо этмоқда.

Қайд этилишича, назоратсиз шаҳар ўсиши, эскирган инфратузилма ҳамда сув ва канализация хизматларининг чекланганлиги аҳоли турмуш сифати ва бизнес фаолиятига салбий таъсир кўрсатмоқда. Бу муаммолар табиий-иқлимий хавфлар таъсирида янада кучаймоқда.

Шу мақсадда ҳукумат 2025 йилда 3,6 миллион аҳоли яшайдиган 16 та стратегик муҳим ҳудудни қамраб олган ҳудудларни жадал комплекс ривожлантириш давлат дастурини ишга туширган. Дастур Янгийўл ва Марғилон шаҳарлари, шунингдек, Қўнғирот, Чимбой, Асака, Ғиждувон, Ғаллаорол, Яккабоғ, Хатирчи, Чортоқ, Булунғур, Сирдарё, Денов, Қува, Шовот ва Ҳазорасп туманларида инфратузилмани ривожлантиришни назарда тутади.

Telegram I Facebook I YouTube I Instagram

9,2 млрд сўмдан ортиқ давлат харидларида қонунбузилишлар аниқланди

Рақобат қўмитаси ҳудудий органлари давлат харидлари мониторинги ва мурожаатлар натижасида қонунбузилишлар аниқлаб, тегишли чоралар кўрди.

— Наманган — Маҳаллалар уюшмаси — 376 млн сўм
— Қашқадарё — Ғузор туман ободонлаштириш — 1,2 млрд сўм — Шаҳрисабз туман йўллардан фойдаланиш — 491 млн сўм
— Қорақалпоғистон — Шуманой тумани — 28 млн сўм — Нукус интернат уйи — 893 млн сўм — “ЎЗДАВЕРЛОЙИҲА” институти — 1 млрддан ортиқ
— Самарқанд — Болалар кўп тармоқли тиббиёт маркази — 215 млн сўм
— Сирдарё — Чиқинди полигонлари дирекцияси — 180 млн сўм
— Сурхондарё — Суд тиббий экспертиза филиали — 120 млн сўм — Ангор туман мактабгача ва мактаб таълими — 1,8 млрд сўм — Термиз туман мактаб таълими — 50 млн сўм
— Хоразм — Хива махсус интернат уйи — 1,9 млрд сўм
— Тошкент — “Ўзбекметалл” АЖ — 3 та 1 млрддан ортиқ

Савдоларда рақобатни чеклайдиган ҳаракатлар аниқланиб, Махсус комиссия буюртмачи ташкилотларга тегишли таъсир чоралари қўлланди. Қонунбузилишларни бартараф этиш бўйича мажбурий кўрсатмалар берилди

Рақобат қўмитаси давлат харидларида қонун устуворлигини таъминлаш — рақобат учун тенг имкониятлар яратишни устувор вазифаси деб ҳисоблайди.

Telegram I Facebook I YouTube I Instagram

Бугун президент Юнусободга боради

Президент Шавкат Мирзиёев 16 декабрь куни пойтахтнинг Юнусобод туманида амалга оширилган бунёдкорлик ишлари билан танишади ҳамда Тошкент шаҳрини ижтимоий-иқтисодий ривожлантириш бўйича келгуси вазифалар юзасидан йиғилиш ўтказади.

Telegram I Facebook I YouTube I Instagram

Зўравонликка қарши кураш қонун билан чекланиб қолмаслиги керак

Саида Мирзиёева аёллар ва болаларга нисбатан зўравонликка қарши курашиш масаласи бўйича фикр билдирди.

Унинг таъкидлашича, Ўзбекистон Марказий Осиёда оилавий зўравонликка қарши қонун қабул қилган илк давлат.

Болаларга нисбатан жинсий жиноятлар учун жавобгарлик кучайтирилган. Бироқ қонунлар билан чекланиб қолиш етарли эмас.

Саида Мирзиёева барча масъул раҳбарларни зўравонлик ҳолатларига нисбатан тезкор ва самарали чоралар кўришга чақирди.

Зўравонликка қарши кураш сўзда эмас, амалий ҳаракатларда намоён бўлиши керак.

Сизнингча масъул раҳбарлар зўравонликка қарши курашда қай даражада жавобгар?

Telegram I Facebook I YouTube I Instagram

Такроран ҳуқуқбузарлик содир этган Иқбол Салиевга нисбатан янги чора кўрилди

Фарғона вилояти ИИБ матбуот хизмати маълум қилишича, халқ орасида “Бионур” соҳиби сифатида танилган Иқбол Салиевнинг фаолияти ўрганилиб, у ижтимоий тармоқларда видеороликлар жойлаштириб, қонун талабларига зид равишда иш юритиб келгани аниқланган.

У 2020 йилда “Халқ табобати” фаолият тури бўйича рўйхатдан ўтган бўлса-да, Ўзбекистон халқ табобати ассоциацияси томонидан берилган гувоҳнома муддати 2024 йил декабр ойида тугаган.

Маълумотларга кўра, Иқбол Салиев аввал Маъмурий жавобгарлик тўғрисидаги кодекснинг 59⁵-моддаси 1-қисми билан 7,5 миллион сўм жаримага тортилган.

Бироқ у ҳуқуқбузарликни такроран содир этгани сабабли, 27 ноябрь куни унга нисбатан мазкур модданинг 3-қисми билан ҳужжатлар расмийлаштирилиб, судга юборилган.

Шунингдек, ИИО ходимлари томонидан унинг ижтимоий тармоқлардаги чиқишлари юзасидан расмий огоҳлантириш берилган.

Telegram I Facebook I YouTube I Instagram

Андижонда фермер хўжалиги ер майдонини сотмоқчи бўлган шахслар ушланди

Андижон вилоятида фермер хўжалигига тегишли ер майдонини ноқонуний равишда сотмоқчи бўлган шахслар қўлга олинди. Бу ҳақда Бош прокуратура ҳузуридаги Департамент маълум қилди.

Маълум бўлишича, Департаментнинг Асака тумани бўлими ҳамда бошқа ҳуқуқни муҳофаза қилувчи органлар билан ҳамкорликда ўтказилган тезкор тадбир давомида фуқаролар В.Т. ва Х.С. тумандаги “Ю.М.” фермер хўжалигининг “Юқори Бўз” МФЙ ҳудудида жойлашган 0,6 гектар ер майдонини ўзбошимчалик билан эгаллаб олган. Улар мазкур ер майдонини фуқаро У.К.га 25 минг АҚШ долларига сотишга келишиб, кадастр ҳужжатларини кейинчалик расмийлаштириб беришни ваъда қилган.

Тезкор тадбир вақтида гумонланувчилар 22 500 АҚШ долларини олган пайтида ашёвий далиллар билан ушланган. Ҳолат юзасидан Жиноят кодексининг 168-моддаси (фирибгарлик) ва 229-моддаси (ўзбошимчалик) билан жиноят иши қўзғатилиб, ҳозирда тергов ҳаракатлари олиб борилмоқда.

Telegram I Facebook I YouTube I Instagram

Қурилиш вазирлиги биноси E-Auksion орқали сотилди

Қурилиш ва уй-жой коммунал хўжалиги вазирлигига тегишли бўлган маъмурий бино e-auksion электрон савдо майдонида сотилди. Шайхонтоҳур тумани Абай кўчаси, 6-уй манзилида жойлашган ушбу бино салкам 182,5 миллиард сўмга баҳоланиб, харидор топди.

Маълумотларга кўра, мазкур бино “O‘zshahar qurilish invest” МЧЖ томонидан сотиб олинган. Корхона таъсисчиси сифатида ҳужжатларда Қодиров Нуриддин Тўйчиевич кўрсатилган бўлиб, у жамиятда 100 фоиз улушга эгалик қилади.

Аввалроқ Қурилиш ва уй-жой коммунал хўжалиги вазирлигининг Янги Тошкент шаҳрига кўчиб ўтиши ҳақида хабарлар тарқалган эди. Бироқ вазирликнинг Янги Тошкентга тўлиқ кўчиб ўтгани бўйича ҳозирча расмий маълумот берилмаган.

Telegram I Facebook I YouTube I Instagram

Фермерларнинг ортиқча ҳисобланган электр энергияси тўловлари қайтарилди – Бизнес-омбудсман

Бизнес-омбудсман девони томонидан Қорақалпоғистон Республикасида фермер хўжаликларининг сув насослари учун фойдаланилган электр энергиясининг қўшимча реактив энергия компенсацияси ҳисобланиши ҳолати ўрганилди.

Жорий йил давомида Қорақалпоғистонда 140 та фермер хўжалигига нисбатан 89 млн сўм компенсация ҳисобланиб, 62 та фермер хўжалиги томонидан 53 млн сўм компенсация тўланган.

Вазирлар Маҳкамасининг тегишли қарори билан тасдиқланган «Электр энергиясидан фойдаланиш қоидалари» талабларига кўра фермер хўжаликларининг насос станцияларидан реактив энергия учун пул ундирилмаслиги белгиланган.

Аниқланган қонунбузилиш ҳолатлари бўйича Бизнес-омбудсман девони томонидан фермерларнинг ҳуқуқлари тўлиқ тикланиши таъминланди:

«Энергосавдо» филиали Қорақалпоғистон бўлинмасига тақдимнома киритилди;

нотўғри ҳисобланган реактив энергия компенсацияси қарздорлик ҳисобидан чиқарилди;

ноқонуний ундирилган пул маблағлари фермер хўжаликлари билан қайта ҳисоб-китоб қилиниб, тўлиқ қайтарилиши таъминланди;

хатоликка йўл қўйган масъул мансабдор шахсларга нисбатан тегишли тартибда маъмурий жарималар қўлланилган.

Telegram I Facebook I YouTube I Instagram

Пойтахтда йирик иссиқлик таъминоти маркази ишга туширилди

Шавкат Мирзиёев Тошкент шаҳри Юнусобод туманида давлат-хусусий шериклик асосида барпо этилган, 100 МВт қувватга эга когенерация станцияси фаолияти билан танишди. Лойиҳага Хитойнинг "CNTIC" компанияси билан ҳамкорликда $65 миллион тўғридан-тўғри хорижий инвестиция йўналтирилган.

Станция бир вақтнинг ўзида электр ва иссиқлик энергияси ишлаб чиқаради. Пойтахтнинг 5 та туманидаги 1846 та объект (шу жумладан 1400 та аҳоли хонадони) узлуксиз иссиқлик билан, 292 минг хонадон эса электр энергияси билан таъминланади.

Telegram I Facebook I YouTube I Instagram

Бекободда ЙТҲда одам ўлимига сабабчи бўлган ИИБ ходимига турмуш ўртоғи ёрдам бергани аниқланди

Бекобод шаҳрида содир бўлган йўл-транспорт ҳодисасида 43 ёшли фуқаро ҳалок бўлиб, ҳолатга алоқадор ИИБ ходимининг жиноятни яширишга урингани маълум бўлди. Дастлабки маълумотларга кўра, Бекобод шаҳар ИИБ катта тезкор вакили маст ҳолатда автомобил бошқариб, фуқарони уриб кетган.

Ҳодисадан сўнг у марҳумнинг жасадини Nexia автомобилига юклаб, воқеа жойидан узоқроқдаги дала ҳудудига олиб борган ва турмуш ўртоғини чақирган. Манзилга аёли Matiz автомобилида келиб, эр-хотин жасадни ушбу машинага юклаб, ҳодиса жойидан тахминан 35 километр узоқликда жойлашган Фарҳод каналига ташлаб юборган.

Telegram I Facebook I YouTube I Instagram

Тошкент халқаро аэропортида ширинликлар орасига яширилган қимматбаҳо зеб-зийнатлар аниқланди

Тошкент халқаро аэропортида божхона ходимлари томонидан ширинликлар орасига сaлкам 500 млн сўмлик зеб-зийнат буюмларини яшириб олиб ўтмоқчи бўлган фуқаро тўхтатиб қолинди.

Маълум қилинишича, Дубайдан учиб келган фуқаро “яшил” йўлак орқали ҳаракатланган. Бироқ унинг ҳаракатлари божхона ходимлари эътиборидан четда қолмади.

Фуқаро ўзига тегишли қўл ва йўл сумкалари орасига, шунингдек, ширинликлар қадоғига тилла зеб-зийнат буюмларини яшириб олиб ўтмоқчи бўлган. Шахсий кўрик ва юклар текшируви давомида умумий оғирлиги 292 грамм бўлган, қиймати 438 млн сўмга тенг зеб-зийнат буюмлари борлиги аниқланди.

Ҳозирда мазкур ҳолат юзасидан суриштирув ишлари олиб борилмоқда.

Telegram I Facebook I YouTube I Instagram

Алишер Султонов лавозимидан озод этилди

Ўзбекистон Республикаси Президентининг фармонига мувофиқ, Алишер Саидаббасович Султонов Ўзбекистон Республикаси Президентининг энергетик хавфсизлик бўйича вакили лавозимидан озод этилди.

2019-2022 йилларда энергетикага масъул вазир Алишер Султонов 2023 йилнинг 18 майида Президентнинг нефт-газ, кимё ва энергетика масалалари бўйича маслаҳатчиси этиб тайинланганди.

Эслатиб ўтамиз, жорий йил 14 июль куни Президентнинг энергетик хавфсизлик бўйича вакили лавозими Президентнинг энергетика хавфсизлиги масалалари бўйича маслаҳатчиси лавозимига ўзгартирилган эди.

Telegram I Facebook I YouTube I Instagram

Давлат компаниялари фақат президент рухсати билан ҳомийлик қилади

Давлат корхоналарида самарадорликни ошириш бўйича президент фармойиши кабул килинди. Унда давлат улуши 50 фоиз ва ундан юқори компанияларга фаолиятига янги талаблар белгиланган.

“Давлат корхоналари Ўзбекистон Республикаси Президенти қарорлари ва топшириқларидан ташқари бошқа ҳолларда ҳомийлик ёрдамларини кўрсатишни тўхтатсин”,

– дейилади фармойишнинг 9-бандида.

Telegram I Facebook I YouTube I Instagram

Ротация тизими янгиланди

2026 йил 1 январдан Янги Ўзбекистон қиёфасидаги туман (шаҳар) мақомидаги 33 та туман давлат органларида кадрлар ротацияси тизими жорий этилади.

Ҳар 5 йилда республика ижро этувчи ҳокимият органлари раҳбарлари ва туман (шаҳар) ҳокимлари бошқа туман (шаҳар)га ротация қилинади.

Ротация Бошқарув самарадорлиги агентлигининг hrm.gov.uz сайти орқали аниқланади.

Янги ҳудудга ўтишдан олдин раҳбар интенсив курсда ўқитилади.

Фаолияти онлайн мониторинг қилинади.

Сиз нима деб ўйлайсиз Бу ротация тизими аҳоли учун ҳам фойдалими? Фикрингизни изоҳларда ёзиб колдиринг

Telegram I Facebook I YouTube I Instagram

37 кгдан ортиқ гиёҳвандлик воситаси фош этилди

“Хавфсиз ва соғлом юрт” тадбирлари доирасида Давлат хавфсизлик хизмати, Ички ишлар ҳамда Божхона органлари ҳамкорлигида Самарқанд вилоятида тезкор тадбир ўтказилди.

Тадбир давомида 1992 йилда туғилган хорижий фуқаро ҳамда Самарқанд вилоятида яшовчи 1981 ва 1995 йилларда туғилган 3 нафар Ўзбекистон фуқароси қўлга олинди. Аниқланишича, хорижий фуқаро гиёҳвандлик воситаларини қурилишда фойдаланиладиган мармар тошлар орасига яшириб мамлакатимизга олиб кирган, маҳаллий фуқаролар эса уларни сотиш билан шуғулланган.

Тезкор тадбир натижасида жами 37 кг 421 г “экстракцион опий” гиёҳвандлик воситаси ашёвий далил сифатида олинди. Мазкур шахсларга нисбатан жиноят иши қўзғатилиб, “қамоқ” эҳтиёт чораси қўлланди. Тергов ҳаракатлари давом эттирилмоқда.

Telegram I Facebook I YouTube I Instagram