Ўзбекистон–АҚШ ҳамкорлиги янги даражага — стратегик инвестиция кенгаши ташкил этилди

Тошкент ва Вашингтон ўртасидаги геосиёсий ҳамкорлик янги архитектураси шаклланмоқда. Икки мамлакат ўртасидаги иқтисодий алоқалар муҳим стратегик босқичга кириб, ишбилармонлик ҳамда инвестиция йўналишида аниқ механизмлар яратилаётир.

Яқинда Америка-Ўзбекистон Ишбилармонлик ва Инвестиция кенгаши тузилди. Бу кенгаш икки томонлама муносабатларни фақат келишувлар даражасидан чиқариб, юқори даражали бошқарув билан таъминлайди. АҚШ томонидан кенгашга раисликкини президент Дональд Трампнинг Жанубий ва Марказий Осиё бўйича махсус вакили Сержио Гор қабул қилди. Ўзбекистон томонидан эса кенгашни Президент администрацияси раҳбари Саида Мирзиёева бошқаришга чақирилди.

Ушбу жараён икки давлат ўртасидаги ҳамкорликни янги форматга ўтказишга хизмат қилади. Масалан, АҚШ технологиялари ва инвестициялари орқали Ўзбекистон иқтисодиётида рақамли трансформацияни чуқурлаштириш режалаштирилган. Бу кенгаш орқали икки томонлама лойиҳаларни молиялаштириш, маҳаллий бизнесни қўллаб-қувватлаш ва барқарор иқтисодий ўсиш учун стратегик йўналишлар белгиланади.

Савдо-иқтисодий соҳадаги ушбу янги механизм икки мамлакат орасидаги ишончни мустаҳкамлайди ва геосиёсий шерикликни мустаҳкамлашга хизмат қилади. Президент Мирзиёев томонидан бошлаб берилган АҚШ сафари ҳам мазкур натижаларга йўл очди — Америка инвестициялари ва технологиялари Ўзбекистонга кириб, мамлакатнинг рақамли ва инфратузилма салоҳиятини янги босқичга кўтариш имкониятини беради.

Бундай муваффақиятли қадамлар икки мамлакат учун ҳам стратегик аҳамиятга эга: Ўзбекистон ўз иқтисодий ўсишини рағбатлантирса, АҚШ эса Марказий Осиёдаги таъсирини кенгайтириш орқали геосиёсий аҳамиятини мустаҳкамлайди.

Telegram I Facebook I YouTube I Instagram

Ўзбекистон терроризм хавфи бўйича энг хавфсиз давлатлар қаторида

Ўзбекистон террорчилик хавфи даражаси бўйича дунёдаги энг хавфсиз мамлакатлардан бири сифатида эътироф этилди. Австралиянинг Иқтисодиёт ва тинчлик институти томонидан эълон қилинган 2025 йилги “Глобал терроризм индекси”га кўра, мамлакат мазкур рўйхатда 90-поғонани эгаллади.

Маълумотларга кўра, хавфсизлик даражаси жиҳатидан Ўзбекистон бир қатор ривожланган ғарб давлатларини, жумладан АҚШ, Канада, Буюк Британия, Франция, Германия ва Испанияни ортда қолдирган. Шунингдек, Россия, Хитой, Туркия, БАА ҳамда Тожикистон ҳам Ўзбекистондан паст ўринларда қайд этилган.

Марказий Осиё давлатлари орасида Туркманистон, Қозоғистон ва Қирғизистон 100-поғона атрофида жой олгани маълум қилинди.

Экспертлар бу натижани мамлакатда хавфсизликни таъминлаш, экстремизм ва терроризмга қарши кураш соҳасида олиб борилаётган тизимли чора-тадбирлар самараси сифатида баҳоламоқда. Ўзбекистоннинг мазкур индексда юқори ўринни эгаллаши халқаро майдонда ҳам мамлакат имижини янада мустаҳкамламоқда.

Telegram I Facebook I YouTube I Instagram

Нукус шаҳрида фожиали йўл-транспорт ҳодисаси содир бўлди

Йўл-транспорт ҳодисасида ўт ўчириш машинаси ҳам иштирок этганлиги кўриниб турибди

Қурбон бўлганлар ёки жароҳатланганлар ҳақида расмий маълумот мавжуд эмас.

Telegram I Facebook I YouTube I Instagram

Ангорда якшанба куни айрим ташкилот ходимлари мажбурий меҳнатга жалб этилгани айтилмоқда

Сурхондарё вилояти Ангор туманидаги айрим давлат ташкилотлари ходимлари якшанба куни мажбурий меҳнатга жалб этилгани ҳақида хабар қилинмоқда.

Маълумотларга кўра, ходимлар белгиланган дам олиш кунига қарамасдан, ободонлаштириш ва ҳудуд тозалаш ишларига чиқарилган.

Ходимлар бу ҳолат меҳнат қонунчилиги нормаларига зид эканини таъкидлаб, дам олиш кунлари фақат ихтиёрий асосда жалб этилиши лозимлигини билдиришган.

Мазкур ҳолат бўйича мутасадди ташкилотлар муносабати кутилмоқда.

Telegram I Facebook I YouTube I Instagram

Россияда мигрант болаларнинг 80 фоиздан ортиғи мактабга қабул қилинмади — тест ва ҳужжат талаби сабаб

Россияда мигрант оилаларга мансуб болаларнинг аксар қисми мактабга қабул қилинмагани маълум бўлди. Рус тили бўйича мажбурий тест жорий этилгандан кейин ариза берган болаларнинг фақат 19 фоизи таълим муассасаларига қабул қилинган.

РИА «Новости» хабар беришича, Рособрнадзор раҳбари Анзор Музаев маълумотларига кўра, тестда иштирок этган 5940 нафар боладан 2964 нафари уни муваффақиятли топширган. Бу кўрсаткич тест топширганлар орасида қарийб 50 фоизни, умумий ариза берганлар сонига нисбатан эса 12,6 фоизни ташкил этган.

Маълум қилинишича, хорижлик оилалар фарзандларини мактабга қабул қилиш учун рус тилидан мажбурий синовлар 2025 йил апрель ойидан бошлаб амалга киритилган. Тест саволлари бола қайси синфга қабул қилинишига қараб фарқ қилади.

Шунингдек, амалдаги қонун нормалари сабаб айрим ҳолатларда рус тили она тили бўлган хорижлик болалар ҳам мазкур талаблар доирасига тушиб қолмоқда. Бу эса жамоатчилик орасида турли баҳс-мунозараларга сабаб бўлмоқда.

Telegram I Facebook I YouTube I Instagram

Тошкентдан Чорвоққа олиб борадиган йўл қисқартирилади

Тошкентдан Чорвоқ йўналиши бўйича янги пулли автомобиль йўли қурилиши режалаштирилмоқда. Унинг умумий узунлиги 56 километр бўлиши кутилмоқда. Бу эса ҳозирда мавжуд 82 километрли йўлга нисбатан анча қисқа ҳисобланади.

Транспорт вазирлиги маълумотига кўра, янги йўл сайёҳлар ва йўловчилар учун Чорвоққа “тез ва муаммосиз” етиб бориш имконини яратади. Лойиҳа доирасида замонавий йўл инфратузилмаси барпо этилиши режалаштирилган.

Янги трассанинг ишга туширилиши натижасида ҳаракат вақти қисқариши ва ҳудуднинг туристик жозибадорлиги янада ошиши кутилмоқда.

Telegram I Facebook I YouTube I Instagram

Қийин аҳволда қолган қарздорлар учун кредит тўловларига енгилликлар жорий этилади

Марказий банк қарорига мувофиқ, молиявий қийинчиликка дуч келган, мураккаб ҳаётий вазиятда қолган ёки форс-мажор ҳолатлар туфайли кредит мажбуриятларини бажара олмаётган истеъмолчиларга банклар томонидан енгилликлар берилиши шарт.

Эндиликда ҳар бир банк ўз расмий веб-сайтида кредитларни қайта кўриб чиқиш бўйича аниқ тартиб ва шартларни жойлаштириши лозим. Хусусан, кредит тўловини кечиктириш, муддатни узайтириш ва фоиз ставкасини қайта кўриб чиқиш каби реструктуризация турлари, ариза қабул қилиш ва кўриб чиқиш жараёни, талаб қилинадиган ҳужжатлар рўйхати ҳамда қарор қабул қилиш муддати ва мижозни хабардор этиш тартиби очиқ кўрсатилиши керак.

Шунингдек, ҳомиладорлик ва туғиш таътилида бўлган аёллар учун кредит тўловларини 10 ойгача узайтириш имконияти ҳам мажбурий тарзда белгиланади.

Мазкур қарор орқали қийин аҳволда қолган фуқаролар учун кредит юкини камайтириш ва уларни қўллаб-қувватлашга қаратилган аниқ ҳуқуқий механизм яратилгани таъкидланмоқда.

Telegram I Facebook I YouTube I Instagram

«Нефтчи» чемпион бўлган ўйинда мухлислар калтакланди. ИИБ ҳолат юзасидан расмий маълумот берди

Фарғона ИИБ «Нефтчи» ва «Қизилқум» жамоалари ўйини олдидан стадион кириш эшикларидан бирида содир бўлган тартибсизлик юзасидан расмий ахборот берди.

Маълум бўлишича, жорий йилнинг 22 ноябрь куни Фарғона шаҳридаги «Истиқлол» стадионида бўлиб ўтиши режалаштирилган «Нефтчи» – «Қизилқум» футбол ўйини бошланишидан аввал, стадионнинг 2-сон назорат ўтиш жойида фуқаролар тартиб билан ҳудудига киритилаётган вақтда, бир нечта чиптасиз шахслар стадионга ноқонуний киришга уриниб, темир тўсиқларни олиб ташлаб, ходимларнинг қонуний талабларига бўйсунмасликка ҳаракат қилишган.

Жамоат тартибини сақлашга жалб этилган ходимларнинг тезкор ва қатъий чоралари натижасида тартиббузарларнинг ҳаракатига чек қўйилган.

Ҳозирда мазкур тартибсизликни уюштиришда гумонланган барча фуқароларнинг шахси аниқланган бўлиб, уларнинг ҳаракатларига қонуний баҳо бериш мақсадида суруштирув ҳаракатлари олиб борилмоқда.

Telegram I Facebook I YouTube I Instagram

Маймун бизнесига алданганлар…

Тошкент шаҳри Мирзо Улуғбек туманида “System Metall Stroy”нинг “Prestige” лойиҳасидан норози одамлар бир қатор оммавий ахборот воситалари хусусан, Effect.uz орқали Давлат раҳбарига мурожаат йўллашди.

Telegram I Facebook I YouTube I Instagram

Ўзметкомбинатда муҳим лойиҳалар амалга оширилди

“Яшил макон” умумхалқ ташаббуси доирасида Ўзметкомбинатнинг Футбол академияси ҳудудида кенг кўламли дарахт экиш акцияси ўтказилди. Тадбир давомида 200 туп дарахт экилди, шу билан бирга корхона ҳудуди бўйлаб 10 минг туп кўчат экиш жараёни олиб борилди.

Шу куни Ўзметкомбинат АЖ Россиянинг Перм миллий тадқиқот политехника университети (PNIPU) билан ҳамкорликка оид Меморандумни имзолади. Ушбу шериклик таълим, илмий изланишлар ва инновациялар йўналишида узоқ муддатли лойиҳаларни ўз ичига олади.

Меморандум доирасида 500 та махсус грант ажратилиши белгиланган бўлиб, улар орқали корхона ходимлари PNIPU'да масофавий таълим олиш имкониятига эга бўлади. Дастур бакалавриат, магистратура ва докторантура босқичларини қамраб олади.

Telegram I Facebook I YouTube I Instagram

Чирчиқда бошқарув сервис компанияларининг куз-қиш мавсумига тайёргарлиги ўрганилди

Чирчиқ шаҳрида кўп қаватли уйларга хизмат кўрсатувчи бошқарув сервис компанияларининг фаолиятини ўрганиш мақсадида Қурилиш ва уй-жой коммунал хўжалиги соҳасида назорат қилиш инспекцияси ходимлари томонидан рейд тадбирлари ўтказилди.

Telegram I Facebook I YouTube I Instagram

⚡️Собиқ депутат, “DNA Motors” раҳбари – Наргис Саидназирханова қамоққа олинди

Халқ депутатлари Янгиҳаёт туман кенгаши депутати лавозимида ишлаган Наргис Саидназирханова ЖКнинг 168-моддаси, яъни фирибгарликда гумонланиб қамоққа олинди.

У хизмат мавқеидан фойдаланган ҳолда фуқароларнинг ишончини суиистеъмол қилиб, пул маблағларини қўлга киритган.

Шунингдек, у бир қанча мижозларга Хитойдан электромобиль олиб келиб беришни ваъда қилиб, ишончига кирган.

Telegram I Facebook I YouTube I Instagram

Ҳакамлик суди судьясига нисбатан жиноят иши қўзғатилди

Андижон вилоятида истиқомат қилувчи икки нафар фуқарони Жанубий Кореяга мавсумий ишчи сифатида юборишни ваъда қилган Ҳакамлик суди судьясига нисбатан жиноят иши қўзғатилди.

Маълум бўлишича, судья ўзининг юқори лавозимда ишловчи танишлари орқали мазкур масалани ҳал қилиб беришини айтиб, фуқаролардан 15 000 АҚШ доллари талаб қилган. Ишни тезлаштириш мақсадида у олдиндан 4 100 АҚШ долларини “аванс” сифатида олган.

Бироқ, ваъдаси бажарилмагани сабабли, судья олган пул маблағининг бир қисмини қайтариш вақтида Давлат хавфсизлик хизмати ҳамда Иқтисодий жиноятларга қарши курашиш департаменти ходимлари томонидан ашёвий далиллар билан ушланган.

Ҳозирда унга нисбатан Ўзбекистон Республикаси Жиноят кодексининг 168-моддаси 3-қисми “а” банди ҳамда 28, 211-моддаси 2-қисми “б” банди асосида жиноят иши қўзғатилиб, “қамоқ” эҳтиёт чораси қўлланган.

Айни вақтда тергов ҳаракатлари олиб борилмоқда.

Telegram I Facebook I YouTube I Instagram

Пойтахтда автотураргоҳлар фаолияти юзасидан ўрганишлар бошланди

Рақобатни ривожлантириш ва истеъмолчилар ҳуқуқларини ҳимоя қилиш қўмитаси томонидан 11 та товар бозорида устун мавқега эга бўлмаган, бироқ битим шартлари, товарлар сотиладиган ҳудуд ёки нархга бир томонлама таъсир кўрсатиш имконияти мавжуд бўлган 66 та корхона аниқланди. Улар устун музокара кучи эга субъектлар сифатида эътироф этилди.

Хусусан, Тошкент шаҳрида фаолият олиб бораётган автотураргоҳ операторларининг ҳам устун музокара кучини эътироф этиш масаласи юзасидан тегишли ўрганиш ишлари бошлангани маълум қилинди. Ҳозирда мазкур соҳада рақобат муҳити ва хизмат кўрсатиш шартларига таъсир этувчи омиллар чуқур таҳлил қилинмоқда.

Маълумот учун, “Рақобат тўғрисида”ги қонуннинг 14-моддасига кўра, устун мавқега эга бўлмаган хўжалик юритувчи субъект ёки шахслар гуруҳи томонидан битим шартлари, товарлар сотиладиган ҳудуд ёки нархга бир томонлама таъсир кўрсатиш имкониятига эга бўлиш ҳолати устун музокара кучи сифатида баҳоланади.

Қўшимча маълумотлар қўмита расмий ахборот манбалари орқали эълон қилинади.

Telegram I Facebook I YouTube I Instagram

Трансплантация учун тиббий хулоса бериш тартиби тасдиқланди

Адлия вазирлиги реципиентлар ва донорларга трансплантация учун тиббий хулоса бериш тартибини белгилайдиган Низомни давлат рўйхатидан ўтказди.

Низомга кўра, реципиент ва тирик донор тиббиёт муассасаларида 3 ой мобайнида комплекс тиббий текширувдан ўтади. Трансплантацияга рухсат бериш Ҳукуматнинг 2024 йил 13 июндаги 333-сон қарорида белгилаб қўйилган давлат тиббиёт муассасаларидаги тиббий консилиум томонидан амалга оширилади.

Консилиум реципиентнинг трансплантацияга эҳтиёжини, донорнинг эса амалиётни ўташга лаёқатли ёки лаёқатсиз эканини белгилайди ҳамда тегишли қарор қабул қилади.

Шу билан бирга, агар амалиёт кўриш, нутқ ёки эшитиш қобилиятининг йўқолиши, руҳий бузилиш ёки меҳнат қобилиятининг 33 фоиздан ортиқ йўқолиши хавфини келтириб чиқарса, тиббий хулоса бериш рад этилади.

Telegram I Facebook I YouTube I Instagram

«Toshkent-AERO» ИБК тезкор ходимлари 490 грамм гашиш моддасини фош қилди

«Toshkent-AERO» ИБК тезкор ходимлари томонидан 490 грамм оғирликдаги «гашиш» гиёҳвандлик моддалари мавжуд курьерлик жўнатмаси фош этилди.

Пойтахтимизнинг Миробод туманида ўтказилган тадбир давомида Ўзбекистон Республикаси фуқароси ҳужжатларда косметика воситалари ва ширинликлар бўлиши кўрсатилган 1 дона қоғоз қути ичида оғирлиги 490 грамм «гашиш» мавжуд жўнатмани қабул қилиб олганида, почта бўлимида тўхтатиб қолинди.

Шундан сўнг тадбир давом эттирилиб, мазкур жўнатмани қабул қилиши керак бўлган 2-фарқаро ҳам қўлга олинди. Унинг яшаш хонадонидан гиёҳвандлик моддаларини «закладка» усулида жойлаштириш мақсадида қўлланадиган магнит тошлар, электрон тарозилар, изоленталар ва бошқа буюмлар топилди.

Ҳозирда ҳолат юзасидан божхона органлари томонидан суриштирув ҳаракатлари олиб борилмоқда.

Telegram I Facebook I YouTube I Instagram

❗️ЙҲҚ талаби: очиқ платформадги юклар ёпилган бўлиши шарт

Йўлларни ифлослантиришнинг олдини олиш мақсадида ҳудудларда ЙҲХБ ва Экология қўмитаси томонидан назорат-рейд тадбирлари ўтказилмоқда.

Йўл ҳаракати қоидаларининг 162-бандига кўра мувофиқ:

автотранспорт воситаларининг очиқ юк ташиш платформаларида, иссиқ асфальт, йирик габаритли ва оғир юклардан ташқари, қурилиш материаллари, қишлоқ хўжалиги маҳсулотлари, саноат ва озиқ-овқат товарларини, шунингдек, тўкиладиган бошқа юкларни ташишда юк мажбурий тартибда брезент ёки бошқа қалин материал билан ёпилган бўлса юк ташишга йўл қўйилиши белгиланган.

Барча ҳайдовчилардан юк ташишда йўл ҳаракати қоидаларига қатъий риоя қилиш сўралади.

Telegram I Facebook I YouTube I Instagram

Андижонда судья пора билан қўлга тушди

ДХХ маълумотига кўра, у икки фуқарони Жанубий Кореяга ишга юбориб беришни ваъда қилиб, 15 минг доллар талаб қилган ва 4 100 доллар олган. Въадасини бажара олмагач, пулнинг бир қисмини қайтариш пайтида ашёвий далиллар билан ушланган.

Судьяга нисбатан Жиноят кодексининг 168-моддаси 3-қисми “а” банди (фирибгарлик), 28-моддаси (ижрочи/шуъба иштирокчиси), 211-моддаси 2-қисми “б” банди (пора бериш) билан жиноят иши қўзғатилиб, қамоқ эҳтиёт чораси қўлланган. Тергов давом этмоқда.

Telegram I Facebook I YouTube I Instagram

❗️ОТМлар талабаларга моддий ёрдам бериши мумкин бўлади

Адлия вазирлиги Таълим ташкилотларида тўлов-контракт шакли ва ундан тушган маблағларни тақсимлаш тартиби тўғрисидаги низомга ўзгартиришларни давлат рўйхатидан ўтказди (рўйхат рақами: 2431-5, 21.11.2025 й.).
Унга кўра, олий таълим ташкилотларида контракт асосида ўқиш учун тўлов қуйидаги муддатларда амалга оширилади:

▪️ тўлов миқдорининг камида 25 фоизи – абитуриентлар учун 15 сентабргача ҳамда юқори босқич талабалари учун 1 октабргача ёки олий таълим ташкилоти ректори томонидан узайтириладиган муддатгача;

▪️тўлов миқдорининг камида 50 фоизи 1 январгача, 75 фоизи 1 мартгача ва 100 фоизи 1 майгача ёки олий таълим ташкилоти ректори томонидан узайтириладиган муддатгача амалга оширилади.

Бунда, Давлат комиссияси юқоридаги тўлов муддатларини узайтириши мумкин.

Шунингдек, олий таълим ташкилотлари ўз талабаларини ижтимоий муҳофаза қилиш доирасида 1 йилда бир талабага меҳнатга ҳақ тўлаш энг кам миқдорининг 6 баробаригача моддий ёрдам кўрсатиши мумкин бўлади.

Telegram I Facebook I YouTube I Instagram