147 оила сарсон: Prestige МЖК қурилиши тўхтаган, раҳбарлар суд қилинмоқда

Tошкент шаҳри Мирзо Улуғбек туманида жойлашган “System metal stroy” МЧЖнинг Prestige МЖКси атрофидаги муаммолар тўрт йилдан бери 147 оилани сарсон қилмоқда. Инвесторлар катта умид ва маблағ билан кирган лойиҳа молиявий қийинчиликлар сабаб ярим йўлда қолган, қурилиш ишлари эса тўлиқ тўхтаган.

11 декабр куни
Mирзо Улуғбек туман судида навбатдаги суд жараёни бўлиб ўтди. Бироқ иш яна номаълум муддатга қолдирилди. инвесторлар суд жараёнининг чўзилаётганидан хавотирда.

4 йилдирки қурилиш битмаган
prestige мжкси 4 йил аввал бошланган бўлса-да, бино ҳали ҳам тайёр эмас. 147 оила ўз уйларини қачон олишини билмай, сарсон юрибди.

Компания раҳбарлари судда
лойиҳага масъул раҳбарлар айни дамда судланмоқда. уларнинг молиявий фаолияти, маблағлар тақсимоти ва мажбуриятларни бузган-бузмагани юзасидан текширувлар давом этмоқда. маҳаллий органлар эса қурилишни қайта тиклаш ва оилаларнинг ҳуқуқларини ҳимоя қилиш бўйича чоралар кўряпти.

Биздаги мақсад 147 оиланинг тақдири, суддаги жараёнлар ва вазият ҳал этилиши бўйича энг охирги маълумотларни жамоатчиликка етказиш.

Янгиликларни EFFECT.UZ орқали кузатиб боринг.

Журналист: Асомиддин Нур

Telegram I Facebook I YouTube I Instagram

"Метан таъминоти етарли, муаммо назорат ва тўғри тақсимотда" — Мирзамаҳмудов

Қонунчилик палатаси йиғилишида энергетика вазири Жаҳонгир Мирзамаҳмудов энергетика тизимининг куз-қиш мавсумига тайёргарлик ҳолати юзасидан маълумот тақдим этди.

Қиш фасли кириб келиши билан аҳолини энг кўп ташвишлантирадиган масалалардан бири — газ ва электр энергиясида узилишлар бўлмаслиги, шунингдек, метан заправкаларда газ доимий мавжуд бўлиши. Шу масалада депутат Зиёдбек Юнусов вазирга савол йўллади: “Ушбу мавсумда метан узлуксиз етказиб бериладими?”

Вазирнинг таъкидлашича, асосий масала газ захираларида эмас, балки уни тўғри тақсимлаш ва қатъий назорат қилишда. Унинг сўзларига кўра, ҳисоб-китоблар асосида 663 минг тонна суюлтирилган газ тўлиқ етарли. Бироқ бу натижага фақат газни жойларда тўғри тақсимлаб, ўз вақтида етказиб бериш орқали эришиш мумкин.

Telegram I Facebook I YouTube I Instagram

Бу қишда компенсация олувчилар сони кенгаяди

Олдинда совуқ ва қорли кунлар турибди. Бундай даврда айниқса эҳтиёжманд оилалар учун иситиш, электр энергияси ва газ харажатлари сезиларли даражада ортиши мумкин.

Ўтган йили ҳукумат қарори билан ижтимоий ҳимояга муҳтож аҳолига иситиш мавсумида имтиёз ва компенсация бериш тизими жорий этилган эди.

Қонунчилик палатасида бўлиб ўтган мажлисда депутат Сайёра Имомова ушбу механизмни янада такомиллаштириш бўйича қандай ишлар олиб борилаётгани ҳақида Энергетика вазиридан сўради.

Вазирнинг таъкидлашича, ўтган йил жорий этилган механизм ўзини оқлаган. Ҳозирда бу ишлар фақат Энергетика вазирлиги доирасида эмас, балки Ижтимоий ҳимоя миллий агентлиги билан ҳамкорликда амалга оширилмоқда.

Шу билан бирга, кам таъминланган оилалар сони аввал кутилгандек кўп бўлмагани аниқланган. Шу сабаб президент топшириқларига мувофиқ, реестрни кенгайтириш, яъни янада кўпроқ оилани қўллаб-қувватлаш чоралари кўрилмоқда.

Telegram I Facebook I YouTube I Instagram

❗️Европа Иттифоқи Россия активларини муддатсиз музлатди

Европа Иттифоқи Россиянинг Европа ҳудудида жойлашган активларини номаълум муддатга музлатиш тўғрисида қарор қабул қилди.

Бу ҳақда Associated Press 12 декабрь куни хабар берди.

Telegram I Facebook I YouTube I Instagram

Қарши ва Самарқанд аэропортларида туман сабаб рейслар Бухорога йўналтирилди

Қарши аэропортида кузатилган ноқулай об-ҳаво шароити, хусусан туман туфайли Silk Avia авиакомпаниясининг Тошкент–Қарши йўналишидаги US701 рейси экипажи Бухородаги захира аэродромга қўнишга қарор қилди.

Шунингдек, Самарқанд аэропортида ҳам туман сабаб ноқулай метео шароит юзага келган. Натижада Pobeda авиакомпаниясининг Москва–Самарқанд йўналишидаги PBD-997 рейси экипажи ҳам Бухородаги муқобил аэродромга йўналтирилди.

Telegram I Facebook I YouTube I Instagram

Авиасозлар бозорида йирик ёнғин содир бўлди

Бугун, 13 декабрь куни соат 01:30 да Тошкент шаҳри Яшнобод тумани Бешариқ кўчасида жойлашган Авиасозлар бозори ҳудудидаги маъмурий бинода ёнғин чиқди.

Хабарга кўра, қутқарув хизматлари соат 01:34 да воқеа жойига етиб борган ва ёнғин соат 03:03 да тўлиқ ўчирилган. Ёнғин сабаблари ва етказилган зарар ҳажми аниқланмоқда.

Telegram I Facebook I YouTube I Instagram

Сирдарё туманида қурилиш ишлари кўздан кечирилмоқда

Айни пайтда вилоят ҳокими Эркинжон Турдимов Сирдарё туманида олиб борилаётган қурилиш-бунёдкорлик ишлари билан танишмоқда.

Telegram I Facebook I YouTube I Instagram

Тошкентда Авиасозлар бозорида йирик ёнғин

13 декабрга ўтар кечаси Тошкент шаҳрининг Яшнобод туманида жойлашган Авиасозлар бозорида ёнғин содир бўлди. Фавқулодда вазиятлар бош бошқармасига кўра, хабар соат 01:30 да келиб тушган, қутқарувчилар соат 01:34 да воқеа жойига етиб борган.

Ёнғин соат 02:29 да қуршаб олинган ва 03:03 да тўлиқ ўчирилган. Ҳодиса оқибатида жабрланганлар йўқ.

Ҳозирча етказилган зарар миқдори маълум эмас. Ижтимоий тармоқларда тарқалган видеоларда ёнғин кўлами катта бўлгани акс этган.

Telegram I Facebook I YouTube I Instagram

Ўзбекистонда рецептсиз дорилар сони 11 825 тага етди

Мамлакатда рецептсиз сотиладиган дори воситалари сони 11 825 тани ташкил этмоқда. Бу ҳақда Фармацевтика тармоғини ривожлантириш агентлиги раҳбари Абдулла Азизов маълум қилди.

Қайд этилишича, импорт қилинаётган 4 971 турдаги дори фақат Ўзбекистон бозори учун ишлаб чиқарилади. Дориларнинг энг катта қисми Ҳиндистондан келтирилмоқда.

Шунингдек, битта дори воситаси 82 хил ном билан импорт қилинаётгани коррупцион схемаларга йўл очгани таъкидланди.

Telegram I Facebook I YouTube I Instagram

“Электрон рецепт” тизими бўйича мурожаатларни қабул қилувчи 1003 қисқа рақамли Call-марказ ташкил этилди

Соғлиқни сақлаш вазирлиги Тошкент шаҳри ва тажриба-синов лойиҳаси амалга оширилаётган 15 та туман(шаҳар)да дори воситаларининг электрон рецепт асосида берилиши амалиёти юзасидан аҳоли мурожаатлари ва саволларига тезкор жавоб бериш мақсадида 1003 қисқа рақамли “Call-марказ”ни ишга туширди.

Мазкур алоқа линияси орқали малакали мутахассислардан “Электрон рецепт” тизими амалиёти бўйича юзага келган саволларингиз ва мурожаатларингизга тун-у кун жавоб олишингиз мумкин.

Telegram I Facebook I YouTube I Instagram

Субсидиялар энди қатъий назоратда

Ўзбекистонда субсидия, имтиёз ва преференция олувчи тадбиркорлар натижа учун жавобгар бўлади. Янги низомга кўра, ҳар бир субсидия аниқ мақсадли кўрсаткичлар билан берилади ва subsidiya.mf.uz платформаси орқали мониторинг қилинади.

Самарадорлик молиявий ва солиқ ҳисоботлари ҳамда ижтимоий мезонлар асосида баҳоланади. Агар белгиланган натижаларга эришилмаса, маблағлар мақсадсиз ишлатилса ёки нотўғри маълумот берилса — субсидия қайтариб олинади.

Мақсадсиз субсидиялар ва уларни қайтарган тадбиркорлар ҳақидаги маълумотлар очиқ эълон қилинади. Баҳолаш жараёнини 17 та вазирлик ва идора амалга оширади.

Telegram I Facebook I YouTube I Instagram

Қозоғистонда чақалоқлар савдоси билан шуғулланган жиноий гуруҳ фош этилди

12 декабр куни Олмаотада янги туғилган чақалоқларни сотиш билан шуғулланган жиноий гуруҳ қўлга олинди. Қозоғистон Ички ишлар вазирлигига кўра, гуруҳ аъзолари ёш оналарнинг оғир аҳволидан фойдаланиб, уларни пул эвазига боласидан воз кечишга кўндирган.

Барча гумонланувчилар ҳибсга олинган, уларга нисбатан 20 дан ортиқ жиноят иши бўйича тергов олиб борилмоқда.

Telegram I Facebook I YouTube I Instagram

Мактабларда қишки таътил 28 декабрдан бошланади

2025/2026 ўқув йилида умумий ўрта таълим мактаблари ўқувчилари учун қишки таътил 28 декабрдан (бошланғич 1–4-синфларда 27 декабрь — шанба кунидан) бошланади. Таътил 2026 йил 10 январгача давом этади.

2026 йил 11 январь якшанба — дам олиш кунига тўғри келгани сабабли, III чорак дарслари 2026 йил 12 январдан бошланади.

Telegram I Facebook I YouTube I Instagram

«Нафақат ўзимиз, балки миллат келажагини ҳам заҳарлашни тўхтатиш керак!» — депутат

Депутат Алишер Қодировнинг фикрига кўра, рецептсиз дориларни сотишни тақиқлаш бўйича кенг қамровли тушунтириш ишлари олиб борилади. Айрим “виждонсиз ватандошлар” учун дори-дармонларни даромад манбаига айлантириш имконияти сақланиб қолмоқда. Шу боис одамларнинг қандай дорини ичиши шифокор томонидан белгиланиши лозим.

Шу муносабат билан рецептсиз савдо учун жавобгарликни янада кучайтириш бўйича таклиф тайёрланмоқда.

Telegram I Facebook I YouTube I Instagram

Сирдарё туманида қурилиш ишлари кўздан кечирилмоқда

Айни пайтда вилоят ҳокими Эркинжон Турдимов Сирдарё туманида олиб борилаётган қурилиш-бунёдкорлик ишлари билан танишмоқда. Ташриф давомида янги ижтимоий объектлар, турар жойлар ҳамда инфратузилма лойиҳаларининг бажарилиш ҳолати кўриб чиқилди. Масъулларга ишлар сифатли ва белгиланган муддатда якунланиши бўйича топшириқлар берилди.

Telegram I Facebook I YouTube I Instagram

2026 йилдан “ТОП–100” дастури жорий этилади

2026 йил 1 январдан бошлаб Президент фармонига мувофиқ иқтидорли бошқарувчилар ва янги авлод раҳбарларини аниқлаш ва танлаш бўйича «ТОП–100» дастури йўлга қўйилади. Бу дастур орқали раҳбарлик салоҳияти юқори бўлган шахслар кашф этилиб, уларнинг ривожланиши ва тақдим этилиши таъминланади.

Telegram I Facebook I YouTube I Instagram

Россияда қийналган ўзбекистонликларга бепул бошпана ва ёрдам берилади

Россияда ишлаш жараёнида молиявий қийинчиликка дуч келган, турар жойсиз қолган, зўравонлик ёки мажбурий меҳнат қурбони бўлган Ўзбекистон фуқароларига моддий ва ижтимоий ёрдам кўрсатилада.

Telegram I Facebook I YouTube I Instagram

Ҳоким лойиҳаларни кўздан кечирди

Навоий вилояти ҳокими Нормат Турсунов Навбаҳор туманидаги лойиҳаларни кўздан кечирди. Улар орасида:

“YASHIL OROL BY GRAND” дам олиш ва экотуризм маскани – аҳоли ва сайёҳлар учун қулай дам олиш жойларини яратади ва 15 та иш ўрни очилади.

23-умумий мактаб ва 844 ўринли мактабнинг капиталь таъмири – ўқувчилarga сифатли таълим ва қулай шароит тақдим этилади.

Марказий деҳқон бозори – савдо тартиби, маҳсулот сифати, хавфсизлик ва санитария назорат қилинади, тадбиркорлар ва харидорлар учун хавфсиз муҳит яратилади.

Барча лойиҳалар аҳоли ва тадбиркорлар учун қулайлик яратишда амалга оширилиши кўзда тутилган.

Telegram I Facebook I YouTube I Instagram