Мактаб директори ўқувчининг телефонини болға билан синдирди

Самарқанддаги мактаблардан бирида директор ўқувчининг мобил телефонини болға билан синдириб, бошқаларга ибрат сифатида кўрсатди.

Маълум қилинишича, директор телефонни мих билан синф тахтасига қадаб, дарс пайтида гаджетлардан фойдаланиш мумкин эмаслигини намойиш этган. Ҳодиса бутун синф кўз ўнгида содир бўлган.

Ушбу ҳолат жамоатчилик орасида кескин мунозараларга сабаб бўлди. Айримлар бундай ҳаракатни қаттиққўл интизом деб баҳолаган бўлса, бошқалар ўқувчининг шахсий мулкига зиён етказилганини таъкидламоқда.

Ҳодиса бўйича ҳозирча расмий изоҳ берилмаган.

Telegram I Facebook I YouTube I Instagram

Божхона бошқармаси катта тезкор ходими ва туман кадастр бўлими раҳбари қўлга олинди

Республика ҳудудларида ўтказилган тезкор тадбирлар натижасида бир қатор коррупция ва фирибгарлик ҳолатлари фош этилди:
1️⃣ Сурхондарёда — божхона органи ходими фуқародан 400 АҚШ доллари олган вақтида ашёвий далиллар билан қўлга олинди. У катта миқдордаги пул маблағини ноқонуний ўтказиб беришни ваъда қилган;
2️⃣ Наманганда — туман Кадастр бўлими раҳбари ҳужжатларни расмийлаштириб бериш баҳонасида 3 млн сўм пора олган пайтда ушланди;
3️⃣ Косонсой туманида — электр тармоқлари корхонаси юрисконсульти 2 минг АҚШ доллари эвазига катта жаримани “йўқ қилиш”ни ваъда қилган.

Барча ҳолатлар юзасидан жиноят ишлари қўзғатилди.

Telegram I Facebook I YouTube I Instagram

Тошкентда автобусларда чиптасиз юрган қарийб 3 минг йўловчи жаримага тортилди

Тошкент шаҳрида жамоат транспортида йўл ҳақини тўламаслик ҳолатларига қарши кучайтирилган назорат тадбирлари ўтказилмоқда. Транспорт вазирлиги маълумотига кўра, жорий йилнинг 1–10 декабрь кунлари давомида автобусларда чиптасиз юрган 2 966 нафар йўловчи аниқланиб, уларга нисбатан маъмурий жарималар қўлланилди.

Хусусан, 38- ва 46-автобус йўналишларида йўл ҳақи тўловини назорат қилиш ишлари кучайтирилган тартибда ташкил этилди. Натижада мазкур йўналишларда 238 нафар чиптасиз йўловчи аниқланиб, уларга нисбатан Маъмурий жавобгарлик тўғрисидаги кодекснинг 144-моддасига асосан баённомалар расмийлаштирилди.

“Тошшаҳартрансхизмат” АЖ ахборот хизмати маълумотларига кўра, жорий йилнинг 11 ойи мобайнида жамоат транспортида йўл ҳақини тўламаслик билан боғлиқ 19 500 дан ортиқ ҳолат қайд этилган.

Қайд этилишича, Тошкент шаҳрида жамоат транспортида йўл ҳақини ўз вақтида тўлашни таъминлаш мақсадида рейд тадбирлари изчил давом эттирилмоқда. Мазкур тадбирлар Транспорт назорати инспекцияси ҳамда Тошкент шаҳар йўловчи ташиш фаолиятини мониторинг ва назорат қилиш давлат муассасаси ходимлари томонидан амалга оширилмоқда.

Telegram I Facebook I YouTube I Instagram

Ўзбекистонликлар спорт ва дам олиш хизматларига 3,7 трлн сўм сарфлади

Миллий статистика қўмитаси маълумотларига кўра, 2025 йилнинг январь–октябрь ойларида республикада спорт, кўнгилочар ва дам олишни ташкил этиш соҳасида кўрсатилган хизматлар ҳажми 3,7 трлн сўмни ташкил этди. Ушбу кўрсаткич ўтган йилнинг мос даврига нисбатан 16 фоизга ошган.

Мазкур хизматлар ҳудудлар кесимида қуйидагича тақсимланган:

— Қорақалпоғистон Республикаси — 32,5 млрд сўм;
— Андижон вилояти — 97,3 млрд сўм;
— Бухоро вилояти — 76,6 млрд сўм;
— Жиззах вилояти — 93 млрд сўм;
— Қашқадарё вилояти — 147,9 млрд сўм;
— Навоий вилояти — 61,3 млрд сўм;
— Наманган вилояти — 112,1 млрд сўм;
— Самарқанд вилояти — 223,5 млрд сўм;
— Сурхондарё вилояти — 49,9 млрд сўм;
— Сирдарё вилояти — 35,6 млрд сўм;
— Тошкент вилояти — 547 млрд сўм;
— Фарғона вилояти — 469,5 млрд сўм;
— Хоразм вилояти — 149,3 млрд сўм;
— Тошкент шаҳри — 1 568,3 млрд сўм.

Қайд этилишича, энг юқори кўрсаткич Тошкент шаҳри ҳиссасига тўғри келган бўлиб, ҳудудлар бўйича спорт ва дам олиш хизматларига бўлган талабнинг изчил ортиб бораётгани кузатилмоқда.

Telegram I Facebook I YouTube I Instagram

Тошкентда нарколаборатория ташкил этган йигит ва қиз қўлга олинди

Тошкент шаҳрида ноқонуний равишда нарколаборатория ташкил этган йигит ва қиз ҳуқуқни муҳофаза қилувчи органлар томонидан қўлга олинди.

Маълум қилинишича, гумонланувчилар қўлбола усулда кучли таъсир қилувчи моддаларни тайёрлаб, уларни сотишни режалаштирган. Аммо улар жиноий фаолиятни амалга оширишга улгурмасдан, нарколаборатория фаолиятини йўлга қўйган заҳотиёқ фош этилган.

Текширув давомида сотиш мақсадида тайёрланган 208 минг дона бир марталик доза кучли таъсир қилувчи моддалар ашёвий далил сифатида олинган. Қайд этилишича, мазкур моддалар мижозларга тарқатиб юборилмаган.

Ҳозирда мазкур ҳолат юзасидан жиноят иши қўзғатилиб, гумонланувчиларга нисбатан қамоққа олиш эҳтиёт чораси қўлланган.

Тергов ҳаракатлари давом эттирилмоқда.

Telegram I Facebook I YouTube I Instagram

2025 йилда сартарошхона хизматлари нархи сезиларли даражада ўсди

Миллий статистика қўмитаси маълумотларига кўра, 2025 йил ноябрь ойида эркаклар сартарошхоналари хизматлари нархлари октябрь ойига нисбатан ўртача 0,5 фоизга қимматлашди. Йил бошидан буён ушбу хизматлар 8,9 фоизга, ўтган йилнинг шу даврига нисбатан эса 9,6 фоизга ўсган.

Аёллар сартарошхоналари хизматлари нархи ноябрь ойида 0,6 фоизга, йил бошидан 6,4 фоизга ва 2024 йилнинг мос даврига нисбатан 7,8 фоизга қимматлашган.

Маълумотларга кўра, сартарошхона хизматлари нархлари йил давомида барқарор равишда ўсиш тенденциясида бўлмоқда.

Telegram I Facebook I YouTube I Instagram

"Тошкентдаги қурилишлар ҳаво ифлосланишига фақат 6 фоиз таъсир кўрсатмоқда" — вазир

Қурилиш ва уй-жой коммунал хўжалиги вазири Шерзод Ҳидоятовнинг маълум қилишича, Жаҳон банки мутахассислари пойтахтда бўлиб, ҳаводаги чанг зарралари бўйича ўрганиш ўтказган.

“Экспертлар қурилиш амалга оширилаётган объектларнинг экологияга бўлаётган салбий таъсири 6 фоизни ташкил этишини аниқлади. Биз бунгини нол даражага тушириш учун қилинадиган ишлар режасини тузганмиз. Мазкур йўналишдаги ишлар бошлаб юборилган”,

- деди вазир.

Шерзод Ҳидоятовга кўра, охирги пайтларда қурилиш жараёнларида экологик талаблар қатъийлаштирилган. Йирик қурилиш объектларида чанг чиқишини камайтириш учун махсус сув пуркагичлар ва чангни ушловчи қурилмалар мажбурий ўрнатилиши назорат қилинмоқда. Қурилиш лойиҳаларида эсувчи шамол йўналишини ҳам тўғри ҳисобга олишга алоҳида эътибор қаратилмоқда.

Жорий йил ноябрда пойтахтда ҳаво ифлосланиши кескин ортди. Муаммони ҳал қилиш юзасидан чоралар ишлаб чиқилди. Хусусан, президент фармони билан Тошкентда экологик вазиятни яхшилаш бўйича махсус комиссия тузилди.

Telegram I Facebook I YouTube I Instagram

Кечикишни одатга айлантирган Centrum Air’га саволлар кўп: Жавоб бериладими?

Яхши реклама ҳар доим ҳам сифатли хизмат дегани эмас. Бугунги ахборот тарқатиш воситалари кўпайган замонда бирорта реклама бергич масъулиятни бўйнига омайди. Мабодо ўша хизматлари таклиф қилинган компания оддий қилиб айтганда "иштонни ҳўллаб қўйса" оғзидан бол томиб мақтаганлар елка қисади, эртасига яна рекламага зўр беради.

Охирги пайт яхши бўлди, Ўзбекистонда ҳам авиакомпаниялар кўпайди, рақобат пайдо бўлди, дегандик. Афсуски, улардан бири "Centrum air"да на масъулият бор, на жавобгарликни ҳис қилиш.

Узр. Муддао бироз чўзилиб кетди. Ўша компания билан ҳамкорликда очилган турфирма Умра зиёратига 250 нафарга яқин зиёратчиларни юбориш учун 13 декабр куни 23:00 га аэропортга чақиришади. Рейс Тошкент вақти билан 04:30 да. Бироқ, асосан ёши улуғ отахон ва онахонлардан иборат гуруҳ қарийб 13 соатдан кейин, яъни 17:10 учиб кетишди.

Нима қипти, ой, йилда бир шунақа бўпти дерсиз. Афсуски, бу авиакомпания билан содир бўлаётган биринчи ҳолат эмас. Энг қизиғи шу муддат ичида авиакомпаниянинг бирорта вакили келиб ёки расмий саҳифаси орқали узр сўраш у ёқда турсин, ҳатто, изоҳ бермади . Қанчадан кейин рейс амалга оширилиши, сабаби ҳақида гапирмади. Ҳар доимгидек андишали одамларимиз гапира-гапира ўша учоқда 13 соатдан кейин учиб кетишди.

Унда бизни ҳам яқинларимиз бор эди. Шу нарсани ўйлаб кайфиятсиз ўтирсам, ижтимоий тармоқларда "Centrum air"нинг бугун Истамбулдан Тошкентга учиши керак бўлган рейси 10 соатдан бери учмаётгани, унга ҳеч ким сабабини айтмаётганини айтиб қилинган чиқишга кўзим тушди.

Нима ҳам дердик, ҳамма жойга реклама жойлаштириб, пул сарфлагунча хизмат сифатини яхшила дейдиган одам йўқ.

Андижонлик футбол мухлислари "Қоч анжанликлар келди" деб ҳайқирганда биров қочган қочмаганлигини билмадиму, аммо "Centrum air"дан аниқ қочиш керакка ўхшайди.

Нурали Ориф, журналист