Ўзбекистонда шифокорлар сони ортмоқда: эркаклар улуши устун

Миллий статистика қўмитаси берган маълумотларга кўра, 2025 йил 1 январ ҳолатига мамлакатда фаолият юритаётган шифокорлар сони 107,5 минг нафарга етган. Уларнинг 53,4 фоизи эркаклар, 46,6 фоизи эса аёллар экани қайд этилди.

Маълум қилинишича, шифокорлар сони 2023 йилга нисбатан 1,8 минг нафарга кўпайиб, 1,7 фоиз ўсиш қайд этилган. Бу соғлиқни сақлаш соҳасида кадрлар салоҳияти изчил равишда ортиб бораётганидан далолат беради.

Ҳудудлар кесимида шифокорлар сони қуйидагича:

✅ Қорақалпоғистон Республикаси — 5,5 минг нафар
✅ Андижон вилояти — 8,1 минг нафар
✅ Бухоро вилояти — 6,7 минг нафар
✅ Жиззах вилояти — 2,8 минг нафар
✅ Қашқадарё вилояти — 6,7 минг нафар
✅ Навоий вилояти — 3,3 минг нафар
✅ Наманган вилояти — 6,2 минг нафар
✅ Самарқанд вилояти — 11,5 минг нафар
✅ Сурхондарё вилояти — 4,8 минг нафар
✅ Сирдарё вилояти — 2 минг нафар
✅ Тошкент вилояти — 7,4 минг нафар
✅ Фарғона вилояти — 9,9 минг нафар
✅ Хоразм вилояти — 6,2 минг нафар
✅ Тошкент шаҳри — 23,9 минг нафар

Мутахассислар фикрича, шифокорлар сонининг йилдан-йилга ошиши аҳолига кўрсатилаётган тиббий хизмат сифатини яхшилаш ва соҳа қамровини кенгайтиришга хизмат қилмоқда.

Telegram I Facebook I YouTube I Instagram

“Ёшлар дафтари” жамғармалари орқали ижтимоий ёрдам кўрсатиш самарадорлиги оширилади

“Ёшлар дафтари” жамғармалари орқали ижтимоий ёрдам кўрсатиш тизимини янада такомиллаштириш тўғрисида”ги президент фармони қабул қилинди.

Қуйидагилар фармоннинг асосий мақсадлари этиб белгиланди, жумладан:

🔹 16 минг нафар “Ёшлар дафтари”га киритилган ёшларнинг доимий даромад манбаига эга бўлишига кўмаклашиш;

🔹 “Мутолаа” лойиҳаси доирасида илмий-оммабоп, бадиий китобларни мунтазам ўқиб борувчи ёшларнинг улушини 10 фоизга ошириш;

🔹 “Ибрат фарзандлари” лойиҳаси доирасида хорижий тилларни ўзлаштирган ёшлар улушини 30 фоизга ошириш.

Фармонга кўра, 2026 йил 1 февралдан белгиланган ижтимоий ёрдам турлари Камбағал оилалар реестрига киритилган оилалардаги ёшларга ижтимоий шартнома орқали қуйидаги шартлар асосида тақдим этилади:

🔹 таълим олишни узлуксиз равишда амалга ошириб бориш;

🔹 таълим жараёнида ижобий ўзлаштириш кўрсаткичларига эришиш;

🔹 волонтёрлик фаолиятини амалга ошириш;

🔹 “Беш ташаббус олимпиадаси” доирасидаги лойиҳаларда қатнашиш.

Telegram I Facebook I YouTube I Instagram

Қишлоқ хўжалигида дронлардан фойдаланиш кенгайтирилади

Ўзбекистонда қишлоқ хўжалигини рақамлаштириш йўналишида янги босқич бошланмоқда. Президент Фармонига мувофиқ, «Агросаноатни рақамлаштириш маркази» МЧЖ ҳузурида ихтисослашган корхона ташкил этилади ва у дронлар ҳамда робототехника орқали хизматлар кўрсатиш билан шуғулланади.

Янги тизим доирасида қуйидаги йўналишлар белгиланди:

◇ қишлоқ хўжалиги ташкилотларига дрон ва робототехника орқали хизматлар кўрсатиш;
◇ хорижий ва маҳаллий ишлаб чиқарувчилар билан ҳамкорликда дронлар, эҳтиёт қисмлар ва бошқа “ақлли” қурилмалар ишлаб чиқариш ҳамда таъмирлашни йўлга қўйиш;
◇ агротехник тадбирлар учун ажратиладиган имтиёзли кредитлар ҳисобига дрон хизматларидан фойдаланишга рухсат этиш;
◇ дрон хизматларидан фойдаланиш учун Агропортал орқали ариза топшириш, шартнома тузиш ва тўловларни амалга ошириш имкониятини яратиш;
◇ учиш баландлиги 30 метргача бўлган дронлар хизматини ваколатли идоралар билан келишилган ҳудудларда йиллик рухсатнома асосида кўрсатиш.

Мазкур чора-тадбирлар қишлоқ хўжалигида замонавий технологияларни жорий этиш орқали самарадорликни оширишга хизмат қилиши кутилмоқда.

Telegram I Facebook I YouTube I Instagram

Рақобат қўмитаси умумий овқатланиш корхоналарини ноқонуний қўшимча тўловлардан огоҳлантирди

Рақобат қўмитаси республикада фаолият юритаётган барча турдаги умумий овқатланиш корхоналарини истеъмолчилардан асоссиз равишда қўшимча тўлов ундириш ҳолатлари бўйича огоҳлантирди.

Қўмитага келиб тушаётган мурожаатларда айрим ресторан ва кафеларда таомлар нархидан ташқари 10–15 фоиз, баъзан эса 20 фоизгача хизмат ҳақи ундирилаётгани, шунингдек, олдиндан депозит маблағ талаб қилинаётгани қайд этилган.

Маълум қилинишича, Вазирлар Маҳкамасининг 75-сонли қарорига мувофиқ, умумий овқатланиш корхоналари қуйидаги турларга бўлинади:

⬛️ ресторан — юқори сифатли кулинария ва қандолатчилик маҳсулотлари ҳамда ичимликлар тақдим этадиган энг қулай умумий овқатланиш корхонаси;
⬛️ бар — тик ҳолда истеъмолчиларга ичимликлар ва закускалар билан хизмат кўрсатади, пиво, вино, коктейль ва бошқа ихтисослашган турлари мавжуд;
⬛️ кафе — турли қайноқ ва совуқ ичимликлар, қандолатчилик ва тайёрланиши осон кулинария маҳсулотларини тақдим этади;
⬛️ ошхона — нонушта, тушлик ва кечки овқатларни таъминловчи, ўз-ўзига хизмат кўрсатиш усули қўлланилади;
⬛️ буфет — чекланган турдаги ичимликлар ва таомлар билан тезкор хизмат кўрсатувчи корхона;
⬛️ кичик ошхона — осон тайёрланадиган таом ва закускалар, қайноқ ва салқин ичимликлар билан жадал хизмат кўрсатувчи корхона.

Шунингдек, “Истеъмолчиларнинг ҳуқуқларини ҳимоя қилиш тўғрисида”ги Қонун нормаларига кўра:

⬛️ истеъмолчи товар ва хизмат ҳақида тўлиқ ва тўғри маълумот олишга ҳақли;
⬛️ ижрочи хизматларни белгиланган сифат ва муддатда кўрсатиши шарт;
⬛️ истеъмолчидан кўрсатилмаган хизматлар учун ҳақ ундирилиши мумкин эмас.

Рақобат қўмитаси умумий овқатланиш корхоналаридан истеъмолчиларни мажбурий қўшимча хизматларга қисташга йўл қўймасликни ва хизмат нархи ҳамда шартлари ҳақида тўлиқ маълумот берилишини талаб қилмоқда.

⬛️ Истeъмолчилар ўз ҳуқуқлари бузилган тақдирда Рақобат қўмитасининг 1159 қисқа рақами орқали мурожаат қилишлари мумкин.

Telegram I Facebook I YouTube I Instagram

Ўзбекистоннинг барча вилоятларида автомобилдан холи ҳудудлар ташкил этилди

Ўзбекистон Республикаси Туризм қўмитаси томонидан сайёҳларга қулайликлар яратиш, уларнинг ҳар бир ҳудудда мазмунли дам олишлари ва эркин пиёда юришини ташкил этиш мақсадида маълум йўналишларда “автомобилдан холи ҳудуд”лар яратилмоқда.

Жумладан, Бухоро шаҳри тарихий марказининг Тоқи Телпакфурӯшон маданий мерос объектидан Арк қўрғони автотураргоҳигача бўлган қисмида, Андижон вилоятининг Хонобод шаҳрида, Фарғона вилоятидаги туризм намойиши объектлари – Фарғона шаҳар И.Каримов номидаги санъат саройи, “Эко шаҳар” маданий дам олиш боғи, Ахмад ал-Фарғоний истироҳат боғи, Марғилон шаҳар Е.Воҳидов номидаги истироҳат боғи, ҳамда Қўқон шаҳар Орда майдони, “Истиқлол туризм кўчаси” ҳудудлари “автомобилдан холи ҳудуд”га айлантирилди.

Шунингдек, Самарқанд тумани “Конигил” туризм қишлоғида янгидан ташкил этилган туризм объектида 2,5 км узунликдаги йўл автомобилдан холи ҳудуд сифатида фаолият олиб бормоқда. Йўлнинг кириш қисмида автомобилларни тақиқловчи йўл белгилар ўрнатилган. Регистон майдони ва Шоҳи Зинда мажмуасини боғловчи 1,5 км узунликдаги И. Каримов кўчаси ҳам автомобилдан холи ҳудуд сифатида фаолият юритмоқда.

Бундан ташқари:

✅ Қорақалпоғистон Республикаси – Нукус шаҳри «Дўстлик» дам олиш маркази ҳудудидаги «Дўстлик» канали кўчаси;
✅ Андижон вилояти – Андижон шаҳри, Истиқлол кўчаси, Ўрикзор кўчаси, Сарикуй кўчаси;
✅ Жиззах вилояти – Заргарлик МФЙ, “Синдор Ҳамроқулов” кўчаси, Ҳамид Олимжон ва Зулфияхоним музейи, Орда экологик боғи;
✅ Наманган вилояти – Оби ҳаёт МФЙ ҳудудида жойлашган У.Носир ва Лутфий кўчалари;
✅ Қашқадарё вилояти – Шаҳрисабз шаҳри Шаҳрисабз тарихий майдони, Шаҳрисабз тумани Мираки туристик маркази, Қарши шаҳри Мустақиллик кўчаси, Мустақиллик майдони ҳудуди;
✅ Сирдарё вилояти – Гулистон шаҳар Алишер Навоий кўчасининг 0,72 км қисми;
✅ Тошкент шаҳри – Миробод тумани Тарас Шевченко кўчаси;
✅ Тошкент вилояти – Тошкент йўли кўчаси (Қорасув МФЙ), Ойбек маҳалласида 1 км қисми, Ангрен шаҳар “Бунёдкор” кўчаси, Дўстлик МФЙ С.Раҳматов кўчасининг 0,9 км қисми;
✅ Навоий вилояти – Янги Ўзбекистон боғи, Маънавият ва маърифат боғи, Сармийшсой музей қўриқхонаси, Ёшлик кўли;
✅ Сурхондарё вилояти – Термиз шаҳар, Алпомиш маҳалласидики А.Навоий кўчаси (ички йўл);
✅ Хоразм вилояти – Хива шаҳрида жойлашган 24,5 гектар майдонга эга “Арда Хива” туристик мажмуаси.

Telegram I Facebook I YouTube I Instagram

Айрим ёшларнинг тўлов-контракт суммаси бир қисми қоплаб берилади

“Ёшлар дафтари” жамғармалари орқали ижтимоий ёрдам кўрсатиш тизимини янада такомиллаштириш тўғрисида”ги президент фармони қабул қилинди.

Фармонга кўра:

2026 йил 1 февралдан Камбағал оилалар реестрига киритилган оилалардаги ёшларга қуйидаги имтиёзлар берилади:

🔹 сафарбарлик чақируви резервидаги ҳарбий хизматни бепул ўташ тартиби жорий этилади ҳамда ушбу мақсад учун субсидия ажратиш тартиби бекор қилинади;

🔹 “Ёшлар дафтари” жамғармалари орқали:

▪️ автомототранспортлар ҳайдовчиларини тайёрлаш ўқув курси харажатларини қоплаш бўйича субсидия ҳайдовчилик гувоҳномасининг “А”, “B”, “D” ва “DE” тоифаларини олиш учун тўлаб берилади;

▪️ касбий ва олий таълим ташкилотлари ўқувчи-талабаларининг контракт суммаси 50 фоизгача қисми тузилган ижтимоий шартнома шартларини бажариш даражасидан келиб чиқиб тўланади ҳамда 1 ўқув йили учун БҲМнинг 50 бараваридан ошмаслиги лозим;

▪️ айни бир шахс 1 йил давомида турли ижтимоий ёрдамлардан кўпи билан 2 марта фойдаланиши мумкин.

Telegram I Facebook I YouTube I Instagram

Тошкентда чангни камайтириш учун сув сепувчи машиналар ва фавворалар ишга туширилди

Тошкент шаҳрида ҳаводаги чанг миқдорини камайтириш мақсадида сув сепувчи махсус техника ва фавворалар ишга туширилди. Бу ҳақда Экология ва иқлим ўзгариши миллий қўмитаси маълум қилди.

Қўмита маълумотига кўра, сув сепувчи машиналар йўл қопламасини намлаб туриш орқали чангни табиий тарзда чўктиради. Шунингдек, яшил ҳудудларда дарахт ва буталарни суғориш ҳаво сифатини яхшилашга хизмат қилади.

Мутасадди ташкилотларнинг таъкидлашича, мазкур чоралар июль–август ойларида шаҳар бўйлаб кузатиладиган чангланишнинг олдини олиш ва экологик барқарорликни таъминлашга қаратилган.

Telegram I Facebook I YouTube I Instagram

Чехияда қийинчиликка учраган ўзбекистонлик ватанга қайтарилди

Чехияда ҳуқуқий ва молиявий қийинчиликларга учраган ўзбекистонлик эркак Ўзбекистоннинг дипломатик ваколатхонаси кўмагида ватанга қайтарилди. Фуқаро 2017 йилда иш излаб Польша орқали Чехияга борган, бироқ биометрик паспорт муддати ўтиб кетгани сабаб мамлакатда ҳуқуқий нокулай аҳволга тушган. У элчихонанинг консуллик бўлимига мурожаат қилганидан сўнг ватанга юборилди.

Telegram I Facebook I YouTube I Instagram

Андижонда нарколаборатория топилди

Андижонда Давлат хавфсизлик хизмати ва Ички ишлар органлари томонидан ўтказилган рейдда 1987 йилда туғилган фуқаро уйида ноқонуний наркотик лабораторияси ташкил қилгани учун қўлга олинди. Тинтув вақтида «гашиш», кристалл кўринишидаги синтетик модда, «Тропикамид», хом-ашё, махсус идишлар, зип-пакетлар, 4 та телефон ва ноутбук далил сифатида олинди.

Ноутбукдан Telegram-ботлар орқали модда савдоси қилингани ҳамда уй шароитида лаборатория ташкил қилиш бўйича қўлланмалар мавжудлиги аниқланди. Фуқарога нисбатан Жиноят кодексининг 273-моддаси 2-қисми билан иш қўзғатилиб, қамоққа олинди.

Telegram I Facebook I YouTube I Instagram

Ўзбекистон президенти Хитой ташқи ишлар вазирини қабул қилди

Ўзбекистон Республикаси президенти Шавкат Мирзиёев 21 ноябрь куни мамлакатимизга стратегик мулоқот йиғилишида иштирок этиш учун келган Хитой Халқ Республикаси Коммунистик партияси МҚ Сиёсий бюроси аъзоси, Ташқи ишлар бўйича комиссия девони раҳбари, ташқи ишлар вазири Ван И бошчилигидаги делегацияни қабул қилди.

Учрашувда Ўзбекистон ва Хитой ўртасидаги ҳар томонлама стратегик шерикликни янада мустаҳкамлаш, кўп қиррали ҳамкорликни кенгайтириш ва олий даражадаги келишувларни амалга ошириш масалалари муҳокама этилди. Ван И президентга Хитой Раҳбари Си Цзиньпиннинг самимий саломи ва тилакларини етказди.

Икки мамлакат ўртасидаги савдо ҳажми 14 млрд долларга етгани, қўшма корхоналар сони қарийб 5 минг тупта экани, йил бошидан буён 15 млрд долларлик Хитой инвестицияси ўзлаштирилгани қайд этилди. Технологик шериклик портфели эса 90 млрд долларга яқинлашди.

Юқори технологиялар, “яшил” ва атом энергетикаси, сунъий интеллект, транспорт, қишлоқ хўжалиги, инфратузилма ва бошқа соҳаларда ҳамкорликни чуқурлаштириш муҳимлиги таъкидланди. Шунингдек, “Хитой – Қирғизистон – Ўзбекистон” темир йўли лойиҳасини жадал амалга ошириш зарурлиги қайд этилди.

Томонлар Афғонистонни тиклаш, хавфсизлик, таълим, туризм, маданий-гуманитар алмашинувлар ва камбағалликка қарши курашиш каби йўналишларда ҳамкорликни давом эттиришга келишиб олди. Ноябрь ойи охирида Ўзбекистонда Хитой маданияти кунларини ўтказишга ишонч билдирилди.

Учрашувда халқаро ва минтақавий кун тартибидаги масалалар юзасидан ҳам фикр алмашилди.

Telegram I Facebook I YouTube I Instagram

Ёшлар дафтаридаги ўзгаришлар..

2026 йил 1 февралдан бошлаб ёрдам ижтимоий шартнома асосида берилади

Telegram I Facebook I YouTube I Instagram

⚡️Севги тарихи фожиа билан якунланди: Олимбоевалар оиласини чув туширган куёв 9 йилга қамалди

Мирзо Улуғбек туман судида 1997 йилда Тошкентда туғилган, аввал судланмаган Ш.Р.га оид жиноий иш бўйича очиқ суд жараёни якунига етди. Суд ҳукмига кўра, у Жиноят кодексининг 168-моддаси, 4-қисми «а» банди (кўп миқдордаги фирибгарлик) бўйича айбли деб топилди.

Суд Ш.Р.га 9 йил муддатга озодликдан маҳрум қилиш жазоси тайинлади. Жазо умумий тартибли колонияда ўталиши белгиланган.
Шунингдек, айбланувчидан жабрланувчилар фойдасига етказилган моддий зарар ундирилади:

Ж.Ю. фойдасига — 3 448 701 208 сўм
С.С. фойдасига — 925 769 852 сўм
Ж.А. фойдасига — 464 672 126 сўм

Суд, шунингдек, Тошкент шаҳри Шайхонтоҳур тумани «Катта Оқтепа» МФЙдаги Оқтепа кўчаси 5А/3,4-уй бўйича тузилган олди-сотди шартномаларини бекор қилиш масаласи фуқаролик тартибида судга мурожаат қилиш орқали ҳал этилиши мумкин.

Эълон қилинган ҳукмдан норози томонлар қонунда белгиланган тартибда ва муддатда Тошкент шаҳар судининг жиноят ишлари бўйича судлов ҳайъатига апелляция ёки кассация шикояти киритишга ҳақли.

Суднинг алоҳида ажримига кўра, ушбу жиноят иши бўйича бошқа шахсларга нисбатан жиноий иш қўзғатиш масаласи юзасидан тегишли материаллар Мирзо Улуғбек туман прокуратурасига юборилган. Мазкур ажримдан норози бўлган томонлар уни 10 кун ичида апелляция инстанциясига шикоят қилиши мумкин.

Telegram I Facebook I YouTube I Instagram

Уй-жой ва ипотека бозори барқарор ривожлантирилади

“Ўзбекистон Республикасида уй-жой ва ипотека бозорини барқарор ривожлантириш чора-тадбирлари тўғрисида”ги президент фармони қабул қилинди.

Фармонга кўра, қуйидагилар уй-жой соҳасини барқарор ва мувозанатли ривожлантиришнинг асосий устувор йўналишлари этиб белгиланди, жумладан:

🔹 “Янги Ўзбекистон” массивларини барпо этиш ишларини изчил давом эттирган ҳолда уй-жой фондида замонавий уй-жойлар улушини 2040 йилга қадар 50 фоизга етказиш;

🔹 уй-жой қурилиши соҳасини “Уй-жойнинг ягона ҳаётий цикли” тамойили асосида комплекс ислоҳ қилиш ва уни амалга оширишдаги тўсиқларни бартараф этиш.

Фармонга кўра, қуриб битказилмаган уй-жойларни биринчи навбатда қурилишга жалб этиш, шунингдек, экологик тоза маҳсулотлардан фойдаланиб уй-жой инфратузилмасини олдиндан барпо этишни назарда тутадиган комплекс қурилиш тамойили асосида уй-жойлар қурилишини ташкил этиш тартиби жорий этилади.

Комплекс қурилиш тамойили доирасида қуйидагилар таъминланади, жумладан:

🔸 комплекс қурилиш дастурларини фақат очиқ ва батафсил ишлаб чиқилган режалар асосида тайёрлаш;

🔸 лойиҳаларни амалга оширишда ҳудудларнинг келгусидаги ижтимоий эҳтиёжларини инобатга олувчи комплекс ёндашувдан фойдаланиш.

Telegram I Facebook I YouTube I Instagram

Урбанизация ва уй-жой бозорини барқарор ривожлантириш миллий қўмитаси ташкил этилади

“Ўзбекистон Республикасида уй-жой ва ипотека бозорини барқарор ривожлантириш чора-тадбирлари тўғрисида”ги президент фармони қабул қилинди. Фармонга кўра Ўзбекистон Республикаси Урбанизация ва уй-жой бозорини барқарор ривожлантириш миллий қўмитаси ташкил этилади.

Миллий қўмита урбанизация жараёнлари, уй-жой қурилиши, реновация ва ипотека соҳасида давлат сиёсатини амалга ошириш бўйича ваколатли давлат органидир.

Қуйидагилар Миллий қўмита фаолиятининг устувор йўналишлари этиб белгиланди:

🔹 урбанизация жараёнларини мувофиқлаштириш ва ривожлантириш;

🔹 самарали ва барқарор уй-жой сиёсатини ишлаб чиқиш ҳамда амалга ошириш;

🔹 реновация дастурларини самарали амалга оширишни таъминлаш;

🔹 “Янги Ўзбекистон” массивларини қуриш ишларини мувофиқлаштириш, шу жумладан, ҳудудларни танлашда қонунчилик билан белгиланган мезонлар ва урбанизация тамойилларига риоя этилишини таъминлаш.

Telegram I Facebook I YouTube I Instagram

"Ўзбекистон, Қирғизистон, Туркманистон, Тожикистон ва Қозоғистон дипломларини ўзаро тўғридан-тўғри тан олиш бўйича халқаро шартнома мавжуд эмас" – Билимни баҳолаш агентлиги

Ижтимоий тармоқларда Қирғизистон, Туркманистон, Тожикистон ва Ўзбекистон давлатлари томонидан берилган таълим тўғрисидаги дипломлар мазкур давлатлар ҳудудида тўғридан-тўғри тан олиниши ҳақида тасдиқланмаган маълумотлар тарқатилмоқда.

Билим ва малакаларни баҳолаш агентлиги ушбу ҳолат юзасидан қуйидагиларни маълум қилади:

Ўзбекистон Республикасида хорижий давлатларда берилган таълим тўғрисидаги дипломларни тан олиш Ўзбекистон Республикасининг “Таълим тўғрисида”ги Қонуни ҳамда Вазирлар Маҳкамасининг 2019 йил 24 июлдаги 620-сон қарори билан тасдиқланган “Хорижий давлатларда таълим олганлик тўғрисидаги ҳужжатларни тан олиш тартиби ҳақида”ги Низом асосида амалга оширилади. Ушбу Низомда Ўзбекистон ҳудудида тўғридан-тўғри тан олинадиган хорижий давлатлар томонидан берилган таълим ҳужжатлари тоифалари аниқ белгиланган.

Маълум қилинишича, ҳозирги кунда Ўзбекистон, Қирғизистон, Туркманистон, Тожикистон ва Қозоғистон ўртасида дипломларни ўзаро тан олиш тўғрисида халқаро шартнома мавжуд эмас. Шу сабабли мазкур давлатларда хорижий давлатлардан олинган дипломларни тан олиш ҳар бир давлатнинг миллий қонунчилиги асосида амалга оширилади.

Telegram I Facebook I YouTube I Instagram

Туризм қўмитаси фаолияти ташкил этилади

“Ўзбекистон Республикаси Туризм қўмитаси фаолиятини ташкил этиш ва туризм соҳасини жадал ривожлантириш чора-тадбирлари тўғрисида”ги президент қарори қабул қилинди.

Қарорга кўра, 2030 йилгача туризм соҳасини ривожлантиришнинг асосий мақсадлари этиб қуйидагилар белгиланди:

🔹 туризм соҳасининг ялпи ички маҳсулотдаги улушини амалдаги 3,5 фоиздан 7 фоизгача етказиш;

🔹 чет эллик туристларнинг йиллик сонини амалдаги 10 млндан 20 млнгача етказиш.

Ўзбекистон Республикаси Туризм қўмитаси туризм соҳасини тартибга солиш ва ривожлантириш бўйича давлат сиёсатини амалга оширувчи республика ижро этувчи ҳокимият органи ҳисобланади.

2026–2028 йилларда қуйидаги лойиҳа ва чора-тадбирлар амалга оширилади:

🔸 Самарқанд шаҳридаги энг муҳим тарихий объектларни боғловчи 6,6 км узунликдаги туристик маршрутни ташкил этиш бўйича “Самарқанднинг мерос йўли” лойиҳаси;

🔸 Хива шаҳридаги Ичан-қалъа мажмуасини жаҳонда ягона бўлган иммерсив ва “ақлли” музей-шаҳарга айлантириш.

Telegram I Facebook I YouTube I Instagram

Россиядан ноқонуний олиб келинаётган тиббий буюм ва дори воситалари мусодара қилинди

Давлат хавфсизлик хизмати Чегара қўшинлари ҳарбий хизматчилари томонидан божхона идоралари билан ҳамкорликда товар-моддий бойликларнинг ноқонуний айланмасига қарши қаратилган тезкор тадбир ўтказилди.

“Волгоград — Тошкент” йўналишида ҳаракатланган поезд “Қорақалпоғистон – темир йўл” халқаро ўтказиш пунктида текширувдан ўтказилди. Текширув давомида 7-вагон кузатувчиси — Самарқанд шаҳрида яшовчи, 1981 йилда туғилган шахс томонидан вагоннинг ҳаво айлантириш шахтасига яширилган тахминан 913 миллион сўмлик 30 турдаги 2742 дона стоматологик буюмлар, имплантлар ва ускуналар аниқланиб, расмий тартибда олинди.

Шунингдек, поезднинг 12-вагонида ҳам шунга ўхшаш ҳолат қайд этилди. Вагон кузатувчиси — Тошкент шаҳрида яшовчи, 1976 йилда туғилган фуқаро томонидан божхона кўригидан яширин тарзда олиб кирилган тахминан 1,5 миллиард сўмлик 12 турдаги жами 894 дона дори воситалари ва тиббий анжомлар ашёвий далил сифатида мусодара қилинди.

Маълум бўлишича, ушбу шахслар моддий манфаат эвазига тиббий буюм ва дори воситаларини Тошкент шаҳрига етказиб беришни режалаштирган.

Айни пайтда воқеа юзасидан суриштирув ишлари олиб борилмоқда.

Telegram I Facebook I YouTube I Instagram

Дафн этиш ишларини рўйхатга олиш рақамлаштирилади

“Дафн этиш ишларини ташкил этиш ва ҳисобини юритиш тизимини такомиллаштириш ҳамда соҳада самарали назорат қилиш механизмларини жорий этиш чора-тадбирлари тўғрисида”ги Ҳукумат қарори қабул қилинди.

Қарорга кўра, вафот этган шахсларни дафн этишга рухсат бериш ва рўйхатга олишни рақамлаштириш, мазкур ишларни электрон ахборот тизими орқали мониторинг қилишга қаратилган янги электрон хизматлар жорий қилинади.

2026 йил 1 июнга қадар “ФҲДЁнинг ягона электрон архиви” ахборот тизимининг “Дафн этиш ишларини рўйхатга олиш ягона электрон дафтари” модули ва унинг мобиль иловаси ишлаб чиқилади.

2026 йил 1 мартдан вафот этган шахснинг ўлими қайд этилгандан сўнг унинг эри (хотини), ота-онаси, фарзандларининг ЯИДХП (my.gov.uz) даги шахсий кабинетига ўлим қайд этилгани ҳақида QR-кодли маълумотнома бепул юборилади.

Ушбу QR-код туширилган маълумотнома гербли гувоҳномага тенглаштирилади.

2026 йил 1 июлдан 31 декабргача Тошкент шаҳрида эксперимент тариқасида дафн этиш ишларини амалга оширишнинг қуйидаги тартиби жорий этилади:

🔹 қабристон мудири (назоратчиси) томонидан вафот этган шахсларни дафн этишга рухсат бериш фақат электрон модуль ёки унинг мобиль иловасидан фойдаланган ҳолда амалга оширилади;

🔹 қабристон мудирлари (назоратчилари) томонидан дафн этиш ишларини рўйхатдан ўтказишни қоғоз шаклида юритиш тартиби бекор қилинади.

Telegram I Facebook I YouTube I Instagram

Манзил колонияга пресс-тур: маҳкумлар қандай меҳнат қилади ва даромад топади?

Бугун, 21 ноябрь куни Ички ишлар вазирлиги ҳузуридаги Жазони ижро этиш департаменти фаолиятига бағишланган пресс-тур ўтказилди. Журналистлар Зангиота туманида жойлашган Жазони ижро этиш департаменти ҳузуридаги 42-сон манзил колонияси фаолияти билан яқиндан таништирилди. Тадбирда Effect.uz таҳририяти ходимлари ҳам иштирок этди.

Бу ерда маҳкумлар учун яратилган шароитлар, меҳнат ва таълим имкониятлари, шунингдек, қайта ижтимоийлашувга қаратилган лойиҳалар ҳақида батафсил маълумот берилди.

Маълум қилинишича, колонияда жазони ўтаётган маҳкумлар қатор йўналишларда — чорвачилик, иссиқхоначилик, деҳқончилик, шунингдек асаларичилик билан шуғулланади. Улар етиштирган маҳсулотлар орқали даромад топиб, ҳалол меҳнати билан оиласига молиявий ёрдам бериш имконига эга.

Мутахассисларга кўра, бундай имкониятлар маҳкумларнинг қайта тарбияланиши, жамиятга мослашуви ва келгуси ҳаётида мустақил меҳнат қилиш кўникмаларини шакллантиришда муҳим аҳамиятга эга.

Манзил колониядаги танишув якунланганидан сўнг, пресс-тур қатнашчилари Жазони ижро этиш департаменти биносида ташкил этилган матбуот анжуманига таклиф этилди. Анжуманда тизимда амалга оширилаётган ислоҳотлар, мавжуд муаммолар ва уларни ҳал қилиш юзасидан олиб борилаётган ишлар ҳақидаги саволларга жавоб берилди.

Telegram I Facebook I YouTube I Instagram

Тошкентда келин ва унинг оиласини алдаб, уларнинг ҳовлисини фирибгарлик йўли билан сотган Шаҳзод Рисматов 9 йилга озодликдан маҳрум этилди

📂Суд уни Жиноят кодексининг 168-моддаси 4-қисми “а” банди бўйича айбли деб топиб, жабрланувчиларга етказилган зарарни қоплаш мажбуриятини юклади. Шайхонтоҳур туманидаги “Катта Оқтепа” МФЙдаги уйга оид олди-сотди шартномаларини бекор қилиш масаласи фуқаролик тартибида кўриб чиқилади. Суднинг алоҳида ажримига асосан, блогер Реал Санжик (Санжар Каримов)нинг ишдаги иштироки бўйича материаллар прокуратурага юборилди.

БАТАФСИЛ — ВИДЕОДА

Қамоқдан қочиб, 3 синф қизни зўрлаган маҳкум воқеаси: Бу барчага дарс бўлиши керак!

Аввалроқ, Оҳангарондаги 50-сонли манзил колониядан қочган фарғоналик маҳкум 3-синф қизни зўрлагани тўғрисидаги хабар жамоатчиликда кескин эътирозларга сабаб бўлган. Эътиборлиси, у аввалроқ худди шундай қилмиши учун 16 йилга қамалганди.

Ички ишлар вазирлиги ҳузуридаги Жазони ижро этиш департаментининг фаолиятига бағишланган пресс-турда ўтказилган матбуот анжуманида Effect.uz раҳбари Акмал Эшонхонов ЖИЭД бошлиғи ўринбосари Отабек Сатимбаевга юзланиб, маҳкумнинг айнан шундай разил ҳаракатни содир этишининг олдини ололмаган ходимларнинг кейинги тақдири ҳақида савол берди.

«Бу ишни ҳеч қандай йўл билан оқлаб бўлмайди. Воқеа содир бўлган кун бўйича прокуратура хизмат текшируви тайинлади. Назоратни амалга ошира олмаган ходимлар ишдан олиниб, унинг раҳбарларига нисбатан кескин интизомий чоралар қўлланилган. Бу ҳамма учун дарс бўлиши керак», дейди Сатимбаев.

Маълумот учун, 16 октябрь куни Оҳангаронда вояга етмаган шахсга нисбатан жинсий зўравонлик аломатлари бўйича жиноят иши қўзғатилган. У шу куннинг ўзида процессуал тартибда ушланган ва унга нисбатан “қамоқ“ эҳтиёт чораси қўлланилган. Тергов ҳаракатлари олиб борилмоқда.

Telegram I Facebook I YouTube I Instagram