Телеграмда «овоз бериш» баҳонасидаги янги фирибгарликдан эҳтиёт бўлинг

Ўзбекистонда Telegram орқали амалга оширилаётган фирибгарликнинг янги тури кўпаймоқда. Жиноятчилар фойдаланувчининг аккаунтига ноқонуний кириб, унинг номидан яқинларига ва танишларига «сўровномада энг яхши ота-онага овоз бериш» ҳақидаги хабар ва ҳавола юборишмоқда.

Мазкур ҳаволага кирилган тақдирда, фойдаланувчи билган-билмаган ҳолда ўз Telegram аккаунти маълумотларини фирибгарларга тақдим этади. Натижада, улар шахсий маълумотларга эга бўлиши, ҳабарлар юбориши ҳамда ҳатто молиявий зарар етказиши мумкин.

Муҳими, хабар «она», «ота», «ака» ёки бошқа яқин инсон номидан келса ҳам, шубҳали хаволаларни очмаслик, аввало, ўша шахс билан бевосита боғланиб, маълумотни аниқлаш тавсия этилади.

Фуқаролардан шахсий хавфсизликни таъминлаш мақсадида бундай шубҳали ҳаволаларга кирмаслик, шахсий маълумотларни киритмаслик ва гумонли хабарлар ҳақида тегишли органларга хабар бериш сўралади.

Telegram I Facebook I YouTube I Instagram

«Онлайн иш» таклифлари ортида фирибгарлик яширинган бўлиши мумкин — Киберхавфсизлик маркази

Ижтимоий тармоқларда «Oнлайн ишга қабул қиламиз» каби эълонлар учраб турибди. Бироқ бундай таклифлар ортида фирибгарлар бўлиши мумкин. Улар фойдаланувчиларнинг шахсий маълумотларини қўлга киритиш ёки турли баҳоналар билан пул талаб қилишга уринмоқда.

Мутахассислар шубҳали реклама ва ҳаволаларни очмасликни, шахсий маълумотларни бегооналарга бермасликни ва иш таклифини қабул қилишдан олдин уни кейинчалик текшириб чиқишни тавсия қилмоқда.

Telegram I Facebook I YouTube I Instagram

Ота-оналар фарзандини ўқув йили давомида синфдан синфга ўтказиши мумкин

Ота-оналар ўз фарзандларини ўз хоҳишига кўра ўқув йили давомида ёки у тугаганидан сўнг бир синфдан бошқа синфга ўтказиш ҳуқуқига эга. Бунинг учун улар мактаб директори номига, фарзандини синфдан синфга ўтказиш сабабларини кўрсатган ҳолда ариза топширишлари лозим.

Мактаб директори аризани олган кундан бошлаб бир иш куни ичида кўриб чиқади ва ўқувчини бир синфдан бошқа синфга ўтказиш ҳақида буйруқ чиқаради.

Агар синфдаги ўқувчилар сони белгиланган меъёр — 35 нафардан ортиқ бўлса, директор ўқувчини ўтказишни рад этиш ҳуқуқига эга. Бундай ҳолатда, рад жавоби ариза берилган кундан эътиборан 3 кун ичида ота-оналарга ёзма равишда маълум қилинади.

Директор томонидан ўқувчини синфдан синфга ўтказиш тўғрисида буйруқ чиқарилгандан сўнг, 3 кун ичида синф журнали ва ўқувчилар ҳаракати дафтарига тегишли ёзувлар киритилади.

Telegram I Facebook I YouTube I Instagram

❌ «Пулни қайтаринг» эълони — фирибгарлик

Сохта сайт орқали тарқалаётган «Фирибгарлар қўлга олинди, ариза қолдиринг ва пулни қайтаринг» мазмунидаги эълонларга ишонманг.

❗️ Бу эълон фейк ва маълумотларингизни ўғирлаш мақсадида тузилган бўлиши мумкин.

Telegram I Facebook I YouTube I Instagram

⚡️“Ущемлённый мадам” иши: Интернетни портлатган можаронинг суддаги тафсилотлари…

“Реал Санжик” тилидан айтилган “УШЕМЛЁННЫЙ МАДАМ” атамаси билан боғлиқ воқеа бугунга қадар жамоатчилик эътиборидан тушгани йўқ.

Ҳолат қисқа вақт ичида муҳокамали мавзуга айланиб, кенг муҳокамаларга сабаб бўлмоқда, бироқ вазият атрофидаги саволлар ҳануз жавобсиз. Асосий масала – куёв Шаҳзод Рисматов 9 йилга қамалган бўлса, Олимбоеваларга уй қайтадими, Санжикнинг 240 минг доллари ҳаволарга учдими?

Маълумот ўрнида, ушбу иш фонида Шаҳзод Рисматовнинг онаси Феруза Каримовага нисбатан босим ўтказиш ва ўлдириш билан қўрқитган Санжар Каримов қамоққа олинди. Шунингдек, Каримовга кўп миқдорда гиёҳвандлик моддалари билан боғлиқ ҳолатлар юзасидан айбловлар ҳам қўйилган.

Мазкур ҳолатлар суд-тергов жараёнларида ҳуқуқий жиҳатдан баҳоланган бўлиб, иш атрофидаги вазият жамоатчилик диққатида анча вақт сақланади.

Effect.uz – кузатувчилардан келиб тушган кўплаб мурожаатларни инобатга олган ҳолда мазкур ишни тўлиқ ёритишни зарур деб ҳисоблади.

https://youtu.be/4-0m4n5Uf9U

🏆 Жавоҳир Синдаров Магнус Карлсенни мағлуб этди!

Жанубий Африка Республикасида бўлиб ўтаётган Freestyle Chess Grand Slam Final нуфузли турнирининг 1-турида оқ доналарда Жавоҳир Синдаров дунёнинг 1-рақамли шахматчиси Магнус Карлсен устидан ғалаба қозонди.

Маълумот учун, бугун Жавоҳирнинг туғилган куни — 2005 йил 8 декабрда таваллуд топган ҳамюртимиз 20 ёшни қарши олди.

Telegram I Facebook I YouTube I Instagram

⚡️Виртуал ҳаёт қулига айланманг!

Смартфонлар инсон ҳаётининг ажралмас қисмидан ўрин олгани ҳақиқат. Улар орқали одамлар ўзаро мулоқот қилади, иш фаолиятини олиб боради, таълим олади, ҳордиқ чиқаради ва турли соҳаларда ўз билимларини бойитади.

Бироқ гаджетлар техник тараққиёт қулайликлар билан бирга муайян хавф-хатарларни ҳам юзага чиқармоқда. Хусусан, телефондан ҳаддан ташқари, мақсадсиз ва самарасиз фойдаланиш инсон вақт ресурсларининг беқарор сарфланишига, диққат-эътиборнинг сусайишига, руҳий ҳолатнинг издан чиқишига ҳамда оилавий муносабатларнинг бузилишига олиб келаётгани кузатилмоқда.

Effect.uz мухбири Шаҳзода Раҳимова томонидан ўтказилган сўровнома натижаларига кўра, сўровда иштирок этганларнинг 89 фоизидан ортиқ қисми кун давомида телефондан фаол фойдаланади. Бу кўрсаткич эса замонавий инсон ҳаётида смартфонларга бўлган қарамлик даражаси тобора ошиб бораётганини кўрсатмоқда.

Сиз ҳам телефондан кўп ва самарасиз фойдаланасизми?

Telegram I Facebook I YouTube I Instagram