«Қамчиқ» довони автомобиль ҳаракати учун қайта очилди

Хабарингиз бор, 10 декабр куни соат 02:30 да «Қамчиқ» довонида қор кўчкиси хавфи туфайли автомобиллар ҳаракати учун вақтинча ёпиқ қилинган эди.

Фавқулодда вазиятлар вазирлиги раҳбарлигида тегишли хизматлар билан ҳамкорликда амалга оширилган зарур муҳофаза тадбирлари натижасида соат 12:00 да «Қамчиқ» довони автомобиллар ҳаракати учун тўлиқ қайта очилди.

Telegram I Facebook I YouTube I Instagram

"Сизларнинг нафақат қишлоқ хўжалиги, балки иқтисодиётни юксалтириш ва озиқ-овқат хавфсизлиги соҳасидаги беқиёс ишларингиз таҳсинга сазовор” — Мирзиёев

Президент Шавкат Мирзиёев Қишлоқ хўжалиги соҳаси ходимлари куни муносабати билан соҳа вакиллари билан мулоқот олиб бормоқда.

Сўзининг бошида давлатимиз раҳбари, ноқобил ва машаққатли меҳнати билан ноз-нeъмат етиштириб, эл дастурхонига қут‑барака олиб кирган барча деҳқон, фермер, боғбон, чорводар, сувчи, агроном ва механизаторларга чуқур ҳурмат-эҳтиромини билдирди.

Бугунги йил иқтисодиётнинг барча тармоқларида ютуқларга бой ва баракали йил бўлгани таъкидланди. Айниқса, халқимизнинг 3,5 миллиондан зиёд вакили меҳнат қилаётган қишлоқ хўжалигида катта марраларга эришилди.

Telegram I Facebook I YouTube I Instagram

«Келгуси йилда пахта етиштиришда янги агротехнологиялар 891 минг гектарда тўлиқ жорий этилади»

Президентимиз сўзининг давомида келгуси йил учун соҳа олдида турган энг муҳим вазифаларни белгилаб берди.

“Яқинда Самарқанд, Жиззах ва Сирдарёда фермерлар ва деҳқонлар билан учрашиб, бўлаётган ўзгаришлар билан танишиб, жуда мамнун бўлдим. Улардаги шижоатни кўриб, кейинки йил пахтада 4,5 миллион, ғаллада 10 миллион тонналык хирмонни бемалол уддалаш мумкинлигига яна бир бор ишонч ҳосил қилдим”,
– деди давлатимиз раҳбари.

Янги агротехнология ёрдамида 76-схема бўйича пахта етиштиришни келгуси йили оммалаштириб, 891 минг гектарда тўлиқ шу схема бўйича пахта етиштирилади. Кўсак қурти, гербицид, шўр ва сувсизликка чидамли хорижий навлар экиладиган майдонлар 2 карра кўпайтирилиб, 500 минг гектарга етказилади.

“Шинжон тажрибаси” асосида 300 минг гектарга чигит экилади. Бунинг учун далаларда томчилатиб суғориш технологиясини жорий этишга 2 трлн 600 млрд сўм имтиёзли кредит ажратилади. Ўз маблағидан пахта етиштирган фермерларга ҳосилнинг 10 фоизигача қисмини субсидиялаш учун 250 млрд сўм берилaди.

Шунингдек, пахта етиштириш учун кредит лимитини ярмидан фойдаланган фермерларга ҳам ҳосилнинг 5 фоизигача субсидия ажратилади.

Telegram I Facebook I YouTube I Instagram

«Озиқ-овқат нархларини барқарорлаш учун доимий интервенсия тизими жорий этилади» — президент

Ҳозирги тез ўзгарувчан шароитда бозорлардаги нарх-наво барқарорлиги ва озиқ-овқат хавфсизлигини таъминлаш доимий диққат марказида бўлиши шартлиги кўрсатиб ўтилди.

“Тўғри, куз-қиш учун асосий турдаги озиқ-овқат маҳсулотларини захира қиляпмиз. Энди бу ишни йил давомида амалга ошириб, нархлар барқарорлигини таъминлаш учун доимий интервенсия тизими жорий этилади”,

– деди президентимиз.

Яқинда озуқабоп, мойли экини ва картошка етиштирувчиларни қўллаб-қувватлаш бўйича янги механизмлар эълон қилинган эди. Жумладан, келгуси йилда фермерларга 2025 йил олган ҳосил қийматининг 50 фоизи миқдорида Қишлоқ хўжалиги жамғармасидан 12 фоизли кредит ажратилади. Хорижий валютадаги кредит ставкаcининг 8 фоиздан ошган қисми қоплаб берилади. Кредитларнинг 50 фоизгача қисмига кафиллик тақдим этилади.

Ҳар йили “ин-витро” лабораторияларда вирусдан холи 10 миллиондан ортиқ картошка мини-тўганаклари тайёрланиб, уруғчилик хўжаликларига бепул берилaди.

Telegram I Facebook I YouTube I Instagram

Ўзбекистон GQII рейтингида 52-ўринга кўтарилди

185 давлат баҳоланган Global Quality Infrastructure Index (GQII) 2025 натижалари эълон қилинди.

2024–2025 йилларда аккредитация, метрология ва стандартлаштириш соҳаларида амалга оширилган ислоҳотлар туфайли Ўзбекистон 52-поғонага чиқди. Бу 2023 йилга нисбатан +15 поғона ўсиш демакдир.

📈 Йўналишлар бўйича:
➖ Метрология: +8 (72-ўрин);
➖ Стандартлаштириш: +23 (57-ўрин);
➖ Аккредитация: +10 (29-ўрин);

🌐 Рейтинг GIZ ва PTB мутахассислари томонидан шакллантирилади.

2025 йил етакчилари, Германия, АҚШ, Хитой.

МДҲ давлатлари орасида Қозоғистон – 48, Беларусь – 51, Россия – 55, Озарбайжон – 83, Грузия – 81, Молдова – 78, Арманистон – 102, Қирғизистон – 109, Тожикистон – 172.

Telegram I Facebook I YouTube I Instagram

Қишлоқ хўжалигида агродронлар сони янада оширилади

Қишлоқ хўжалигида рақамли технологиялардан фойдаланиш кўламини кенгайтириш мақсадида агродронлар парки босқичма-босқич оширилмоқда. Ҳар бир вилоятда камида иккитадан махсус мобил дрон комплекси ташкил этилиб, фермер ва кластерларга замонавий агротех хизматлар кўрсатиш йўлга қўйилади.

Президент матбуот хизмати маълумотига кўра, Қишлоқ хўжалиги вазирлиги ҳузурида дрон хизматларини амалга оширувчи алоҳида марказ иш бошлаган. Ушбу марказ мутахассислар тайёрлаш, агродронларга техник хизмат кўрсатиш ва улардан самарали фойдаланиш имконини яратмоқда. Жорий йилда 100 дан ортиқ дрон ёрдамида ер ва экинлар мониторинги ҳамда илғор агротехник тадбирлар амалга оширилди.

Келгуси йили Хитойдан қўшимча тарзда 50 дан ортиқ замонавий агродрон олиб келиниши режалаштирилган. Шунингдек, аграр соҳада дронлар учун рухсат этилган учиш оғирлиги лимити 100 килодан 250 килогача оширилади. Бу ўзгариш катта майдонларда ишларни янада тез ва самарали бажариш имконини беради.

Президент Шавкат Мирзиёев ўз чиқишида рақамли технология ва сунъий интеллектни жорий этиш орқали харажатларни қисқартиб, юқори ҳосилга эришётган фермерлар сони ортиб бораётганини қайд этиб, бу йўналишни қўллаб-қувватлаш муҳимлигини таъкидлади.

Telegram I Facebook I YouTube I Instagram

Тошкент вилоятида гиёҳвандлик ва кучли таъсир қилувчи дорилар ноқонуний айланмаси тўхтатиб қолинди

Жорий йил декабр ойида ИИВ Тезкор қидирув департаменти ҳамда ҳудудий бўлинмалар ҳамкорлигида Бекобод туманида ўтказилган тезкор тадбирда 2002 йилда туғилган шахс 1 кг 160 грамм опий ва 972 грамм гашишни 18 минг долларга сотмоқчи бўлган вақтида қўлга олинди.

Тадбир натижасида жами 10 660 дозага тенг 2 кг 132 грамм гиёҳвандлик воситаси тарқалиши олди олинди. Унга нисбатан Жиноят кодексининг 273-моддаси 5-қисми билан иш қўзғатилиб, 10–20 йил озодликдан маҳрум этилиши мумкин.

Кейинги тезкор тадбирда эса 1000 дона “Регапен” психотроп моддасининг ноқонуний муомаласига чек қўйилди. Айбланувчилар ушбу дориларни витамин ва дори қутиларига яшириб тарқатишни режалаштиргани маълум бўлди.

Тошкент вилояти Чиноз ЙПХ масканида тўхтатиб текширилган автомашинадан 1997 йилда туғилган шахс ва унинг 1993 йилда туғилган шеригига тегишли, 5000 дозага тенг 1000 дона “Регапен” топилиб, ашёвий далил сифатида олинди. Ҳолат юзасидан тегишли тартибда жиноят ишлари қўзғатилди.

Telegram I Facebook I YouTube I Instagram

❗️Нақд пулга уй-жой, автомобиль олди-сотдиси бекор қилинади — президент фармони

2026 йил 1 апрелдан қуйидагилар учун тўловлар фақатгина банк карталари ёки электрон тўлов тизимлари орқали амалга оширилади:

➖давлат органлари томонидан кўрсатиладиган хизматлар;

➖электр энергияси, табиий газ, ичимлик сувидан фойдаланганлик учун тўловлар;

➖алкоголь ва тамаки маҳсулотлари;

➖транспортларга ёқилғи қуйиш шохобчалари орқали аҳолига нефть-газ маҳсулотларини сотиш ва электрда ҳаракатланадиган транспортларни зарядлаш бўйича хизматлар;

➖қиймати 25 млн сўмдан ошадиган товар ва хизматлар;

➖кўчмас мулк объектлари, ишлаб чиқарилганига 10 йилдан ошмаган M, N, O ва G тоифага кирувчи транспортлар ҳамда махсус автотранспорт воситаларини сотиш ва сотиб олиш.

Telegram I Facebook I YouTube I Instagram

❗️ Барча савдо ва хизмат кўрсатувчи юридик шахслар томонидан электрон тўловларни қабул қилиш учун ягона QR код жорий қилинади

2026 йил 1 январгача барча савдо ва хизмат кўрсатувчи юридик шахслар томонидан электрон тўловларни қабул қилиш учун ягона QR код жорий қилинади.

2026 йил 1 январдан барча савдо ва хизмат кўрсатиш соҳасидаги юридик шахслар томонидан банкларда генерация қилинган ягона QR код орқали электрон тўловларни қабул қилиш йўлга қўйилади.

Бунда 2026 йил 1 июлдан:

🔹 барча савдо ва хизмат кўрсатиш соҳасидаги юридик шахсларда ягона QR кодли тўлов тизими орқали тўловларни қабул қилиш ҳам мажбурий этиб белгиланади;

🔹 ягона QR кодлардан фойдаланилмаётганлиги савдо қоидаларини бузиш деб ҳисобланади.

2026 йил 1 мартдан солиқ органлари ходимлари ҳамда Навоий ва Чирчиқ шаҳарларида ҳисобга қўйилган жисмоний шахслар томонидан жами йиллик даромадлари тўғрисидаги декларацияни тақдим этиш тажриба-синов тариқасида жорий этилади.

Telegram I Facebook I YouTube I Instagram

“Камолот турне ётоқхонасида кечаси безовталик ва босимлар бўлаётгани малум бўлди

Кечки соат 23:00 атрофида “Камолот турне” биносида яшовчи фуқаролар ташвишли вазият юз берганини маълум қилмоқда. Гувоҳларнинг айтишича, ўзларини ташкилот ходимлари деб таништирган бир гуруҳ шахслар бино ичига кириб борган ва аҳолидан имзо қўйишларини талаб қилган.
Фуқароларнинг даъво қилишича, бу талаб орқали уларни “ихтиёран чиқиб кетиш”га мажбурлашга ҳаракат қилишган. Нафақа ёшига яқинлашиб қолган қоровуллар билан тортишувлар юз бергани, ҳатто айримлари бундан сўнг кардиология бўлимида даволанишга мажбур бўлгани айтилмоқда.
Бу бинода ёш оилалар, темир дафтарда турган фуқаролар ҳам истиқомат қилади. Улар шундай кечки рейдлар орқали тинчи бузилаётганидан хавотирда.

Ёшлар Иттифоқига тегишли деб айтилаётган бундай гуруҳлар томонидан исталган вақтда одамларнинг тинчини бузиш қанчалик тўғри?

👉 ТЎЛИҚ ВИДЕО

Telegram I Facebook I YouTube I Instagram

Саида Мирзиёеванинг маърифий дипломатияси: Ал-Азҳар нега Ўзбекистонга юз тутмоқда?

Миср матбуотида етакчи нашрлардан бўлган «Al-Liwaa Al-Islami»нинг биринчи саҳифасида чоп этилган мақола замирида катта стратегик аҳамият ўрин эгаллаган. Ўзбекистон Президенти администрацияси раҳбари Саида Мирзиёева ташаббуси билан Ўзбекистон ҳамда Аль-Азҳар ўртасидаги алоқалар янги, стратегик даражага чиқди.

Мақолада таъкидланишича, Шайх Аҳмад ат-Таййиб Ўзбекистон билан ҳамкорликни чуқурлаштиришга тайёрлигини расман билдирди. Хорижий экспертлар эса Ўзбекистоннинг экстремизмга қарши курашда "бостириш" эмас, балки "маърифат ва ислоҳот" йўлини танлаганини намуна сифатида баҳоламоқда. Аль-Азҳар айнан шу ёндашувни қўшма тадқиқотлар орқали ривожлантирмоқчи.

Шунингдек, тарихий илдизларни мустаҳкамлаш мақсадида, ўзбекистонлик талабалар учун грантлар ва квоталарни кенгайтириш масаласи тасдиқланди. Бу эса "Учинчи Ренессанс"нинг маънавий пойдеворини мустаҳкамлашга хизмат қилади.

Уламолар ва мутахассислар ўртасида доимий тажриба алмашинув механизмлари йўлга қўйилиши эса икки нуфузли марказнинг илм-фан соҳасидаги муаммоларни биргаликда ҳал қилишини таъминлайди.

Бу халқаро эътироф, бир сўз билан айтганда, Саида Мирзиёеванинг ижтимоий-маърифий фаоллиги халқаро ҳамжамиятда нечоғлиқ ижобий акс садо беряптиганини кўрсатади: Ўзбекистон энди шунчаки туризм маркази эмас, балки маърифий ислоҳотларнинг халқаро лидери сифатида тан олинмоқда.

Telegram I Facebook I YouTube I Instagram

Тошкентда автобус ва Haval уриб кетган пиёда воқеа жойида вафот этди

9 декабр куни кечки пайт Тошкент шаҳридаги Мирзо Улуғбек кўчасида оғир йўл-транспорт ҳодисаси содир бўлди. Тартибга солинмаган йўлдан кесиб ўтаётган пиёдани Yutong электробуси уриб юбoрди.

Зарба оқибатида қарама-қарши томонга йиқилган пиёдани Haval автомобили ҳам босиб кетди.

Пиёда воқеа жойида ҳалок бўлган. Ҳолат бўйича Жиноят кодексининг 266-модда 2-қисми билан жиноят иши очилди.

Тошкент шаҳар Ички ишлар бош бошқармаси ҳайдовчи ва пиёдаларни йўл қоидаларига қатъий риоя қилишга чақирди.

Telegram I Facebook I YouTube I Instagram