Чеклов эмас — имкон!

Тошкентда 3 декабрь — Халқаро ногиронлиги бўлган шахслар куни муносабати билан ижод ва интизом уйғониш тадбири ўтказилди.

Унда махсус эҳтиёжга эга болалар ва ёшлар ўзларининг истеъдоди ва меҳр билан яратган ижодий ишлари, қўл меҳнати маҳсулотлари ҳамда турли лойиҳаларини намойиш этди. Ҳар бир асар ортида улкан меҳнат, интизом ва орзулар яширинган.

Ташриф буюрувчилар болаларнинг рассомлик асарлари, ҳунармандчилик буюмлари ва ижодий ишланмаларини ҳайрат ва маъқуллаш билан кузатдилар. Кимдир муҳтожларга ёрдам қўли узатди, кимдир эса уларнинг меҳнатидан илҳом олди.

Тадбирнинг асосий мақсади — ногиронлиги бўлган болалар ва ёшларнинг салоҳиятини намойиш этиш, уларни жамият ҳаётига фаол жалб қилиш ва барчага имкониятлар очишдир. Бу ерда ҳар бир қадам, ҳар бир иш ортида умид ва ирода яшайди.

Муаллиф: Қурбанова Камола

Telegram I Facebook I YouTube I Instagram

Салла деса, калла ёхуд бузғунгчи ва қонун менсимас ҳокимлар ҳақида…

👉 https://youtu.be/88t_i1bJ2xw

Ҳавони ифлослантираётган катта заводларга кучи етмай, тандирга кучи етган ўзбегим...

Бир гала аҳмоқлар ичида қолиб кетгандек ҳис қиласан ўзингни

Ақида Ҳанум

Telegram I Facebook I YouTube I Instagram

Асакада газ баллон тўла хонадонда портлаш юз берди

Асака туманидаги маҳаллага келадиган газ баллонларни йиғиладиган хонадонда портлаш юз берган. Уйда 40 тага яқин газ баллон бўлгани айтилмоқда.

Ҳозирча ҳолат юзасидан расмий муносабат берилмаган.

Telegram I Facebook I YouTube I Instagram

⚡️Масжидга эҳсон қилинг!

Оз бўлса ҳам, хар куни эҳсон қилишни одат қилинг! Зеро эҳсон: Аллоҳнинг ғазабини ўчиради, касалликка даво бўлади, Қиёмат куни сенга соя бўлади, вафотингдан кейин ҳам ажр-савобингни кўпайтириб туради.

“Имом Ҳасан”жомеь масжиди қурилишига ўз ҳиссангизни қўшинг!

Бу хабарни яқинларига ҳам юбориб, эслатишса, икки карра кӯпроқ савобга эга бӯладилар.

Чунки Расулуллоҳ саллаллоҳу алайҳи васаллам: «Ким яхшиликка далолат қилса, унга (ҳам) амал қилувчининг савобидек ажр (мукофот) ёзилади», деб айтганлар.

UZCARD: 5614 6818 7294 6532
Телефон рақам: +998908054736

Жиззахлик тадбиркор Азиз Шаймарданов “Дўстлик” ордени билан тақдирланди

Жорий йилнинг 2 декабрь куни Президентимиз Шавкат Мирзиёев Жиззах вилоятига ташрифи чоғида Жиззах шаҳрида жойлашган “Кўк сарой” савдо ва хизмат кўрсатиш мажмуаси фаолияти билан танишди.

Давлатимиз раҳбари мажмуадаги имкониятлар, яратилган шарт-шароитлар билан танишар экан, ташриф буюрганлар ва фуқаролар билан самимий мулоқот қилдилар. Шунингдек, хизматларни комплекс ёндашув асосида янада ривожлантириш, бундай замонавий марказларни бошқа ҳудудларда ҳам кўпайтириш зарурлигини таъкидлади.

Президентимиз Шавкат Мирзиёев “Кўк Сарой Resident City” масъулияти чекланган жамияти директори Азиз Шаймардановнинг меҳнатини эътироф этиб, уни давлат мукофотига тавсия қилди.

Тадбиркорлик соҳасида ташаббускорлиги, билим ва тажрибаси, ватанпарварлиги ҳамда азму шижоати билан алоҳида фаоллик кўрсатиб келаётган, муҳим лойиҳаларни муваффақиятли амалга ошириб, юртимиз тараққиётига муносиб ҳисса қўшаётган жиззахлик тадбиркор — “Кўк Сарой Resident City” МЧЖ директори Азиз Илбатирович Шаймарданов “Дўстлик” ордени билан тақдирланди.

Тадбиркор томонидан йирик, замонавий савдо ва хизмат кўрсатиш мажмуаси фаолиятга татбиқ этилгани, кенг кўламли ободонлаштириш ишлари амалга оширилгани, янги иш ўринлари яратилгани ва аҳоли фаровонлигини ошириш йўлида эришилган натижалар юқори баҳоланди.

Давлатимиз раҳбари фармонига асосан берилган ушбу юксак мукофотни Жиззах вилояти ҳокими Улуғбек Мустафоев тантанали тарзда топширди.

Telegram I Facebook I YouTube I Instagram

Хотин-қизларнинг касб-ҳунар ўрганиш имкониятлари кенгайтирилади

“Хотин-қизларни қўллаб-қувватлашга оид қўшимча чора-тадбирлар тўғрисида”ги президент фармони (ПФ–240-сон, 03.12.2025 й.) қабул қилинди.

Фармонга кўра, қуйидагилар ушбу Фармоннинг асосий мақсадлари этиб белгиланди:

🔹 маҳаллаларда хотин-қизларнинг бандлигини таъминлаш ва саломатлигини мустаҳкамлаш марказлари (Марказлар) фаолиятини кенгайтириш;

🔹 2026–2027 йилларда “HAMROH” хотин-қизлар тадбиркорлигини қўллаб-қувватлаш компанияси” МЧЖ (Компания) томонидан:

▪️ 6 минг нафар хотин-қизларнинг тадбиркорлик лойиҳаларини молиявий қўллаб-қувватлаш учун 2 трлн сўм йўналтириш;

▪️ 2,8 минг нафар хотин-қизларни тадбиркорликка ўқитиш;

▪️ 2 минг нафар хотин-қизларнинг тадбиркорлик фаолиятига ҳамроҳлик қилиш асосида кўмаклашиш.

Туман (шаҳар) ҳокимликлари томонидан ташкил этилган Марказлар тегишинча Қорақалпоғистон Республикаси Оила ва хотин-қизлар қўмитаси, вилоятлар ва Тошкент шаҳри оила ва хотин-қизлар бошқармалари томонидан тикувчилик, қандолатчилик, фитнес, шейпинг, хотин-қизларни касбга ўқитиш каби фаолиятларни ташкил этиш учун ижарага берилади.

Telegram I Facebook I YouTube I Instagram

Президент бугун Сирдарё вилоятига ташриф буюради

Бугун президентимиз Шавкат Мирзиёев Сирдарё вилоятига ташриф буюради.

Давлатимиз раҳбари саноат корхоналари фаолияти ва маҳаллалардаги бунёдкорлик ишлари билан танишади ҳамда Халқ депутатлари Сирдарё вилояти Кенгашининг навбатдан ташқари сессиясида иштирок этиб, ҳудудни ижтимоий-иқтисодий ривожлантиришнинг устувор вазифаларини белгилаб беради.

Telegram I Facebook I YouTube I Instagram

Хотин-қизларнинг тадбиркорлик лойиҳалари молиявий қўллаб-қувватланади

“Хотин-қизларни қўллаб-қувватлашга оид қўшимча чора-тадбирлар тўғрисида”ги президент фармони (ПФ–240-сон, 03.12.2025 й.) қабул қилинди.

Фармонга кўра, 2026 йил 1 январдан “НAMROН” тадбиркор аёлларни қўллаб-қувватлаш дастури (Дастур) доирасида хотин-қизларнинг тадбиркорлик лойиҳаларини молиявий қўллаб-қувватлашга қаратилган қуйидаги қўшимча инструментлар жорий этилади:

🔹 тижорат банклари томонидан таъсисчилари таркибида аёллар улуши 50 фоиз ва ундан юқорини ташкил қилган ва (ёки) раҳбари аёл киши бўлган кичик ва ўрта тадбиркорлик субъектларининг камида 10 та иш ўрни яратишни назарда тутувчи лойиҳаларига Марказий банкнинг асосий ставкасидан 10 фоиз пункт юқори ставкагача БҲМнинг 25 минг бараваригача миқдорда кредит ажратиш;

🔹 “Бизнесни кафолатлаш миллий компанияси” АЖ томонидан тижорат банклари кредитларининг 70 фоизигача бўлган қисмига кафолат (кафиллик) тақдим этиш.

Дастур доирасида:

🔸 Тикланиш ва тараққиёт жамғармаси мазкур Фармонда назарда тутилган маблағларни Компанияга йўналтириш учун “Тадбиркорликни ривожлантириш компанияси” АЖга Марказий банкнинг асосий ставкасида 3 йиллик имтиёзли давр билан 7 йил муддатга ажратади;

🔸 Компания кредитларни молиялаштириш учун маблағларни тижорат банкларига Марказий банкнинг асосий ставкасидан 4 фоиз пункт юқори ставкагача 3 йиллик имтиёзли давр билан 7 йилдан ошмаган муддатга жойлаштиради.

Telegram I Facebook I YouTube I Instagram

Давлат харидлари бўйича 11,2 млрд сўмлик қонунбузилишлар аниқланди

Рақобат қўмитасининг ҳудудий органлари томонидан давлат харидлари соҳасида амалга оширилган мониторинг ишлари ҳамда келиб тушган мурожаатларни ўрганиш натижасида жами 11,2 млрд сўмдан ортиқ маблағга тўғри келадиган қонунбузилиш ҳолатлари аниқланиб, улар юзасидан тегишли таъсир чоралари кўрилмоқда.

Аниқланган қонунбузилишлар қуйидаги ҳудудлар мисолида қайд этилди:

✅ Бухоро вилояти
Бухоро шаҳар мактабгача ва мактаб таълими бўлимининг 1 та харидида 500 млн сўмдан ортиқ қонунбузилиш ҳолати аниқланди.


✅ Фарғона вилояти
Вилоят Соғлиқни сақлаш бошқармаси томонидан амалга оширилган 6 та харидда қарийб 8 млрд сўмлик қонунбузилиш ҳолатлари қайд этилди.


✅ Жиззах вилояти
Ғаллаорол туман Агротехнология техникумининг 1 та харидида 140 млн сўмга яқин;
Пахтакор туман мактабгача ва мактаб таълими бўлимининг 4 та харидида 766 млн сўм;
Дўстлик туман Ободонлаштириш бошқармасининг 1 та харидида 17 млн сўмга яқин қонунбузилишлар аниқланди.


✅ Навоий вилояти
Хатирчи тумани тиббиёт бирлашмасининг 7 та харидида қарийб 1,7 млрд сўм;
Республика ихтисослаштирилган онкология ва радиология илмий-амалий тиббиёт маркази Навоий вилояти филиалининг 1 та харидида 100 млн сўмга яқин қонунбузилиш ҳолати қайд этилди.

Энг яхши таклифларни танлаш жараёнларини ўрганиш натижасида Ўзбекистон Республикасининг “Рақобат тўғрисида”ги Қонунининг 29-моддаси талабларига амал қилинмагани, яъни рақобатни чекловчи ёки чеклашга олиб келиши мумкин бўлган ҳаракатлар содир этилгани аниқланди.

Шу муносабат билан қўмитанинг ҳудудий бошқармалари ҳузуридаги Махсус комиссия томонидан буюртмачи ташкилотларга нисбатан ишлар қўзғатилиб, белгиланган тартибда тегишли таъсир чоралари қўлланилди. Қонунбузилишларни бартараф этиш ва келгусида бундай ҳолатларнинг олдини олиш бўйича мажбурий кўрсатмалар берилди.

Давлат харидлари соҳасида қонун устуворлигини таъминлаш, давлат маблағларининг самарали ва шаффоф сарфланишига эришиш ҳамда тадбиркорлар учун очиқ ва адолатли рақобат муҳитини яратиш Рақобат қўмитасининг устувор вазифаларидан бири ҳисобланади.

Telegram I Facebook I YouTube I Instagram

🌿 2026 йилда тоза ҳаво учун катта инвестиция!

Тоза ҳавони муҳофаза қилиш ва атроф-муҳитни яхшилаш мақсадида 900 млрд сўм маблағ ажратилади.

Telegram I Facebook I YouTube I Instagram

Алишер Хўжаев Кинематография агентлиги директор ўринбосари лавозимидан кетди

Маълумотларга кўра, Алишер Хўжаев Кинематография агентлиги директори ўринбосари сифатидаги фаолиятини якунлади. Унинг лавозимдан кетиши агентлик директори Шуҳрат Ризаевнинг сафари давомида маълум бўлган.

Ҳозирча Хўжаевнинг янги ишга ўтгани ёки бошқа фаолияти ҳақида расмий маълумот берилмаган.

У МТРКда бошлаган «Тирик тарих» лойиҳасини агентликда ҳам давом эттирган эди.

Бундан олдин хабар қилинганидек, Тошкент халқаро кинофестивали учун ажратилган 10 миллиард сўм маблағ ўтказилмаган ва бу маблағнинг бир қисми, яъни 70 миллиард сўм, «Тирик тарих» лойиҳасига йўналтирилган.

Эслатиб ўтамиз, Алишер Хўжаев 2024 йил 28 мартдан Кинематография агентлиги директори ўринбосари сифатида ишлаб келаётган эди.

У 2005–2017 йилларда МТРК раиси лавозимида фаолият кўрсатган. 2017 йилда танқидга учраганидан сўнг бир муддат ишдан кетган, аммо кейин август ойида яна МТРК раиси сифатида фаолиятни давом эттирган. Жами 20 йилдан кўпроқ МТРКга раҳбарлик қилган Хўжаев 2024 йил февралида бу лавозимни тарк этган.

Telegram I Facebook I YouTube I Instagram

Green Card (DV-2027) учун рўйхатдан ўтиш ҳозирча очилмаган

АҚШнинг Ўзбекистондаги элчихонаси берган маълумотга кўра, 2027 йил учун Diversity Visa (Green Card) дастурига рўйхатдан ўтиш ҳали бошланмаган.

Элчихона фуқароларни DV-2027 учун рўйхатга олиш ишлари бошлангани ҳақидаги турли ёлғон хабарларга ишонмасликка чақирмоқда. Шунингдек, ғолиб чиқиш имкониятини “ошириб бериш”ни ваъда қилаётган шахслар ва турли хизматлардан эҳтиёт бўлиш зарурлиги таъкидланган.

Қайд этилишича, рўйхатдан ўтиш муддатлари ва ариза топшириш жараёнига оид барча расмий ва аниқ маълумотлар фақатгина АҚШ Давлат департаменти томонидан эълон қилинади.

Telegram I Facebook I YouTube I Instagram

Президент Гулистондаги портлашда жабрланганлар ҳолидан хабар олди

2 декабрь куни Гулистон шаҳридаги умумий овқатланиш шохобчаларидан бирида газ баллони портлаши оқибатида 29 нафар фуқаро турли даражада жароҳат олган эди.

Бугун президент Шавкат Мирзиёев Сирдарё вилоятига ташрифи доирасида шифохонага бориб, воқеада жабрланган фуқаролар ҳолидан хабар олди. Давлат раҳбари уларнинг саломатлиги, яқинларининг аҳволи билан қизиқиб, уларнинг қариндошлари билан суҳбатлашди.

Шунингдек, жабрланганларга сифатли тиббий ёрдам кўрсатиш ҳамда тўлиқ соғайиши учун барча зарур шарт-шароитлар яратилишини таъминлаш бўйича тегишли топшириқлар берилди.

Telegram I Facebook I YouTube I Instagram

Тошкентда экологик талабларни бузган 50 га яқин қурилиш объекти вақтинчалик тўхтатилди

Тошкент шаҳрида экологик ҳолат барқарорлигини таъминлаш мақсадида Қурилиш ва уй-жой коммунал хўжалиги соҳасида назорат қилиш инспекцияси томонидан қурилиш mayдонларида махсус рейд тадбирлари ўтказилмоқда.

Рейдлар давомида қурилиш объектларида чанг кўтарилишини камайтириш ва ҳаво ифлосланишининг олдини олишга қаратилган чоралар кўрилмоқда. Хусусан, қурувчи ташкилотлар ҳудудларни махсус техникалар ва сув пурковчи ускуналар ёрдамида мунтазам намлаш ишларини амалга оширмоқда.

Инспекция ходимларининг текширувлари натижасида экологик талабларга риоя этилишини таъминлаш мақсадида қурилиш ташкилотлари вакилларига 289 та ёзма кўрсатма берилди. Белгиланган талабларга амал қилмаган 50 га яқин қурилиш объекти фаолияти эса вақтинчалик тўхтатилди.

Маълум қилинишича, қурилиш майдонларида чанг кўтарилиши ва ҳаво ифлосланишининг олдини олиш бўйича назорат тадбирлари янада кучайтирилган тартибда давом эттирилади.

Telegram I Facebook I YouTube I Instagram

Tандирларни буздирган ҳоким жазога тортилди

Андижон вилояти Шаҳрихон туман ҳокими Ҳикматилло Дадаҳонов экологик рейд вақтида сомса тандирларини буздиргани аниқланганди. Воқеа ўрганилгач, ҳокимга интизомий ҳайфсан берилди.

Вилоят ҳокимлигига кўра, умумий овқатланиш шохобчаларидаги тандирларга етказилган зарар бўйича дарҳол текширув ўтказилган ва келажакда бундай ҳолатлар такрорланмаслиги юзасидан тушунтириш ишлари ўтказилган.

Telegram I Facebook I YouTube I Instagram

Ўзбекистонда 11 ойда 8,5 млн литр сифатсиз ёқилғи фош этилди

Инспекция маълумотига кўра, 26 ноябрдан 2 декабргача 90 та ёнилғи шохобчасидан олинган 191 намунанинг 23 таси талабга жавоб бермаган. Натижада 306 минг литр сифатсиз ёқилғи аниқланган.

Январ–ноябрь ойларида эса 632 та объектда ўтказилган текширувларда 210 та шохобчада жами 8,5 млн литр сифатсиз ёқилғи аниқлангани маълум қилинди. Бундай маҳсулотларнинг савдога чиқиши тўхтатилган.

Тошкент шаҳри ва вилоятида олинган 146 намунанинг 18 таси сифатсиз бўлиб, 205 минг литр ёқилғи талабга жавоб бермаган.

1 декабрдан АИ-80 бензини савдоси тўхтатилгани ҳам эслатилди.

Telegram I Facebook I YouTube I Instagram