Божхона ҳудудидан олиб чиқиладиган товарларнинг божхона қиймати декларациясини тўлдириш тартиби белгиланди

Адлия вазирлигида Божхона ҳудудидан олиб чиқиладиган товарларнинг божхона қиймати декларациясини тўлдириш тартиби тўғрисидаги йўриқнома (рўйхат рақами 3711, 24.11.2025 й.) давлат рўйхатидан ўтказилди

Йўриқномага асосан, божхона қиймати декларацияси электрон шаклда ёки қоғозда тўлдирилади.

Божхона қиймати декларациясидаги маълумотларнинг тўғрилиги декларацияловчи шахснинг ЭРИси, қоғоз шакли декларацияловчи шахснинг имзоси билан тасдиқланади.

Божхона қиймати декларацияси 2 та асосий варақлардан иборат бўлади:

🔹декларацияланаётган барча товарларга тааллуқли маълумотларни ўз ичига олган 1-варақ;

🔹декларацияланаётган товарларнинг божхона қийматини аниқлашда фойдаланилган маълумотлар ва божхона қиймати миқдорининг ҳисоб-китоблари кўрсатиладиган 2-варақ.

Божхона қиймати декларацияси тақдим этилгандан сўнг божхона органи мансабдор шахси божхона қиймати декларациясининг тўғри тўлдирилганлигини, товарнинг маълум қилинган божхона қийматини тасдиқловчи ҳужжатлар мавжудлигининг дастлабки текширувини амалга оширади.

Дастлабки текширув натижасида камчиликлар аниқланса, ушбу камчиликларни бартараф этиш мақсадида божхона органи мансабдор шахси бу ҳақида декларацияловчи шахсни дархол хабардор қилади.

Камчиликлар аниқланмаса божхона қиймати декларациясини расмийлаштириш учун қабул қилади.

Telegram I Facebook I YouTube I Instagram

1 декабрдан никоҳни расмийлаштиришда тиббий кўрик маълумотномаси талаб этилмайди — президент фармони

Фармонга кўра, 2025 йил 1 декабрдан идоралараро ахборот алмашинувини йўлга қўйиш орқали қуйидагилар бекор қилинади:

▪️никоҳни расмийлаштиришда ФҲДЁ органлари томонидан никоҳланувчи шахслардан тиббий кўрик натижаларини тақдим қилиш талаби;

▪️никоҳдан суд қарори асосида ажратилганда никоҳдан ажралганлик ҳақидаги далолатнома ёзувини шакллантириш учун ФҲДЁ органлари томонидан суд қарорининг талаб қилиниши;

▪️автомототранспорт воситасининг рўйхатдан ўтганлик гувоҳномасида автомототранспорт воситаси мулкдорининг манзилини кўрсатиш талаби.

Telegram I Facebook I YouTube I Instagram

Экопартия Тошкентдаги экологик хавотирлар бўйича қатъий чоралар тарафдори

Экологик партия Тошкент шаҳридаги ҳаво ифлосланиши ва президент фармонида кўрсатилган шошилинч вазифалар юзасидан ўзининг расмий позициясини билдирди. Бу ҳақда Экопартия раиси Абдушукур Хамзаев маълум қилди.

Унинг сўзларига кўра, фармон асосида ташкил этилган махсус комиссияга кенг ваколатлар берилган бўлиб, партия фракцияси депутатлари мазкур тузилма билан ҳамкорликда иш олиб боради ва ўз таклифларини тақдим этади.

Шу билан бирга, партия фракцияси Қонунчилик палатасининг Экология ва атроф-муҳитни муҳофаза қилиш масалалари қўмитаси билан ҳамкорликда янги қонун лойиҳаси устида ишни бошлаган. Бундан ташқари, экологик мониторингга оид янги қонун ташаббуси ҳам муҳокамада.

Хамзаевнинг таъкидлашича, бир қатор муҳим ўзгаришлар режалаштирилмоқда. Жумладан:
— иссиқхоналарда чанг ва газ тозалаш ускуналари ишламаган ҳолатлар учун маъмурий жарималарни ошириш;
— шина, бетон ва бошқа чиқиндилар ёқилиши ҳолати аниқланганда иситиш қозонхоналарини мусодара қилишни назарда тутувчи жиноий жавобгарликни кучайтириш;
— экологик назорат доирасини кенгайтиришга қаратилган қўшимча меъёрларни ишлаб чиқиш.

Партия раҳбарининг таъкидлашича, фармонда белгиланган 18 та топшириқ ижросини ўрганиш ва назорат қилиш учун фракция қошида махсус штаб ташкил этилган.

“Штаб ишлаяпти. Экологик рейдлар ўтказиляпти. Бу бўйича жамоатчиликка доимий маълумот бериб борилади”,

— деди Хамзаев.

Экологик партиянинг бу борадаги фаолияти нафақат Тошкент, балки бутун мамлакат бўйлаб экологик вазиятни яхшилашга хизмат қилишига умид билдирилди.

Telegram I Facebook I YouTube I Instagram

Иссиқхоналарга табиий газ ва иссиқлик энергияси етказиб берилмоқда

Экологияга зарарли моддалар чиқараётган иссиқхона хўжаликларига нисбатан фақат назорат чоралари эмас, балки уларни табиий газ билан таъминлаш бўйича амалий ёрдам ҳам кўрсатилмоқда.

“Тошкент шаҳрида экологик вазиятни яхшилаш бўйича кечиктириб бўлмайдиган чора-тадбирлар тўғрисида”ги президент фармонига мувофиқ, пойтахт ва унга туташ ҳудудларда жойлашган иссиқхона хўжалиги объектларини табиий газ билан таъминлаш мақсадида шартномалар тузиш ишлари ташкил этилди.

Мазкур жараён доирасида «Ҳудудгазтаъминот» АЖ томонидан иссиқхона хўжаликлари билан уч томонлама шартномаларни расмийлаштириш ишлари изчил давом эттирилмоқда.

Хусусан, Давлат хизматлари марказлари орқали мурожаат қилган Тошкент шаҳри ва унга туташ ҳудудлардаги 68 та иссиқхона хўжалиги (173,1 гектар майдонда) билан табиий газ етказиб бериш бўйича шартномалар тузилиб, амалда газ таъминоти йўлга қўйилди.

Бундан ташқари, Зангиота туманидаги 34 та ва Қибрай туманидаги 66 та иссиқхона хўжалиги билан “иссиқлик энергиясини етказиб бериш” бўйича шартномалар имзоланиб, уларга белгиланган ҳажмда иссиқлик энергияси мунтазам етказиб берилмоқда.

Telegram I Facebook I YouTube I Instagram

Тошкентда бир кун ичида 890 та қурилиш объектининг иши тўхтатилди

Пойтахт ҳокимлиги ҳаво ифлосланишини камайтиришга қаратилган ишлар юзасидан маълумот берди.

Қайд этилишича, кечанинг ўзида шахарда:

🔸71 та махсус сув сепиш техникаси жалб этилди;
🔸177 та кўча (жами 444 км), шу жумладан йўл ёқаларидаги дарахт ва буталар ювилди;
🔸241 та қурилиш объектида 48 та махсус техника ёрдамида сув пуркаш ва чангни босиш ишлари олиб борилди;
🔸11 та ҳудуддаги кўча ва хиёбонлар атрофидаги сунъий суғориш тармоқлари ишга туширилди;
🔸19 та бозор ва йирик савдо мажмуалари атрофидаги 2 та фаввора ва 1 та сув сақлаш ҳовузи ишга туширилди.

Telegram I Facebook I YouTube I Instagram

Атмосферани муҳофаза қилиш бўйича назорат рейдлари кучайтирилди

Атмосферага зарарли ташламалар чиқараётган манбаларни аниқлаш ва бартараф этишга қаратилган рейд тадбирлари тун-у кун режимида олиб борилмоқда.

Ушбу назорат ишларида махсус комиссия раҳбарлари ҳам бевосита иштирок этиб, жойлардаги ҳолатни ўрганиш, амалга оширилаётган чора-тадбирлар ва ташкилий ишлар самарадорлигини баҳоламоқда.

Рейдлар давомида экологик меъёрларга риоя этилиш даражаси текширилиб, аниқланган камчиликлар бўйича тегишли кўрсатмалар берилмоқда ҳамда қонунбузарликларга нисбатан белгиланган тартибда чоралар кўрилмоқда.

Telegram I Facebook I YouTube I Instagram

2026 йил учун давлат идораларига ажратиладиган бюджет маблағлари эълон қилинди

2026 йил учун давлат бюджети лойиҳасида вазирлик ва идораларга жорий харажатлар, лойиҳалаштириш, қурилиш ва жиҳозлаш ишлари учун мўлжалланган маблағлар миқдори маълум қилинди. Қайд этилишича, айни пайтда бу кўрсаткичлар бюджет лойиҳаси ҳисобланади.

Энг йирик маблағ Иқтисодиёт ва молия вазирлигига — 105,9 трлн сўм ажратилиши режалаштирилган. Шунингдек, Мактабгача ва мактаб таълими вазирлигига 63,69 трлн сўм, Ижтимоий ҳимоя миллий агентлигига 22,42 трлн сўм, Сув хўжалиги вазирлигига 10,36 трлн сўм, Транспорт вазирлигига 7,30 трлн сўм йўналтирилиши кўзда тутилган.

Соғлиқни сақлаш вазирлиги 6,80 трлн сўм, Олий таълим, фан ва инновациялар вазирлиги 6,36 трлн сўм, Президент администрацияси 3,05 трлн сўм, Бош прокуратура 3,008 трлн сўм, Вазирлар Маҳкамаси 2,59 трлн сўм маблағ олиши режалаштирилмоқда.

Қатор идораларга ўртача ҳажмда маблағ белгиланган. Хусусан, Экология вазирлигига 1,10 трлн сўм, Маданият вазирлигига 1,28 трлн сўм, Спорт вазирлигига 1,22 трлн сўм, Инвестициялар, саноат ва савдо вазирлигига 1,62 трлн сўм, Ташқи ишлар вазирлигига 1,117 трлн сўм ажратилиши кўзда тутилган.

Шунингдек, қатор қўмита ва агентликларга ҳам миллиард сўмларда маблағ ажратилмоқда. Масалан, Солиқ қўмитасига 176,7 млрд сўм, Миллий статистика қўмитасига 346,4 млрд сўм, Фанлар академиясига 534,36 млрд сўм, Коррупцияга қарши кураш агентлигига 35,69 млрд сўм, Марказий сайлов комиссиясига 31,98 млрд сўм мўлжалланган.

“Бошқа ташкилотлар” бўйича умумий сумма 74,12 трлн сўмни ташкил этмоқда. Изоҳ сифатида, қавс ичида келтирилган рақамлар ўтган йилги кўрсаткичлар экани таъкидланган.

Маълумотларга кўра, мазкур бюджет лойиҳаси ҳозирча муҳокама босқичида бўлиб, тасдиқланиш жараёнида айрим ўзгаришлар киритилиши мумкин.

Telegram I Facebook I YouTube I Instagram

Президент Шавкат Мирзиёев бугун Олимпия шаҳарчасига ташриф буюради

Давлатимиз раҳбари «Президент Олимпиадаси» спорт мусобақасининг тантанали очилиш маросимида иштирок этади.

Telegram I Facebook I YouTube I Instagram

Жавоҳир Синдаров Жаҳон кубогида ғолиб бўлди

Ўзбекистоннинг машҳур шахматчиси Жавоҳир Синдаров Ҳиндистон, Гоа шаҳрида ўтказилган Жаҳон кубоги финалида хитойлик Вей Ини мағлуб этди ва чемпионликни қўлга киритди. Ғолиб 120 минг АҚШ доллари миқдорида мукофот пулига эга бўлди.

25 ноябр куни асосий баҳсларда дуранг қайд этилган: 0,5–0,5 ва 0,5–0,5. Финалда ғолиб 26 ноябр куни тай брейкда аниқланди. Биринчи партияда тенглик кузатилса, иккинчи партияда ўзбекистонлик шахматчи имкониятдан фойдаланиб, якуний ғалабани қўлга киритди.

Шу тариқа Жавоҳир Синдаров ушбу мусобақада ғолиб бўлган иккинчи ўзбекистонлик шахматчига айланди. Илк бор бу нуфузли турнирда ғалаба 2004 йилда Рустам Қосимжонов томонидан қўлга киритилган эди.

Telegram I Facebook I YouTube I Instagram

Ҳар бир аёл яшаш ва соғлом ҳаёт кечириш ҳуқуқига эга

Бугун тез ривожланиб бораётган йўналишлар орасида соғлиқни сақлаш тизими, айниқса онкология соҳаси алоҳида эътиборда. Шифокорлар билан бирга беморларнинг ўзи ҳам ҳаёт учун курашмоқда.

Интервью давомида бемор аёл касаллик билан қандай курашаётгани, унга кўрсатилаётган тиббий ёрдам ва энг муҳими — яшашга бўлган ишончи ҳақида сўзлаб берди.

Telegram I Facebook I YouTube I Instagram

EFFECT.UZ эффекти: аҳоли мурожати ижобий ҳал қилинди

Аввалги видеоларимизда
Қоракўл туманида арзон нархда кўмир тарқатишда юзага келган суистеъмолчиликлар ҳақида лавҳа эълон қилган эдик.

Ҳозирда мурожаатчиларнинг сўзларига кўра, ҳолат масъуллар томонидан ўрганилиб, хато ва камчиликлар бартараф этилган. Шунингдек, аҳолига тоза кўмир тарқатилмоқда.

Telegram I Facebook I YouTube I Instagram