Овқат керак эмас, бизга самолёт керак: Centrum Air билан боғлиқ ҳодисалар

👉 https://youtube.com/live/ylHkvmydHP4

Ўзбекистонга нечта телефонни божсиз олиб кириш мумкинлигини биласизми?

Энди олиб келаётган телефонларингизни йўловчи божхона декларациясида албатта, кўрсатинг!

Бу сизни ортиқча харажатлардан халос этади!

Telegram I Facebook I YouTube I Instagram

⚡️Истанбулда пассажирларни 10 соатдан ортиқ куттирган Centrum Air самолёти ваниҳоят осмонга кўтарилди

Истанбул аэропортида йўловчиларни 10 соатдан ортиқ куттирган “Centrum Air” авиакомпаниясига тегишли самолёт ниҳоят осмонга кўтарилди.

“Centrum Air” операторининг Effect.uz’га маълум қилишича, Туркия аэропортидан учиши кечикаётган мазкур рейс Истанбул вақти билан соат 01:00 да, Тошкент вақти билан эса соат 03:00 да амалга оширилиши режалаштирилган. Компания вакили рейс кечикишини техник муаммолар мавжудлиги билан изоҳлаган.

Effect.uz’нинг Flightradar хизмати орқали аниқлашича, самолёт ҳақиқатан ҳам соат 01:00 да Истанбул аэропортидан учиб чиққан. Мазкур рейснинг Тошкент шаҳрига тахминан соат 09:10 атрофида қўниши кутилмоқда.

Effect.uz таҳририяти йўловчиларни 10 соатдан ортиқ вақт давомида аэропортда куттирган авиакомпаниядан ушбу ҳолат бўйича расмий муносабат ва батафсил изоҳ беришни сўрайди.

Telegram I Facebook I YouTube I Instagram

АҚШдаги Браун университетидаги отишмада ўзбекистонлик талаба ҳалок бўлди

АҚШнинг Браун университетида содир бўлган отишма оқибатида Ўзбекистон фуқароси, талаба МуҳаммадАзиз Умурзоқов ҳалок бўлди.

Ўзбекистон Ташқи ишлар вазирлиги матбуот котиби Аҳрор Бурҳонов фожиа муносабати билан марҳумнинг оила аъзолари ва яқинларига чуқур ҳамдардлик билдирди.

«Марҳумнинг оила аъзолари ва яқинларига чуқур ҳамдардлик билдирамиз. Мазкур фожиа натижасида бегуноҳ инсонларнинг ҳаётдан кўз юмгани барчамиз учун оғир йўқотишдир»,

— деди у.

Маълум қилинишича, Ўзбекистоннинг АҚШдаги ваколатхоналари вакиллари марҳумнинг қариндошлари билан доимий алоқада бўлиб, АҚШнинг тегишли идоралари билан ҳамкорликда барча масалалар юзасидан яқиндан иш олиб бормоқда.

Браун университетидаги отишма ҳақида қисқача

2025 йил 13 декабрь куни АҚШнинг Род-Айленд штати, Провиденс шаҳрида жойлашган Браун университети кампусида отишма содир бўлди. Қуролланган шахс Барус ва Холли (Barus & Holley) муҳандислик ва физика факультети биноларида, талабалар имтиҳон топшираётган пайтда ўқ очган.

Ҳодиса оқибатида камида 2 нафар талаба ҳалок бўлди, 9 нафар киши жароҳат олди. Жароҳатланганларнинг айримлари аҳволи оғир, қолганлари барқарор ҳолатда экани билдирилган.

Отшиш пайтида кампусда хавотир ва саросима юзага келган. Университет маъмурияти мобил илова орқали талабалар ва ходимларни «фаол қуролланган жиноятчи» ҳақида зудлик билан огоҳлантирган. Полиция дастлаб шубҳали шахс ушланганини маълум қилган бўлса-да, кейинчалик у расман жиноятчи деб топилмаган ва озод қилинган. Ҳозирда ҳақиқий гумонланувчини аниқлаш бўйича қидирув ишлари давом этмоқда.

Воқеадан сўнг кампусда хавфсизлик чоралари кучайтирилиб, катта миқдорда полиция кучлари жалб этилди. Университет раҳбарияти ва шаҳар маъмурияти фожиани қоралаб, қурбонлар оиласига ҳамдардлик билдирди, шунингдек, айрим дарс ва имтиҳонлар бекор қилинди.

Telegram I Facebook I YouTube I Instagram

Қамчиқ довонида ёмғир ва қор кузатилмоқда, ҳайдовчилардан эҳтиёткорлик сўралди

Фавқулодда вазиятлар вазирлиги маълумотига кўра, жорий йилнинг 15 декабр куни соат 09:00 ҳолатига Қамчиқ довонида об-ҳаво булутли. Довоннинг юқори нуқталарда майда ёмғир ва қор ёғмоқда.

ФВВ ҳайдовчилар ва йўловчиларни эҳтиёткор бўлишга, йўл ҳаракати қоидаларига қатъий риоя қилишга чақирди. Сафарни режалаштиришда мавжуд об-ҳаво шароитини инобатга олиш тавсия этилди.

Telegram I Facebook I YouTube I Instagram

Ноқонуний электр ва табиий газ уланишлари ҳақида «UZENERGO» иловаси орқали хабар бериш мумкин

Фуқаролардан яшаш ҳудудларида электр энергияси ва табиий газ тармоқларига ноқонуний уланиш ҳолатларига бефарқ бўлмаслик сўралмоқда. Бундай қонунбузарликлар ҳақида «UZENERGO» мобил иловаси орқали тез ва ишончли тарзда хабар бериш имкони мавжуд.

Маълумот бериш учун ноқонуний уланиш ҳолатини суратга олиш ёки видеога ёзиш, шунингдек Play Market ёки App Store орқали «UZENERGO» иловасини юклаб олиб, тегишли маълумотларни тўлдириш талаб этилади. Юборилган хабарлар Ўзенергоинспекция томонидан кўриб чиқилади ва асосли деб топилган тақдирда қонуний чоралар кўрилади.

Қонунбузарлик ҳолати ўз тасдиғини топган тақдирда, хабар берган шахслар базавий ҳисоблаш миқдорининг 40 фоизи миқдорида рағбатлантирилади.

«UZENERGO» — адолатли энергия тақсимоти йўлида жамоатчилик назоратини таъминлашга қаратилган платформа ҳисобланади.

Telegram I Facebook I YouTube I Instagram

Марказий банк раиси Тимур Ишметов AFI Директорлар кенгаши раиси ўринбосари этиб сайланди

Марказий банк раиси Тимур Ишметов AFI (Alliance for Financial Inclusion) Директорлар кенгаши раиси ўринбосари этиб сайланди.

Шунингдек, у AFIʼнинг Шарқий Европа ва Марказий Осиё минтақаси бўйича Директорлар кенгашидаги вакили сифатида ҳам белгиланди.

Мазкур тайинловлар Ўзбекистоннинг халқаро молия институтлари билан ҳамкорлигини янада мустаҳкамлашга ва минтақавий ҳамда глобал молия масалаларида фаол иштирок этишга имкон беради.

Telegram I Facebook I YouTube I Instagram

Протеин ичида ноқонуний модда аникланди

Кореядан келган протеин жўнатмасида қонунга зид модда аниқланди.

Божхона ва ҳуқуқни муҳофаза қилувчи идоралар ҳамкорлигида ноқонуний дори воситаларини олиб киришга уриниш фош этилди.

Денов туманида 30 ёшли фуқаро Кореядан юборилган жўнатмани қабул қилаётган вақтда ушланди.

Спорт озуқаси сифатида расмийлаштирилган жўнатма ичида 1200 та прегабилин капсуласи борлиги маълум бўлди.

Ҳозирда ҳолат юзасидан терговга қадар текширув ҳаракатлари давом эттирилмоқда.

Telegram I Facebook I YouTube I Instagram

Жиддадан Тошкентга учаётган самолёт Баҳрайнга фавқулодда қўниш қилди

Air Samarkand авиакомпаниясининг 9S-3306 Жидда – Тошкент рейси парвоз вақтида бортдаги фавқулодда тиббий вазият туфайли Баҳрайн аэропортига мажбурий қўнишни амалга оширди.

Маълумотларга кўра, кекса йўловчининг юраги тўхтаб қолган. Экипаж шундан сўнг бортда йўловчига барча имкониятлар доирасида тиббий ёрдам кўрсатган ва энг яқин аэропортга қўнишни амалга оширди. Ерда маҳаллий шифокорлар реанимацион тадбирларни ўтказиб, йўловчининг аҳволини барқарорлаштирди ва уни даволаниш учун маҳаллий клиникага олиб кетишди.

Ёқилғи қуйилгандан сўнг самолёт рейсни давом эттирди ва тахминан икки соат кечикиш билан маҳаллий вақт билан 09:49 да Тошкентга қўнди.

Telegram I Facebook I YouTube I Instagram

Лицензиясиз тиббий фаолият билан шуғулланиш қонунга хилоф ҳисобланади

Ўзбекистон Республикаси қонунчилигига мувофиқ, тиббий фаолиятни лицензиясиз амалга ошириш қатъиян тақиқланади. Шунингдек, тиббий фаолият учун берилган лицензиянинг амал қилиши вақтинча тўхтатиб турилган даврда ҳам бундай фаолиятни давом эттириш қонунбузарлик ҳисобланади.

Ушбу талаблар Ўзбекистон Республикасининг «Лицензиялаш, рухсат бериш ва хабардор қилиш тартиб-таомиллари тўғрисида»ги Қонунида белгилаб қўйилган.

Маълумотларга кўра, тиббий фаолиятни лицензиясиз амалга оширганлик ёки лицензияни қалбаки ҳужжатлар асосида олганлик учун юридик шахсларга 300 БҲМ миқдорида жарима солинади.

Telegram I Facebook I YouTube I Instagram