"Биз Португалия ва Колумбия билан ўйнаймиз. Умид қиламан, охиригача курашамиз" — Каннаваро

Футбол бўйича Ўзбекистон миллий терма жамоаси бош мураббийи Фабио Каннаваро 2026 йил жаҳон чемпионати финал босқичи қуръаси натижаларига муносабат билдирди.

Каннаваро таъкидлашича, Ўзбекистон терма жамоаси Португалия ва Колумбия билан баҳс олиб боради.

«Дастлабки таассурот... Албатта, бу жаҳон чемпионати. Унда исталган жамоа билан тўқнаш келиш мумкин. Биз Португалия ва Колумбия билан ўйнаймиз. Албатта, бу ўйинлар футболчиларимиз учун ҳам ҳаяжонли бўлади. Бу жаҳон чемпионатидамиз. Бу қуръа ва унда ҳамма нарса бўлиши мумкин. Биз бу ердалигимиздан жуда ҳам хурсандмиз. Умид қиламан, охиригача курашамиз»,

— деди у.

Шунингдек, Португалия терма жамоаси бош мураббийи Роберто Мартинес ЖЧ-2026 қуръа натижалари ҳақида фикр билдирди.

"Эндиликда қуръа натижаларига кўра тайёргарликни бошлашимиз мумкин. Биз ўз гуруҳимиздан мамнунмиз, чунки қуръа бизга биринчи ўйинни 17 июнда ўтказиш имконини беради. Бу эса тайёргарлигимизга аниқ йўналиш беради. Дастлаб плей-офф босқичидан ўтган жамоага қарши ўйнаймиз, шунинг учун рақибимиз қайси мамлакат бўлишини ҳозирча билмаймиз. Бироқ Колумбия ва Ўзбекистонга нисбатан ҳурматимиз юқори. Улар жаҳон чемпионатига пухта тайёргарлик кўрган ва жиддий рақобатчи бўлган жамоалардир",

деди 52 ёшли мутахассис.

Telegram I Facebook I YouTube I Instagram

"Кўп қаватли уйларга хизмат кўрсатувчи бошқарув органлари 24/7 диспетчерлик хизматини ташкил этиши шарт" — вазирлик

Telegram I Facebook I YouTube I Instagram

Қашқадарёда ЙПХ ходимини обрўсизлантиришга уринганларга маъмурий қамоқ жазоси тайинланди

Қашқадарё вилоятида йўл-патруль хизмати (ЙПХ) ходимини обрўсизлантириш мақсадида видеоматериал тарқатган икки нафар шахс маъмурий жавобгарликка тортилди. Суд қарорига кўра, улардан бирига 10 сутка, иккинчисига эса 7 сутка маъмурий қамоқ жазоси тайинланди.

Жорий йил 29 ноябр куни Шаҳрисабз шаҳрида хизмат олиб бораётган ЙПХ инспектори, катта сержант Холбеков "Кобалт" русумли транспорт воситасига ҳайдовчининг телефон воситасидан фойдаланиб келаётгани учун тўхташ ишорасини беради. Бу вақтда ҳайдовчи ва салонда йўловчи сифатида келаётган тармоқ блогерларидан бири ходимни чалғитиш учун олдиндан тил бириктириб, ходимга ҳайдовчини гўёки телефондан фойдаланган қилиб кўрсатган, аслида телефон ғилофидан фойдаланган. Ходим ҳайдовчига нисбатан белгиланган маъмурий баённома расмийлаштиргач эса, икковлон ходимни чалғитишга уринганини айтиб, ҳали судда гаплашамиз, дея калака қилиб кетишган.

Эртасига телеграм тармоғига "Қоидабузарлик борми?" сарлавҳали видеони жойлаган тармоқ вакили шу куннинг ўзидаёқ ноқонуний ишга қўл урганини билиб, видеони саҳифасидан ўчирган. Бироқ ғишт қолипдан кўчиб бўлган эди. Ходим билдиргиси асосида тўпланган ҳужжатлар кўриб чиқиш учун Шаҳрисабз шаҳар судига юборилиб, ЙПХ ходимининг сезгирлигини имтиҳондан ўтказиш важи билан унинг устидан кулиб изза қилишга уринганлар устидан суд қарори ўқилди.

Маълумот учун, Маъмурий жавобгарлик тўғрисидаги кодекснинг 195-прим 2-моддасига кўра ҳуқуқни муҳофаза қилувчи органлар ходимларининг жамоат хавфсизлигини таъминлаш бўйича хизмат вазифаларини бажараётган пайтида олинган фото ёки видео тасвирини уларни обрўсизлантириш мақсадида бузиб тарқатиш БҲМнинг 20 бараваридан 50 бараваригача миқдорида жарима солишга сабаб бўлади.

Telegram I Facebook I YouTube I Instagram

Тошкентда ҳавони ифлослантирган “TEXNOPARK” МЧЖга нисбатан чора кўрилди

Тошкент шаҳрида атмосфера ҳавосини ифлослантирувчи I ва II тоифага кирувчи объектларда экологик назорат тадбирлари изчил давом этмоқда.

Навбатдаги мониторинг жараёнида Яшнобод туманида жойлашган “TEXNOPARK” МЧЖга қарашли чўян қуйиш цехи текширилди. Текширув давомида корхонада чанг-газ тозалаш ускунаси мавжуд бўлишига қарамасдан, у меъёрдан ортиқ чиқиндиларни атмосфер ҳавога чиқараётгани ҳамда экологик экспертиза хулосаси олинмагани аниқланди.

Аниқланган қонунбузарликлар юзасидан корхона раҳбарига белгиланган тартибда тегишли чоралар кўрилиб, қўшимча тўловлар ҳисобланди.

Telegram I Facebook I YouTube I Instagram

"Ҳаётингизни асранг, хавфсизлик қоидаларига амал қилинг" – ФВВ ис гази хавфидан огоҳлантирди

Об-ҳаво ҳарорати пасайиб бориши билан газ ва муқобил ёқилғида ишловчи иситиш мосламаларидан фойдаланишга бўлган эҳтиёж ортиб бормоқда. Фавқулодда вазиятлар вазирлиги (ФВВ) эса иситиш жиҳозларидан нотўғри фойдаланиш оқибатида ис газидан заҳарланиш ва бошқа кўнгилсиз ҳодисалар содир бўлиши мумкинлигидан огоҳлантирмоқда.

Мутахассислар қўлбола ва носоз иситиш ускуналаридан фойдаланмаслик, тунги вақт иситиш тизимини назоратсиз қолдирмаслик ҳамда ошхона газ плитасини хона иситиш учун ишлатмасликни тавсия қилмоқда. Шунингдек, иситиш печлари ва мўриларининг созлиги, вақтида тозаланиши, атрофида ёнувчан буюмлар сақланмаслигига алоҳида эътибор қаратиш зарур.

Газ ускуналарини улашда қоидаларга қатъий риоя қилиш ва резина шлангалардан фойдаланмаслик керак. Агар хонада газ ҳиди сезилса, чироқ ёқмасдан ва учқун чиқармасдан дарҳол хонани шамоллатиб, газ хизматига хабар бериш лозимлиги таъкидланмоқда.

ФВВ фуқароларни мазкур қоидаларга риоя қилиш орқали ўз ҳаёти ва яқинларини хавфдан асрашга чақиради.

Telegram I Facebook I YouTube I Instagram

“Шавкат Мирзиёев амалга ошираётган ислоҳотлар билан бутун халқ фахрланиши керак” – “ACWA Power” бошқаруви раиси

5 декабрь куни Халқаро конгресс марказида бўлиб ўтган тадбирда Саудия Арабистонининг “ACWA Power” компанияси бошқаруви раиси Муҳаммад Абунайян Президент Шавкат Мирзиёев сиёсатини юксак баҳолади.

“Муҳтарам Президент жаноби олийлари, сиз амалга ошираётган ишларнинг натижалари билан муқаддас Ўзбекистон заминида яшаётган бутун халқ фахрланиши керак. Чунки ҳамма раҳбарлар ҳам, ҳамма давлатлар ҳам бундай натижаларни таъминлашга, бундай чуқур ислоҳотларни амалга оширишга қодир эмас”,

- деди Муҳаммад Абунайян.

Telegram I Facebook I YouTube I Instagram

Юнусободда экологик талаблар бузилиши оқибатида бир қатор қурилишлар вақтинчалик тўхтатилди

Тошкент шаҳар Қурилиш ва уй-жой коммунал хўжалиги соҳасида назорат қилиш инспекцияси томонидан Юнусобод туманида қурилиш объектларида экологик талаблар бузилган ҳолатлар аниқланди. Рейд тадбирлари давомида 15 та қурувчи ташкилотга ёзма кўрсатма берилди, 4 та объектда эса ишлар вақтинчалик тўхтатилди.

Шаҳар экологик муҳитини муҳофаза қилиш мақсадида инспекция ходимлари қурилиш майдонларини мунтазам равишда намлантириш ва чанг кўтарилишини камайтириш чораларини кўрмоқда. Инспекция экологик талабларга қатъий амал қилиш орқали қурилиш жараёнларини сифатли ва хавфсиз ташкил этиш муҳимлигини таъкидлади.

Telegram I Facebook I YouTube I Instagram

Когонда портловчи моддалар цехида чақнаш содир бўлди: 4 киши вафот этди

2025 йил 6 декабр куни Бухоро вилояти Когон туманида жойлашган «ШАМС ЛТД» МЧЖга қарашли портловчи моддалар ишлаб чиқариш цехида чақнаш содир бўлди. Портлаш оқибатида 4 нафар ишчи вафот этди, яна бир неча ходим турли даражада жароҳатланди.

Маълумотларга кўра, ҳодиса соат 09:40 да «Мустақиллик» МФЙ ҳудудидаги цехда юз берган ва натижада ёнғин ҳам келиб чиққан. Бухоро вилояти Фавқулодда вазиятлар бошқармасининг 7 та қутқарув бўлинмаси томонидан ёнғин соат 10:27 да тўлиқ ўчирилган.

Ҳодиса вақтида цехда 30 нафар ишчи бўлган. Улардан 4 нафари вафот этган, 4 нафари енгил даражада жароҳатланган ва шифохонага ётқизилган. Шулардан 2 нафарига амбулатор ёрдам кўрсатилиб, уйига чиқишга рухсат берилган.

«ШАМС ЛТД» МЧЖ 2019 йилдан бери Марказий Осиё ва Ўзбекистон тоғ-кон саноати учун портловчи моддалар ишлаб чиқариш ва етказиб бериш билан шуғулланади.

Ўзбекистон президенти Шавкат Мирзиёевнинг топшириғига асосан, Саноат хавфсизлиги қўмитаси раиси А. Рафиқов раҳбарлигида ҳукумат комиссияси тузилди. Комиссия жабрланганларга ёрдам кўрсатиш, ҳодисанинг сабабларини аниқлаш ва бунга ўхшаш ҳолатларни келгусида олдини олиш чораларини ишлаб чиқиш билан шуғулланади.

Ҳозирда портлаш содир бўлган ҳудуд тўлиқ назоратга олинган ва оқибатларни бартараф этиш ишлари давом эттирилмоқда.

Telegram I Facebook I YouTube I Instagram

Самвел Бабаян “Андижон” жамоасига мураббийлик қилади

Бугун вилоят ҳокими Шуҳратбек Абдураҳмонов Самвел Бабаян ҳамда жамоа аъзолари билан учрашиб, келгусидаги режалар хусусида фикр алмашилди.

Бабаян фаолияти давомида “Пахтакор”, “Навбаҳор”, “Спартак” (Латвия), “Локомотив”, “Чанчун Ятай” (Хитой) каби клубларни бошқарган. Шунингдек, Ўзбекистон миллий терма жамоасига ҳам устозлик қилган.

Тажрибали мутахассис бош мураббий ва клуб раҳбари сифатида “Пахтакор” билан 9 карра Ўзбекистон чемпиони, 8 марта Ўзбекистон Кубоги ғолиби, ОЧЛда 2 марта ярим финал иштирокчиси, бир марта МДҲ кубоги ғолиби, Осиёни энг яхши клуби, шунингдек, “Навбаҳор” билан Ўзбекистон чемпиони бўлган, икки марта Ўзбекистон Кубоги ғолиблигини қўлга киритган ҳамда ОЧЛ 1\8 финалгача етиб борган.

Учрушувда “Андижон” жамоасини Осиё Чемпионлар Лигаси элит босқичида муносиб иштирок эттириш, замонавий, кучли ва ҳамжиҳат жамоа шакллантириш ҳамда жаҳон футболи тажрибаларини самарали жорий этиш масалалари муҳокама қилинди.

Мутахассис “Андижон” фаолиятини янги босқичга олиб чиқиш учун ўзининг бой тажрибаси ва билимларини тўлиқ сафарбар этишга тайёрлигини билдирди.‌‌

Tarjima: uz-uz
Самвел Бабаян “Андижон” жамоасига мураббийлик қилади

Бугун вилоят ҳокими Шуҳратбек Абдураҳмонов Самвел Бабаян ҳамда жамоа аъзолари билан учрашиб, келгусидаги режалар хусусида фикр алмашилди.

Бабаян фаолияти давомида “Пахтакор”, “Навбаҳор”, “Спартак” (Латвия), “Локомотив”, “Чанчун Ятай” (Хитой) каби клубларни бошқарган. Шунингдек, Ўзбекистон миллий терма жамоасига ҳам устозлик қилган.

Тажрибали мутахассис бош мураббий ва клуб раҳбари сифатида “Пахтакор” билан 9 карра Ўзбекистон чемпиони, 8 марта Ўзбекистон Кубоги ғолиби, ОЧЛда 2 марта ярим финал иштирокчиси, бир марта МДҲ кубоги ғолиби, Осиёни энг яхши клуби, шунингдек, “Навбаҳор” билан Ўзбекистон чемпиони бўлган, икки марта Ўзбекистон Кубоги ғолиблигини қўлга киритган ҳамда ОЧЛ 1\8 финалгача етиб борган.
Учрушувда “Андижон” жамоасини Осиё Чемпионлар Лигаси элит босқичида муносиб иштирок эттириш, замонавий, кучли ва ҳамжиҳат жамоа шакллантириш ҳамда жаҳон футболи тажрибаларини самарали жорий этиш масалалари муҳокама қилинди.

Мутахассис “Андижон” фаолиятини янги босқичга олиб чиқиш учун ўзининг бой тажрибаси ва билимларини тўлиқ сафарбар этишга тайёрлигини билдирди.‌‌

Telegram I Facebook I YouTube I Instagram