Президент судьялар ҳамжамияти органлари фаолиятининг самарадорлиги ва очиқлигини ошириш ҳамда суд мустақиллиги кафолатларини янада кучайтириш чора-тадбирлари тўғрисида янги фармонни имзолади

👉 Фармон матни

Facebook I YouTube I Instagram

Пойтахт ҳавосидаги ифлосланиш даражаси пасайиши кутилмоқда

27 ноябрдан бошлаб ҳаво оқимларининг ўрин алмашиниши сабаб пойтахт ҳавосидаги ифлосланиш даражаси ҳафта бошига нисбатан сезиларли даражада пасайиши прогноз қилинмоқда.

Бу ҳақда Гидрометеорология илмий-тадқиқот институти ходими, иқлимшунос Эркин Абдулаҳатов маълум қилди. Унинг таъкидлашича, атмосферадаги циркуляция ўзгариши натижасида зарарли моддалар тарқалиши тезлашиб, ҳаво сифати яхшиланиши кутилмоқда.

Мутахассислар шу кунларда аҳолидан ҳаво ҳақидаги расмий маълумотларни кузатиб боришни тавсия этмоқда.

Telegram I Facebook I YouTube I Instagram

Тошкент шаҳрида экологик вазиятни яхшилаш бўйича махсус комиссия тузилди

Бугун президент Шавкат Мирзиёев «Тошкент шаҳрида экологик вазиятни яхшилаш бўйича кечиктириб бўлмайдиган чора-тадбирлар тўғрисида»ги фармонни имзолади.

Фармонга мувофиқ, Тошкент шаҳрида экологик вазиятни яхшилаш юзасидан кечиктириб бўлмайдиган чора-тадбирларни амалга ошириш бўйича махсус комиссия тузилди.

Мазкур комиссия пойтахтда атроф-муҳитни муҳофаза қилиш, ҳаво сифати ва умумий экологик ҳолатни яхшилашга қаратилган чораларни мувофиқлаштириш билан шуғулланади.

Telegram I Facebook I YouTube I Instagram

Тошкентда анъанавий ариқлар тизимини тиклаш ишлари бошланади

Тошкент шаҳрида анъанавий суғориш каналлари тармоғи — ариқлар тизимини қайта тиклаш ишлари бошланади. Ушбу тизим кўп йиллар давомида шаҳарда сув тақсимотини таъминлаб, қулай микроиқлим яратиб келган.

Тошкент шаҳар ҳокимлиги Каналлардан фойдаланиш ва уларга туташ ҳудудларни ободонлаштириш бошқармаси билан ҳамкорликда ариқларни босқичма-босқич тиклаш ва замонавийлаштириш режасини ишлаб чиқмоқда.

Лойиҳа доирасида қуйидаги ишлар амалга оширилади:

🔷мавжуд ўзанларни тозалаш ва таъмирлаш;

🔷шикастланган қисмларни тиклаш;

🔷атроф ҳудудларда тартиб ўрнатиш;

🔷келгусида мунтазам фойдаланиш учун шароит яратиш.

Ишнинг асосий мақсади — вақт синовидан ўтган усулларга таяниб, сув чиқариш ва суғориш самарадорлигини ошириш, чангланишни камайтириш ҳамда шаҳар атроф-муҳитининг экологик ҳолатини яхшилашдан иборат.

Маълум қилинишича, 2026 йил баҳорида бошланиши режалаштирилган мазкур лойиҳа пойтахт инфратузилмасини ривожлантириш ва аҳолининг турмуш шароитларини яхшилашга қаратилган тизимли ишлардан бири бўлади.

Telegram I Facebook I YouTube I Instagram

Президент Шавкат Мирзиёев Самарқанд вилоятига ташриф буюради

Бугун президент Шавкат Мирзиёев Самарқанд вилоятига амалий ташриф билан боради.

Давлат раҳбари халқ депутатлари вилоят кенгаши сессиясида иштирок этиб, ҳудудни ижтимоий-иқтисодий ривожлантириш масалалари юзасидан йиғилиш ўтказиши режалаштирилган.

Шунингдек, президент вилоятда амалга оширилаётган бунёдкорлик ишлари, саноат ҳамда ижтимоий соҳа ривожи билан танишади. Ташриф давомида қатор муҳим лойиҳаларнинг бориши ҳам кўздан кечирилиши кутилмоқда.

Telegram I Facebook I YouTube I Instagram

Тошкентнинг барча туманларида «Сояли сайр кўчалари» ташкил этилади

Тошкент шаҳрининг барча туманларида «Сояли сайр кўчалари» ташкил этилиши режалаштирилмоқда.

Тошкент шаҳар ҳокимлиги Экология қўмитаси, Фанлар академияси, Қурилиш ва уй-жой коммунал хўжалиги вазирлиги ҳамда Ўзбекистон маҳаллалари уюшмаси билан ҳамкорликда шаҳарда «яшиллик» даражаси паст бўлган кўчалар танлаб олинади.

Маълум қилинишича, узунлиги 5 километрдан кам бўлмаган, кўкаламзорлаштиришга муҳтож ҳудудлар асосида махсус «Сояли сайр кўчалари» ташкил этилади. Ушбу лойиҳа аҳоли учун қулай ва салқин пиёдалар ҳудудини яратиш, шаҳар экологик муҳитини яхшилашга қаратилган.

Telegram I Facebook I YouTube I Instagram

Президент фармонига мувофиқ Тошкентда экологик назорат ва микроиқлимни яхшилаш бўйича кенг кўламли чоралар белгиланди

Фармонда Тошкент шаҳрида атроф-муҳитни муҳофаза қилиш ва экологик барқарорликни таъминлашга қаратилган қатор муҳим чора-тадбирлар белгилаб қўйилди.

— Хусусан, пойтахтдаги қурилиш майдонлари устидан назорат кучайтирилади. Бир ҳафта ичида майдони 500 м² ва ундан катта бўлган ҳудудларда комплекс текширувлар ўтказилиб, уларнинг камида 25 фоизи кўкаламзорлаштирилгани, сув пуркагичлар ўрнатилгани, кириш-чиқиш йўлларида автотранспорт ғилдиракларини ювиш учун ҳавзалар мавжудлиги ҳамда қурилиш материаллари брезент ёки ПВХ қоплама билан ёпилган ҳолда ташилаётгани назорат қилинади. Чанг ва қумнинг ҳавога кўтарилишига йўл қўймаслик бўйича талаблар қатъий кузатувга олинади.

— Катта қурилиш майдонларида мониторинг станциялари ўрнатиш мажбурий этиб белгиланди. Майдони 1 000 м²дан ортиқ объектларда мониторинг ускуналарини ўрнатиш ва уларни Экология қўмитаси тизимига улаш қурилиш ишларини давом эттиришнинг асосий шарти сифатида қайд этилди. Шунингдек, йўл бўйларида дарахт ва буталарни мунтазам ювиш, кўп квартирали уйларда суғориш учун резервуарлар ўрнатиш чоралари ҳам кўрилади.

— Пойтахтда микроиқлим барқарорлигини таъминлаш мақсадида йирик лойиҳалар амалга оширилади. Уч ой муддатда шаҳарнинг тўрт йўналиши бўйлаб камида учтадан сунъий кўл ва сув ҳавзаси барпо этилади. Икки ҳафта ичида эса Тошкентдаги фавворалар сонини камида икки бараварга кўпайтириш бўйича алоҳида дастур ишлаб чиқилиб, тақдим этилади.

— Иссиқхоналар фаолияти устидан назорат кескин кучайтирилади. Бир ҳафта давомида иссиқхоналарни табиий газ билан таъминлаш бўйича шартномалар тузилади. 200 м²дан ортиқ иссиқхоналарда экологик талабларни бузганлик учун жарималар оширилади, ёқилғи ёқиш ҳолатларида эса объектларни давлат фойдасига мусодара қилишни назарда тутувчи жиноий жавобгарлик чоралари жорий этилади.

— Шунингдек, 2025 йил охиригача атмосфера ҳавосини назорат қилиш тизими тўлиқ модернизация қилинади. 347 та автоматлаштирилган станция харид қилиниб, “Air Monitoring Tashkent” тизими Экология қўмитаси бошқарувига ўтказилади ва умуммиллий “Air Monitoring Uzbekistan” платформасига интеграция қилинади. Гидрометеорология хизмати ҳамда “Замин” фонди ўрнатган постлар ҳам ягона мониторинг тизимига уланади.

Ушбу чора-тадбирлар Тошкент шаҳрида экологик ҳолатни яхшилаш, ҳаво сифати ва аҳоли саломатлигини муҳофаза қилишга қаратилган муҳим қадам сифатида баҳоланмоқда.

Telegram I Facebook I YouTube I Instagram

Қурилиш учун ажратилган майдонлар комплекс текширувдан ўтказилади

Фармонга кўра, махсус комиссия Тошкент шаҳрида қурилиш учун ажратилган 500 м2 ва ундан ортиқ майдонларда қуйидаги талаблар асосида комплекс текширувни амалга оширади:

🔹 умумий майдонининг 25 фоизи кўкаламзорлаштирилгани;

🔹 сув пуркагичлар ўрнатилгани;

🔹 кириш-чиқиш йўлакларида автотранспортлар ғилдиракларини ювиш ҳовузларининг барпо этилгани.

🔹 қурилиш материаллари ва маиший чиқиндиларни ташишда транспортларнинг брезент ёки ПВХ қопламали материаллардан тайёрланган тент билан ёпилган тарзда ҳаракатланиши.

Шунингдек, майдони 1 000 квадрат метрдан кўп бўлган қурилиш участкаларида фон мониторинг станцияларини ўрнатиш ва уни Экология қўмитасига интеграция қилиш қурилишни давом эттиришнинг энг асосий шарти этиб белгиланади.

Шахслар ўзлари эгалик қилиб турган ер майдони ҳудудидаги дов-дарахтларни суғориш мақсадида ичимлик сувидан фойдаланиш вақтига қўйилган чеклов (соат 00:00 дан бошлаб, 05-00 гача) баҳор ва ёз фаслларида бекор қилинади. Бунда:

🔹 ичимлик сувидан бошқа мақсадларда фойдаланиш бўйича чеклов ўз кучида қолади;

🔹 кўп квартирали уйларга суғориш учун сув резервуарларини ўрнатиш чоралари кўрилади.

Telegram I Facebook I YouTube I Instagram

Махсус комиссия саноат корхоналарида фильтрлар ўрнатилиши устидан назоратни кучайтиради

Махсус комиссия унга Фармон билан берилган ваколатлар доирасида аввал қабул қилинган фармон, қарор ва топшириқлар ижросини ташкил қилади.

Жумладан, саноат ва ишлаб чиқариш корхоналарида фильтрлар ўрнатиш бўйича қонунчилик талабларининг бажарилиши устидан қатъий назорат ўрнатилади. Бу чоралар атроф-муҳитга чиқарилаётган зарарли моддалар миқдорини камайтириш ва экологик ҳолатни яхшилашга қаратилган.

Telegram I Facebook I YouTube I Instagram

Ҳаво тозалагичлар божхона божидан озод этилади

Фармонга мувофиқ, атмосфера ҳавосининг PM 2.5 зарралари билан ифлосланиш манбаларини аниқлаш мақсадида махсус лаборатория ташкил этилади. Ушбу лаборатория атмосфера ҳавосини чуқур ўрганишга йўналтирилади.

Шунингдек, 2026 йилнинг баҳор ва куз мавсумларида Тошкент шаҳридаги 33 км узунликдаги кичик ҳалқа йўли бўйлаб “Яшил коридор” лойиҳаси амалга оширилади.

2026 йил 1 апрелгача “Яшил Тошкент” мастер режаси ишлаб чиқилиши белгиланди. Унинг доирасида пойтахтнинг барча туманларида “яшиллик” даражаси паст бўлган, ҳар бири камида 5 км узунликка эга бўлган 3 тадан кўча танлаб олиниб, уларда “Сояли сайр кўча”лари ташкил этилади.

Бундан ташқари, тадбиркорлар ва фуқаролар томонидан маиший ҳаво тозалаш ускуналари (ТИФ ТН код 8509 80) Ўзбекистон ҳудудига олиб кирилганда божхона божидан озод этилади.

Мазкур қарорлар атроф-муҳитни муҳофаза қилиш ва аҳолининг ҳаёт сифати ҳамда соғлом турмуш тарзини яхшилашга қаратилган.

Telegram I Facebook I YouTube I Instagram

2026 йилда иссиқ сув ва иссиқлик тарифлари оширилади

“Иссиқликтаъминоти” акциядорлик жамияти раҳбари Илҳом Тўраевга кўра, келаси йилда иссиқ сув ва иссиқлик нархлари ошиши кутилмоқда. Бунга табиий газ, электр энергияси ва сув нархларининг кўтарилиши асосий сабаб бўлмоқда.

Ҳозирда бир гигакалория иссиқ сув ишлаб чиқариш таннархи ўртача 500 минг сўмни ташкил этади, унинг 75–80 фоизи давлат томонидан субсидияланади. Тўраевнинг айтишича, мақсад — субсидиядан босқичма-босқич чиқиб, таннархни пасайтириш. Тарифлар ўсиши аҳолига маълум юк бўлса-да, жараён оғирликни камайтирган ҳолда амалга оширилиши таъкидланди.

Telegram I Facebook I YouTube I Instagram

Гулистон шаҳри раҳбариятида ўзгариш: янги ҳоким тасдиқланди

Гулистон шаҳрида халқ депутатлари шаҳар кенгашининг навбатдан ташқари сессияси бўлиб ўтди. Унда ташкилий масала кўрилиб, шаҳар ҳокими алмаштирилди.

Қарорга мувофиқ, шу пайтгача шаҳар ҳокими лавозимида ишлаб келган Жамолиддин Ҳожиманов ўз вазифасидан озод этилди. Унинг ўрнига Сирдарё вилояти ИИБ бошлиғининг биринчи ўринбосари бўлиб фаолият юритган Фаррух Ўктамжонов Гулистон шаҳри ҳокими этиб тасдиқланди.

Сессия ишида Сирдарё вилояти ҳокими вазифасини бажарувчи Эркин Турдимов ҳам иштирок этди. У ўз чиқишида шаҳарда ижтимоий-иқтисодий соҳаларда қатор камчиликлар мавжудлигини қайд этди. Хусусан, аҳоли бандлиги, камбағалликни камайтириш, инвестиция лойиҳаларини ривожлантириш ва экспорт салоҳиятини ошириш борасида ишлар етарли даражада олиб борилмаётгани танқид қилинди.

Депутатлар томонидан ҳам шаҳарни ривожлантириш учун мавжуд имкониятлардан тўлиқ фойдаланилмаётгани юзасидан фикрлар билдирилди.

Маълумот ўрнида, Жамолиддин Ҳожиманов 2024 йил март ойида мазкур лавозимга тайинланган эди. Ундан аввалги ҳоким Тўлқин Дадабоев соғлиги билан боғлиқ сабабларга кўра ўз аризаси асосида ишдан озод этилган.

Telegram I Facebook I YouTube I Instagram