Субсидиялар энди қатъий назоратда

Ўзбекистонда субсидия, имтиёз ва преференция олувчи тадбиркорлар натижа учун жавобгар бўлади. Янги низомга кўра, ҳар бир субсидия аниқ мақсадли кўрсаткичлар билан берилади ва subsidiya.mf.uz платформаси орқали мониторинг қилинади.

Самарадорлик молиявий ва солиқ ҳисоботлари ҳамда ижтимоий мезонлар асосида баҳоланади. Агар белгиланган натижаларга эришилмаса, маблағлар мақсадсиз ишлатилса ёки нотўғри маълумот берилса — субсидия қайтариб олинади.

Мақсадсиз субсидиялар ва уларни қайтарган тадбиркорлар ҳақидаги маълумотлар очиқ эълон қилинади. Баҳолаш жараёнини 17 та вазирлик ва идора амалга оширади.

Telegram I Facebook I YouTube I Instagram

Қозоғистонда чақалоқлар савдоси билан шуғулланган жиноий гуруҳ фош этилди

12 декабр куни Олмаотада янги туғилган чақалоқларни сотиш билан шуғулланган жиноий гуруҳ қўлга олинди. Қозоғистон Ички ишлар вазирлигига кўра, гуруҳ аъзолари ёш оналарнинг оғир аҳволидан фойдаланиб, уларни пул эвазига боласидан воз кечишга кўндирган.

Барча гумонланувчилар ҳибсга олинган, уларга нисбатан 20 дан ортиқ жиноят иши бўйича тергов олиб борилмоқда.

Telegram I Facebook I YouTube I Instagram

Мактабларда қишки таътил 28 декабрдан бошланади

2025/2026 ўқув йилида умумий ўрта таълим мактаблари ўқувчилари учун қишки таътил 28 декабрдан (бошланғич 1–4-синфларда 27 декабрь — шанба кунидан) бошланади. Таътил 2026 йил 10 январгача давом этади.

2026 йил 11 январь якшанба — дам олиш кунига тўғри келгани сабабли, III чорак дарслари 2026 йил 12 январдан бошланади.

Telegram I Facebook I YouTube I Instagram

«Нафақат ўзимиз, балки миллат келажагини ҳам заҳарлашни тўхтатиш керак!» — депутат

Депутат Алишер Қодировнинг фикрига кўра, рецептсиз дориларни сотишни тақиқлаш бўйича кенг қамровли тушунтириш ишлари олиб борилади. Айрим “виждонсиз ватандошлар” учун дори-дармонларни даромад манбаига айлантириш имконияти сақланиб қолмоқда. Шу боис одамларнинг қандай дорини ичиши шифокор томонидан белгиланиши лозим.

Шу муносабат билан рецептсиз савдо учун жавобгарликни янада кучайтириш бўйича таклиф тайёрланмоқда.

Telegram I Facebook I YouTube I Instagram

Сирдарё туманида қурилиш ишлари кўздан кечирилмоқда

Айни пайтда вилоят ҳокими Эркинжон Турдимов Сирдарё туманида олиб борилаётган қурилиш-бунёдкорлик ишлари билан танишмоқда. Ташриф давомида янги ижтимоий объектлар, турар жойлар ҳамда инфратузилма лойиҳаларининг бажарилиш ҳолати кўриб чиқилди. Масъулларга ишлар сифатли ва белгиланган муддатда якунланиши бўйича топшириқлар берилди.

Telegram I Facebook I YouTube I Instagram

2026 йилдан “ТОП–100” дастури жорий этилади

2026 йил 1 январдан бошлаб Президент фармонига мувофиқ иқтидорли бошқарувчилар ва янги авлод раҳбарларини аниқлаш ва танлаш бўйича «ТОП–100» дастури йўлга қўйилади. Бу дастур орқали раҳбарлик салоҳияти юқори бўлган шахслар кашф этилиб, уларнинг ривожланиши ва тақдим этилиши таъминланади.

Telegram I Facebook I YouTube I Instagram

Россияда қийналган ўзбекистонликларга бепул бошпана ва ёрдам берилади

Россияда ишлаш жараёнида молиявий қийинчиликка дуч келган, турар жойсиз қолган, зўравонлик ёки мажбурий меҳнат қурбони бўлган Ўзбекистон фуқароларига моддий ва ижтимоий ёрдам кўрсатилада.

Telegram I Facebook I YouTube I Instagram

Ҳоким лойиҳаларни кўздан кечирди

Навоий вилояти ҳокими Нормат Турсунов Навбаҳор туманидаги лойиҳаларни кўздан кечирди. Улар орасида:

“YASHIL OROL BY GRAND” дам олиш ва экотуризм маскани – аҳоли ва сайёҳлар учун қулай дам олиш жойларини яратади ва 15 та иш ўрни очилади.

23-умумий мактаб ва 844 ўринли мактабнинг капиталь таъмири – ўқувчилarga сифатли таълим ва қулай шароит тақдим этилади.

Марказий деҳқон бозори – савдо тартиби, маҳсулот сифати, хавфсизлик ва санитария назорат қилинади, тадбиркорлар ва харидорлар учун хавфсиз муҳит яратилади.

Барча лойиҳалар аҳоли ва тадбиркорлар учун қулайлик яратишда амалга оширилиши кўзда тутилган.

Telegram I Facebook I YouTube I Instagram

Қашқадарёда 100 ёшдан ошган фуқаролар сони энг юқори

2025 йил 1 декабрь ҳолатига кўра, Ўзбекистонда 100 ёшга тўлган ва 100 ёшдан ошган фуқаролар сони 461 нафарни ташкил этмоқда. Бу ҳақда Иқтисодиёт ва молия вазирлиги ҳузуридаги Бюджетдан ташқари Пенсия жамғармаси маълум қилди.

Маълумотларга кўра, узоқ умр кўрувчиларнинг 131 нафари эркаклар, 330 нафари аёллар ҳисобланади. Бу эса 100 ёшдан ошган фуқаролар орасида аёллар салмоғи юқори эканини кўрсатади.

Ҳудудлар кесимида 100 ёшдан ошган фуқаролар сони қуйидагича:

— Қашқадарё вилояти — 73 нафар
— Сурхондарё вилояти — 69 нафар
— Тошкент вилояти — 41 нафар
— Фарғона вилояти — 41 нафар
— Андижон вилояти — 38 нафар
— Тошкент шаҳри — 38 нафар

Энг кам кўрсаткичлар қайд этилган ҳудудлар:

— Навоий вилояти — 11 нафар
— Сирдарё вилояти — 13 нафар

Қайд этилишича, мазкур маълумотлар Пенсия жамғармасининг туман ва шаҳар бўлимларида ҳисобда турган фуқаролар асосида шакллантирилган.

Telegram I Facebook I YouTube I Instagram

“Электрон рецепт” тизими бўйича мурожаатларни қабул қилувчи 1003 қисқа рақамли Call-марказ ташкил этилди

Соғлиқни сақлаш вазирлиги Тошкент шаҳри ва тажриба-синов лойиҳаси амалга оширилаётган 15 та туман(шаҳар)да дори воситаларининг электрон рецепт асосида берилиши амалиёти юзасидан аҳоли мурожаатлари ва саволларига тезкор жавоб бериш мақсадида 1003 қисқа рақамли “Call-марказ”ни ишга туширди.

Мазкур алоқа линияси орқали малакали мутахассислардан “Электрон рецепт” тизими амалиёти бўйича юзага келган саволларингиз ва мурожаатларингизга тун-у кун жавоб олишингиз мумкин.

Telegram I Facebook I YouTube I Instagram

Сирдарёда “ақлли ҳудуд” лойиҳаси муҳокама қилинди

Ўзбекистон Президентининг топшириги асосида ишчи гуруҳ Венгриянинг давлат бошқаруви ва ҳудудий ривожланиш вазирлиги билан учрашди.
2-5 декабрь кунлари делегация Ўзбекистонда рақамли технологиялар ва барқарор ривожланиш тажрибаси билан танишди.
Учрашувда “ақлли ҳудуд” лойиҳасини амалга ошириш истиқболлари муҳокама қилинди.

Telegram I Facebook I YouTube I Instagram

Андижонда йирик наркосавдо фош этилди: такрор судланган шахслар қўлга олинди

Андижон вилоятида 1963 йилда туғилган, илгари Жиноят кодексининг 273-моддаси билан тўрт марта судланган шахс яна жиноят устида ушланди.

Telegram I Facebook I YouTube I Instagram

Янги йил муносабати билан айрим кўчалар ёпилади

2025 йил 15 декабрдан 2026 йил 15 январгача Миллий кутубхона атрофидаги Зарафшон, Истиқлол ва Буюк Турон кўчаларининг айрим қисмлари ёпилади.

Шунингдек, 2025 йил 17 декабрдан 2026 йил 5 январгача Тарас Шевченко гастрономик-туризм кўчаси ҳамда унга туташ кўчаларда транспорт ҳаракати чекланади.

Telegram I Facebook I YouTube I Instagram

Аҳоли ҳам уйсиз, ҳам пулсиз қоладими?

Ёдингизда бўлса, Effect.uz жамоаси Чирчиқ шаҳар Ифтиҳор маҳалласи, Ниҳол кўчасидаги уйларни бузиш ҳақидаги мурожаатни ёритган эди. Ушбу лавҳа оммага тақдим этилганидан сўнг, Чирчиқ шаҳар ҳокимияти мазкур масала бўйича муносабат билдирди.

👉 ТЎЛИҚ ВИДЕО

Telegram I Facebook I YouTube I Instagram

Ҳасанбой Дўсматов икки карра жаҳон чемпиони бўлди

Бирлашган Араб Амирликларининг Дубай шаҳрида бўлиб ўтаётган эркаклар ўртасидаги жаҳон чемпионати финалида Ўзбекистон боксчиси Ҳасанбой Дўсматов катта ютуққа эришди. 51 кг вазн тоифасида рингга чиққан ҳамюртимиз Россия вакили Баир Батлаевни мағлуб этиб, жаҳон чемпионлиги унвонини қўлга киритди. Шу билан Ҳасанбой Дўсматов фаолиятида иккинчи бор жаҳон чемпионига айланди.

Жаҳон чемпионати финал баҳсларида Ўзбекистон терма жамоасининг яна беш нафар боксчиси россиялик рақибларига қарши жанг қилади. Хусусан, 60 кг вазнда Абдумалик Халоков Всеволод Шумковга, 67 кг вазнда Асадхўжа Мўйдинхўжаев Эвгений Коолга қарши рингга чиқади.

Шунингдек, 80 кг вазн тоифасида Жавоҳир Умматалиев Жамбулат Бижамов билан, 92 кг вазнда Тўрабек Хабибуллаев Муслим Гажимагомедов билан баҳс олиб боради. Энг оғир вазн тоифасида эса Арман Маханов Давид Суровга қарши финал жангини ўтказади.

Ўзбекистон боксчиларининг жаҳон чемпионатидаги иштироки миллий терма жамоа учун муҳим натижалар билан якунланиши кутилмоқда.

Telegram I Facebook I YouTube I Instagram

Тадбиркорлик учун мўлжалланган 20 мингга яқин ер участкаларини “E-auksion” платформасидан сотиб олинг!

🔹 Қорақалпоғистон Республикасида — 4676 та
🔹 Андижон вилоятида — 1202 та
🔹 Бухоро вилоятида — 1480 та
🔹 Жиззах вилоятида — 2597 та
🔹 Қашқадарё вилоятида — 1702 та
🔹 Навоий вилоятида — 890 та
🔹 Наманган вилоятида — 2215 та
🔹 Самарқанд вилоятида — 573 та
🔹 Сурхондарё вилоятида — 2409 та
🔹 Сирдарё вилоятида — 1351 та
🔹 Тошкент шаҳрида — 258 та
🔹 Тошкент вилоятида — 373 та
🔹 Фарғона вилоятида — 968 та
🔹 Хоразм вилоятида — 696 та

Барчасини кўриш

Изоҳ: Муддатли тўлов имконияти мавжуд!

☎️: +998712022111

Telegram I Facebook I YouTube I Instagram

Россияда қийин аҳволга тушиб қолган ўзбекистонликларга 30 кунгача бепул турар жой ажратилади

Россия Федерациясида ишлаш жараёнида оғир молиявий аҳволга тушиб қолган, турар жойсиз қолган, тазйиқ ёки зўравонликка учраган, шунингдек, мажбурий меҳнат қурбони бўлган Ўзбекистон фуқароларига моддий ва ижтимоий кўмак кўрсатилади.

Маълум қилинишича, Миграция агентлигининг Россиядаги ваколатхонаси Москва шаҳри ва Москва вилоятида жойлашган 15 га яқин ҳостел ва суткалик меҳмонхоналар билан ҳамкорлик шартномаларини имзолаган. Ушбу ҳамкорлик доирасида қийин аҳволда қолган фуқароларга вақтинчалик турар жой тақдим этилади.

Турар жойсиз қолган ва мураккаб молиявий ҳолатга тушиб қолган фуқаролар Москва шаҳрида жойлашган Миграция агентлигининг ваколатхонасига мурожаат қилишлари мумкин. Манзил: 1-Казачий тор кўчаси, 11/2-уй (Полианка метро бекати). Ариза берувчиларнинг ҳолати ўрганилгандан сўнг, уларга 30 кунгача бепул ётоқ жой ажратиш имконияти яратилади.

Шунингдек, ҳозирда Шимоли-ғарбий, Урал, Сибир, Узоқ Шарқ ва Жанубий федерал округларда ҳам ҳостел ва меҳмонхоналар билан ҳамкорликни йўлга қўйиш ишлари олиб борилмоқда.

Қайд этилишича, ушбу ёрдам чоралари Вазирлар Маҳкамасининг 252-сонли қарори асосида амалга оширилади. Хорижда ишлаётган фуқаролар учун мўлжалланган ёрдам пакетлари ҳақида батафсил маълумотни xorijdaish.uz электрон платформасидан олиш мумкин.

Telegram I Facebook I YouTube I Instagram