Гиёҳвандлик – келажакка таҳдид

Нима қилмоқ керак? Қандай қилиб бу таҳдидларга қарши туришимиз мумкин?

Telegram I Facebook I YouTube I Instagram

Барча ҳудудларда метан заправкалар тунги соатларда ишламайди

Тошкент шаҳри, Қорақалпоғистон ва барча вилоятлардаги автомобилларга газ тўлдириш компрессор шохобчалари иш вақти чекланди. «Ҳудудгазтаъминот» компанияси бу чоралар вақтинча эканини ва газ босимини нормаллаштириш ишлари олиб борилаётганини маълум қилди.

Ҳар бир ҳудуддаги метан заправкалар иш вақти:

— Андижон: 5:00–17:00, 143 та
— Бухоро: 6:00–19:00, 95 та
— Жиззах: 5:00–17:00, 50 та
— Навоий: 6:00–19:00, 51 та
— Наманган: 5:00–17:00, 134 та
— Сирдарё: 6:00–18:00, 53 та
— Сурхондарё: 6:00–17:00, 106 та
— Самарқанд: 5:00–17:00, 135 та
— Тошкент шаҳри: 6:00–23:00, 78 та
— Тошкент вилояти: 5:00–17:00, 117 та
— Фарғона: 6:00–18:00, 173 та
— Хоразм: 5:00–17:00, 94 та
— Қашқадарё: 5:00–17:00, 116 та
— Қорақалпоғистон: 6:00–18:00, 124 та

Чеклов қачон олиб ташланиши ҳозирча маълум эмас.

Telegram I Facebook I YouTube I Instagram

Кадастр нимадан манфаатдор?

Бир томондан экологик ҳолатни яхшилаш мақсадида республика миқёсида ишлар олиб борилаётган бўлса, яна бир томондан тайёр “яшил макон”ни йўқ қилиш учун кескин ҳаракатлар амалга оширилмоқда.

Ижтимоий тармоқларда кенг муҳокамаларга сабаб бўлаётган Яшнободда тадбиркор Арсен барпо этган яшил маконнинг бузилиши билан боғлиқ муаммолар ечим топиши ўрнига, тадбиркор судда жавобгар сифатида иштирок этди.

Давогар бўлган Кадастр томонидан бутун бир боғни йўқ қилишга қаратилган ҳаракатлар уларни “экология душмани”га айлантирмаяптими?

👉 ТЎЛИҚ ВИДЕО

Telegram I Facebook I YouTube I Instagram

Прокурорнинг таъсирли нутқи, судланувчиларнинг иқрори: Толибхон Абдижалилов иши бўйича суд музокарасидан репортаж

12 декабрь куни самарқандлик тадбиркор Толибхон Абдижалилов иши бўйича навбатдаги суд мажлиси ўтказилди.

Суднинг музокара қисмида ҳимоячилар, айбланувчилар, фуқаровий даъвогар (Агробанк вакили), давлат айбловчиси прокурор фикр билдирди.

Айбланувчиларнинг адвокатлари суддан оқлов ёки қамоқ жазосини енгилроғига алмаштиришни сўрашган бўлса, даъвогар судланувчиларнинг қамоқда олиб қолишни, прокурор биринчи инстанция суди ҳукмини ўзгартирмасликни сўради. Бироқ, у суддан тадбиркорнинг 30 йиллик фаолиятини, давлатга келтирган фойдалари ва кредит бўйича қарздорликни тўлашни зиммасига олаётганини ҳам қўшимча сифатида келтирди.

17 декабрь куни Самарқанд вилояти судлов ҳайъати Толибхон Абдижалилов иши бўйича ҳукм эълон қилиши кутилмоқда.

👉 https://youtu.be/fTxDJnH5ikw

147 оила сарсон: Prestige МЖК қурилиши тўхтаган, раҳбарлар суд қилинмоқда

Tошкент шаҳри Мирзо Улуғбек туманида жойлашган “System metal stroy” МЧЖнинг Prestige МЖКси атрофидаги муаммолар тўрт йилдан бери 147 оилани сарсон қилмоқда. Инвесторлар катта умид ва маблағ билан кирган лойиҳа молиявий қийинчиликлар сабаб ярим йўлда қолган, қурилиш ишлари эса тўлиқ тўхтаган.

11 декабр куни
Mирзо Улуғбек туман судида навбатдаги суд жараёни бўлиб ўтди. Бироқ иш яна номаълум муддатга қолдирилди. инвесторлар суд жараёнининг чўзилаётганидан хавотирда.

4 йилдирки қурилиш битмаган
prestige мжкси 4 йил аввал бошланган бўлса-да, бино ҳали ҳам тайёр эмас. 147 оила ўз уйларини қачон олишини билмай, сарсон юрибди.

Компания раҳбарлари судда
лойиҳага масъул раҳбарлар айни дамда судланмоқда. уларнинг молиявий фаолияти, маблағлар тақсимоти ва мажбуриятларни бузган-бузмагани юзасидан текширувлар давом этмоқда. маҳаллий органлар эса қурилишни қайта тиклаш ва оилаларнинг ҳуқуқларини ҳимоя қилиш бўйича чоралар кўряпти.

Биздаги мақсад 147 оиланинг тақдири, суддаги жараёнлар ва вазият ҳал этилиши бўйича энг охирги маълумотларни жамоатчиликка етказиш.

Янгиликларни EFFECT.UZ орқали кузатиб боринг.

Журналист: Асомиддин Нур

Telegram I Facebook I YouTube I Instagram

"Метан таъминоти етарли, муаммо назорат ва тўғри тақсимотда" — Мирзамаҳмудов

Қонунчилик палатаси йиғилишида энергетика вазири Жаҳонгир Мирзамаҳмудов энергетика тизимининг куз-қиш мавсумига тайёргарлик ҳолати юзасидан маълумот тақдим этди.

Қиш фасли кириб келиши билан аҳолини энг кўп ташвишлантирадиган масалалардан бири — газ ва электр энергиясида узилишлар бўлмаслиги, шунингдек, метан заправкаларда газ доимий мавжуд бўлиши. Шу масалада депутат Зиёдбек Юнусов вазирга савол йўллади: “Ушбу мавсумда метан узлуксиз етказиб бериладими?”

Вазирнинг таъкидлашича, асосий масала газ захираларида эмас, балки уни тўғри тақсимлаш ва қатъий назорат қилишда. Унинг сўзларига кўра, ҳисоб-китоблар асосида 663 минг тонна суюлтирилган газ тўлиқ етарли. Бироқ бу натижага фақат газни жойларда тўғри тақсимлаб, ўз вақтида етказиб бериш орқали эришиш мумкин.

Telegram I Facebook I YouTube I Instagram

Бу қишда компенсация олувчилар сони кенгаяди

Олдинда совуқ ва қорли кунлар турибди. Бундай даврда айниқса эҳтиёжманд оилалар учун иситиш, электр энергияси ва газ харажатлари сезиларли даражада ортиши мумкин.

Ўтган йили ҳукумат қарори билан ижтимоий ҳимояга муҳтож аҳолига иситиш мавсумида имтиёз ва компенсация бериш тизими жорий этилган эди.

Қонунчилик палатасида бўлиб ўтган мажлисда депутат Сайёра Имомова ушбу механизмни янада такомиллаштириш бўйича қандай ишлар олиб борилаётгани ҳақида Энергетика вазиридан сўради.

Вазирнинг таъкидлашича, ўтган йил жорий этилган механизм ўзини оқлаган. Ҳозирда бу ишлар фақат Энергетика вазирлиги доирасида эмас, балки Ижтимоий ҳимоя миллий агентлиги билан ҳамкорликда амалга оширилмоқда.

Шу билан бирга, кам таъминланган оилалар сони аввал кутилгандек кўп бўлмагани аниқланган. Шу сабаб президент топшириқларига мувофиқ, реестрни кенгайтириш, яъни янада кўпроқ оилани қўллаб-қувватлаш чоралари кўрилмоқда.

Telegram I Facebook I YouTube I Instagram

❗️Европа Иттифоқи Россия активларини муддатсиз музлатди

Европа Иттифоқи Россиянинг Европа ҳудудида жойлашган активларини номаълум муддатга музлатиш тўғрисида қарор қабул қилди.

Бу ҳақда Associated Press 12 декабрь куни хабар берди.

Telegram I Facebook I YouTube I Instagram

Қарши ва Самарқанд аэропортларида туман сабаб рейслар Бухорога йўналтирилди

Қарши аэропортида кузатилган ноқулай об-ҳаво шароити, хусусан туман туфайли Silk Avia авиакомпаниясининг Тошкент–Қарши йўналишидаги US701 рейси экипажи Бухородаги захира аэродромга қўнишга қарор қилди.

Шунингдек, Самарқанд аэропортида ҳам туман сабаб ноқулай метео шароит юзага келган. Натижада Pobeda авиакомпаниясининг Москва–Самарқанд йўналишидаги PBD-997 рейси экипажи ҳам Бухородаги муқобил аэродромга йўналтирилди.

Telegram I Facebook I YouTube I Instagram