Қорақалпоғистонда уч киши ис газидан вафот этди

Қорақалпоғистоннинг Хўжайли туманида содир бўлган фожиада уч киши ис газидан ҳалок бўлди. 13 декабр куни “Саманко‘l” Ўзбекистон Фуқаролар Йиғини Қамишшоли аҳоли пунктида фуқаро ижарада яшаб турган уйида иситиш учун қўлбола печни бошқа хонага кўчириб, уни мўрисиз ҳолда газ тармоғига ноқонуний улаган.

Натижада фуқаро ҳамда унинг икки набираси ис газидан кучли заҳарланиб, воқеа жойида вафот этган.

Туман хокимлиги марҳумнинг оиласига ижтимоий ёрдамлар кўрсатилаётганини билдирди.

Бош прокуратура матбуот котиби маълум қилишича, ҳозирда ҳолат юзасидан терговга қадар текширув ишлари олиб борилмоқда.

Telegram I Facebook I YouTube I Instagram

Ҳайдовчилик ҳуқуқи қайтарилиши фақат имтиҳон орқали амалга оширилади

Ҳайдовчилик ҳуқуқидан маҳрум этилган шахслар миллий ҳайдовчилик гувоҳномасини қайта олишлари учун белгиланган тартибда назарий ва амалий имтиҳонлардан ўтишлари шарт.

Шу муносабат билан фуқаролардан тармоқларда тарқатилаётган тасдиқланмаган ва асоссиз хабарларга ишониб қолмаслик сўралади.

Расмий маълумотлар фақат ваколатли идораларнинг расмий манбалари орқали эълон қилинади.

Telegram I Facebook I YouTube I Instagram

Вояга етмаган болаларга ноқонуний диний сабоқ бериш ҳолати аниқланди

Telegram I Facebook I YouTube I Instagram

⚡️Олмазордаги Smart House'да уй-жой можароси: Битган уйлар, ёпиқ эшиклар…

Тошкент шаҳрининг Олмазор туманида юзлаб фуқароларни сарсон қилаётган уй-жой можароси ҳануз ечимсиз қолмоқда.

Ачинарлиси — Smart House номи билан қурилган, фойдаланишга деярли тайёр, бироқ ҳужжатлардаги қўпол хатолар сабаб одамлар ўз уйларига кира олмаяпти.

📌 Аниқ факт: айрим хонадонлар бир вақтнинг ўзида икки ва ундан ортиқ шахсларга сотилган.

Натижада ҳақиқий ва сохталаштирилган ҳужжатлар билан уйга эгалик қилишга уринаётган фуқаролар ўртасида жанжаллар келиб чиқди. Вазиятга ички ишлар ходимлари аралашишга мажбур бўлган.

Бу ҳолат оддий келишмовчилик эмас — жиноят аломатлари мавжуд. Фуқаролар уй учун тўлиқ маблағ тўлаган, аммо на калит бор, на ҳуқуқий кафолат.

Қурувчи компания эса масъулиятни зиммасига олиш ўрнига, ўзини банкрот деб эълон қилиб, жавобгарликдан қочишга уринмоқда. Ҳолбуки, мутахассислар таъкидлашича, банкротлик фуқаролар олдидаги мажбуриятларни бекор қилмайди.

Жабрланганлар Олмазор тумани ҳокими билан учрашди. Ҳоким масала ўрганилишини, ҳуқуқни муҳофаза қилувчи ва назорат органлари билан ҳамкорликда қонуний ечим топилишини билдирган. Масала ҳокимлик назоратига олингани айтилмоқда.

❓ Саволлар:

— Уйлар битган бўлса, нега одамлар ўз мулкига кира олмаяпти?
— Қандай қилиб битта хонадон бир неча кишига сотилган?
— Қурилишни назорат қилиши лозим бўлган идоралар қаерда эди?

Бу ҳолат қурилиш соҳасидаги тизимли муаммолар, масъулиятсизлик ва назорат сустлигини очиқ кўрсатмоқда. Жамоатчилик эса энди ваъдалар эмас, аниқ чоралар, жавобгарлик ва адолатли ечим кутмоқда.

👉 https://youtu.be/bV3gEyDSF_4

Askiya City: 103 жабрланувчи, 35 млрд сўм, такрорий фирибгарлик жинояти…

Askiya City лойиҳаси доирасида 103 нафар фуқаро уй сотиб олиш учун тўлиқ ёки қисман тўлов қилган. Аммо орадан вақт ўтсада, на уй бор, на пул.

🔹 Лойиҳа «Имкон Инвест» компанияси томонидан амалга оширилган
🔹 Ҳолат бўйича ЖК 168-модда (фирибгарлик) билан жиноят иши қўзғатилган
🔹 Иш Яккасарой туман жиноят судида кўриб чиқилмоқда

❗️ Энг эътиборлиси:
— Айбланувчи Азиз Очилов аввал ҳам айнан шу модда билан судланган
— Етказилган зарар қарийб 36 миллиард сўм
— Шунга қарамай, у ҳануз озодликда
Суд жараёнида:
▫️ 40 дан ортиқ жабрланувчи сўроқ қилинган
▫️ Уларнинг барчаси айбланувчига нисбатан даъвоси борлигини билдирган
▫️ Айрим илтимосномалар муҳокамасиз қолдирилган
📌 Асосий саволлар:
— Нега эҳтиёт чораси қўлланмаган?
— Жабрланувчилар манфаатлари қай даражада ҳимояланмоқда?
— Бу ҳолат келажакда яна такрорланмаслигига кафолат борми?

Effect.uz суд жараёнини кузатишда давом этади.

Telegram I Facebook I YouTube I Instagram

Тожикистон Ўзбекистондан суткасига 2 млн кВт·соат электр энергияси олмоқда

Тожикистонда электр таъминоти билан боғлиқ вазият маълум даражада яхшиланди. Мамлакат Энергетика ва сув ресурслари вазирлигига кўра, айни пайтда Тожикистон Ўзбекистондан суткасига 2 миллион киловатт-соатгача электр энергияси импорт қилмоқда.

«Азия плюс»нинг хабар беришича, агар Ўзбекистон томонида техник ва ишлаб чиқариш имкониятлари кенгайса, етказиб бериш ҳажмини ошириш режалаштирилган. Шунингдек, энергетика вазирлари даражасида Қозоғистон ва Туркманистондан ҳам электр энергияси олиш бўйича дастлабки келишувларга эришилган. Ҳозирда ушбу давлатлардан импортни йўлга қўйиш учун техник масалалар устида ишлар олиб борилмоқда.

Қайд этилишича, Тожикистон ташқи электр бозорларига фақат мамлакатнинг жануби-ғарби орқали — Ўзбекистон энергетика тизимига уланган 500 кВли «Регар–Гузар» электр узатиш линияси орқали чиқиш имкониятига эга. Шу сабабли Қозоғистон ва Туркманистондан электр энергиясини транзит қилиш Ўзбекистон энергетика тизимининг ўтказувчанлик имкониятларини ҳисобга олган ҳолда алоҳида келишувларни талаб этади.

Вазирлик маълум қилишича, Тожикистон энергетика тизимининг Марказий Осиё Бирлашган энергетика тизими (ОЭС) доирасида тўлиқ параллел ишлаши мамлакатнинг шимолий электр тармоқлари минтақавий «энергетик ҳалқа»га улангандан сўнг таъминланади. Тожикистоннинг ОЭСга тўлиқ қўшилиши 2026 йилнинг биринчи чорагида кутилмоқда.

Telegram I Facebook I YouTube I Instagram

Жаҳон банки Ўзбекистон шаҳарларини ривожлантириш учун 250 млн доллар ажратди

Жаҳон банки ижрочи директорлар кенгаши Ўзбекистонга 250 миллион АҚШ доллари миқдорида молиялаштириш ажратишни маъқуллади. Маблағлар “Шаҳарларда яшаш ва унумдорликни ошириш учун қулай шароитлар яратиш” (LPCP) дастури доирасида йўналтирилади.

Ушбу қўллаб-қувватлаш мамлакатнинг 16 та туман ва шаҳрида аҳоли ҳамда бизнес учун муниципал инфратузилма ва хизматларни яхшилашга қаратилган. Ҳозирда Ўзбекистон аҳолисининг ярмидан ортиғи шаҳарларда истиқомат қилади, 2050 йилга келиб бу кўрсаткич 60 фоиздан ошиши кутилмоқда. Урбанизациянинг тезлашуви шаҳарларни бошқариш, инфратузилма ва коммунал хизматларни модернизация қилишни тақозо этмоқда.

Қайд этилишича, назоратсиз шаҳар ўсиши, эскирган инфратузилма ҳамда сув ва канализация хизматларининг чекланганлиги аҳоли турмуш сифати ва бизнес фаолиятига салбий таъсир кўрсатмоқда. Бу муаммолар табиий-иқлимий хавфлар таъсирида янада кучаймоқда.

Шу мақсадда ҳукумат 2025 йилда 3,6 миллион аҳоли яшайдиган 16 та стратегик муҳим ҳудудни қамраб олган ҳудудларни жадал комплекс ривожлантириш давлат дастурини ишга туширган. Дастур Янгийўл ва Марғилон шаҳарлари, шунингдек, Қўнғирот, Чимбой, Асака, Ғиждувон, Ғаллаорол, Яккабоғ, Хатирчи, Чортоқ, Булунғур, Сирдарё, Денов, Қува, Шовот ва Ҳазорасп туманларида инфратузилмани ривожлантиришни назарда тутади.

Telegram I Facebook I YouTube I Instagram

9,2 млрд сўмдан ортиқ давлат харидларида қонунбузилишлар аниқланди

Рақобат қўмитаси ҳудудий органлари давлат харидлари мониторинги ва мурожаатлар натижасида қонунбузилишлар аниқлаб, тегишли чоралар кўрди.

— Наманган — Маҳаллалар уюшмаси — 376 млн сўм
— Қашқадарё — Ғузор туман ободонлаштириш — 1,2 млрд сўм — Шаҳрисабз туман йўллардан фойдаланиш — 491 млн сўм
— Қорақалпоғистон — Шуманой тумани — 28 млн сўм — Нукус интернат уйи — 893 млн сўм — “ЎЗДАВЕРЛОЙИҲА” институти — 1 млрддан ортиқ
— Самарқанд — Болалар кўп тармоқли тиббиёт маркази — 215 млн сўм
— Сирдарё — Чиқинди полигонлари дирекцияси — 180 млн сўм
— Сурхондарё — Суд тиббий экспертиза филиали — 120 млн сўм — Ангор туман мактабгача ва мактаб таълими — 1,8 млрд сўм — Термиз туман мактаб таълими — 50 млн сўм
— Хоразм — Хива махсус интернат уйи — 1,9 млрд сўм
— Тошкент — “Ўзбекметалл” АЖ — 3 та 1 млрддан ортиқ

Савдоларда рақобатни чеклайдиган ҳаракатлар аниқланиб, Махсус комиссия буюртмачи ташкилотларга тегишли таъсир чоралари қўлланди. Қонунбузилишларни бартараф этиш бўйича мажбурий кўрсатмалар берилди

Рақобат қўмитаси давлат харидларида қонун устуворлигини таъминлаш — рақобат учун тенг имкониятлар яратишни устувор вазифаси деб ҳисоблайди.

Telegram I Facebook I YouTube I Instagram

Бугун президент Юнусободга боради

Президент Шавкат Мирзиёев 16 декабрь куни пойтахтнинг Юнусобод туманида амалга оширилган бунёдкорлик ишлари билан танишади ҳамда Тошкент шаҳрини ижтимоий-иқтисодий ривожлантириш бўйича келгуси вазифалар юзасидан йиғилиш ўтказади.

Telegram I Facebook I YouTube I Instagram

Зўравонликка қарши кураш қонун билан чекланиб қолмаслиги керак

Саида Мирзиёева аёллар ва болаларга нисбатан зўравонликка қарши курашиш масаласи бўйича фикр билдирди.

Унинг таъкидлашича, Ўзбекистон Марказий Осиёда оилавий зўравонликка қарши қонун қабул қилган илк давлат.

Болаларга нисбатан жинсий жиноятлар учун жавобгарлик кучайтирилган. Бироқ қонунлар билан чекланиб қолиш етарли эмас.

Саида Мирзиёева барча масъул раҳбарларни зўравонлик ҳолатларига нисбатан тезкор ва самарали чоралар кўришга чақирди.

Зўравонликка қарши кураш сўзда эмас, амалий ҳаракатларда намоён бўлиши керак.

Сизнингча масъул раҳбарлар зўравонликка қарши курашда қай даражада жавобгар?

Telegram I Facebook I YouTube I Instagram

Такроран ҳуқуқбузарлик содир этган Иқбол Салиевга нисбатан янги чора кўрилди

Фарғона вилояти ИИБ матбуот хизмати маълум қилишича, халқ орасида “Бионур” соҳиби сифатида танилган Иқбол Салиевнинг фаолияти ўрганилиб, у ижтимоий тармоқларда видеороликлар жойлаштириб, қонун талабларига зид равишда иш юритиб келгани аниқланган.

У 2020 йилда “Халқ табобати” фаолият тури бўйича рўйхатдан ўтган бўлса-да, Ўзбекистон халқ табобати ассоциацияси томонидан берилган гувоҳнома муддати 2024 йил декабр ойида тугаган.

Маълумотларга кўра, Иқбол Салиев аввал Маъмурий жавобгарлик тўғрисидаги кодекснинг 59⁵-моддаси 1-қисми билан 7,5 миллион сўм жаримага тортилган.

Бироқ у ҳуқуқбузарликни такроран содир этгани сабабли, 27 ноябрь куни унга нисбатан мазкур модданинг 3-қисми билан ҳужжатлар расмийлаштирилиб, судга юборилган.

Шунингдек, ИИО ходимлари томонидан унинг ижтимоий тармоқлардаги чиқишлари юзасидан расмий огоҳлантириш берилган.

Telegram I Facebook I YouTube I Instagram

Андижонда фермер хўжалиги ер майдонини сотмоқчи бўлган шахслар ушланди

Андижон вилоятида фермер хўжалигига тегишли ер майдонини ноқонуний равишда сотмоқчи бўлган шахслар қўлга олинди. Бу ҳақда Бош прокуратура ҳузуридаги Департамент маълум қилди.

Маълум бўлишича, Департаментнинг Асака тумани бўлими ҳамда бошқа ҳуқуқни муҳофаза қилувчи органлар билан ҳамкорликда ўтказилган тезкор тадбир давомида фуқаролар В.Т. ва Х.С. тумандаги “Ю.М.” фермер хўжалигининг “Юқори Бўз” МФЙ ҳудудида жойлашган 0,6 гектар ер майдонини ўзбошимчалик билан эгаллаб олган. Улар мазкур ер майдонини фуқаро У.К.га 25 минг АҚШ долларига сотишга келишиб, кадастр ҳужжатларини кейинчалик расмийлаштириб беришни ваъда қилган.

Тезкор тадбир вақтида гумонланувчилар 22 500 АҚШ долларини олган пайтида ашёвий далиллар билан ушланган. Ҳолат юзасидан Жиноят кодексининг 168-моддаси (фирибгарлик) ва 229-моддаси (ўзбошимчалик) билан жиноят иши қўзғатилиб, ҳозирда тергов ҳаракатлари олиб борилмоқда.

Telegram I Facebook I YouTube I Instagram